... تجهيزات عرائس " ليبيا " لشهر رجب 1431 - 2010 م / الجزء = 12 ! ] ~ ‘’

لو سمحتن يا عسولات نبي وحده منكن إتدلني على مكان كويس سواء في طرابلس أو بنغازي يدير في الكيراتين البرازيلي... أرججججججججوكن إتساعدني ويا رب كل وحده ينولها اللي في بالها يا رب، وجزاكم الله كل خير

حبيبتى فى مركز بيوتى سنتر ايدير فى الكيراتين بس مش عرفته شنو نوعه انت

أسامة عمري;12366802:
عرايس الورغان للي تأخد العروس معاه شني ايكون لونه

هنو الدلوعه;12367220:

هلا حبوبه


في الي أبيض أو سكري او أوف وايت وأني مانحبش الابيض نفضل اللونين الثانيات وحبوبه نصيحه اختاريه ساده من غير خربشه يعني والله مافي أحلى من البساطه الي هي اساس النازكه ياعسل

شكراً ياغالية ممكن سكري بس اني شفت مرة خالي في عرسها لما جت جابت معاه واحد دم غزال وخدمت يد روعه واثنين انحس فيهم هلبا ولا شن رايك واكيد هما حيكونوا حاطين واحد ع الرسير في الدخلة :worn_out:

بنا تعرفن صبيتي ((حماتي ))شن تبي هدية كوشة او طاقم عشاء او مكنسة كهربائية و هذين عاد من 85 وعدي غادي

موضوع حلو كثير
ارجوكم ياليبيات عرس قريب مانعرفش من وين نبدا
نبي احسن سوق للمكياج في ليبيا او شكرا:083:

نرجس الشرق;12367534:
بنا تعرفن صبيتي ((حماتي ))شن تبي هدية كوشة او طاقم عشاء او مكنسة كهربائية و هذين عاد من 85 وعدي غادي

يعني واخير عرفتي شن تبي ممكن طقم عشاء :p شن رايك

صباح الخير
نرجس كويس جيت بسيطه ونجسها مكنسه احلي واسهل

قدرك كبير بقلبي;12365816:
ربي يهنيك بحاجات ياعسول

سؤال ليك (حيو) قوليلي اكسسوارات الدار النوم من وين بزبط ؟

سؤال لروح وين ياسموحتي لقتي الورغان الي حكتي عليه المكان بزبط؟

عروسة الاميرات;12366394:
ماشاء الله لاقوة الا بالله على حاجتك يا حياة ربى يهنيك ونا نحب الالوان هذه واجد ربى يبارك فيبها
[/B][/SIZE]

أسامة عمري;12366624:
ألف مبروك يا حياة مشاء الله ....سؤال لي حيوا وين لقيتي اكسسورات دار النوم وبي كم ياحلوة

تسلموا حبوبات وعيونكم الحلوه
بنسبه اكسورات موجوده كل محلات ديكور في امارات وسعرها غالي شوي

أسامة عمري;12367483:
شكراً ياغالية ممكن سكري بس اني شفت مرة خالي في عرسها لما جت جابت معاه واحد دم غزال وخدمت يد روعه واثنين انحس فيهم هلبا ولا شن رايك واكيد هما حيكونوا حاطين واحد ع الرسير في الدخلة :worn_out:

[/QUOTE]
سوري علي كثرة الإسئلة ....... وحدة ماصدقت لقت حد تحكيله من غير ما تحس انه موضوع بايخ وفيه خجل :o
باهي لما نشري اثنان واحد كريمي واحد لون تاني نعطيهم للي اني اخديته للدخلة لي خواته وهما ايفرشواه ولا شي
اسف كثرة بس مافيش حد في العيلة قريب تجوز ومانعرف شي وماقدرتش نسأل خلاتي ونساوين خوالي سامحوني :'(
محد رد علي سؤالي شني صعب لي ها الدرجة

بنات ماتنسوش حقائب الكتف اني خديت 3 ألوان وحده اسود + ابيض+ قهوي

أسامة عمري;12367969:



بنات ماتنسوش حقائب الكتف اني خديت 3 ألوان وحده اسود + ابيض+ قهوي

هنو الدلوعه;12368037:

ماله شنو مهمات اني نحب الشناطي هلبه وواخده مجموعه مشكله وتعرفي مازال بناخد لانهم ميزتهم لايبو سمن لاضعف ههههههههههههههه

وعاد كل شنيطه معاها كندره حشاكم تمشي معاها لزوم الاناقه
اسامه عمري خديتي أحجام شناطي للبحر تحتاجيهم الكبار وللزرادي والصغار للطلاعات السريعه خديتي او لا ؟

لا يهنوا ماخديتش وماكنوش علي بالي فكرتيني فكرك في الشهادة ههههههههههههه جوا عزايز :D

هنو الدلوعه;12367773:

هو حبوبه المعتاد يكونو زوز واحد عملي وتقدري تاخديه اللون الي تحبيه ويكون نازك وصدقين السوق معبي والثاني يكون سكري يعني ديرلهم ميزانيه وأختاري زوز واحد يكون رقيق للدخول ويكون مافيشي خربشه او رسمات أو حركات لانه زي ماقلت البساطه أحلى شئ ومرررررررريحه للنفسيه ليك وليه


والثاني خودي اللون الي يجي في خاطرك حبوبه فهمتيني عسوله

أسامة عمري;12366802:
عرايس الورغان للي تأخد العروس معاه شني ايكون لونه

F:F:F:F:F:F:F:F:F:
حبوبة انا اكتر شي يعجبني الاوف وايت واللون اللى تحسيه طالع من الابيض ويكون فيه تمويجة عاالذهبي او كريمي احلى واحلى .

قدرك كبير بقلبي;12365816:
ربي يهنيك بحاجات ياعسول



سؤال لروح وين ياسموحتي لقتي الورغان الي حكتي عليه المكان بزبط؟

حبوبة الدوة هادى قبل 6 شهور . وفي شارع 20 وين باالزبط ياربي مممممم مش عارفة باالزبط المهم ان المحل كان حاطه في فترينة هااليرغان شوفي هو المحل في نفس صفة محل تانى حتى هو يرغانات ايمه تقريبا( الف ليلة وليلة ).اسفة حبوبة ان شاء الله غير مانكون توهتك معاى بس.:!!:

حياة حلوة;12362965:

صندوق من داخل مقسم بنص





وهذي مشطه ومرايه و حفظه لي الفرش مكياج







ساعه حائظ



سله قمامه



وهذا الشمعه تشتغل ببطاريه وطلع ريحه
بس الاسف حصلت ريحه فالينيا بس لكن احسن تركب علي للون دار نوم

ما شاء الله لا قوة الا بالله

بالله قوليلي من وين جايبتهم ؟؟ و لو من طرابلس دلوني يا بنات بنغازي وين ممكن نلقاهن

عروسة ليبيا;12368154:

سوال المخالفه

بنات بليززززززززززززز نبي نعرف سعر جلسة الفيشل بقداش ف تربولي للي سالت او جربت

استاحشتك هلللللللللللللللللبة :adore:

لينا هلبه ما هدرزناش ...

.......................... رد سؤال المخالفة ......................

في سانت جيمس 60 د.ل.

نرجس الشرق;12367534:
بنا تعرفن صبيتي ((حماتي ))شن تبي هدية كوشة او طاقم عشاء او مكنسة كهربائية و هذين عاد من 85 وعدي غادي

حبيبتي شوفي انقولك

خوديلها مكنسة كهربائية من وكيل LG فيه عندهم واحدة صغيرة و نزيكة بالمرة عندي منها جايبتها للدور الاول في حوشي اتهبل ما شاء الله ما نشكرها ليك هي هكي كركوبة صغيرة لكن قوتها ممتازة
و سعرها ب85 دينار
و ممكن تاخديلها طقم عشاء صغير مش ضروري ضخم يعني هي هدية و السلام
فيه واحدات حلوات بكل في سوق المصرية عند السوادين امتاع المواعين تلقي ب55 و65 حلوا بكل و الله هن صح حجمهن من كبير تهيألي فيهن 6 من كل نوع بس حتى هكي كويسات و نقشتهن رقيقة و نازكة بكل انا من فترة خديت منهن لبنت خالتي في عرسها طقم نقشته وردي على فضي و جميل جدا

اما موضوع الكوشة فوتيه عاد رحم الله امرء عرف قدر نفسه فوقف عنده

مبروكات حاجاتك نازكات و حلوااااااااااااااااااااااات هلبه 00 حياة حلوة 00 ربي يسعدك و يهنيك ...


سؤال المخالفة ؟؟

من وين واخده الشمعة ؟؟؟ عجبتني هلبه