اصحاب واحباب على طول ,,, لمتنا السورية الصيفية اهلا و سهلا...لشهر رجب 1431 هـ

صباح الخيرات على الأمورات الحلوات كيفكن يا أحلى صبايا أخيرا دخلت بوقت بلاقي في حدا يعني اليوم مكسلنة شوي بقى قلت خليني بالتخت شي ساعة زيادة قبل ما ابلش الركض
دمشقية حبيبتي والله متل ما عم تعملي للسورية أحسن شي بس في طريقة تانية ببعتلك ياها على الخاص والدكتورة بالزمانااااااااااات هي قالتلي عليها
كاتس يا عمري الله يخليلك بنوتك وتشوفيها عروس يا رب ليكي نصيحة استمتعي بكل لحظة معها وصوريها دائما بكل حركاتها لإنه غمضي عين فتحي عين بتلاقيها صارت ببيت زوجها
والله يا بنات كل ما بيجيبولي سيرة العرس ألبي بيزعل وعيوني بتدمع ماني عارفة شو أعمل بحياتي ما كانت عندي مشاعر أنانية ما بعرف شو صايرلي لا والمشكلة إنه ما بقدر قول لحداهالحكي يعني مبسوطة ببناتي بس بدي اياهن يضلوا جنبي حلوها بقى
يلا شو بدكن تعملوا المرة اللي عم ادخل فيها عم تسمعوا الق اله بيعينكن
آخر أخباري اشتريت أخيرا فستان لكتب كتاب بنتي لإنه بدي غير عن الطقومة زهقت بقى اشتريت فستان أسود من فوق وأبيض بليسه طويل من تحت وقبل ما اشتريه حكيت زوجي قلتله إذا لبسته ما بيقوله أم العروس جهلانة على كبر قالي اللي بدو يحكي يحكي والله أم العروس عروس أكتر حبيبي والله الوحيد اللي بيقدر يحسنلي معنوياتي
أما بالنسبة لبنتي اللي حيصير كتب كتابها فعملتلها فستانها عند زهير مراد لون أزرق وان شاء الله يطلع حلو
يا بنات ما حد عندو أخبار عن مونو وبيرل صرلهن زمان ما طلوا
شامية يا عمري الله يقومك بالسلامة يا رب ولا تنسي تبعتيلي رقمك بسورية كرمال وقت انزل بركي منتقابل هونيك
ياسمينة حبيبيي غالبا بإذن الله رح احضر عرسك يا رب بخلص كتب الكتاب وبنزل فورا عسوريا بقى إذا بتوصي شي من هون ابعتيلي مسج أو ابعتي للعصفورة

حبيبتي دمشقية روحي الله يجبر بخاطرك يا رب ويخليلك ابن عمك تسلميلي
شوفي إذا ما نفعت هالطريقة مع سوريا دوروا بحبشوا لا تكون الست هدى عم تغني ما بنزل ما بنزل يا بابا ما بنزل إلا بحلق الماس بقى بهالحالة زوج أختك بوجهو على الصايغ ويجبلها لأختك شي حلق الماس مرتب بس أمانة بضهرك ما تقوليلو إني أنا اللي علمتك هالحل ها الله يسترك
بس ليكي هديك الطريقة مجربة وقلتلها لكذا وحدة عليها ونفعت معهن بقى الله يسرلها

كاتس بسم الله ما شاء الله بنوتك بتجنن الله يحميها ويخليلك اياها يا رب عنجد حلوة كتير بسم الله عليها كل يوم اقرإيلها وحاوطيها

حبيبتي يا عمري بتتاكل أكل ما بإيدي روح قلبي آكل الأولاد الصغار الحلوين يعني لا تفهموني غلط بالمعني المجازي يعني ماني أمنا الغولة
الله يخليلك اياها يا رب ويخلي أبوها