N0rma;12371587:
انا نفسي اشوف صورة كريازى القديم دا هاموت واشوفه
بنات هو الاججهزه احسن من عبد العزيز ولا بى تك؟
بى تك اضمن لكن عبد العزيز لو مش معاكى حد فاهم ممكن يغشوكى ويحصل نصب فخليكي فى المضمون :)
lasposadelnilo;12372599:
ميرسي يا سلمى والله انا كنت مفكراها ماركه مجهوله محدش يعرف عنها حاجه
انا فعلا الفريزر بتاعها واسع وفيها ايس ميكر بس ايه الدرج اللي في الباب من بره ده مشفتهوش
ومقاساتهم عجيبه كده بقول للراجل دي كام قدام قالي 14.7
بس صيانتهم منصور شيفورليه صح ولا ايه
التلاجه الراجل قالي سعهرها ب 2300 فرق 300 بس عن التوشيبا مش غاليه اوي خايفه يكون بايعهالي مش كوري اصلي
قوليلي لما بتحتاجو قطع غيار بتكون غاليه
وايه رايكوا لو جبت الاجهزه وركنتها سنه والمفروض العمال هيدوا وش دهان للشقه على شهر يناير باذن الله تفتكروا الاجهزه هتتبهدل???????????????????
ميرسي اووووووووووووووووووووي يا نوجي الله يكرمك ويطمنك يارب
بس ازاي اعرف ان كلها كوري او صناعه كوري متقفله في مصر وال 14 قدم ب 2300 كده رخصيه مشكوك في انها مش مستورده ولا ايه ???
ابقى اسألى الراجل اللى بيبيع هى كورى ولا تقفيل مصرى
بس اللى اعرفه ان السامسونج كله كورى ومفيهوش تقفيل مصرى وهتعرفى من الكرتونة برضه بيبقي مكتوب عليها
الاجهزة مش هيحصلها حاجة لانها فى كرتونتها فمش هتتبهدل ان شاء الله بس هى هتتشال فى الشقة اللى هتتدهن ولا ايه ؟؟ اصل لو كده ما تضمنيش ايه اللى ممكن يحصل
lasposadelnilo;12372639:
ليا سوال مهم في غايه الاهميه القصوى دلوقت اشهر حد بيعمل مطابخ خشمنيوم هوا عمو قبنوري
انا كنت حابه الخشب بس ماما قالتي هيتعبك في التنضيف وكده والخشمنيوم اسهل في النظافه
بس دايما مقتنعه ان اشكال المطابخ الخشب احلى مش عارف ليه بقى مخي كده
ام هند
انا عاوزه اعرف اللي جرب فيهم مطابخ خشمنيوم من قبنوري او بره قبنوري يقلي حكايته ايه معاه كلفتها كام؟؟؟؟؟ وعملي اكتر من الخشب ولا لالا\؟؟؟؟؟؟؟؟؟؟؟؟؟؟؟
وفي منه اشكال حلوه كده زي الخشب وممكن اعمل منه الون الاحمر في سيلفر ولا ايه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
انا هقولك اللى اعرفه :rolleyes:
الخشب افضل فى المساحات الكبيرة والالوميتال للمساحات الصغيرة علشان يكون سهل فى التنضيف
الخشب اشيك من الالوميتال
قبنورى حراااااااامى واسعارهم مبالغ فيها جدا :mad: وفى ناس غير قبنورى بيعملوا حاجات نضيفة واسعار معقولة
فى طبقة بتتحط على الخشب اسمها فورمايكا علشان تقدرى تدهنى باللون اللى انتى عايزاه بس الطبقة دى هتخفى رسمة الخشب وهتلاقى سالى عاملة مطبخها خشب عليه طبقة فورمايكا وماشاء الله تحفة
اممممم ما اقدرش افيدك اكتر من كده :o
mesk_2005;12372937:
يابنات ردوا عليه عشان انا النهارده اعده كده بالصدفه انا مش بعدض على النت كتير الايام ديه
انا عاوزه اجيب تيكتافون اجيبه نوعه ايه وبيبقى بكام تقريبا
احم احم
هو ايه التكتافون ده :o
اللى اعرفه برنامج اسمه دكتافون ام بى ثرى غير كده لأ :o
farkoka;12373320:
تعبانه نفسيا و جسديا وكل حاجه بجد مخنوقه جدا جدا
انا المفروض انى مسافره بكره القاهره ان شاء الله عشان حاجيب السجاد والنجف ,, قلقانه جدا على ماما من المشوار , وكمان الحر بيتعبها , و كمان زن زوجى العزيز مش مخلينى قادره اقوله نأجل المشوار ده .. بس هو شىء لابد منه ,, انا بقى قاعده بعيط دلوقتى عشان هو لسه مكلمنى من شويه و مزعقلى و مبستفنى و اتنرفز عليا وقفل ف وشى السكه ,, و من غير سبب ,, هو اه نضغوط ف الشغل بس انا ماليش ذنب ,, والله يا جماعه انا ف كميه مشاكل ف البيت و كمان وصلت لدرجه انى بروح لدكتوره نفسانيه عشان بدأت تجيلى حالات عصبيه ,, بس محدش يعرف ولا حتى هو , يعنى بصراحه مش ناقصه , مش حاسه ان فرحى فاضله اقل من 3 اسابيع وبلف حوالين نفسى , ولسه ,, اعمل ايه قولولى , انا مش عايزه اخلى ماما تاخد بالها انه مزعقلى وانى بعيط , بس مش عارفه بكره اتكلم معاه عادى ولا ألبس وش ,, انا مش بعرف اكون متضايقه منه واضحك ف وشه ,,
السؤال بقى :
والله ماعارفه اسأل اقول ايه ؟؟
هى وظايف الفرن الصغير هى هى وظايف الميكرويف ؟؟
يا جميل استهدى بالله كده واقرى قرآن علشان تهدى
شوفى كده هى لازم مامتك تبقى معاكى ؟ يعنى لو عندك اخوات او ممكن تاخدى باباكى يبقي اوك علشان ماما مش تتعب
ومعلش هو غصب عنه مضغوط وانتى كمان فكل واحد مش مستحمل التانى روقى بس كل حاجة هتم على خير ان شاء الله وما تخليش الشيطان يوقع ما بينكم
وقابليه عادى ومش تحسسي ماما باى حاجة علشان مش تقلق وتضايق وتشيل منه
وعلى جنب كده قوليله يعنى انت يرضيك نبات زعلانين من بعض ما تخليش حاجة هايفة زى دى تأثر على علاقتنا وكده يعنى وكلام بدلع وكله هيبقي بيس ;)
مراميرو حبيبة هاني;12374504:
بنات انا محتاجه ارائكم بجد عشان انا وماما شدينا انهارده بسبب الموضوع ده:
انا سريري مقاسه 180 والمرتبه ارتفاعها 26 والسرير مدرن يعني المرتبه مش غاطسه في الملل لا دي باينه كأنها محطوطه بس على لوح خشب،المهم ان الملايات ال180 العاديه قصيره ومنظرها ميسرش وانا مش عارفه اعمل ايه او اجيب ملايات منين،هل فعلا في ملايات بتتفصل؟وحد عنده اي فكره عنها او عن اسعارها؟والمراتب الي بأستك تنفعني ولا لا واجيبها منين وبرده اسعارها ايه؟
معلش اسئله كتير ربنا يعينكم يارب
اى يا قمر فى قماش ملايات بيتباع فى الوكالة وقماش حلو جدا كمان وهناك بيفصلوا او اديه لاى ترزى ويعمله عادى يعنى مش صعبة خالص
والمتر بيبقى رخيص مش غالى على حسب القماشة نوعها ايه وعلى فكرة اوفر من الشرا :D
