تجمع أمهات واطفال وحوامل مصر لشهر رجب 1431 ه

هوا قالك لفظ انتي طالق او تحرمي عليا او كده نطقها صريحة

hend1979;12548506:
اللى عاوزة اعرفة بس هو كدة يبقا طلقنى

لا طبعا
يا بنتى ولا يقدر أصلا ده بيهددك هما شايفنا هبل ببساطه انا بعد كل اللى قولته والمشاكل اللى انا عملاها دلوقتى
جوزى بيكلمنى وعايزنى ارجع وبيقولى مشكله عاديه وطظ فى الكبار بقى كانى واحده غبيه وملهاش قيمه ومش قد الموقف:mad:

طب ايه رئيكم اتصل بامه واشفى غليلى واقول لها ادينى رقم تلفون خاله اللى المفروض كان وكيلة عشان يجى عشان نخلص عشان ابنك خلاص انا وهو انفصلنا شعان متضيقيش من كلامى بعد كدة

لا مقلش بس انا قافلة الموبايل كل لما افتحة القيه كان متصل بيه كتير قوى مش عارفة عاوز ايه تانى بس انا قافلة الموبايل من امبارح

اوعييييييييي تعملي كده هيا اول واحدة هتفرح فيكو يا بنتي اوعيييييييييي اسأليني اعملي زي ما دودوي قالت بالظبط يا بنتي

ايوه كده كويس خليه يتربى شوية

السلام عليكم ورحمة الله وبركاته
ازيكم يا بنات يارب تكونوا بخير
انا اسفه جدا على تدخلى بس كنت ببص هنا و لقيت موضوع هند
بصى يا هند نصيحه بجد ابعدى عنه تماما الايام دى حاولوا تهدوا من بعض شوية بلاش تحتكوا ببعض
لان كل ما تحتكوا ببعض و انتوا شايطين انتوا الاتنين و مش قادرين تمسكوا نفسكوا البهدله هتزيد
انا بقولك عن تجربة مع بنت خالتى الوضع عندها كان مشابه ليكى و هى فضلت تقرص على نفسها و تقول هستحمل هستحمل
طبعا هو كل ما يشوف وشها و لا يسمع صوتها يفضل يهزأ فيها لحد ماهى كمان انفجرت و شتمته راح ماسكها ضاربها
جم يدخلوا الاهل راح ضرب الاهل كمان تخيلى بأه
و ضرب جدو والله الراجل الكبير
بس انتى ابعدى شوية لغاية ما الدنيا تهدى حاولى حتى توصليلو رسالة بهدوء بس مش عن طريقك انتى انه يفضل نبعد يومين و بعدين نتكلم
لانك انتى لو كلمتيه دلوقتى و لا ذكرتيه بربنا ممكن يغلط جامد لانه بطريقة الاتصالات الجامده دى هو مش شايف قدامه الا نه عايز يطلع غيظه فيكى
و اوعى تعملى اى حاجه خالص ابعدى يومين تماما بدون اى رد فعل و بعدين ابقى شوفى هتعملى ايه
بس انا بقولك حصل مع بنت خالتى الالعن منك و دلوقتى رجعوا عادى جدا و اتصالحوا و صالح الاهل و الدنيا ماشية فبلاش تتسرعى

امى بتقولى انى لازم اروح ازورها انهاردة بتقولى انتى كدة كدة منفزتيش كلامة على انك تروحى امبارح بس المفروض تروحى انهاردة

هانا هنا ازيييييييييك يا قمراية عاملة ايه و البيبي عامل ايه يا سكرة

hend1979;12548526:
لا مقلش بس انا قافلة الموبايل كل لما افتحة القيه كان متصل بيه كتير قوى مش عارفة عاوز ايه تانى بس انا قافلة الموبايل من امبارح

صدقينى السكوت من دهب
الصمت هيقلقه اكتر ولا تكلمى امه ولاتفتحى الموبايل
طنشيهم

hend1979;12548590:
امى بتقولى انى لازم اروح ازورها انهاردة بتقولى انتى كدة كدة منفزتيش كلامة على انك تروحى امبارح بس المفروض تروحى انهاردة

لا انتى واخده موقف تزورى اهله ليه
انتى واخده موقف افهميها كويس ولا تعبرى حد منهم هتروحى يتحرق دمك
كلمى راجل كبير فى عيلتك هو ولدك متوفى؟؟

معلش ياهند انا دخلت لقيت مشاركتك واتدخلت غصب عنى اولا امسحى مشاركتك يلا روحى احذفيها
ثانيا انا بنصحك ابعدى عن تدخل الاهل خالص وواضح من كلامك لعلمك انه بيحبك وعشمه فيكى كبير بغض النظر عن الاهانات اللى بيقولها وخايف تروحى منه لعلمك اقفلى موبايلك 3 ايام وبعدها افتحيه وكلميه عادى قليله كنت لازم ابعد شويه من كلامك واتكلمى عادى وحاولى تسايرى الامور وفهميه كل اللى انتى عايزاه بس بهدوء وماتنقصيش منه خالص
صدقينى تدخل الاهل سواء منه او منك هيزيد الامر سوء وساعتها هتندمى وربنا معاكى ويفك كرب اى مسلمه ومسلم

ازيكممممممممممممم وحشتونى اوى ازيك يادندن اوزيك يادودى
هند معلشى انا مش عايزة اتدخل بس متهيالى ابعدى عنو شوية فعلا عشان ميحصلش مشاكل اكبر ونصيحة منى متدخليش اهلك فى مشاكلكم واصبرى شوية وربنا يهدية

بجد انا تعبانه جدا وبصراحة خايفة خايفة من كل حاجة حياتى اضمرت صعبان عليه بنتى خايفة عليها قوى وصعبان عليه عمرى اللى راح على الفاضى ولا كانى اتجوزت انا معاه من سن 23 سنه ودلوقتى بقا عندى 30سنه كل دة على الفاضى راح اربع سنين خطوبه و3 جواز واستحملت فيهم سفره وبعدة واهانه وبعد كل دة بيقولى ياواطيه ياهههههههههه

هانا اوبا;12548632:
ازيكممممممممممممم وحشتونى اوى ازيك يادندن اوزيك يادودى
هند معلشى انا مش عايزة اتدخل بس متهيالى ابعدى عنو شوية فعلا عشان ميحصلش مشاكل اكبر ونصيحة منى متدخليش اهلك فى مشاكلكم واصبرى شوية وربنا يهدية

ازيك يا قمر عامله ايه

النونو تمام الحمد لله مجننى شوية بس بجد كفاية انى ابص ليه كدة بس بالدنيا
انتى ع املة اية واحشانى

هند روحى لامه زى ماقالك واكسفيه بتعاملك الكويس وانك محافظه على حياتك وبنتك لسه رغنم اهاناته صدقينى هيشلهالك اوى
نصيحه ليكى دى بقى او عى تنسى انه ف غربه وزمن اغبر ف الغربه وشغلهم زفت اوعى تنسى الحته دى فهميه كل اللى انتى عايزاه بهدوء ودون نقص منه وعامليه كويس

hend1979;12548635:
بجد انا تعبانه جدا وبصراحة خايفة خايفة من كل حاجة حياتى اضمرت صعبان عليه بنتى خايفة عليها قوى وصعبان عليه عمرى اللى راح على الفاضى ولا كانى اتجوزت انا معاه من سن 23 سنه ودلوقتى بقا عندى 30سنه كل دة على الفاضى راح اربع سنين خطوبه و3 جواز واستحملت فيهم سفره وبعدة واهانه وبعد كل دة بيقولى ياواطيه ياهههههههههه

هو ماينفعش تسافرى معاه؟؟

بس يا هند والله لازم بعد كده قاعده معاه و تفهميه ان مش هينفع حياة مستقره بالاسلوب ده
و ان مهما كان الزعل بينكوا حاجز الاحترام مش لازم يروح لانه لو راح كل حاجه ممكن تروح بعدها
و تفهميه انه لو البيت ده اتخرب فالخاسر الوحيد هو البنت
و انك ما تقبليش العيشه على اساس اخف الضررين او علشان البنت
و تتفقوا بجد على ثوابت تعيشوا بيها و اديله فرصه تانيه عشانك انتى قبل اى حد
عشان نفسيتك ما تدمرش خلى قضية حياتك انك عايزة البيت ده ينجح و جاهدى معاه والله هتوصلى هتتعبى بس هتوصلى و صدقينى تعبك كله و المجاهده هتكون فى المسامحه
لو قدرتى تسامحى هتكملى
لو هو ما يستاهلش يا هند فانتى تستاهلى ان يكون بيتك ناجح و تكونى سعيده فى حياتك و مستقره و بنتك تعيش فى جو اسرى
ربنا يعينك و يقويكى يارب و يفرغ عليكى الصبر الجميل و يربط على قلبك
انتى قدها و قدوووود و هتعدى والله كله بيعدى بس المهم يعدى بأقل خسائر ممكنه

هند جوزك شكلو عصبى لما تلاقية متعصب مترديش احسن وقوليلو معلشى انا هخقفل دلوقتى لغاية ماتهدى