حياكم في تجمع حوامل وامهات قطر لشهر رجب لعام 1431ه 2010م

موزان
الاكسسوارات تقليد الماركات حق اليهااال او حتى لو انتي وااايد تلبسين
والملاحف الكورية غسيل وحط

نصوفه :
يختي العيال مريحين من ناحية اللبس بس انا افكر في التوزيعات حق ولدي مادري شاسوي
خاصة ان العام ماسويت ..


موزان :
الإكسسوارات عند نور التركية محلها اسمه نور كولكشن و المكياج أكيد انا خذت أرواج من كيه ستار
اممم باقي الاشيا عادية ..

ام الغاليين

اي صج الملاحف اللي خذتهم من معرض العام اشكثر انغسلوا بس ولا صادهم شي..

دح دح

عيل بمر على هالمحل..
عن التوزيعات توه من شوي قاعدة ادور في النت جان اتييني فكرة حق التوزيعات :)

MoZ(a)N;12347651:
دح دح

عيل بمر على هالمحل..
عن التوزيعات توه من شوي قاعدة ادور في النت جان اتييني فكرة حق التوزيعات :)

عطونا الله يعطييييكم :D

والله انا مخي مجيّم هالأيام يا موزااان اقول بادور و باشوف و أتملل بسرعة من المواقع اففف الله يعييين ..
ما اقدر افكر في أكثر من شغلة في وقت وااااحد ..

ب ر ب

ام الغاليين

الفكرة عادية ههههه استحي احطها.. احس بتقولون قديمة خخخخ

شوفي انا شفت هالصورة قلت هاي سهلة



قلت عندي اظن الاكواب البلاستيك الصغيرة مالت الاكسبرسو .. بغطيها نفس الصورة بقطعة ممكن سدو ممكن غترة ممكن قطعة منقطة شي يبين مال اول والا شعبي.. وبزيد ديتيلز كيوت عليهم..
في الصورة اللي داخل التور سكر.. بداله بحط مكسرات و بحط من برا فلوس.. (اخوي كان مسافر دبي وياب من المطار علبة على شكل كوين كبير وداخل العلبة كوينات صغيرة دراهم تشوكلت) اخت ريلي تشتغل في مطار دبي .. يمكن اوصيها عليهم... بحط مثلا درهم برا التور ..


هههه اللي ايي على بالي قاعدة اكتبه يعني لحين مو متأكدة شنو بسوي... بس ما حاطة في بالي اسوي شي كبير وعفسة.. شي بسيط ومرتب..
بعدين انا ما بكون هني في رمضان بكون عندد اهلي في الامارات وهم ماعندهم قرنقعوه عندهم من حق الليله ومو في نفس يوم القرنقعوه لا قبل بكم يوم..خخخ فبسوي كمية بسيييطة ..
وفكرت حق ام وابو ريلي اسويلهم شي غير..

بنات شسالفة.. اليوم حمود قام الفير الساعة 5 ملابسه كلها بول.. بدلته وشربته حليب ورد رقد.. قام الساعة 11 بعد مبلل..
والعصر عقب الغدا رقدته ومن شوي قام بعد مبلل؟؟؟

توني مغيره حجم البامبرز له.. ليش تبللت ملابسه.. والبامبرز ترا ما يكون وايد مليان..
احاول اسكره عدل اغلب الاوقات بس احيانا ما شاء الله عليه ما يخلي الواحد يلبسه عدل..

اي بعد بطنه لاحظت وانا اغسله فيه شوي نقط حمر ما تبين الا اذا دققت.. قلت اكيد من البول..

مساء الخير

موزان حلو فكرتج لتوزيعات القرقيعان ..

وبخصوص ولدج يمكن الحفاضه كبيره عليه ردي على الاوليه والنقط الحمره اعتقد بسبب البول يعني بداية التهاب ..

عروس نتفه انتي حددي اي دكتوره تبين مثلا اذا بتربين في الاهلي احجزي عند دكتور او دكتوره شاطره وامشي معاها لين ما تربين ..

واذا بتربين في مستشفى الولاده افتحي عندهم ملف .. والمواعيد اخذيها عند العيادات الخاصه مثل عدنان او عمر ابو زينب او هدى او ليلى حامد الخ الخ مشالله شكثرهم عندنا ..واذا وصلتي الثامن هم بيحولونج على الولاده ..

ومستشفى حمد مافي دكتور معين راح يولدج اللي عليه الشفت راح يولدج يعني السالفه حظ ونصيب والله يسهل عليج ياقلبي

انا فتحت ملف في المركز الصحي لازم اروح العياده الخاصه وين هاي العيادات ومتى افتح ملف فيها ؟؟

مساااء الخيييير

شخباااركم؟؟

ابي اروووح المعرض بس محد بيجي معاي :(

الاصيلة

ما اظن ان كبير البامبرز لان من شهر مغيرة الحجم بس اليوم التسرب!
انزين شنو احط على النقط الحمرا عشان اتروح؟


نور

متفقة مع مرة اخوي نروح مع بعض عقب ما اتيي من الدوام... بس اشوفها ما قالت شي خخخ يمكن هونت..
فالحين الطلعة في خاطري اليوم وما عندي حد بيروح غيرها اذا ما هونت..

موزااان
انا الحين كلمت مرت حماي وبتمر علي وبنرووح مع بعض

يلا بقووم اتسبح على ماا توووصل :)

هههه زيييين الله يحفظج

مساء الورد

مبرووك لكل من حمل وربى

فروووشة قطر

فديت قلبج .. انا هوووون بس ماعندي وقت
من اخلص قرايه انشغل مع لولي ولا يجي ابونا
وانسى ارد على من
وسالت عنج العافيه
والله يهووون عليج

مزمز

انا كنت باروح اليوم بس تغير الجدول

،

وشخباركم بعد...

يغــآر

اي والله ترآ هو صج آررريح .. آنـآ شفت السرير اللي اييج فوقه مثل الستآره الصغير ، احسه عملي حق بيت هلي يعني .. !!
مآعرف والله للحين محتآره ،، آنـآ الكبير بآخذه سوآء لبيتي آو بخليه حق النفآس بس افكر اخذ السرير الصغير ..:)


فرآشه

الله يهنيج يآربي ويديم هـ الونآآآسه ,, وعقبآل البنـآآآآت ’’ F:


النآعمه

حي هـ الشوف,, :o
فدييتج ان شاء الله ما على البيبي شر;)،، وعآدي وآيد اسمعهم يقولون مآيحسون بالحركه فـ البدآيه ،،
آهم شي انج ترآجعين عند الاستشآري ،، ويسمعج نبضه ،، ترآجعين عند من ؟!


بدر البدور

اي امي قآلت لي باخذ وآحد بخليه هني بس للحين ماقررت شآبي .. :thumbs_down:


مزمز

وآآيد حلوه فكرتج ماشاء الله ،، واحسها بسييييطه يعني احلى وارقى ,, وبالنسبه لآهل ريلج حلو تسوين شي غير ,, وتحطين بطاقه عليها صورة حمودي ,,:adore:
وتبآركين لهم فيه ,,


عروس نتفه

انا عن نفسي آرآجع عند عدنـآن في دحيل هو ’’ ماشاء الله عليه وآيد ريحني ... :thumbs_up:


نور

الله يحفظج وان شاء الله تحصلين اللي في خآطرجF:




مآآآميزز
فتح ملف ولاده اول شي لآزم يكون في المركز الصحي وعقب هم يحولوني على حمد !! صح ؟؟
يعني مثلآ انا تآبعه لمدينه خليفه " قبل لآ اعرس " ولا غيرت المنطقه يوم رحت بيت اهل ريلي ،، اروح حق مدينه خليفه وافتح عندهم !!!!:o

فديتكم ام الحلوين و قمورة

تسلمووون على الافتتاحية الروووعه

وبخصوووص الجدول لين متى بيتم مغبر !!

ترا محد قام يخاف منه ">_>

قموووره

عادي تروحين مركزج الي ترتاحين فيه
انا تميت في مركزي "الخليج الغربي" وحتى بنتي خليتها وياي
مع انه مدينة خليفه اقربلي

واذا تبين الولاده انا خذت موعد في العياده المسائيه لين السابع
وعقب حولت صباحي واخترت مواعيد يوم الاحد عشان الاجازات ><"

وبخصوص السرير

احسن شي سلة موسى من باباز اند ماماز
ولين 4 او 6 شهور خلاص تقدرين تاخذين السرير الكبير على حسب بيبيج وطبعه
والصراحه اريح كل شي بوقته احس بدري السرير الكبير الحين وخصوصا انتي ماتعرفين حق الياهل
مادري على حسب انا خذته يوم بنتي عمرها 6 شهور يوم بدت تنقلب
والسله خذتها اختي حق ولدها وماشاء الله جنها جديده
والحين خاشينها للبيبي الجديد