تقبلون ترتبطون بشخص اقل منكم ماديا ؟؟

حبيبتي انا مو عارفه عم تسألينى عن الموضوع وانتي مخلصه الموضوع وحاطة بتوقيعك يوم عرسك!!!! ولا انتي بدك تفسخي ولا شو بالزبط؟؟؟؟؟؟؟؟؟فهمينى؟؟؟؟

وافقي اختي الفلوس تروح وتجي بس الحب والتفاهم ما تلاقيهـ مع اي شخص

شوفي اختي هذا زواج مش لعبه
انتي تقولين انج اقتنعتي فيه وبكل شي عيل شنو اللي خلاج تترددين
انا ما اقول انه الفلوس مومهمه لأنه بخاطرج كل شي تشترين
انا نفس موقفج بس الفرق اني ماخذته عن حب
صج اول سنتين عانيت وياه بس الحمدلله بالسنه الثالثه تعدل حالنا
لأنه رضيت بالمقسوم مثل ما يقولون
يعني صرت عادي ما افكر مثل ما كنت افكر ببيت اهلي
اطلع والبس وغيره لا ما افكر بهالشي اساسا
والحمدلله عايشين ويا بعض على احسن حال
صج الراتب مو ذاك الزود ويالله يكفينا بس الحمدلله
راضيه .. ما تدرين الله بيرزقج بعدين فـ لا تحطين المادة فوق كل شي

الله يوفقج انشالله
والبنات كفوا ووفوا :)

صراحه بعطيج تجربتي إلي مماثله لتجربتج...
بالنسبه للمستوى المادي تراه مهم جدا و خصوصا إذا أنتي وحده حاطه هذا الشيء في قائمة أولوياتج و تراه مب حرام و لا عيب و الدليل رسولنا عليه أفضل الصلاة و السلام لما حط المال أنه ممكن يكون جزء من الاختيار بس يكون مرتبط بالاخلاق طبعا..إلي مبين من كلامج أن المال هو مهم واايد عندج و انا نفسج كان المال مهم عندي..بس الله راد أن أتزوج أنسان ما عليه غبار في أخلاقه و شخصيته بس مستواه أقل من مستواي المادي...طبعا بكل صراحه عشت حياة من الحرمان و الظيج و تعلمت كيف أتقشف في النفقه و كنت في وايد مرات أصرف على عمري من راتبي إلي كان مش مكفيني لأني كنت أصرف على البيت بعد و السبب أن ريلي كان مديون من مهري و عرسي..يعني تعبت و ذقت المر و حتى كانت مشاكلنا أغلبها بسبب النفقه و خصوصا زوجي كان أنسان حساس في الفلوس لأبعد الحدود..بقولج قصه لين أحين ما أنساها و لا راح أنساها لأنها أثرت فيني وااااااااااااايد....لما يبت بنتي الأولى كنت أحب أدلعها و ألبسها الحلو و الغالي و طبعا كان كله من راتبي..و لما جاء أول عيد لها قلت لازم زوجي يدفع للبسها عشان يتعلم يصرف على بنته و عشان يحس أنه هو مسؤول عنها..فدفع إلي يقدر عليه طبعا مب فوق طاقته و أنا رحت و اشتريتلها لبس ماركه و كان غالي يعني دفعت الباجي من فلوسي..لما رجعت البيت و شاف اللبس عجبه و استانس بس شاف الفاتوره راح و عصب و اتنرفز و يعق كلام جرحني لأني دفعت من فلوسي و ما اكتفيت بالفلوس إلي عطاني يعني هو حز في نفسه و حس أنه مجروح و مب قادر يعيشني و بنتي بالمستوى إلي أنا أبغيه و طبيعة زوجي إنه لو ما قدر يلبي طلباتي يزعل ويظايج..

بس الحمد لله أحين بعد 4 سنوات و ظعنا وااااااااااااااااااااااااااااااااااااااااااااااااااااااااااااايد تحسن و قدر يرد ديونه و ترقى في شغله صار راتبه أكثر من الظعف و أنا بعد غيرت و ظيفتي لوظيفه راتبها أكثر بس كله بالصبر و الدعاء و الله الرزاق و الله أنه قدر يوفرلي أشياء أنا ما كنت احلم فيها

و الحين يقولي بعوظلج الشبكه إلي كان ماخذلي إياها بشبكه ألماس و غاليه يوم بيحصل فلوس يعني الريال شارني و هدفه رظاي و بس..الحمد الله على كل شيء إلي عطاني ريال يحبني و يرظيني بكل ما يقدر عليه و هذا يعوظني كنوز الدنيا و مافيها

بس هني القرار عائد لج...هل بتتحملين مرارة العيش و الله بيفرج عليج ولا ما بتتحملين و تفظلين أن الريال مستواه المادي يكون عالي من البدايه؟؟؟ هي السالفه كلها على الصبر يعني إذا ممكن تصبرين و توقفين معاه و تدعين الله أن يرزقه و طبعا لج أجر فلا ترفظينه لكن إذا حسيتي أنج ما تقدرين و راح يسبب هذا مشاكل بينج و بينه و ممكن تخسرينه و تخسرين دينج فلا تاخذينه

مشكورين بنات


تسلمون


بشاور الوالده واجوف شيصير

غاليتي ...

اذا تحسين انج تقدرين تتاقلمين مع الحياة و المستوى الجديد لا تردين الولد عشان اختلاف في المستوى بين اهلك و بينه ...

ما تدرين بكره تتغير الامور و الاوضاع ...

حبيبتي على الاقل اللي متقدم لج انسان جامعي و منج و فيج بحريني صح ؟؟؟!!!

شتقولين عن اللي تاخذ ليها يمني و الا بتان و الا باكستاني و الا غيره ؟؟!!

اختي حمدي ربج و شكريه ان اللي تقدم لج جامعي و مستعد يسوي لج اللي تبغينه و تتمنينه

و الله اختي كاسر خاطري لو يوصل له الكلام اللي كتبتيه اهني عنه و هو مستعد يسوي لج اللي تبينه احسج بتجرحينه لا ..

بالتوفيق حبوبة

انا اشوووف عادي اذا ماكان الفرق واااايد كبير ..

خصوصا انج وحيدة هلج ومدلعة ..

ويبين ع الريال انه شاريج ويبي يوفر لج كل شي عشان ماتحسين بالفرق ..

اممممم وسالفة السكن اذا ماعنده مانع يسكن في بيتكم عادي ..

لان محد عندكم فالبيت .. بس اهم شي ماتبينين له لان مستواج اعلى ..

قولي له صعبة علي اترك امي وابوي واني متعودة ع الوضع .. اذا وافق زين

بس ترا الفلوس مو كل شي وماتدرين يمكن حالة يتغير فالسنوات القادمة ويصير مستواه المادي عااالي ..

بس انتي اذا تبينه وتحبينه لاتبينين له عن الفروقات اللي بينكم من الناحية المادية لان بيحط على نفسه ديون من البداية ..

مجـد;12332648:

ما حبيتها منج أبد ، ولا توقعتها من أمج إنها تتضايق على هالأمور الجانبية ..!
وما كنت أتمنى تقيمين الرجل بفلوسه ومستواه المادي ،
الرجال يتقيّمون على دينهم وأخلاقهم وصلاحهم وتحملهم المسؤولية ، ما يتقيّمون على رصيدهم البنكي ومستواهم المادي ،
يا ما رجال رصيدهم البنكي مليان ، لكن رصيدهم الديني والخلقي فارغ ،
ويا ما رجال لباسهم ماركات وبيوتهم قصور ، لكنهم فارغين تافهين خاويين فكرياً وعديمين تحمّل المسؤولية ،
عموماً ،،
الأهل يشترون لبنتهم الرجل الطيب بغض النظر عن رصيده البنكي ومستواه المادي ،
يقول الله تبارك وتعالى :
" وفي السماء رزقكم وما توعدون "
ويقول الذي لا ينطق عن الهوى : " من أتاكم من ترضون دينه وخلقه فـ زوّجوه " ،
الرسول قال : دينه وخلقه ، ما قال رصيده البنكي ومستواه المادي ،
وما تدرين أختي ، تاخذينه على قد حاله الحين ، وعقب الله يفتح له أبواب واسعة من الرزق ، ما تدرين ،
يمكن تكونين قدم خير عليه ،
وبعدين ،
لما تقدم لج الرجل ، إنتو ما سألتوا عنه ؟؟؟
ولما سألتوا عنه ، أكيد عارفين مستواهم المادي والاجتماعي ،، عدل ؟؟؟
طيب ليش ،، عقب الملجة رديتي بكلامج وقعدتي تفكرين بالأمور المادية ؟؟؟؟
أتمنى تراجعين نفسج ، وتعيدين التفكير بالأساس اللي تقيّمين عليه الناس ،
وصلي صلاة استخارة ،
وعسى الله يهديج ويوفقج وييسر كل أمورج ياااااا رب ،،
F:

ماشااء الله ردج عجبني وماعليه غبار F:

ما حبيتها منج أبد ، ولا توقعتها من أمج إنها تتضايق على هالأمور الجانبية ..!
وما كنت أتمنى تقيمين الرجل بفلوسه ومستواه المادي ،
الرجال يتقيّمون على دينهم وأخلاقهم وصلاحهم وتحملهم المسؤولية ، ما يتقيّمون على رصيدهم البنكي ومستواهم المادي ،
يا ما رجال رصيدهم البنكي مليان ، لكن رصيدهم الديني والخلقي فارغ ،
ويا ما رجال لباسهم ماركات وبيوتهم قصور ، لكنهم فارغين تافهين خاويين فكرياً وعديمين تحمّل المسؤولية ،
عموماً ،،
الأهل يشترون لبنتهم الرجل الطيب بغض النظر عن رصيده البنكي ومستواه المادي ،
يقول الله تبارك وتعالى :
" وفي السماء رزقكم وما توعدون "
ويقول الذي لا ينطق عن الهوى : " من أتاكم من ترضون دينه وخلقه فـ زوّجوه " ،
الرسول قال : دينه وخلقه ، ما قال رصيده البنكي ومستواه المادي ،
وما تدرين أختي ، تاخذينه على قد حاله الحين ، وعقب الله يفتح له أبواب واسعة من الرزق ، ما تدرين ،
يمكن تكونين قدم خير عليه ،
وبعدين ،
لما تقدم لج الرجل ، إنتو ما سألتوا عنه ؟؟؟
ولما سألتوا عنه ، أكيد عارفين مستواهم المادي والاجتماعي ،، عدل ؟؟؟
طيب ليش ،، عقب الملجة رديتي بكلامج وقعدتي تفكرين بالأمور المادية ؟؟؟؟
أتمنى تراجعين نفسج ، وتعيدين التفكير بالأساس اللي تقيّمين عليه الناس ،
وصلي صلاة استخارة ،
وعسى الله يهديج ويوفقج وييسر كل أمورج ياااااا رب ،،
F:

انا رايي ويا الاخت

واضيف انه البنت لمن تروح بيت زوجها لازم تتاقلم على العيشه وياه مو على العيشه يوم كانت في بيتهم
ولازم تتخلين عن بعض الاشياء لانه بتكون عندج التزامات وبيت لازم في اشياء تتقاضين عنها
وتبدون حياتكم وانتو تكونون نفسكم
خذوهم فقراء يغنيهم الله :)

تخيلي ..

تقدملك انسان وضعه المادي ممتاز..

احسن من وضعكم مية مرة..

ثم بعد الزواج انهار عمله تماما..

وصار وضعه المادي سيء جدا..

كيف تتصرفي..تطلقيه..

اختي ما فيه شي مضمون واللي اليوم غني بكرة ممكن يكون فقير والعكس صحيح..

احنا تعلمنا نحكم على الرجل بصفاته وخصاله مش بجيبه ولا بمستواه المادي..

اسمحيلي لكن والله صدمني تفكيرك..

الغنى غنى الاخلاق يا اختي مش غنى المال..

هدا اللي اقدر اقولهولك..

وانا شخصيا وضعي المادي ممتاز جدا..

بيتنا افخم من بيت خطيبي..وسيارتي احسن من سيارته..

وكل شي احسن..

لكن عمري ما فكرت بهد الطريقة..

اول مرة صدقيني اول مرة انتبه لموضوع المستوى وانا اكتبهولك..

خطيبي عم يبني حياته..وانا رح اكون معاه في الحلوة والمرة..وان شاء الله كل واحد يعيش مثل ما ربي كاتبله..

والمهم انك تقدري تأمني نفسك مع هدا الرجل..وتعرفي انك مارح تخافي على نفسك وانتي معه..

وتعرفي ان فيه من الرجولة والشهامة ما تكفي لتعيشي بكرامة..

اعيدي التفكير اختي..

وخدي نصيحة مني..

لا تشوفي ابدا ابدا ابدا الوضع المادي لاي انسان ولا حتى لنفسك..

وخلي المال وسيلة للعيش فقط لا اكثر ولا اقل..

بالتوفيق..

ايام وليالي;12333055:

توكلي على الله والف مبروك ,,, :thumbs_up:

اهم شيء بعد الزواج لاتقارني نفسك بغيرك,,, واذا قصر معاك بالماديات تذكري انه الحمدلله غني بالاخلاق وانه اللي عندك ما عند غيرك من الناس,,, اهم شيء المودة والرحمة والحب .:072:

F:الله يوفقك في حياتك يارب ويسخر لك زوجك F:F:ويرزقك الذرية الصالحةF:

انا مع الاخت وكل شئ قسمه ونصيب من عند الله تعاااااااااالى
توكلى على الله الحى الذي لايموووت
صلي استخااره وربي يقدم اللي فيه الخير:L:

زوجي اقل من اهلي بالمستوى المادي بكثييييييييير
والحمدلله التفاهم والاحترام هم اللي يبنون اسرة مو الماده
واذا يحبك ما بيقصر عنك بشي
والتضحيه مطلوبه ^_^

اذا تحسين نفسج تحتاجين فلوس اكثر من طاقته ..

لا ترتبطين فيه... حرام تظلمينه .. اما اذا تقدرين تتحملين حالته المادية وتعيشين على قد راتبه اوكي ..

وخلي هالكلام في بالج عدل ترا بتصير مشاكل اذا انتي من النوع الي تحبين تصرفين وتكشخين ..

انا من رايي

مبين الريال شاريج ومستعد يسوي أي شئ عشان ترضين فيه

وترى فهالزمن مافي من هالنوع رياييل

وماراح تظمنين اذا ماوافقتي عليه بييج ريال مثله

اهوا صج مب في مستواكم بس ماتدرين شنو مخبي لج المستقبل يمكن يحصل وظيفه براتب عالي

انا اقول مافي سبب انج ترفضينه توكلي على الله

مجـد;12332648:

ما حبيتها منج أبد ، ولا توقعتها من أمج إنها تتضايق على هالأمور الجانبية ..!
وما كنت أتمنى تقيمين الرجل بفلوسه ومستواه المادي ،
الرجال يتقيّمون على دينهم وأخلاقهم وصلاحهم وتحملهم المسؤولية ، ما يتقيّمون على رصيدهم البنكي ومستواهم المادي ،
يا ما رجال رصيدهم البنكي مليان ، لكن رصيدهم الديني والخلقي فارغ ،
ويا ما رجال لباسهم ماركات وبيوتهم قصور ، لكنهم فارغين تافهين خاويين فكرياً وعديمين تحمّل المسؤولية ،
عموماً ،،
الأهل يشترون لبنتهم الرجل الطيب بغض النظر عن رصيده البنكي ومستواه المادي ،
يقول الله تبارك وتعالى :
" وفي السماء رزقكم وما توعدون "
ويقول الذي لا ينطق عن الهوى : " من أتاكم من ترضون دينه وخلقه فـ زوّجوه " ،
الرسول قال : دينه وخلقه ، ما قال رصيده البنكي ومستواه المادي ،
وما تدرين أختي ، تاخذينه على قد حاله الحين ، وعقب الله يفتح له أبواب واسعة من الرزق ، ما تدرين ،
يمكن تكونين قدم خير عليه ،
وبعدين ،
لما تقدم لج الرجل ، إنتو ما سألتوا عنه ؟؟؟
ولما سألتوا عنه ، أكيد عارفين مستواهم المادي والاجتماعي ،، عدل ؟؟؟
طيب ليش ،، عقب الملجة رديتي بكلامج وقعدتي تفكرين بالأمور المادية ؟؟؟؟
أتمنى تراجعين نفسج ، وتعيدين التفكير بالأساس اللي تقيّمين عليه الناس ،
وصلي صلاة استخارة ،
وعسى الله يهديج ويوفقج وييسر كل أمورج ياااااا رب ،،
F:

نفس الراي :thumbs_up: