تجمع أمهات واطفال وحوامل مصر لشهر رجب 1431 ه

هانا انا تمام الحمدلله يا قمراية انتي واحشاني اكتر و الله انتي سميتي ايه صحيح

المشكله ان بابا صعبى جدا وبيغلط فيه لانه بصراحة يستاهل انوا عارفين انه 3 مرات قالى انتى بنت كلب وعدتها فى اكتر من كدة

ايوه حقيقى ياسالى فعلا انتى صحيح لسه مااتجوزتيش بس فعلا المراه ضعيفه وبتشترى بيتها ولولادها ولا انها تتخلى عنهم ابدا وبرافو عليكى كل ماتضعف ويزيد حبها ف كده تتاقل عند جوزها وتبقى ف القمه فعلا
هند فيه مشاكل الله لايوريكى انتى ماشفتيش فعلا احمدى ربنا ان هيا دى بس مشكلتك وبقولهالك والله عشان بحبك الراجل بدل فيه خلق ودين يبقى استحملى غير كده منه
يعنى زى الحاجات الكبيره اللى متقدريش تعيشى معاه فيها زى الخيانه وخلافه يبقى تستحملى وتصبرى والمشاكل بتخف تخف بالتدريج وممكن اللى بيخليها تتاخر ف الحل بعده عنك وده اكيد بلا محاله عن تجربه حاولى تقوليله انك عايزاه جمبك وانكو تبقو مع بعض وماعدتش قادره على بعدك انا حنتلك اوى نفسى نفسى نفسى قولى كل اللى بتتمنيه وهيحاول ياخدك وربنا معاكى ويوفقكم

بصى ياهند انا ما شوفتش فى عيلتى واحده اتجوزت ما اتهانتش و لا اتشتمت والله العظيم و بجد شوفت الافظع منك بكتيرررررررررررر و الدنيا عدت
يعنى ما اهالينا بيحصل بينهم مشاكل لا يعلمها الا الله بس فيهم اللى بيدارى و فيهم اللى بيشركنا معاه
النبى عليه الصلاة و السلام نفسه كان بيحصل مشاكل مع زوجاته و كان هيطلقهم و اعتزل عنهم شهر
مافيش بيت كده بيكون بيور و لا الراجل اللى فيه بيعامل مراته حلو على طول لازم يحصل غباء فى المعامله من الطرفين
بس الفكرة فى السيطرة و ان نحاول الموضوع يعدى ما ياخدش وقت
انا رأيي الطلاق ده يحصل لو واحد فجر اوى و على طول بيخون بفحش او مش بيراعى حدود ربنا خالص ومش هامه حد فى الدنيا
انما تدخلات الاهل و المشاكل العاديه دى بتعدى و الشتيمة ما بتلزقش
و فى الاول و لا فى الاخر هو ما يقدرش يستغنى عنك لانك واخده حيز فى حياته اساسى و ما يقدرش يتصور حياته من غيرك
و اراهنك اذا كان فاكر حياته من قبلك كانت عامله ازاى
بس احنا عندنا هنا مشكلة فى الرجاله كلهم على فكرة اللى هى حتة التملك لما بتتجوزى بيفتكر انه اشتراكى خلاص و يعمل فيكى اللى هو عايزه

مالكم ساكتين ليه

اه يا رورو لسه ما اتجوزتش و ربنا يستر بس انا مش متوقعه الحياة وردى على فكرة انا عارفه انى هشوف ايام صعبه بس على يقين ان الايام الصعبه دى مكتوب عليا اشوفها حتى لو ما تزوجتش و كنت لوحدى
يبقى اشوفها و انا متزوجه احسن على الاقل انول الثواب و اكمل نص دينى
اصل حياتك اللى هتعشيها مكتوبالك سواء مع زوجك ده او غيره او لوحدك هى نفسها هتبقى سيناريو واحد بمشاكلها بسلاطتها ببابا غنوجها

ربنا يهديلك الحال يارب يا هند و يبعد عنك الاذى و يمكر ليكى يارب و الله هدعيلك جااامد
و ربنا يهدى امه و اخواته يارب يعنى الدنيا اصلا مش مستاهله كفاية الارف اللى فيها ربنا يبعد عنكوا الشيطان و يصلح ذات بينكم و يألف بين قلوبكم يارب
انا هقوم بئه اكمل مذاكرة لحسن عندى امتحان النهارده
دعواتكوا الحلوة
سلااام

بصى ياهند الشتايم دى قلتلك طبع ؟؟؟؟؟؟؟؟؟؟؟؟؟ عارفه يعنى ايه طبع ؟ يعنى اتجبل عليه يعنى بمعنى اصح بقت لازمه ف بقه وطبعا ده نتيجه الشارع الاصدقاء حاجات كتير اهلنا زمان ايام جدودنا كانو من قرى وطبعا الكلمه دى شائعه عندهم فاتجبل عليها اردى غصب عنه بيقولها لكن مش من جواه ونفسه انه مش يقولها ويبقى اكثر اتزان بس غصب عنه
ساعديه ارجوكى ؟ مش تثورى عليه وياما يابنتى اهانات افظع من كده وعايشين انا مااقصدش انك تاخدى على عدم احترامه واهانته لا انا اقصد ان الطلاق يعنى مثلا اقولك طلقتيه ليه ؟ عشان بيهنى وبيشتمنى ده مش سبب للطلاق لازم يكون معاها اسباب كتير زى انه بيقولك انا هفضل كده وان ماكانش عاجبك انتى مثلا تستاهلى وباباكى يستاهل ومش عايز يتغير وتعبنا وقعدنا كزا مره مع الاهل عشان الحته دى ساعتها خلاص بنسميها راممى طوبتك ؟
لكن جوزك مش كده اصبرى وادعيله كتير ربنا يهديه يارب باعد بينه وبين منكرات القول حلى لسانه نقيه من فحش اللسان ادعى ادعى

طب انتو شايفين اعمل ايه اروح لامه انهاردة افتح الموبايل اعلق على ميل اعمل قلولى ومعلش لو كونت عكننت عليكم على الصبح كدة

Desly;12548824:
ماهو برده يا جماعه ربنا قال فى القران (و جزاء سيئة سيئة مثلها فمن عفى و اصلح فاجره على الله انه لا يحب الظالمين و لمن انتصر بعد ظلمه فاولئك ما عليهم من سبيل انما السبيل على الذين يظلمون الناس و يبغون فى الارض بغير الحق اولئك لهم عذاب اليم و لمن صبر و غفر ان ذلك لمن عم الامور)

يعنى اللى يرد اللى حصله ماعليهوش حاجه
ماهو برده ما ينفعش اللى يضربنى على خدى اليمين اديله خدى الشمال دينا مش بيقول كده
انا اللى قدامى غلط افهمه انه غلط و كده ما ينفعش و اديله فرصه كررها مرة و التانية الثالثه يبقى فيه وقفه حاسمه
ما بقولش خراب بيوت بس وقفه حااااسمه يتعلم منها( عشان مصلحة البيت و صلاحه) و كل واحد ادرى باللى قدامه ايه اللى يعلمه سواء بئه حكم من الاهلين او اى شىء
مش الناس زى بعضها كل حاله و ليها علاجها
يعنى لو المشكله كبيرة بس الطرفيييين قادرين انهما يعدوا الموضوع باسلوب معين ما بينهم خير و بركه
انما لو طرف منهم عند و بيبغى و يظلم فلازم وقفه
ماينفعش كل مشكلة تحصل يا طلاق يا نكمل يا ابيض يا اسود
ماهى الدنيا برده مش كده و لا الحياه عمرها تمشى كده لا نتناقش و ناخد و ندى و شد و جذب لحد ما نوصل لاسلوب وسطى للتعايش نرتاح عليه احنا الاتنين
كل ده مع الالتزام بالضوابط الشرعيه اللى ربنا قال عليها
و طبعا الافضل من كل ده ان الواحده تيجى على نفسها و تسامح و تقول كلام حلو بس نفترض واحده ما قدرتش يبقى the best يا اما no
مالا يدرك كله لا يترك كله
فى النهاية برده المرأة ضعيفه مهما عملت والله ولا اشتغلت ولا راحت و لا جت هى ضعيفة و بتشترى نفسها و بيتها و عيالها
بس قوتها فى قمة ضعفها سبحان الله

قولتى اللى انا عايزه اقوله بالظبط

ربنا يوفقكك ياسولا روحى امتحان النهارده وقاعده هههههههههه قومى وان شاء الله ربنا يجعلك حياتك الجايه افضل ف طاعه الله ورضاه

هند كبرى دماغك وافتكرى الحاجات الحلوة ومهما كان حنى لجوزك

بالنسبه لامه روحى وماتفتحيش الموبايل الا لما تيجى من عندها وعامليها بالحسنى وبالصمت والاهانه ردى بالصمت برده واقعدى وشوفى هتعملى ايه عندهم وهوا كان عايز ايه وامشى السلام عليكم
واما تروحى البيت افتحى الموبايل وان كلمك ردلى عليه بهدوء وكل ادب وعدم نقص منه لو ناقشتيه وبهدووووووء جدا قبل ماتردى قولى لنفسك خليكى هاديه معاه ياهند اوعى تتعصبى كده
وبعد ماتكلميه ف الموبايل اكيد هتعلقى ف ايميلاته طبعا وكلميه بهدوء حتى لو اتعصب وخدى على خطرك منه يعنى اعملى نفسك زعلانه بس بادب مش بقمص بقى وكلام ملوى وكده

hend1979;12549013:
طب انتو شايفين اعمل ايه اروح لامه انهاردة افتح الموبايل اعلق على ميل اعمل قلولى ومعلش لو كونت عكننت عليكم على الصبح كدة

أخلصى النيه لله وروحى لمامته
لكن ماتفتحيش الموبايل انتى لسه مضايقه وهو كمان

رورو حبيبة جوجو;12549041:
بالنسبه لامه روحى وماتفتحيش الموبايل الا لما تيجى من عندها وعامليها بالحسنى وبالصمت والاهانه ردى بالصمت برده واقعدى وشوفى هتعملى ايه عندهم وهوا كان عايز ايه وامشى السلام عليكم
واما تروحى البيت افتحى الموبايل وان كلمك ردلى عليه بهدوء وكل ادب وعدم نقص منه لو ناقشتيه وبهدووووووء جدا قبل ماتردى قولى لنفسك خليكى هاديه معاه ياهند اوعى تتعصبى كده
وبعد ماتكلميه ف الموبايل اكيد هتعلقى ف ايميلاته طبعا وكلميه بهدوء حتى لو اتعصب وخدى على خطرك منه يعنى اعملى نفسك زعلانه بس بادب مش بقمص بقى وكلام ملوى وكده

رورو هند لوفضلت تيجى على نفسها هيجى يوم وتنفجر وهتبقى النهايه
اما الطلاق او انهيار عصبى

انا تعبانه جدا نفسى القى حد اترما فى حضنه وابكى لحد مااطلع كل الضغط اللى فيه ولما بعمل كدة مع امى امى بتثور اكتر عليه يعنى انا شايل هم كل واحد امى ابويه بنتى اللى لسه صغيرة لما اشوفها خايفة وبتعيط عشانى عشان انا بعيط يارب فكر كربى يارب يارب اقف معايا واللى شايفة صالح لية اعملهولى

هند بلاش تقولى معلش احنا اخوات فى الله و لازم ننصح و نشد فى بعض
اقولك ما تفكريش هتعملى ايه سبيى يومك على الله
و استخيرى قبل اى حاجه تعمليها قولى دعاء الاستخارة و لو نويتى تكلميها قولى اللهم اكفنيها يما شئت و كيف شئت انك على كل شىء قدير و لو رديتى على زوجك قولى نفس الدعاء
انتى لو فكرتى هتعملى ايه هتتعبى و هتفضلى تحسبيلها طب اقولها ايه طب اكلمها ازاى طب امتى طب ارنله لما اكلمها و هتدوخى و ضغطك هيعلى
و الحاجات دى بالذات ما بيتحسبلهاش و لا بيتخططلها لانها لحظية
انتى يمكن فى يومك النهارده فى لحظة كده يجيلك نفس تكلميها كلميها
بصى ياهند العلاقات الاجتماعية بالذااات مالهاش قواعد ولا قوانين
و مافيهاش صح و غلط فى حاجه اسمها حاجه تناسبى و حاجه ما تناسبنيش
شوفى ايه اللى يناسبك و اعمليه
و ربنا معاكى فى الحالتين ومش هيسيبك

معلش يا هند يا حبيبتى روحى لربنا عشان مالكيش غيره و لا حد هينفعك الا ربنا هو احن عليكى من ابوكى و امك روحى لربنا و صلى و عيطيله جامد و انكسرى ليه و ادعى يا جبار اجبر بكسرى و خاطرى
ربنا يجبر بخاطرك يارب و يبدلك مكان الهم و الحزن فرح و سرور و سعاده يارب
و قوى نفسك يا هند انتى قدهااااا و هتعدى منها و من اعتى منها كمان وربنا مش هيسيبك ولا هيضيعك ابداااا

رورو حبيبة جوجو;12549023:
ربنا يوفقكك ياسولا روحى امتحان النهارده وقاعده هههههههههه قومى وان شاء الله ربنا يجعلك حياتك الجايه افضل ف طاعه الله ورضاه

هند كبرى دماغك وافتكرى الحاجات الحلوة ومهما كان حنى لجوزك

آمييييييين يارب
مانا هقوم و ربنا يوفقنا كلنا يارب

يادودو جوزها بعيد وطبيعى اللى هيا فيه لازم تستحمل دى ام بتصبر على بنتها اللى بتقرفها يبقى لازن تصبر على جوزها اللى بعيد عنها والضغط اللى هيا فيه وتنفجر بيقعد لايام وبتبقى عادى ف الايام اللى بعدها هوا الحال كده

هند الكلام اللى قلتيه ده قلهوله هوا اولى انه يسمعه نفسى اترمى ف حضنك واقعد اعيط وتطبطب عليا ماتستغربيش انا كنت بقول لجوزى كده انا مالياش ام ولا اب انتى اللى ليا ويعز عليا ان انتى اللى تجرحنى وتهنى وكده قولى كده انت الوحيد اللى بستنى منه كلمه حلوة ليه بتعمل كده نفسى اشوف عنيك وحشتنى كده اه ماتستغربيش كل اللى جواكى فجريه فيه بهدوء وحب بيوصله ويشتاقلك اكتر لان الراجل بيحب احتياج مراته ليه دا بدل ماتواسينى على بعدك عنى تهين فيا كده عبعبى كل اللى جواكى بس بحب مش عبعبه لوم وعتاب على اخطاء فيه انا زهقت من بعدك عنى وممكن بخطا عشان انت بعيد عنى وكده

هند استغفرى واستعينى بالله ارجوكى بلاش تضايقى فى نفسك
انا عملت كده كنت على حافة الانهيار وهما متخلين ان اللى بيعملوه عادى احنا محتاجين نهدى كتير ونتعامل بحزم شوية