تقبلون ترتبطون بشخص اقل منكم ماديا ؟؟

اول شي عشان تعرفي تفكري صح شيلي من راسك مقارنتك بصديقاتك،،خلي مركزة بوضعك انتي بس.

شوفي هل الوضع المادي بينكم فيه فرق كبير او فرق بسيط،،،يعني درجة واضحة او درجة بسيطة ممكن تتغطى اذا مرتبه كويس.

كمان شوفي هل الفرق في الوضع المادي عامل فرق فكري و ثقافي، يعني بغض النظر عن المادة، في انسجام بينكم او لا.

بس ما دام متعلم و جامعي راتبه لا بأس به و السن مناسب، فاعتقد ان وضع اسرته المادي مش معقد مرة و الا ما كانو خطبوا بنت من اسرة غنية مثلك.

ان شاء الله موفٌقة يا رب

الاخوات ماقصروا بس انا بقول لج الزبدة

الولد عرفتيه وعرفتي وضعه اذا لما الحين مترددة عشان الناحية المادية
أنا اقول لج بالصوت المسموع
اذا انتي مو قدها لاتظلمين نفسج ولاتظلمينه وياااج

الحياة وخصوصا الزوجية ماينظرون لها من هالزاوية كأساس
وتبين من الأخير عشان ترتاحين الوحده تختار شريك حياتها عشان نفسه مو عشان ماله
وترى الانسان قدرات اذا تحسين هالشئ من أولوياتج لاترهقين نفسج بالتفكير وأرفضي

والله يسهل لج امورج

الف شك الى كل الاخوات الى ردوا علي

اختى الى قالت انه فكلرت في هالامور بعد الملكه لا كتب الكتلب للحين ما صار الوالده ماجله الموضوع شوي

بالنسبه للماديات انه ما فكرت فيها وايد بس لو كان الشي بسيط مو مشكله

بس لو كانت فرق وايد ما بقبل

ولله يقدم الى فيه الخير والصلاح


حلم

انه مو موضوع افكر في هالناحيه الى فتح عيوني الى هالموضوع امي!!!

تقول لي هو يدري انه عند اهلنا المهر هالكثر!! قلت لها مادري ما قلت له تقول لي قولي له انه اهلي متعارف عندهم هالكثر المهر!! قلت لها استحى اقول له تعال ابي هالكثر مهر تقولي قولي احسن عشان ما ينصدمون :-o انه ما تجرات اقول قامت بنت خالتى كلمته وقالت له انه اهلنا كذا كذا كذا

ومن نواحى ثانيه اهوا عنده شقه فى بيت ابوه بس مدخلها مب من بره يعنى لازم ادخل باب بيتهم عشان ادخل امى تقول خله يسوون لج باب من بره مدخل فيج بروحج احسن

وعن المصاريف الثانيه عوايد اهلنا لين عرست وحده من البنات او واحد من عيالنا يسوون كل شي حنه وملجه وخطوبه وبالعرس حنه وجلوه وعرس وغدا ثانى يوم وحفلات الخطوبه والزواج لازم يسوون شي كبير :-# وامى تبي تسوى مثلهم وقالت لي اذا عطوج شي يقصر انه بزيدج

والاهل الى فتحوا عيونى على هالسالفه حتى لو في اشيا انه كنت متجاهلتنها

اختي بحرينيه

بخصوص مشكلتج انى اقولج فكري هل بتقدرين تتأقلمين معاه

او تصبرين على الوضع ؟؟ مع انى عندي السوالف الماديه تتغير

وما تظل على حال يا ما ناس كان عندهم خير وو الخير راااااح

بس الاهم اخلاق الشخص وو دينه ووتربيته هذا اللى يبقى بــــــس

اذ فكرتي ان الزواج والارتباط سوالف ماديه ترى بتتعبين واااااااجد وصعب تسوين

مقارنه بينج وبين صديقاتج ترى كل وحده ظروفها غير وما تدرين باسرار البيوت

الوحده تقس سعادتها وو راحتها النفسيه حسب مقايسها هي وو المقارنه

تتعب النفسيه يعني بتضلين تسوين مقارنه بكل شي حتى عقب الزواج والاطفال

انى ما اقولج واقفي بس اقولج فكري مليون مره لان الارتباط شي مو سهل وو بعد

شوفي ايجايبات الشخص هل أكثر من عيوبه وو ترى اهم شي الراحه النفسيه تجاه الشخص

فديتج السالفه مهوب سالفه سياره
ولا فلوس ولا قصوور وبيووت
سالفه عشره عمر !!
اذا انتي حاطه ف بالج من الحين انج ماراح تقدرين تعيشين معاه ولا حتى ماراح تتأقلمين على شي اقل من وضعج ف بيت ابوج وانتي للعلم ذكرتي انج انتي وحيده يعني حبيبتي لو كان لج اخوات واخوان اختلفت المعامله مو كل شي راح يكون تم وعلى كلامج لانه راح يحاسبون لاخوانج واخواتج بعد !! صح ؟
فديتد توكلي على الله ولا تخلين هل الشي يعيقج للزواج ترى الدنيا تتغير بين يوم وليله ماتدرين باجر شراح يصير
والله يستر عليج وخلي تفكيرج اكبر من جذي وربي بيرزقج بكل خير تتمنينه لج ولزوجج ياارب

الله يجبلك الاحسن.... بس انا من وجهة نظري انو الاصعب على الشاب يتقبل فكرة زوجتو تكون احسن منو ماديا وسيارتها احسن من سيارتو وما دام راضي وبالعكس بدو يرضيكي باي شكل حتى لو يطر يغير سيارتو وشقته فهاد بكون عنجد شاريكي وبحبك وبدو اياكي ... فحبيبتي استخيري وما يهمك الامور الماديه كتييييييير خاصه انو من كلامك وضعو مو دون يعني مو فقير بس اقل منكم بشوي .. والله الرازق ما بتعرفي يمكن على وجهك ينفتحلو رزق ويصير وضعو احسن،، يمكن الله وفقك معو وتكوني مبسوطه اكتر ب 100 مرة من صديقاتك اللي جيزانهم اغنى منو ... وكل شي نصيب والله يوفقك .. طمنينى شو بصير معك

عروس الحب;12332521:
اختي اذا الولد اخلاقيا وايد زين و اذا كان شاريج و ناوي يصرف عليج و يحطج بعينه

لاتتردين و كل صغير يكبر

وانتي بعد اشتغلي وعاونيه وجمعولكم فلسين ويتحسن وضعكم

وشاوري اهلج وشوفي شنو يبون

انا مايهمني الفقر

كثر مايهمني الزوج الصالح اللي صج تحسينه شاريج و باغيج

والله كريم حبيبتي

اغلب البنات قالولج المادة مو مهمة وتروح وترجع صح كلامهم
بس نظريتي غير احس ان المادة مهمة صح مو فالدرجة الاولى لكنها مهمة
والدليل انج تقريبا وافقتي عليه وانتي عارفة ان المادة عنده شوي ضعيفة
اهم شي حبيبتي تعرفين شي عنه والمشكلة ان هالشي ما بتعرفينه الا بالعشرة
انه يكوووون قد المسؤلية وما يعتمد عليج اذا كنتي تشتغلين

الحين هو يقولج كل شي بيسويه لج لكن للاسف معتمد على القرض ليش ما دش جمعية احسن له
منها مافيها فوايد ومنها يرتاح من سنييييييييييين يدفع فيها دم قلبه في هالقروض وعقب كل فترة بيضطر ياخذ اضافة
واضافة تجر اضافة وبس ما تنتهي السالفة لين تتكود لديون

كلامي من واقع مو بس جذي اقوله لان ذي زوااج عشرة عمر مو كل يوم بتغيرين الزوج وانتي اول شي فكري راحتج وين
مو تفكرين ان رفيجاتج تزوجو وانتي للحين وقبل اي شي استخيري ربج من قللللبج
ولا معنى كلامي دام ان المادة ضعيفة خلاص ما توافقين عليه بالعكس في ناس وايد جذي لكنهم رياييل كفو وينشد بهم الظهر
بس قلت لج هالشي يبين عقب فترة نفس اختي عسكريمة اكتشفت صفة البخل فيه عقب الخطوبة

وبعد نصيحة لا تعلمينه من البداية اذا هو ما قدر على شي ان امج وابوج بيوفرونه لكم ترى بعضهم يعتمدون وما يتحملون المسؤلية
وانا اشوف هالشي غلللللللط

اختي، بآقولج جم نقطة وغيري قالها:

- فكري عدل واستخيري عدل، صح المادة مو مهمة لكن أبدا مو حلو انج خاطرج في شي وبيتكم يشترونه لج لأنه ما يقدر ايوفره

- لا اتعودونه ابدا انكم تدفعون عنه وتساعدونه، الرياييل ما ينعطون ويه من البداية والا بيتعود عليكم، يعني في البداية مسكين وحليو ويستاهل، بس بعدين بيعتمد على بيتكم في كل شي >>> وهالنقطتين عن تجربة

-تأكدي من باقي صفاته واخلاقه عدل، وسألوا عنه عدل عدل، لأنه لو طلع فيه علة ثانية في دينه والا اخلاقه، كل اشوي بتتحسفين على انج خذتيه على العلل الي فيه

- عرفي اشلون يصرف راتبه، يعني القضية مو قضية راتب اشكثر، القضية اهي اشلون يصرف هالراتب.... ناس رواتبهم ما شاء الله زينة، لكن الصرف كله طلعات وعزايم وربع وبعدين لين بغيتيه يصرف عليج وانتي اتشوفين الفلوس جدامج، ايقولج ما عندي!!! واهوه متأكد انج بتاخذين من بيتكم او من راتبج

- الفقر ابدا مو عيب، لكن تعلمت شي من الي مريت فيه، الثقة في كلام الأهل، لأنه محد راح ايحبج وايخاف عليج اكثر منهم، وكلام الوالدة صح بالنسبة حق مدخل منفصل عن بيتهم، ولو بغيتي شوري، اذا بيتهم بعيد عن بيت ابوج حالوي معاه انج تسكنين في بيتكم، مو مسألة انه اقل منكم او شي، مسألة انه توانسون هلج او مثلا شقته اتكون حق اخته والا اخوه اذا عنده احد بيعرس

- صحيح انج قبل كنتي تشتكين من سالفة الزواج وغيره، بس هالشي ما يعني انج اتوافقين "عمياني"، لا ابدا، شوفي الي ايوز لج وسويه، ما راح آضمن لج انه اييج الي أحسن منه -لأني نفسي ما قدرت على هالشي واخترت الزواج- لكن اذا بتوافقين عليه خلي امورج كلها واضحة من البداية معاه.... ما فيها شي اذا اشترطتي اشياء معينة، وما فيها شي اذا كتبتوا هالشروط في العقد.... شاوري امج وابوج، اهمه ادرى بمحيطكم وبمحيط الي متقدم لج ويقدرون يشورون عليج بالي ايناسب.... يمكن آنه قلت لج لا اتساعدين الريال من البداية، لكن امج وابوج ايشوفونه يستاهل وراح ايبين في عينه، فسمعي كلامهم لأنهم ادرى

وبالتوفيق حبيبتي

الاقمار6;12332561:

السلام عليكم اختي

اختي امبين على الولد انه يبيج وشاريج لانه مستعد يسوي لج الي تبين . وترى يا اختي الرجال ببداية حياته وهو جامعي يقدر يبني نفسه ويكونها ويصير مستواه احسن يعني امبين من كلامج انه زين واخلاقه زينة ليش ترفضينه على سبب مو مقنع . يعني يا اختي المال يجي ويروح والله هو الرزاق .

مو سبب اني ارفض شخص علشان ماديته اقل مني بشوي مدام هو يقدر يعيشني ويفتح بيت وشوي شوي يقدر يكون نفسه . وبنهايه هذا اختيارج وانتي حره في الموافقه او الرفض بس انصحك اذا وافقتي خففوا عليه شوي من الطلبات الي تفوق طاقته وتخليه ياخذ قرض كبير ممكن يأثر عليه ويفقد نصف راتبه بتسديد القرض

:thumbs_up::thumbs_up::thumbs_up::thumbs_up:

اذا الصبي زين لاتفكرين في المادة ولاشي
ويش تسوين في سيارة فخمة وزوج منكد عليش طول يومش ولا عنده سوالف
خذوهم فقراء يغنيهم الله هذا وعد من النبي (ص) وش تبين أزيد من جدي
وعن المهر اذا بيدخله في أزمة وقروض ليش ماتقللون اذا مايشكل احراج لأهلش أو خل يقولون هاي قرارها
والنبي(ص)يقول "خير نساء أمتي أقلهن مهورا"<<<ماتلاحظين ان احنا ماشين بالعكس
واذا عن ردة فعل صديقاتش "قوليلهم شسوي حبيته من أول نظرة" وبس

بحرينيه وكلي فخر;12332031:


مثلا الناحيه الماديه لاهلي احسن من اهله

بيتنا افخم من بيتهم

سيارتى اجدد وافخم من سيارته


وانه متخوفه من انه ما اقدر اقتنع بمستوى معيشتهم بعدين لانه مو متعوده على المستوى الى هم فيه

وربعي الى اكون معاهم دائما وامشي معاهم على طول كلهم انخطبوا وتزوجوا من اشخاص مثل مستواهم المادى واحسن ولا وحده

الولد قالوا لي انه عنده شقه فى بيت ابوه بس انه افضل اعيش فى بيت ابوي لانه ما عندى اخوان ولا خوات والبيت يكفى مافيه غير امى وابوي شلون اقنعه اب هالشي؟

مادري وايد اشيا تدور براسي انتوا تجوفونها عاديه او لا

حتى اهو بنفسه يوم عرف عن مستوا بيتنه قال اذا مو عاجبنج شي بالشقه بغيره على ذوقج! ويوم جاف سيارتى قال اذا مو مقتنعه بسيارتى بغيرها

وعن امور الخطوبه والعرس والمهر اهلي طلبوا المعتاد فى اهلنا والمعتاد عند اهل الصبي اقل من اهلها واكتشفت انه عشان يوفر كل شي بالمستوى الى يبونه اهلي بياخذ قرض؟

الرسول وصى بما معناه ان يكون الشخص على دين وخلق
ما قال خيو على لفلوس
اهم شي راحتج النفسيه
هذا مو مهم
الغنى في طرفة عين يزول كله

ولا تطالعين فلان وعلان
هم إلا بضيعونج

وعلى سالفة لقروض
اعرف وحده
ماخذين قرض 10 آلاف دينار
الحين تشتغل عشان تساعد زوجها في تسديد الديون
عشان شنو خطوبة فاخره

تفكير خطا ماادري انتي تحبينه
اذا تحبينه الماده مو مهمه

وبتسكنينه عند اهلك اتوقع اذا هو رجال صح مايقبل

لاتزعلين وجهه نظر

ما اقدر ازيد على كلام البنات بس مثل ما قالوا لش " من اتاكم من ترضون دينه وخلقه فزوجوه "

اذا الشخص دينه وخُلقه ما عليهم اي كلام او عيب توكلي على الله

والحمد لله مثل ماقلتين عنده شهادة جامعية يمكن الله يوفقه ويحصل شغله ثانية

وعنده شقة وسيارة .. خلاص شتبين زود؟

البنات قالو الي بخاطري
شوفي اول شي انتي اتوكلي على الله واستخيري وربنا ييسر امورك كلها
انا اعرف واحد اول مااتزوج ماكان عنده وظيفه وجاب اول طفل له وربنا رزقه بالوظيفه وماشاء الله راتبه الان عاالي
الرزق بيد الرزاق لاتشيلي هم بكره امكن تتزوجي غني وبلحظه يخسر كل شي لا الفقر يدوم ولا الغني اهم شي القناعه
واذا قدرتي اتوظفي راتبك على راتبه يمشي الحال
واذا تبغي تظمني حقك عوديه من اول شي انه يرتبلك مبلغ على حسب راتبه ويكون خاص لك وبكده ماراح تحسي انه ناقصك شي ولاراح تضيقي عليه بالطلبات
ونصيحه لاتخليه ياخذ قرض على قوله وحده من الاخوات الجمعيه افضل
انااول ماتزوجت زوجي اخذ قرض الي الان كل مانتهي قرض يجيب قرض تاني بالرغم انه مو محتاج بس يقولي ابغي اخلص من القرض الاول وبكده بدوامه عايشين احس القرض مافيه بركه
وعلى فكره زوجي اقل مني ماديا بس راتبه يعيشنا الحمد لله بس سوء تخطيط زوجي بالفلوس اهي سبب مشاكلنا لانها كلها رايحه للقروض الي ماتخلص
ولا من ناحيه انه في فرق احس الحمد لله مو دااك الفرق
الله يوفقك ويسعدك ويين ماكنتي ويفتحلك ابواب رزقه

اذا من الحين خذيتي على كلام الأهل وامج ووترتي نفسج وكتبتي في المنتدى ادورين حل لهالمشكلة عيل بعد الزواج اشبتسوين وانتي من النوع اللي ياخذ بكلام الأهل ؟؟؟ نصيحة مني اصرفي نظر عن الموضوع ولا تظلمين نفسج وتظلمين الولد معاج هذي عشرة عمر موسنة او ثنتين وبكرة بيجيكم اولاد وانتي تبين تعيشينهم في مستوى أهلك اشبتسوين ؟؟ بعد بتكتبين ادورين عن حل ؟؟ سامحيني اذا كنت قسيت عليج بس فهميني ياقلبي انتي من الحين نفسيا تعبتي آنا صدقيني خايفة عليكم مستقبلا فيه بنات صج مايهمهم هالتفكير ويتأقلمون ويعيشون في سعادة وماتهمهم المستويات بس انتي واضح مهتمة لدرجة التوتر اللي انتي فيه فكري مليون مرة وبصراحة مدري ليش انكسر خاطري على هالولد يكفي انه جامعي آنا خذيت زوجي موظف عادي في بنك وألحين ماشاءالله وظيفته كبيرة ماأقدر اقولها لحساسية وضعه الوظيفي ماشاءالله لا قوة الا بالله بس آنا حبيته وتفكيري غير عن تفكيرج كلش عشان جذي كملنا ماشاءالله عشرين سنة الله يتمم علينا ورجاءا لا تاخذين قصتي مع زوجي مقياس قلت لك آنا غير وانتي غير
اتمنى نسمع عنج أخبار حلوة والله يوفقكم ويهديكي لما فيه الصلاح لك وللولد والسموحة ولاتزعلين واذا كلامي زعلج قولي لي عشان استسمح منج مباشرة ماحب احد يزعل مني ابدا