الدمشقية;12580613:
يسعد صباحكم ومساكم وكل اوقاتكم
وينك كاتس خانم اه شو الارض مابتحمل بطلين كنو خخخخخ.... مو منشان شي بس اشتقتلك ياعسل
لولية لك اهلا وسهلا والله عاذرينك ومن النئ مامنشبع لاننا حريم ونفهم بعض خخخخخ وسلامتك و عصفورية هلأ يعني تقطعي بنصيب البنت اذا اجا ..؟
اكيد لاء والله بعينك وقتها ههههه
ماشالله برنامجك عاامر وذااخر الله يقويكي يارب ولا تنسي تصوريلنا كل شي ونشوفه عالفيس بوك ... وربي يتمم بالخير
وتسافري على حوومص وتنبسطي
صدقي يا دمشقية شو ما عملنا ما بنيجي شي جنبك فانتي البطل اولا و اخيرا و انا مجرد مساعدة لا اكتر و لا اقل الله لا يحرمنا من طلتك علينا بس لما تيجي مونو على خير وقتها بتكونو بطلين و الشات رح يحملكن بين عيونو :adore:
انتو في البال اكيد بس اليوم يلي ما برد عليكن فيه بكون عند اهلي او شي مشوار بتعرفيني ما بستغني عنكن ولووو :o
الدمشقية;12580626:
شامية اهلين حبيبة قلبي قال من طول الغيبات جاب الغنايم
ياستي الله يهنيكي ويسعدك ويكفي انك عم تطمنينا عنك ... ومنشان نوع البيبي انا من الاول اذا بتذكري قلتلك ولد صح ولا لاء ؟ الحاسة السادسة خخخخ
الله يقومك بالسلامة وسلامة البيبي هي اهم شي اكيد
ويسلموا على الدعوى الحلوة ليش لاء والله هدى خانم تقبر قلبي شهتني على البيبيات من جديد خخخخخخ
وكاتس ان شالله كمان ومون وبيرل وبنوتة وسمورة لاحقا ولولية ...(( الله يستر تجي تسبني هلا )) وكل اللي نفسهم الله يطعمهم يارب
ان شاء الله الله يطعمهم لكل يلي بنفسو يا رب وما يحرمهن لحدا ان شاء الله هنن البيبيات حلوين ليش الواحد ينكر بس ما في شي حلو بدون غلبة :rolleyes:
PEARL2000;12580775:
صباح الخيرات حبيباتي أنا هون لسه ما سافرت بس فيكن تقولوا بدأ العد التنازلي
باقي من الزمن اسبوع
الله يذكرك بالخير يا مونو ببتذكروا قبل ما تسافر كل يوم تدخل و تكتب باقي من الزمن وانا كل ما اقرأ هالعبارة يجيني كل الضحك وحس حالي عم شوف شي افتتاحية لقناة جديدة عالتلفزيون و كل شوي بيقولوا باقي من الزمن
على قولة لولية كل ما مندخل في حصة نق بس كلكم بتعرفوا كيف بيكون الركض قبل السفر والله لحد مبارح وانا بالسوق والله بعمري ما صار فيني هيك بالعادة بكون مخلصة أغراضي قبل شهرين و 3 تقريبا بس هالمرة من كتر التعب بالشغل كنت روح عالبيت مالي نفس اني اطلع من البيت لهيك تأخرت السنة بأغراضي و بهالشوب بتعرفوا كيف بيكون التسوق والله يا بنات كنت امس عم اسحب رجلي غصبا عني يعني مو تعب من المشي بس اشعر اني ما عم اقدر آخد نفس صحيح التسوق بالمولات بس لتتنقلي من واحد لواحد لازم تطلعي عالشارع أو لحتى توصلي عالسيارة مثلا لازم تقطعي مسافة بس الحمدلله خلصت كل شي مبارح و باقي هلأ ضبضبة الأغراض بالبيت وناوية أعمل شوية فطاير نقرشة عالطريق و لشوف اذا بعمل شي قالب كيك كمان بصراحة زوجي كان أمس عم يقول لي حرام التعب وما تعملي شي بس انا قلت اذا بقي معي وقت رح اعمل شوي و ما كتر لأن كل سنة بعمل زوادة و ما بيروح منها شي غير العصاير و الفواكه يمكن دمشقية فاهمة علي لأن بتسافر متلي بالبر و بتعرف بهالشوب الواحد ما بيطلب غير العصير
بس الحمدلله دخلت و انبسطت انكم كلكم بخير و ان شاءالله اقدر ادخل مرة تانية قبل السفر لأن مديري مسافر الأسبوع الجاية بس أنا عندي كم شغلة بالمكتب لازم خلصهم قبل السفر لكن بحاول ادخل ان شاءالله
بيرل وصلتلك :059:
هههههههه بدك تعيدي مسلسل الزمن بعد مونو :058:
ان شاء الله يخلص هالاسبوع على خير و ارتاحي قبل السفر لانو سفرة البر تعب حتى لو انك بس قاعدة بالسيارة بتكسر تكسير جربتها كم مرة من الاردن للسعودية :096:
الله يعطيكي العافية المهم انو كل امورك تمام هلأ و صدقي السفرة ما بتحتاج اكتر من تسالي و عصير و اذا بتشربو قهوة بتعملي براد قهوة و خلص اما شغلة الاكل ما بحس انو الواحد بيجي على بالو كأنو اذا اكل ما بوصل بسرعة غريبة الشغلة ما بعرف كيف :094:
و بما انو مديرك مسافر فما عاد الك حجة بدنا نشوفك اكتر قبل ما تسافري على خير وما عرفنا اذا في مجال تحكينا من سوريا و لا رح تقطعينا :020:متل مونو ما بنعرف عنها شي و شو صار معها بالاختبارات خصوصا انو كل الجامعات خلصت على ما اعتقد ما بعرف اذا بسوريا بعدهن و لا خلصو:097:
عم نستناكي لتكملي مسلسل الزمن هالاسبوع ما حنعرضو بدونك :034:
مراحب ياعسولات وحشتوووني والله ...
باقي من الزمن يوماو يومين وبيتسكر هذا التجمع وكل عام وانتو بخير بشعبان ورمضان على الباب ,, دنيا عم تركض الله المستعان
كاتس حبيبة قلبي جمعة مباركة عليكي وكل الايام يارب ويخليلي ياكي وانتي الكل بالكل ونحنا من بعدك وبعد مون وربي مايحرمنا جمعتك الحلوة ..... والله يعينك والله الرجال لما بينشغل بيطلع خلقنا ومنصير منتفشش بدبان وجهنا
ومع هيك انتي اهون منا ياكاتس يعني الله يديمها عليكي نعمة عندك سيارتك بتروحي وبتجي لحالك وطلعتك لحالك عااادية جدا ببلدك وكمان اهلك اصحابك
كلهم بيبقو قراب واذا مابدك حدا بتطلعي ان شالله حديقة المهم بتغيري جو .... بسم الله وماشالله ماقصدت قر عليكي لا والله بس نحنا بحكم الغربة وطبيعة البلد
مأسورين لرجالنا هنن بطلعونا وهنن بجيبونا واذا انشغلوا نحنا انحبسنا بهالبيت .... ومع هيك بقلك الله يعينك بتبقى الوحدة لدها زوجها هواللي ياخدها وتغير
جو معه ,,, الله المستعان
والله اليوم ومبارح خليتو يطلعنا غصب عنه وعن امه خخخخخخ بدي غراض من السوق للبيت وبدي اشتري لمحمود وشام ملابس قبل الزحمة
والحمد لله اتوفقت وجبت غراض والاهم طلعت غصب عن الكل كهكهكه (( ضحكة شريرة )) جماعة بيتوتيين طفشوني ...
شو جبتي شي لتالا او الك ... العيد على الابواب . ودوبك تلحئي الشي الحلو والكويس
ومنشان التفاسير لك من عيوووووووووووووني والله والله يكتبلك الحمل وقت اللي بدك هههه ,,,,, وعلى فكرة حتى بالشام مو كل الناس بتهتم بهيك تفاصيل
بس بالسعودية كتييير ناس بتحب هالاشياء وبتعملها وبالفعل هي حلوة ...
&&&&&&&&&&&&&&&
بيرل اهلين ياعسل من غير شر ذكرتينا بمون ,,,, يالله عدي بالعكس خخخخخ الله يسهل هالسفرة عليكم وتوصلوا بالسلامة
واي خدي معك نقرشات وكيك متل ماقلتي لانو في استراحات عالطريق بتقرف بقى اللي معكم بضل اامن ... ولا تنسي القهوة كتري منها
بتصحصح تمااااااااام ولا توقفوا لابن امو بالطريق ولو شفتو عم يمووووت انتبهوا ودائما وقفوا باستراحات عليها ناس مو مقطوعة ... لان قصص الخط والسفر كتيرة ...
(( اسئل مجرب ههههه))
وربي يكتبلكم السلامة وسلميلي على سوريا وقليلها دمشقية لاحقتني مو مطولة هههههه والعلم عند الله
و الله و صار رمضان على الابواب ان شاء الله بتستقبلي بصحة و عافية حبيبتي يا دمشقية انتي و كل احبابك
صدقيني يا دمشقية كل يلي بتقولي صحيح و بروح انا و تالا بقضي كل مشاويري لحالنا و باخدها على الحديقة بعد العصر و بتنبسط بس الا ما تكوني في غصة انو جوزك مشغول عنك و ما عم تشوفو بعض وانا ما بحب اضغط علي يعني جوازنا الله يعينهم على هالحياه عم يركضو و ما عم يلاحقو
قلتيلي غصب عن امه اااااه منك شو قوية ما اتفقنا تعطيني دروس يا ام ضحكة شريرة و حتى لو على السوق و الله اسمها انو الواحد طلع و غير جو و الله يعينكم على الحبسة مو سهلة ابدا يمكن لومحلكن كان طقيت زمان يمكن يلي بهون شوي انكن اختين مع بعض عم تتسلو و تقضو وقت أنا اوقات بطلع لف بالسيارة بدون ما اعرف وين بدي اروح بس هيك لفة و تغيير جو و تالا صارت تمل كتير اوقات بضطر طالعها على 9 الصبح على باب البيت بنتمشى شوي و بنروح على قولة ماما عند الاجانب بياخدو الحيوانات يغيرولهم جو كل يوم ( ماما عليها حكي غير شكل ) بس لحتى تشجعني اطلع مع تالا
مبروكين اغراض شام و محمود ان شاء الله يهروهم بالعافية و الصحة بس يمكن بدري كتير على اغراض العيد
اما بخصوص تالا عندها شي اربع لبسات بعدني ما لبستها اياهم يعني ممكن لبسها منهن لبسة او لبستين قبل العيد و بيبقى لبستين و بجيبلها كمان لبسة ان شاء الله بس ما بعرف يمكن برمضان اشتريلها
صدقي نفسي كتير بالتفاسير و شكلي رح الزق فيكي وقتها هههههههههه الله لا يحرمني منك و لوقتها يخلق الله ما لا تعلمون تسلمي لقلبي حبيبتي
