تجمع أمهات واطفال وحوامل مصر لشهر رجب 1431 ه

انا اهله هما السبب في كل حاجة حسبي الله و نعم الوكيل ياااااااااااااااااااااااااارب يا قادر يا جبار وريني فيهم كل اللي بيعملوه فيا و انا حامل و مش مقدرين حاجة و يقوموا جوزي عليا و يخلوه يحلف عليا طلاق و انا حامل و انا الوحيدة اللي شلته في كل حاجة و دلوقتي بقيت هيمد ايده عليا و يزعق و يتهمني باطل حسبي الله و نعم الوكيل

انا دلوقتي عايزة انزل مصر مش عارفة هينفع انزل في التاسع و لا لأ انا خايفة و اهلي خايفين يقعدوني معاه لوحدي و هما مسافرين و انا اتجرحت منه و أذاني حرام عليه و الله العظيم

حسبي الله و نعم الوكيل

ازاى اتعامل مع زوجى تعبت
اولا انا خلاص نفسيتى تحت الصفر مش عارفة اعمل ايه مع جوزى دايما فى مشاكل مابينى وبينه دايما يشتمنى باقزر الكلام ولو ادامة يلطش فيه مع انه والله بيحبنى وانا كمان بحبة جدا بس ساعة الغضب بيكون انسان تانى خالص ولما يكون كويس بسمع منه اشعار فيه بس انا زهت من المشاكل ودة كلة بيحصل وهو اساسا مسافر ومش مقيم معانا امال بقا لما نستقر هيعمل اية على فكرة كل مشاكلنا بسبب اهلة وبالذات امة حصلت مشكلة مابينى وبينه من شهر تقريبا اواكتر ونتج عنها اننا لحد الان مش بنكلم بعض وخلتنى طلبت منه الطلاق 3 اواربع مرات وهو ردة عليه مش هطلقك لانى اللى بينى وبينك اكبر من انى اطلقك وهو زعلان جدا انى طلبت كدة منه المشكلة بقا ان بنتى كانت تعبانه جدا وقعت اكتر من شهر تعبانه وانا كونت زعلانة ان خلال الشهر دة ولا حد من اسرته سال علينا وكونت بشتكى ليه وفجاءة لقيه بيتصل بيه وبيقولى ياكدابة امى كانت بتتصل بيكى وانى مش عاوزة تردى عليها قولته انا قالى اه امال عاوزانى اكدب امى وفضل سائر علية بطريقة هسترية ويشتم ويغلط بطريقة غبية وطبعا انا بعانى من المشكلة دية لحد الان اتصل اشتكى لامى وطبعا طلع نفسة برىء وانا اللى جاية عليه وماما طلبت منه انه يتصل يصالحنى قال لها لو هى حبت تكلمنى تبقا تتصل بيه وانا مش عارفة اعمل ايه بصراحة وحشنى بس لو اتصلت بيه هيزلنى وهياخود على كدة وانا تعبت مش اسلوبه دة افيدونى بالله عليكم

فين باباكي يا دندونه من ده كله الا مدا لايد والحلفان بلطلاق
وبعد كده اهله مش في مصر ولا عندك

انا كمان تعبت قوى وبدائت اطلع ارفى فى بنتى المسكينه

dandona we bas;12396557:
انا اهله هما السبب في كل حاجة حسبي الله و نعم الوكيل ياااااااااااااااااااااااااارب يا قادر يا جبار وريني فيهم كل اللي بيعملوه فيا و انا حامل و مش مقدرين حاجة و يقوموا جوزي عليا و يخلوه يحلف عليا طلاق و انا حامل و انا الوحيدة اللي شلته في كل حاجة و دلوقتي بقيت هيمد ايده عليا و يزعق و يتهمني باطل حسبي الله و نعم الوكيل

أهدى بس انتى حامل الضغط يا بنتى
والله يا بنتى ربنا هينتقملك

نصيحتي ليكي يا هند اوعي تتصلي انا كنت بعمل مع جوزي كده و الله و اقول مش مهم مهما كان ده جوزي و من الكلام ده بس للأسف ده قواه عليا و خلاها عادي يزعقلي و يشتمني و على وشك يمد إيده كمان و فين ادام اهلي و في بيتهم

hoba555;12396583:
فين باباكي يا دندونه من ده كله الا مدا لايد والحلفان بلطلاق
وبعد كده اهله مش في مصر ولا عندك

حصل ولا حرج وعشان كده كنت عايزة أطلق

ياربي هو اه اللي حاصل في الدنيا
معلش يا هند
انتي مكنتش جبتي سيره امه انها مصلتتش
اكيد هو مضايق انكم واقفين لبعض علي الواحده
متجيبيش سيره اهله خالص معاه
لا بالكويس ولا الوحش

رغم انه دلوقتى بيحاول ينسينى اللى حصل وبيحاول يراضينى بس انا خلاص قافله ولما ببقى لوحدى بعيط بهستريا ومش قادره أنسى اللى حصل
وبتمنى أموت

انا صعبان عليا نفسي اوي انا و الله بعيط و انا بكتبلكوا انا مستاهلش ده كله على اللي انا عاملاه معاه انا جوزي يقول عليا ناقالاة كلام و بجحة و عبيطة ازاي يقول ده كله و يبقى بياكل معايا و بيشرب معايا و نايم معايا على سرير واحد هوا في ناس كده انا مش عارفة ايه الغدر ده حسبي الله و نعم الوكيل

هوا قرب مني اوي هجم عليا كده لدرجة اني خفت و رجعت ورا منه بس مضربش كان على وشك

و الحلفان كل الفتوي و قالوله لو مش قصدك طلاق تطلع كفارة و هوا قالهم انا بس كنت بخوفها و اهددها مكنش قصدي طلاق

و الله انا مش عارفة اعمل ايه صعبان عليا نفسي و صعبان عليا ابني الغلبان اللي هيجي يلاقي عيلة مفككة كده و محدش لا عايزه و لا بيحبه

مش عارفه اقلكم ايه بجد
الله يكون في عونكم وربنا يصلح حالكم يارب جميعا

و الله يا بنات اهله ففي مصر و انا مليش دعوة بجد و كل ما يكلمهم يقعدوا يقموا عليا و يقولوا مراتك متخليهاش تتكلم مع مراة اخوك كتير عشان كل اخباركو في الكويت بتوصلنا في مصر و انا و لا بنطق و لا بتكلم حسبي الله و نعم الوكيل

دينا هدي نفسك يا بنتي وامسكي اعصابك انتي حامل
اا عارفه الموضوع صعب اوي
طيب ما تخلي حد يجي ياخدك وتيجي هنا مصر

بجد مش عارفة اعمل ايه و بفكر انزل مصر اقعد مع اخواتي انا و ابني و خلاص كفاية على كده بس مش قادرة بجد ايه الظلم و الغدر ده انا عمري ما كنت اتوقع كده و ان ده كله يجي من اقرب الناس ليا

انا اهلي مسافرين يوم 5-7 و كانوا هيجوا على وقت ولادتي ان شاء الله قبلا باسبوعين و لا حاجة انا خايفة و مش مآمنة اقعد معاه في بيت واحد و ماما بتقولي تقعد معايا لانها خافت عليا بعد ماشافت اللي بيعمله ده ادامها

حسبي الله و نعم الوكيييييييل هو نعم المولى و نعم النصير

يا هبة هوا حد هامه انا حامل و لا لأ اذا كان جوزي نفسه اكتر واحد المفروض يحس بإبنه مش حاسس بيه و لا فارق معاه خسارة فيه النعمة و الله العظيم

دودى حتى لو اهلك واخدين فكره عن جوزك وحشه مش مشكله اهم حاجه انوا يبقى كويس بس معاكى ومع ابنك
دندونه حاولى كدا متتكلميش فى خلافات خالص عن اهله او اهلك وحاولى كدا رجعى ايام زمان وتعيشوا حياه رومانسيه شويه هتلاقيه اتغير والله
هند ف رجاله كتير فعلا مش بيتحكوا فى عصبيتهم حاولى لما يتعصب اسكتى خالص ومتزوديش فى الكلام وادخلى قوده تانيه وابقى عاتبيه لما تلاقى هدى وعتاب بردوا مش خناق وحاولى متشتكيش من حماتك خالص لان مفيش راجل بيطلع امه غلطانه وعلى فكره ممكن هو ياخد باله ان مامته مش بتسال وهو اللى يعاتبها وانتى هتبقى برا الموضوع كبرى دماغك وخلاص واستنى لما هو يكلمك وهو على فكره شكله والله بيحبك وباقى عليكى
على فكره يا جماعه مفيش راجل بيمد ايده على مراته الا انها تكون استفزته انا شايفه علشان تحفظوا كرامتم لو الراجل كان متعصب اسكت خااااااااالص لحد ما يهدى وبعد كدا اخد حقى بقى

قوليلي نعمل ايه يا دودي و الله العظيم ان حاجة ابني كلها انا اللي جياباها انا و اهلي و هوا يدوب جابوله تيشرتين مفيش غيرهم و الله العظيم و لا بيفكر فيا و لا بيفكر في اي حاجة غير اهله و ازاي يرضيهم انا اللي كنت بسلفه لما بيحتاجوا حاجة في مصر و ميكنش معاه فلوس و في الاخر طلعت بنت ستين في سبعين و ياريت جوزي بيدافع عني الحمدلله على كل حال

و الله يا دعاء اقسملك بالله انا ما بنطق نص كلمة لما بيكون مضايق و الله العظيم و اهله لا هما بيسألوا و لا انا بسأل بس لازم تحصل مشاكل منهم و هما هناك بجد حرام و الله انا معنتش قادرة اتحمل اكتر من كده و انا و الله يا دعاء من نوعية الستات اللي بتراعي ربنا جدا في معاملتها مع جوزها بس هوا ما بيتقيش ربنا فيا ولا في اللي في بطني

دندونه مضايقيش نفسك علشان انتى حامل يابنتى محدش هينفعك