تجمع أمهات واطفال وحوامل مصر لشهر رجب 1431 ه

Boody we zady;12390944:
فكرتوني كنت حامل و الراجل بيقولي يا أنسه و لما كنت عند ماما الله يرحمها في المستشفي و كان معايا بودي سنتين الراجل بتاع الأمن بيقول الكل يخرج و ممكن الأنسه تفضل و شاور عليا و كلهم قعدوا يضحكوا هههههههههههه

ههههههههههههههه
فكرتينى انا كنت حامل فى الخامس وعندى امتحان وروحت وبعدين مش قادره عايزه ادخل الحمام

فا بقول للمراقبه بعد اززنك عايزه اروح الحمام

قالتلى لا مفيش
قولتلها مش هقدر بجد

راحت بصيتلى بقرف

روحت قولتلها انا حامل ومش قادره بجد

راحت قالتلى هو كمان الكدب فى الحاجات دى 8o|

قولتلها والله ابدا مش قادره

قالتلى انتى فى الكام

بقولها فى الخامس

راحت بصالى من فوق لتحت وسابتنى ومشيت ومرديتش تدخلنى الحمام

وقالت للمراقبه اللى معاها
فا وانا خارجه بتقولى هو انتى متجوزه اصلا

فا بقولها والله وحامل

راحت بصالى :study: وقالتلى يا كتكوته :mad:

hend1979;12397391:
انا جوزى بقا وقت غضبة مش عاوزنى امشى من ادامة لازم يدهمولى فى وشى

انا كمان لو مشيت من قدامه أبقى قليلة الادب وبمشى وهو بيتكلم

عارفين يا بنات أنا بتبع مع جوزي نظام ايه ؟؟؟؟؟؟؟ اني علي قد ما بقدر مش أعمل الغلط حتقولوا معنديش شخصيه !!!! لالالا عندي و الحمد لله و جوزي بيستشرني في كل حاجة حتي لو مشكله عندهم في الشغل أو في عيلته حتي لازم يحكيلي و يأخد رأيي بس الأسلوب اللي أنا بعمله ده بيخليني دايما صح و و الله من 7 سنوات هيا مده جوازي مرة واحده صالحته فيها كنت غلطانة و باقي المرات هو اللي بيصالحني عشان أنا مش بعمل الغلط أكيد بأجي علي نفسي في أوقات بس النتيجه انه أنا في نظره بنت ناس و أصيله و بستحمله و غيري مكنتشي حتكون كده ده كلامه لجوز أخته علي فكرة ربنا يهيدكم يا رب

ام بودى

والله انا لما بمشى من قدامه بيقولى مانا كلب اصلى وبهو هو ومستنيانى لما اخلص مع نفسى


بس انا بفضل قدامه وبسكت

وبعدين بطنش

hend1979;12397391:
انا جوزى بقا وقت غضبة مش عاوزنى امشى من ادامة لازم يدهمولى فى وشى

ماشي يا جميل يدهوملك و انتي ساكته برضه ما هو مش حيجي من الباب للطق كده حيقولك انتي و انتي و الا ايه طيب؟

أنا مش قصدي تمشي و تسبيه يتكلم !!!!!!!!!!!!!!! يا جمياعه قصدي تنسحبي بهدوء بعد ما يزعق و يقول الكلمتين بتوعه

كلام جوزى جارح لدرجة يخلى اللى قدامه يكرهه نفسه ويتمنى يموت

ام بودى انتى جوزك بيعتذر

انا جوزى ابداااااااااااااااااااا

يعنى عارفه صاحيلى انهارده بعد تلكيك امبارح

وانا محضراله قميصه والبنطلون والشراب

ولقيته صاحى طبعا مفيش لبس يا هانم قولتله الهدوم قدامك اهى

اه والشراب فين حتى شراب الطقم دا مش موجود ما الهانم مش فضيالى

قولتله بص جمبك هتلاقيه

راح قالى والقميص

قولتله متعلق على الدولاب اهو

راح باصص كدا وقالى لاااااااااااااا مليش مزاج البس القميص دا انا عايز القميص الفلانى

القميص اللى حضرتك مش محضراه طبعا

اللى لسه متغسلش

قولتله افتح الدولاب هتلاقيه مكوى ومتعلق

راح رايح لياسين بيلاعبه وقالى قومى هاتيه انتى

روحت جيبته وخرجت عملتله الشاى والكيكه عشان يفطر

وحطيتهم بره

خلص وخرج لقانى بشرب الشاى باللبن بتاعى والكيك بس اللى على التربيزه

فا بيقولى اه وطبعا نسيتينى يا هانم والشاى بتاعى متعملش مانا الكلب اللى هنا

قولتله الشاى فى المطبخ عشان المروحه متبردهوش

اهو اتفضل

راح بياكل الكيكه (زى كل يوم ) اوبيقول الهانم مش هاين عليها تعامل جوزها زى الستات اللى عارفه شغل بيتها وتعملى فطار محترم وسندوتشات

قولتله مانا كنت بعمل كدا ومكنش بيعجبك وقولتلى احب افطر فطار خفيف

قالى وفيها ايه لما تعرضى عليا

قولتله مانا عرضت مليون مره وانت اللى قولتلى يا قراقيش وشاى يا كيك وشاى

قالى لا يا مااما انتى بتريحى دماغك

وراح قايم غاسل ايده ونزل

بزمتك بقى دا ايه؟

ربنا يهديلكم اجوازكم ياااااارب
ويصلح احوالكم

بسبس ماشاء الله عليكي بالك طويل
مع ان كلام جوز ينرفز بس انتي كنتي بتردي بهدوء وعقلانية
بجد اهنيكي ي افضلي كدة على طول
عشان تكبري في نظره

عمتو بيتو;12397519:
ربنا يهديلكم اجوازكم ياااااارب
ويصلح احوالكم

بسبس ماشاء الله عليكي بالك طويل
مع ان كلام جوز ينرفز بس انتي كنتي بتردي بهدوء وعقلانية
بجد اهنيكي ي افضلي كدة على طول
عشان تكبري في نظره

بجد انا لقيت نفسى بشد فى اعصابى وهو بارد

وبيغيظنى

قولت يا بت خليكى ابرد منه عشان انتى اللى بتتعبى وفعلا بقيت هااااديه تماما معاه :study:

يالهووو دة واضح ان كل الرجالة بالطريقة دية انا بردك والله نفس الكلام دة بيقولة بس للاسف بقا انا مش بسكت

حسبي اله و نعم الوكيل

dandona we bas;12397598:
حسبي اله و نعم الوكيل

بتتحسبنى فى مين؟؟ اوعى يكون فى جوزى؟؟ :-o

لا ازعل منه اه اتحسبن فيه لاااااااااااااا :study:

لا طبعا يا بسبس انا بحسبن في كل ظالم مفتري مش ليكي و الله خالص

hend1979;12397574:
يالهووو دة واضح ان كل الرجالة بالطريقة دية انا بردك والله نفس الكلام دة بيقولة بس للاسف بقا انا مش بسكت

لما بتردى بتستفيدى ايه؟؟؟

dandona we bas;12397608:
لا طبعا يا بسبس انا بحسبن في كل ظالم مفتري مش ليكي و الله خالص

ههههههههه مانا جوزى ظالم ومفترى :worn_out:

لا بلاش تتحسبنى ياختى قلبى وجعنى دا الحب بردو :o

ماشي يا بسبس

حاجه تقرف بجد أستغفر الله العظيم
والله بطنى بتوجعنى جدا من كتر العصبيه

دودي افتحي الياهو بليييز

dandona we bas;12397640:
دودي افتحي الياهو بليييز

حاضر