بنت الشام المعذبه;12419394:
بنات بدي اسألكم طبيعي أول سنة زواج صعبة طيب من أي ناحيه
هي صعبة من ناحية انو كل واحد بدو يتعرف على التاني و كل واحد متعود على طريقة حياة و نمط معين و كل طرف بحاول يتأقلم مع الوضع الجديد غير المسؤولية طبعا يلي ما بكونو متعودين عليها هيدا جزء بسيط و عام بنفس الوقت واذا صادفتك شغلة معينة و حابة نساعدك فيها نحنا بالخدمة F:F:F:F:
بنت الشام المعذبه;12419406:
ياحلوين عازمه أهلي بكره إن شالله مع أنو الاكل من برا بس متوتره
توكلي على الله حبيبتي و هيدول اهلك شو بنا لو اهل زوجك شو رح تعملي بضلو الاهل شو ما عملت بنتهم على قلبهم متل العسل :L::L::L: موفقة يا رب:thumbs_up:
مسا الخير يا بنوتات يا حلوات
أول شي نزف أحر التهاني والتبريكات بمناسبة ولادة ابنتنا سوريا _ ليكو والله هالجملة أخدت وقت مني لطلعت بس بتصورها ظابطة بس زعلت لإنه أنا ما قدرت شوف الصورة ليكي خليها تحطها على الفيس بوك مع إنه أنا ما عندي الفيس بوك تبعها
أما بالنسبة للخبرية التانية فأكيد أكيد هي دعوة من دعوات سوريه بس الله يخليكي اتأكديلي منها إنه ما دعت علي متل ما دعت على كاتس لإنه ساعتها اتجرست قدام بيت الإحما
وبس بدي اسأل شو جربت التوصية اللي قلتلها عليها لحتى ولدت بسرعة وأي وحدة فيهن تبع الخاتم الألماس والا التانية
بنوتة يا عمري ليكي أول سنة زواج أكيد صعبة لإنه اتنين غرباء عن بعض صاروا يعيشوا مع بعض والشخص ما بتعرفيه لحتى تعاشريه بقى الشغلة بدها طولة بال كتير وكل يوم حتكتشفي شغلةجديدة بزوجك ليكي أنا صرلي 23 سنة وكل يوم بكتشف شي جديد بتشيب الراس بقى كتير كتير خديها ايزي ونحنا بالخدمة بأي نصيحة بس قوليلنا شو رح تجيبي لبيت أهلك وليكي نصيحة اعملي ولو صنف واحد بالبيت وشوفي زوجك كيف حيشوف حاله فيكي
شامية ان شاء الله تكوني وصلتي بالسلامة انتي و البيبي و هلآ بين احضان ماما و احضان سوريا
يسعد أيامكم يا بنات اشتقتلكم كتير كتير
أنا هلق عم حاكيكن من الأراضي السورية والحمد لله كانت رحلة سهلة ومريحة كتير كتير
واشتهيتكم كلكم تكوني معي بالشام هلق المهم شفت أهلي كلهم بخير
شو بدي خبركم كمان يا جماعة ما بتصدقو من أول ما شميت ريحة سوريا راحت كل الأمراض والأوجاع مني ولا لي حاسة بوحام ولا لي حاسة بشي من يلي كنت حس فيه سابقا حتى الأستفراغ وقف نهائيا وشهيتي للأكل رجعت اكترمن الأول بكتير
وبخبر كاتس خانم أني اليوم أكلت شيش برك واتذكرتها كتير أنا وعم آكلها وفعلا من ايدين الماما غير
الجو عنا الحمد لله حلو معتدل من يومين طلع هوا قوي ورطب الجو بعدو مبارح اهلي استأجرو مزرعة وطلعنا وانبسطنا كتير كتير
سبحان الله لا لي حاسة حالي سافرت ولا شي كأني ما طلعت من البلد بسرعة اتعودت عالوضع مع انو صارلي سنة برا سورية وما قدرت اتأقلم
طبعا برجع برد على ردودكم ان شاءالله بس حبيت طمنكم علي واطمن عليكم
السلام عليكم ورحمة الله ويسعدلي ربي اوقاتكم
انشغلت عنكم شوي والدنيا تلاهي حتى انتو مشغولين باين عليكم ربي المستعان
المهم نحنا بخير الحمد لله يوم الخميس والجمعة اخدنا بيت اهلي على المدينة المنورة وسورية بقيت طبعا بجدة
ومن غير شر قرب سفر اهلي يمكن الثلاثاء وبتعرفوا بقى الفراق شو غليظ وصعب ,, الحمد لله على كل حال ودوام الحال من المحال
كاتس الف الحمد لله على سلامتك يارب يعني صار معك اجهاض انتبهي تاني مرة وخليكي حريصة اكتر لان مافي وسيلة منع امنة او فعالة 100%
والحمد لله اللي اجت على هيك ولو كان الحمل سليم كان كمل معك بس احمدي ربك اللي نزل وخصوصي انك كنتي تاخدي حبوب ...
وان شالله ربي بعوضك انتي وزوجك بالحمل السليم
&&&&&&&&&&&&&
لولية الله يبارك بعمرك ياعسل وان شالله بحطلك صورتها عندي بالفيس بوك وبتشوفيها
وهي والله نزلت والله اعلم من كتر ماشربتها قرفة وقتها خخخخخخ لان زوجها ماكان فاضي احم احم وقصة الالماس انسي ههههههه
والسر بالولادة هي هزة البدن لان وقتها ياعلي اكلة هزة بدن من حماتي من غير سبب طبعا بس شو نقول حكم القوي والكبير هههههه
والحمد لله انها ولدت وخلصت من الهم
&&&&&&&&&&&&&&&
شامية اي والله نورت الشام فيكي اكيد وبرجعتك وربي يسعدك مع اهلك ,,,, اكيد الواحد بدو ينسى همومه واوجاعه بشوفة اهله وناسه اللي بتحبه
والحمد لله انك بخير وانتبهي على حالك وعلى البيبي وانبسطي قد مابتقدري وروحي وتعي وين مابدك يعني طلعي فرق هالسنة
ربي يسعدك دوووم
&&&&&&&&&&&&
بنوتة هلا حبيبتي والله سورية دعتلك ودعت لاختي ولكل متمني الحمل ربي يرزقكم ولا يحرمكم
والحياة قدامك طويلة وخليكي فرفوشة ومبسوطة دوووم انتي وزوجك ولا تخلي شي يعكر عليكم لان الحياة الزوجية بايدنا نعمرها ونخليها خلوة وبايدنا نخليها
لا تطاق ,,,, وان شالله ربي بيسعدكم دوووم وتكون حياتك حلوة خالية من الهم والنكد
يا حبيباتي اشتقت لكم كتيييييييير كتيييييييييير بس على قولة الدمشقية حكم القوي
والله يا بنات ما بعرف شو بدي قول مشغولة لفوق راسي شي بالمكتب وشي بالبيت صح مديري سافر كذا مرة بس يكون عندي شغل متراكم ما اقدر اعمله لحتى يسافر لهيك ما اقدر ادخل و حاكيكن ابدا و بالبيت انسوا انه ينفتح كمبيوتر غير اذا بدي احكي مع أهلي غير هيك يا اما شغل بالبيت أو ركيض بالأسواق بتعرفوا نظام الاجازات المهم خليني ارجع لكم وحدة وحدة
اول شي بحب بارك للسورية الحمدلله على سلامتك حياتي و مبروك ما اجاك و ان شاءالله بتربى بعزك وعز أبوها يارب و ان شاءالله بتشوفيهم باعلى المراتب و عرسان
دمشقية حياتي اشتقت لحكياتك كتير و مبسوطة لك انه أهلك عندك عن جد ما في بعد الأهل و ما في شي الا له نهاية هي الغربة لازم اذا رحت اجازة ترجعي و اذا اجى حدا لعندك يسافر المهم انه انبسطوا مع بعض و يارب على طول
بنوتة مبروك زواجك و ان شاءالله يارب زواج الدهر و ان شاءالله بيتحقق مرادك و تحملي بسرعة ولو انا ما معك بهالفكرة لأن لازم الوحدة تعيش فترة هي وزوجها بدون اولاد ليقدروا يتأقلموا على بعض و يطلعوا و يعيشوا بحرية قبل الارتباطات و الأولاد بقى لا تضيعي هالفرصة من ايدك و ان شاءالله بتتهني يارب
لولية حبيبة قلبي مبروك خطبة بنتك وزواج التانية و عقبال لما تفرحي بالتالتة الله يخلي لك اياهم و تشوفي أولادهم و تفرحي منهم و ترجعي لشهر العسل انت و بعلولك ما في أحلى من هيك انه الأهل يطمنوا على اولادهم و بعدين يعيشوا حياتهم
شامية حياتي الف مبروك الحمل يارب يجعل التمام على خير و الحمدلله على سلامتك بسوريا انتم السابقون ونحن اللاحقون بس ديري بالك منيح ما تروحي تنعجقي كتير بالروحات و الجايات وتنسي انك حامل و تهملي حالك واول شي لازم تعمليه انك توقفي عند دكتور بالشام لحتى يتابع حالتك و تاخدي بنصايحه
ياسمينة أكيد مشغولة بتحضيرات العرس الله يتمم على خير و بيكون وجه هالعريس خير عليك وعلى اهلك و بتكون حياتك سعيدة يارب و ان شاءالله بترجعي بتنوري الشات عن قريب
كاتس أنا خليتك للأخير لحتى احكي لك شوي عن بيت الحمى ههههههههما شاءالله عنك هلأ أخدت مكان مونو حبيبتنا صرت عقيدة الشات متواجدة على طول الحمدلله على سلامة تالا و ديري بالك كتير منيح لأن بهالسن الولد بيحب يكتشف وكل شي ممنوع مرغوب و ما بيخطر على بالك شو ممكن يتصرف منرجع للمفيد وخديها نصيحة من وحدة صار لها 13 سنة متزوجة و بعد حرق أعصاب و تلف بشرايين الدماغ كل شي بيطلع من بيت الحمى و خاصة من الأولاد و البنات دود و غيرة سواء منك او من زوجك يعني أنا مثلا عيلة بيت حماي مو كبيرة هنن ولدين وبس و زوجي الكبير لما بنزل اجازة منحاول انه نقضيها اذا كنا قاعدين بحماة بين أهلي و بيت حماي واذا شي يوم ما رحنا على بيت حماي بيقوم ابن حماي بيوز براس امه انه ما عم نشوف أخي عم يروح على بيت حماه أكتر ما يجي لعنا وعاد لما منكون عندهم ما بيطلع بوجه أخوه او بيقول له شو أخبارك يا اخي حتى اذا منكون معزومين على الغدا عندهم بيجي بياكل و بيدخل ينام فورا و لا كأن أخوه جاية من السفر ولازم يقعد معه هالفترة بس لما بيشوفنا عم نروح ونجي لعند أهلي بيبلش يحكي أشكال والوان وانا كنت انقهر واحرق أعصابي بعدين السنة الماضية لما حكت معنا حماتي هالكلمة قلنا لها فورا انا وزوجي انه لما نروح لعندكم و يعمل لنا قيمة و يقعد معنا يبقى يحكي انه مشتاق لأخي و ما عم شوف أخي قامت سكتت هي و ابنها يعني صار لنا 10 سنين منسافر ومنروح ومنجي ونحن ساكتين ومنقول ما بدنا نعمل قصص بس لكل شي له حد و طبعا انا حكيت لك قصة و قيسي على ذلك قصص بقى لا تحطي براسك شي لأن ما رح تروح غير عليك وعلى زوجك و تنخرب بيناتكم وهنن هذا اللي بدهم يوصلوا له صدقيني
حبيباتي اشتقنا لمونو كتير يارب تكون مبسوطة عند أهلها و ان شاءالله بترجع عالشات وبتنوره و بترجع حاملة الشهادة الكبيرة يارب
أما عن أخباري فأنا متل ما حكيت لكن اني مسافري اذا الله أراد الشهر الجاية بنصفه تقريبا لسه ما تحدد ايمتى بالظبط لأن ما أخدنا تأشيرة السعودية لأن مسافرين بالسيارة ان شاءالله بس على الأغلب على نص تموز بقى ادعوا لي تكون ميسرة و ننبسط بهالاجازة و اذا كان معي وقت ان شاءالله اقدر ارجع ادخل و حاكيكم
مسالخير يا جماعة كيفكم
دمشقية الله ييسر لأهلك وان شالله يكونو انبسطو عندكم ومعك حق أكيد اتعودتو عليهم انت وسوريا والله الفراق صعب انا زوجي كل يوم بيبعتلي رسالة بيقلي قديش باقي حتى ارجع لعندو وانا بيغط على قلبي مكابدي اترك سوريا والأيام الحلوة عنجد بتمر بسرعة خايفة والله من الرجعة ههههههه
كاتس الحمد لله على سلامتك وديري بالك منيح وحطي السدادة وأكيد كلو خير اليوم كنت مجتمعة مع خالاتي والكل بلش ينصحني أنو اذا جبت ولد ما اعمل مانع وجيب التاني دغري وأنو رح انحبس وانحبس بالبيت وخليني جيب تنين وربيهم سوا قال ما بحس بتربايتهم مع بعض والولد التاني بيجي أسهل بكتير من الأول وخصوصي اذا مافي وقت بينهم لأنو بيكون الرحم طري لسا أنا انا قلتلن أنو لسا بكير على هالكلام وشو الله بيريد منشوف بس الفكرة مالي رافضة 100 بالمية لأنو أنا ماعدت صغيرة وصرت بال30
لولية لا أكيد ما منريد تتجرصي قدام بيت الاحما والله يستر بس انت كمان ديري بالك
بيرل يا مية اهلا وسهلا والحمد لله على السلامة والله يقويكي ويعطيك العافية ويبارك فيك أكيد مارح انسى ورح دير بالي على حالي أصلا ماما قاعدة علي مراقب ماعم تخليني تعب حالي والله بساعدها شوي بتصير بتخاف علي دغري بس وينك يلي بيقعد بين أهلو مابيعود بيفكر لا بسيران ولا بمشوار لأنو جمعة الأهل أحلى سيران بس يعني ماعم قصر انا عم روح واعمل زيارات بس بدون مشي بالسيارات
سلام لأحلى بنات سوريا
اني احبكن في الله
واحب سوريا وكل شي سوري
دمتم في حفظ الرحمن ورعايته
شامية للعظم;12443226:
يسعد أيامكم يا بنات اشتقتلكم كتير كتير
أنا هلق عم حاكيكن من الأراضي السورية والحمد لله كانت رحلة سهلة ومريحة كتير كتير
واشتهيتكم كلكم تكوني معي بالشام هلق المهم شفت أهلي كلهم بخير
شو بدي خبركم كمان يا جماعة ما بتصدقو من أول ما شميت ريحة سوريا راحت كل الأمراض والأوجاع مني ولا لي حاسة بوحام ولا لي حاسة بشي من يلي كنت حس فيه سابقا حتى الأستفراغ وقف نهائيا وشهيتي للأكل رجعت اكترمن الأول بكتير
وبخبر كاتس خانم أني اليوم أكلت شيش برك واتذكرتها كتير أنا وعم آكلها وفعلا من ايدين الماما غير
الجو عنا الحمد لله حلو معتدل من يومين طلع هوا قوي ورطب الجو بعدو مبارح اهلي استأجرو مزرعة وطلعنا وانبسطنا كتير كتير
سبحان الله لا لي حاسة حالي سافرت ولا شي كأني ما طلعت من البلد بسرعة اتعودت عالوضع مع انو صارلي سنة برا سورية وما قدرت اتأقلم
طبعا برجع برد على ردودكم ان شاءالله بس حبيت طمنكم علي واطمن عليكم
الف الحمد لله على سلامتك و سلامة البيبي و فرحتيني كتير انك عم تقدري تفوتي و نطمن عليكي
ومافي احلى من الجمعة لفتح النفس و ابقي تزكريني بكل اكلات الشام ما بدك توصاي كلي عني وعنك و عن البيبي :D و الحمد لله يلي جمعك بأهلك على خير و ان شاء الله دايما مبسوطة F:
شامية للعظم;12462766:
مسالخير يا جماعة كيفكم
دمشقية الله ييسر لأهلك وان شالله يكونو انبسطو عندكم ومعك حق أكيد اتعودتو عليهم انت وسوريا والله الفراق صعب انا زوجي كل يوم بيبعتلي رسالة بيقلي قديش باقي حتى ارجع لعندو وانا بيغط على قلبي مكابدي اترك سوريا والأيام الحلوة عنجد بتمر بسرعة خايفة والله من الرجعة ههههههه
كاتس الحمد لله على سلامتك وديري بالك منيح وحطي السدادة وأكيد كلو خير اليوم كنت مجتمعة مع خالاتي والكل بلش ينصحني أنو اذا جبت ولد ما اعمل مانع وجيب التاني دغري وأنو رح انحبس وانحبس بالبيت وخليني جيب تنين وربيهم سوا قال ما بحس بتربايتهم مع بعض والولد التاني بيجي أسهل بكتير من الأول وخصوصي اذا مافي وقت بينهم لأنو بيكون الرحم طري لسا أنا انا قلتلن أنو لسا بكير على هالكلام وشو الله بيريد منشوف بس الفكرة مالي رافضة 100 بالمية لأنو أنا ماعدت صغيرة وصرت بال30
لولية لا أكيد ما منريد تتجرصي قدام بيت الاحما والله يستر بس انت كمان ديري بالك
بيرل يا مية اهلا وسهلا والحمد لله على السلامة والله يقويكي ويعطيك العافية ويبارك فيك أكيد مارح انسى ورح دير بالي على حالي أصلا ماما قاعدة علي مراقب ماعم تخليني تعب حالي والله بساعدها شوي بتصير بتخاف علي دغري بس وينك يلي بيقعد بين أهلو مابيعود بيفكر لا بسيران ولا بمشوار لأنو جمعة الأهل أحلى سيران بس يعني ماعم قصر انا عم روح واعمل زيارات بس بدون مشي بالسيارات
الله يسلمك يا رب صدقيني حاطاها و باخد الحبوب على المنبه حتى ما انسى ولا حبة بس سبحان الله النصيب
اما عن خالاتك فحالهم حال كل الخالات و العمات كل ما بشوفوني ببدو فيي بهدلة على نصايح و حكي متل يلي حكو خالاتك بس انا مو مقتنعة وشايفة صاحبتي حملت على طول بعد ما جابت بنوتة و هي هلأ بالشهر التامن و بنتها عشر شهور و يا حرام ما اعطتها حئها بالمرة لدرجة انو الدكتورة منعتها تحملها لانها تعبانة من الحمل تخيلو ام ما تحمل بنتها بهالعمر اذا تالا بتكون تمدلي ايديها لحتى احملها و اوقات بتنكد و بتضطر اشتغل شغلي و انا حاملاها و بدها العب معها و اركض وراها كيف لو كنت حامل و كيف بدها تطلع و تفوت مع بنتها و هي ما عم تمشي غير انها بدها تحممها و غير و غير و كتير شغلات بالقران ليه انزكر انو الرضاعة عامين لحتى يكون اقل شي بين الطفل و التاني و لحتى الام تسترجع صحتها و الطفل ياخد حقو بكل شي طولت عليكي بس هادا رأيي وما همني حد من يلي بحكو لانو ما حد رح يعوضلي بنتي عن اي شي و شو يعني 30 سنة في بنات كتير لسى بتجوزو بهالعمر بعدك صغيرة و العمر ئدامك 8o|
حكيت كتير ما هيك :o
المهم ديري بالك على حالك و بس تجربي بتقرري اعطيتك نصيحة مجرب و يمكن اكون غلطانة ;)
شمعة الجزائر;12464894:
سلام لأحلى بنات سوريا
اني احبكن في الله
واحب سوريا وكل شي سوري
دمتم في حفظ الرحمن ورعايته
اهلا و سهلا فيكي نورتي الشات وانا متلك بحب سوريا و كل شي فيها لهيك عم تلاقيني هون مع اني مو سورية :adore::adore::adore:
CATS_ANGEL;12472383:
اهلا و سهلا فيكي نورتي الشات وانا متلك بحب سوريا و كل شي فيها لهيك عم تلاقيني هون مع اني مو سورية :adore::adore::adore:
ايوه ماشاء الله عليهم بنات سوريا مابعرف ليش من زمان احب سوريا واهلها احسهم كتير مهضومين
وعلى فكرة انا اتابع كتير المسلسلات السورية واعرف احكي كتير كويس اللهجة السورية
وكتير اشتهي اكلاتهم اتمنى من قلبي اني ازورها واكل اكلاتهم واحكي معهم:L:
وينكن تركتوني لحالي افوت و اطلع وانام ما بحب انام لحالي بالشات بخاف من العتمة :'(
شامية و دمشقية ان شاء الله متل ما ودعتو تلاقو و ان شاء الله ترجعو تتلاقو عن قريب بس طمنونا عنكن ^o)
سورية في ربوع سوريا الله يهنيكي يا رب F:F:
لولية و بيرل و ياسمينة و بنوتة و مونووووووو ان شاء الله ما نست حدا و ان شاء الله تكونو بخير :L::L:
مسالخير يا جماعة كيفكم شو الأخبار
أنا الحمد لله بألف خير مبارح رحت عالتربية بلشت بوراقي حتى ارجع على وظيفتي طبعا هون مافي فضا متل لما كنت باليمن اليوم طول النهار بيتنا مافضي من الضيوف جايين يسلمو علي
المهم بدي قول للدمشقية متل ماودعتي تلاقي أكيد فضي عليك البيت بعد ماسافرو أهلك
وبدي أسألك صحيح كيف كانت نتيجة محمود بالامتحانات طمنينا
كاتس لا تخافي نحنا هون بس هيك تغير شوي الوضع علي لذلك ماعم ادخل كل يوم طمنينا كيف صارت صحتك بعد ما أجهضتي
ومشان ردك على نصيحة خالاتي انا صحيح ممكن يكونو قنعوني بس أنا مابحكم بهيك مواضيع الا عالتجريب يعني لأولد ان شالله حتى احكم بالموضوع وأكيد الحكي ببلاش و الحكي غير الفعل
ح
حياتي البحرين
عروس متألقة
01-07-2010 | 10:14 AM
مرحبا كيفكون ان شاء الله منيحين
انا من البحرين وبدي اصف هيك يومين عندكن
شو في حدى هون