حياكم في تجمع حوامل وامهات قطر لشهر رجب لعام 1431ه 2010م

مساء الكادي حبيباتي

أم الغاليين .. يعطيج العافية عالافتتاحية ما قصرتي

لافندر عليج بالعافية حبيبتي

وهج العين .. فديتج بما إنج سويتي المسحة في التاسع وأنا موعدي بسويها في الثامن أبسألج عقب المسحة نزل عليج دم ؟ وهل كانت ولادتج في وقتها ولا ربيتي قبل لأن الدكتورة قالت لي المسحة في الحمل أحياناً تسبب ولادة مبكرة فأنا متخوفة وأبي أتطمن ..

روكر .. معليه داشة عرض .. بس فديتج أنا بنتي في البيان هي تأسست في مدرسة حكومية ونقلتها من سنتين البيان البداية كانت صعبة بالنسبة لها كنقلة في التعليم من حكومي إلى مستقلة بإختلاف المناهج بس الحمد لله عانيت معاها أول سنة وألحين تبارك الله ماشية مع بنات البيان ومدرساتهايمدحونها ..كل شي يبيله جهد وتعاون بين المدرسة والبيت ومثل ما قالت أختي قمر على حسب المدرسات ..بس الحمد لله أنا مرتاحة من كل ناحية ..

أم صغيرونة .. ربي يوفقج في الامتحانات ..

عروس نتفه ..على حسب حبيبتي ناس يفتحون ملف في المركز الصحي ويتابعون لين السابع أو الثامن ويحولونهم حمد .. وفي ناس يتابعون من البداية في عيادة خاصة وعالثامن يحولونهم حمد .. وفي ناس يفتحون ملف بالولادة من بداية الحمل ويتابعون عندهم لين الولادة .. على حسب انتي اشترتاحين له ..
بالنسبة لحمد في دكاترة ماعليهم كلام مثل زينة بوشرباك وحليمة التميمي وشمسة عبدالرحمن وبدر الدين ممتاز وفي غيرهم ما تحضرني أساميهم ألحين ..

قمر فديتج بطرش لج أسامي المحلات بس خل تكتمل عندي كل العناوين .. ما طلبتي شي يا الغالية ..

ابي دكتوره في عياده خاصه مختصه في كل شي وتريحني تعرفون حد اقدر اتابع عنده ابي دكتوره احسن مو دكتور
واسمحولي وايد اسالتي بس اول مره احمل وماعرف شاتصرف وماعرف من الدكاتره العدلين

والدكاتره اللي قلتوا عنهم سونارهم ملون والا ابيض واسود