لولوة الدوحه;12580965:
الورد ..
حبيبتي ليش تعيشين نفسج في رعب وحاله
انسي شوي اشلون بتحملين في الثاني والثالث ..اقري دعاء الهم والحزن يمكن يخفف عليج واقري سورة الضحى والشرح
كلنا نخاف وهاي شي لابد منه يعني مردج بتنوين تحملين وبتربين ان شالله
وكلنا مرينا بتجارب وحالتنا حاله بس كل وحده فينا اللي حملت والا ناويه
وقالت لج بس بس
الياهل يحس بامه ..ويحس بتوترها
وانتي ماتحاولين تنسين خلاص اللي من هلج بيربون وربوا لاتسمعين اشصار لهم في الولاده والا ولادتهم تعسرت والا لاء ..عشانج وعشان بنتج ..مريهم سلمي وتحمدي لهم بالسلامه
لا تسمعين سوالف ولاده وخرابيط مب لازم ولا بشي مهم تعرفين اشصار فيه ..والله فلانه تعبت سلمي واجر وعافيه لا تسالين ليش واشصار لها
شفتي سكتت عند ابوها لانج انتي متوتره وخايفه
قوي قلبج شوي عشانها وخلج واثقه لما تسوين لها شي مب تترددين وتتوترين ..ماينفعج ولا ينفعها
مادري احاول اسوي اللي تقولين عليه بس من ناحيه بنتي انا مااتوتر بالعكس بس ماادري اشفيها اول ماتجي 10 ونص وبالكثير 11 تبدا الموال وماتسكت عكس باقي اليوم تكون عندي واعرف لها وتسكت وبالنسبه للولادة صحيح مثل ماقلتي بس ياربي صرت لازم اسال شلون وليش وهالتفاصيل مع ان المفروض الواحد يقوي قلبه لان مهما صار وتاجل الموضوع لازم نجربه مرة ثانيه
يالورد انا بنتي الكبيرة كانت جذي من تصير الساعة 12ونص لين 4 او 5 الصبح اتم تصيح لين تصير زرقة علينا امي كانت تخاف اتقووولي انا جبت عيال بس مثل بنتج تزرق علينا ماصادفني تمت 3 شهور بهالحالة دمعي على خدي ماخلينا لا مستشفى ولا غيرة الا وجربناة مانفعني الا انا قمنا نسبحها يوم اي ويووم لا ونمرخها بزيت زيتون ونخليها تنام على القران وتقعد على القران يعني شغال 24 ساعة ويكون النور طافي والحمدلله النتيجة كانت طيبة صارت تنام من 12 وتقاعد لين 2 ووتنام بعدها لين 8 الصبح الحمدلله
صح نفس ماقالت لولو ام الشووش
ترا سبحان الله من تحطين بنتج على صدرج ووانتي متوترة هي نفسج في شي يقلقها وواتم تصيحح خلج هادية
الياهل يبي له طولة بال ووتحاولين باشياااء تريحة شي يجيب نتيجة ووشي مايجيب وفي النهاية مع المحاولات لازم شي يبفيدها الله يحفظها لج يارب و
ونسيت اقولج يالورد
كل حملة عن الثانية تتخلف في حملة ثقيلة وفي حملة ميسرة من الله
وهاي ياالووورد سنة الحياة لازم التعب وومن التعب تحسين بعيالج اكثر و
LavenderA;12582383:
يالورد انا بنتي الكبيرة كانت جذي من تصير الساعة 12ونص لين 4 او 5 الصبح اتم تصيح لين تصير زرقة علينا امي كانت تخاف اتقووولي انا جبت عيال بس مثل بنتج تزرق علينا ماصادفني تمت 3 شهور بهالحالة دمعي على خدي ماخلينا لا مستشفى ولا غيرة الا وجربناة مانفعني الا انا قمنا نسبحها يوم اي ويووم لا ونمرخها بزيت زيتون ونخليها تنام على القران وتقعد على القران يعني شغال 24 ساعة ويكون النور طافي والحمدلله النتيجة كانت طيبة صارت تنام من 12 وتقاعد لين 2 ووتنام بعدها لين 8 الصبح الحمدلله
صح نفس ماقالت لولو ام الشووش
ترا سبحان الله من تحطين بنتج على صدرج ووانتي متوترة هي نفسج في شي يقلقها وواتم تصيحح خلج هادية
الياهل يبي له طولة بال ووتحاولين باشياااء تريحة شي يجيب نتيجة ووشي مايجيب وفي النهاية مع المحاولات لازم شي يبفيدها الله يحفظها لج يارب و
نفس حاله بنتي من كثر ماتصيح ادموع تصب من طرف عينها لين اذنها وتصير زرقا زرقا وحتى احس النفس ينقطع عنها وهي تصيح بقو المشكله ان سرها فيه فتق
وقالوا مدام ماكملت سنه ماله حل وقالوا لي الصياح والغازات يزيده عشان جذي انا اتوتر واخاف عليها لما تصيح
لا واهل زوجي اذبحوني كل جناينا واعيالنا بكرهم اولاد الا انتي بنت شدي حيلج نبي ولد
استغفر الله على هالتفكير اللي من العصر الحجري :thumbs_down:
ماميز
ابششششششششششركم
باااركولي
الحمدلله ابونا نجح في الثانوية العامه
صج صج راحه نفسيه
عقبال كل حبايبكم يارب
يالله اخليكم بنرووح بيت ماميتو
قطريهـ ماتهابـ;12580120:
السلام علييييييييييكم
شحالكم جميييييع
بنااااات
انا بعد النفااس على طوول اخذت حبوب مانع اسمها ياسمين وكانت زينه معااي بس شوي تسبب لي لوووعه
والحين امي تحن علي لازم ارووح للدكتور عشان يشووف تناسبني والا لا
وماعطوني موعد الا اليوم الضهر على السااعه2
بس والله دايخه اليوم ومالي خلق
متردده اروح والا لا
مرحبا قطريه .. بخصوص الحبوب ترا كل انواع حبوب منع الحمل تسوي لوعه
انا اعاااااااااني ولا الصبح كأنج تتنسين :badly:
بس ترا عادي مع الايام بتتعودين
بسومه
ألف مبروووووووووك النجاح .. تستاهلون :)
الورد
تعوذي من ابليس ,, وقولي لهم البنت والولد واحد وانا وريلي
ماتفرق عندنا كلهم نعمه
شخباركم بعد ؟
صايمه اليوم اول يوم علي 6 ايام
تعباااااااانه وصداااااع
مساء الخير عالجميع
وهج .. ما تشوف شر بنوتج .. وعطيها الأكلات اللي فيها حديد وان شاء الله ما عليها شر
يغار .. بسألج فديتج أنا في بالي أبي أسوي بغرفتي ورد في أكثر من مكان ومن ضمنهم الحديدة مالت السرير طيب مرت عمج من متى اتفقت معاهم وهل يسوون الورد بنفس الوقت حق السرير ولا لازم من قبل بفترة ,,وبالنسبة للملاحف بتعبين وانتي تدورين أنا لفيت كل هالمحلات ومالقيت اللي أبيه الا عند KAS وناعم وبسيط وايد ..
قطرية ما تهاب .. ياسمين ممتازة بس اذا مب مريحتج استشيري دكتورة أفضل .. وغريبة ليش ما يرضون تغيرين الدكتور .. وايد ناس يغيرون بسهولة ..
سارا .. عليكم بالعافية أنتي وبناتج ..
لولوة قطرية .. ما تشوفين شر يمكن شي قارصج ..
الطاولة المستديرة .. أنا ما أرتاح الا حق مريم سلمان والبنات ما قصروا قالوا لج قدسية أنا أسمع وايد ناس يمدحونها وبعد هادن يمدحونها واذا ما بغيتيهم شوفي سامية النملة في مجمع الكندي وايد ناس يرتاحون لها ويمدحونها والله يسهل عليج ..
الورد .. سبحان الله أمس وأنا أرد عليج أبي أكتب لج تحملي تخلينها تصيح وايد بيصيدها فتاق .. وأنتي اليوم تقولين عندها فتاق فديتها اسمله عليها .. لا تخلينها تصيح فديتج وديها المستشفى أحسن ..واللي أعرفه يسوون عملية الفتاق قبل السنة .. ولد أختي سوو له وعمره 40 يوم بس يمكن البنت غير مادري سألي الدكتور أحسن وتأكدي ..
ReaL_LoVe 888;12583080:
الورد
تعوذي من ابليس ,, وقولي لهم البنت والولد واحد وانا وريلي
ماتفرق عندنا كلهم نعمه
انا الحمدلله ماتفرق عندي الولد والبنت نفس الشي الواحد يحمد ربه لانه فيه غيره محروم من الذرية لاولد ولابنت والله يرزق الجميع يارب
ريل لوف .. مأجورة حبيبتي ..
بسومة .. ألف مبروك نجاح أبوكم ..
الف الف الف مبرووووك بسووومة تستاهلون نجاح ابوكم والله يزيد المسرات
ووناسة رحت الرونق استانس على سوالفهم وستيكراتهم خذت دفاتر واقلام ووحق اموني دفتر تلوووين ووالووان ووخرابيط ووايد اعوض النقص اليوم مب طالعة ابووونا مشغول مع ضيوف من الامارات
والجو ياربي طلعت دقيقة احس بحر مش طبييعي يالله ارحمنا
من بيقعد معاي اليوووم في البيت ههههههههههههههه
هلا وغلا لافندر
انا بروح بيت عمي اليوم
بنت عمي ناجحه فالثانويه
وعقب بروح بيت يدي جمعتنا
هلا فيج ريل
الف مبروك ناحج بنت عمج
عقبال فرحة تخرججج من الجامعة يارب
الووورد
شخبااااري..فيييه حد للحين يفكر هالتفكير بنت ولا ولد عاد تدرين كان خاطري يكوون بكري بنت وعن الفتااق بنتي اوول مانولدت كان سرها شكببببر للحين كبير بس الحييين اشوو بووواجد .. والدكاتره يقولون هذا فتق والاغلبيه لما يوصلوون ال6 شهوور ويكبروون شي يصغر الفتق انتي لاحظي ع بنتج كل ماتكبر ؟؟.. يصغر
بسوووم
مبرووك .. نجاح بو عليااا :)
(
((بدر البدور))
عروس مبدعة
08-07-2010 | 06:43 PM
ماميز
:(
شدعوه محد رد علي ..
ا
الأماكن كلها..
عروس متألقة
08-07-2010 | 06:51 PM
هلا كروشات ومامميز والله سوالفكم توسع الخاطر شكرا على سؤالكم انا بخير تحسن بسيط يمكن يبي لي اسبوعين وان شاء الله اقل استغفر الله مرات الواحد تصيده لحظات ضعف لكن ان شاء الله تكون تكفير ذنوب واجر من الله...الحمد لله...ولله تعبت من الصياح وزوجي تعب معاي هههه مسكين الله يعين
ان شاااء الله يالاماكن
اجر وووعافية
يارب
شخباارج وواخبار وولدنا وونعووومي
فديتج بدورة لاتزعلين علينا ووش كان سؤالج
حطي مرة ثانية عشان الماميز يتنبهووون ويردون عليج
ا
الطاوله المستديره
عروس مبدعة
08-07-2010 | 07:10 PM
مشكوورات حبيباتي وماقصرتو وجزاكم الله خير
(
((بدر البدور))
عروس مبدعة
08-07-2010 | 07:10 PM
عندي سؤال هارج الموضوع ,, بس ضروري
أنا مصورة عند فن ستيشن في هديتي من 8 شعور *_*
والفاتورة ضاعت والحجز مب باسمي ,,.؟
ابي صوري قاعده ارتب البوماتي تهقون لو رحت لهم وشافوني ممكن يعطوني ..؟
هذا سؤالي .. لافندر فديتج مب زعلانه ومعذورين البنات
بس انا مضايقيني عالموضوع ..