تجمع لحوامل شهر فبراير(شباط)*2*

رسيل \\
اممممم .. بشوف المواصفات تبع الاثنين ونشوف من الافضل !!
يسلموو

ام ملاك :

الله يبارك فيك يارب ..
بالنسبة للايفون انصحك فيه وبقووووة
ماشاء الله تطور وتقنية عالية ..
خاصة تصفح النت وسرعة استجابة الجهاز لللمس ..
طبعا تصفح النت اذا عندك شبكة لاتقلقين ابداااا .. كأنك تستخدمين كمبيوتر ..
والشحن على حسب استخدامك انا هاليومين يخلص بسرعة لأنه مايطفى طووول الوقت احوس فيه ..
وبما انك بتحملين برامج والعاب وتصفح نت طبيعي بيكون استهلاكة للبطارية اسرع ..
مااقارنه ابدا بالبلاك بيري .. ماعجني ابدا ..


والبنوتات اللي مدحتوا شغلي .. مشكوراااات من ذوقكم ..


وبالنسبة لسعر بالمرز .. 50 ريال اشتريته ..

وجهزت بعض الاغراض لبنوتتي بنزلها ان شاء الله ..

الفرقد :

مبروووووووك الكريم عليك ..

كان اشتريتي اكثر من حبة دامك مالقيتيه بسرعة ..

أريـــن;13278321:
الفرقد :

مبروووووووك الكريم عليك ..

كان اشتريتي اكثر من حبة دامك مالقيتيه بسرعة ..

يبارك بعمررش

:hysterical: يااااريت بس كان اخر حبه ..

:lol:

بنات الزنجبيل فيه ضرر ع الحمل من اعتدل الجو وأنا أحب أشربه
طبعا حرارته عادية ما أحبه حار ؟؟

ماعندي خبر عن االزنجبيل
عندي سؤال انيي بعد
خاطري في سينابون عادي أكله لو لا
على أساس ان فيه دارسين ( قرفه )

[QUOTE=الفرقد 23;13271861]يارا \\
اهليين وينش ما تبينين .. خلينا نشوفش

هلا فيش صاير الوقت يطير بسرعة تعرفي لعيال والمدارس والمداكرة الوقت كلة لهم

بغيت اسئلكم شنو رايكم باسم تبارك بس لاتسرقون الاسم;););)

انا الى الحين مدري شنو جنس الجنين بس عجبني الاسم غريب

RaSeL;13272309:
الفرقد
امم إن شاء الله تناسبك
بالنسبة لي ما ارتحت لها ع طول تسبب لي حرارة وما اتحملها اغسلها وجربت زيت الزيتون ومرة ريحني =)


.
.


يارا
ما تشوفين شر يارب
بس ما قالت لك الدكتورة وش سبب الألم؟؟


.
.

نص دكتورة
لا تعبين حالك واحسني الظن بصدبقتك إن شاء الله ان نيتها طيبة :)

هلا فيش الم توة من البارح مارحت المسشتفى اليوم صرت احسن بس الى الحين احس بنغزات شكلة لاني من يومين ماكلة من المطعم

ما شاء الله عليكم ابتديتو تتشرو اني الى الحين احس بدري وايد وبصراحة بعدي ماتعودت على اني حامل لانة صار فجئة من غير تخطيط مسبق والحين مو مستوعبة الموضوع

الفرقد
اممم عادي تاكلين سينابون لأن فيه مواد ثانية غير السينابون " القرفة"
مو إنك تاكلينها لوحدها أنا قد أكلتها أول شهور الحمل والحمد لله ما صار شي


.
.

يارا
روحي لدكتورتك عشان تتطمنين أحسن لك
وربي يشفيك

مرحبا بنات اخباركم


باقي من الوقت ثلاث ايام فقط


وبعرف جنس البيبي


خاطري في بنت وبقوه

ادعولي بنات

ابي احر ناس كل يقولون لي انتي ما بتيبين بنات كل اولاد


احس بيصير فيني شي لو قالو مايبين ولا مسكر رجله


صرت وايد وايد متحمسه

ومقهوره بعد في نفس الوقت

وايد ناس يدخلون يبون يسمون اللي بجيبه سواء بنت ولا ولد

جنه اهم اللي احملو فيه ولا اتعبو فيه

امس زوجه عمي توز عمتي ام ريلي تقولها لو جابت بنت سموها على اسمج

وماعليج منهم وتقولي بقول حق ريلج بعد لازم يسمي على امه

واسم امه قديم

شكلها دخلت الاسم في راس عمتي وبتخليها تقول حق ريلي يسمي عليها

صج امس انقهرت محد له الحق يختار الاسم الا انا وابوه

ناس يقهرون والله

سقاني
ما راح تسلمين من كلام الناس ان جبتي عيال قالوا ما تجيب الا عيال
وان جبتي بنات نفس الشي وما فكرو بشي وهو الخلقة التامة السليمة أكبر نعمة بغض النظر هل هو ولد أو بنت ..
وفعلا التسمية هي حق للأم والأب ما أحد يدخل فيهم !!
المشكلة هالنوعية من الناس ينتقدون رجال بناتهم إنهم سمو عيالهم ع جدانهم وهم نفس الحال
أهم شي حطي بإذن طين والثانية عجين وما كأنك سمعتي كلامهم وريحي بالك

رسيل \\
طمنتيني الله يطمن قلبش هههههه حدددي خارطري في سينابووون الان ...

سقاني \\
دخلي الحجي من هالاذون وطلعيه من الاذون الثانيه تركيهم عنش
وان شاء الله تطلع بنت ياااارب وادعي لي اني بعد هههههههه
والاسم اختيارش انتين وابوه محد له شغل

اممم اليوم رحت اتمشى في مجمع البحرين في محل صغير مذركير
دشيت مااافيه شي عدل وكلشي مخلص ما يسوى
بس استجنيت ويا ثياب البيبيااات هههههه ...

يارا :

انتي مثلي معجبني أسم ( أديــــم ) بس الفرقد تقول مو حلو حاقدة على الفرقد ههههههه

اسم تبارك غريب صح .. بس مدري مو ذاك الزود اذا عاجبك سمي وماعليك ..

سقاني :

يووووووووووه أكره هذي العادة ..

بس صدق يعني ام زوجك تقول سموا علي ممكن حفيدها وبتفرح فيه مع انه مو من حقها تسمي ..

بس زوجة عمك وش دخل اهلها ..

شوفي انتي حاولي تطيبين خاطر عمتك عشان ماتلح على ولدها ..

قوليلها ماراح اسمي الا اللي يرضي عمتي ويرضيني ..

وبين فترة والثانية قولي هاه ياعمة وش رايك بالاسم الفلاني حفيدتك وودي

تساعدينا باختيار اسمها ..

انا استخدمت هذي الطريقة ونفعت قالتلي لا والله يابنيتي انا راضية عليك ومحللتك سمي اللي تبين ..


ويالله ان شاء الله تجيبين بنوتة قمرررررر بس مو احلى من بنتي ههههههه ..

السلام عليكم

أني إن شاء الله ولادتي تاريخ 28/2/2011

الله يسهل على الجميع إن شاء الله ونولد بالسلامة يا رب...

اررين
ههههههههههههههه حرام عليش لا تحقدين من الحين
بس مشكلتي ما اعرف اجامل ههه ما عجبني الاسم
تبارك حسيتهه غريب بس بيني وبينش احنا مو متعودين على هاذي الاسامي هههه
ما ادري ما اعرف

منامه
حيااااش خيووو من بينا الله يزيد ويبارك \\ زادو وايي في نفس التاريخ هههه
اسعدني توااجدش
يا الله عرفينا بنفسش
عمرش من وين
شنو فيش بنت ولا ولد لو للحين ما عرفتين لو مفاجأه
وين تتابعين في الحمل
ههههههه بصراحه الله يساعدش علينا هههه واجد نهدر >>>>>> تكلمي عن نفسش ههههههههههه
ووو بس
وان شاء الله ثواني واضيفش في الجدول

حوامل شهر فبراير

تاريخ الولادة بإذن الله / جنس البيبي
29/1/2011
حبيبة لولو / بنوته


3/2/2011
نص دكتورة



5/2/2011
Bride Dreams
بشوره920 / ولد ( الله يجيبه بالسلامه)



7/2/2011
هنوف المملكة/ مفاجأة



8/2/2011
جمال الزهره




9/2/2011
RaSeL



10/2/2011
ضحكة كذووووبة
نورس الوجود
Yara911



13/2/2011
أمون



14/2/2011
leeean/ ولد (الله يجيبه بالسلامة)
سقاني من قربه الالم( على حساب السونار)



16/2/2011


العروسة الناعمة



18/2/2011
أم ملاك / مفاجأة


19/2/2011
أم الأقمار الثلاثة
برائة عروس


20/2/2011
أم فاطمة
ميقات العمر
22/2/2011
نور الايمان



23/2/2011
ابتسامة
بحرينية كول


25\2\2011


طوق الزهور
ارين


26/2/2011
من نوادر العرب


28/2/2011
الفرقد23

ينابيع الزهور
منامة

أمزح معك الفرقد شدعوة ..

منامة هلا فيك ..


ماشاء الله كل التجمع بحرينيات ..

على طاري البحريين .. الدينار كم ريال يابنات ؟

ضحكة كذوووووووووبة;13274993:
السلام عليكم ورحمة الله كرووووووووشات ......................... صباحكم عسل


وحشتوني .......................... صراحة من داومت وانا مو لاقية وقت ادخل النت

ابدأ يومي من الساعة خمس اجهز نفسي وعيالي واطلع دوامي ينتهي عالوحدة وربع اخذ عيالي من المدرسة اغديهم واذاكر لهم لين المغرب اعشيهم وانيمهم ويبدا ششغل البيت .............تعباااااااااااااااااانة وخبركم تدريس يعني وقفة ارجع وانا مو حاسة لا بظهري ولا برجلي طبعا اخلص شغل البيت عالثمان او العشر وينك يا فراش .................. والاخ يمين يسار يرفس صاحي على طول ........................ هههههههههههه حملي بخير الحمدلله وقالوا لي ولد والحمدلله يارب يكون بصحة وعافية ومن الذرية الصالحة ان شاء الله


سلامي للكل .......................دون استثناء جديدكم وقدميكم منور التجمع بالكل ربي يحفظكم وييسر اموركم ان شاء الله .........اعذروني على غيابي ويارب الكل بخير

عندي سؤالين بما اني مختفية من شهر ......... فحبيت اسال عن ليان صار لي يومين اقرا الردود وماكملتها وماشفت اي شي عنها لحد الان وخبركم من التعب صفحتين وانام

سؤالي الثاني لنص دكتورة وارجو انك تجاوبيني ما عليك كلافة اختي .............. انا شريت جهاز مساج لرجلي الله يعزك لان اوقف بالدوام كثير فاحتاجه لما ارجع للتخفيف عن الالم ............. ولما خذتها كنت ادور انه يهتز ويسخن الماي .............. المهم اول يوم شريته شغلته يمكن اقل من خمس دقايق اجربه بعدين زوجي جربه وانا كنت جمبه ..... يا طويلة العمر كان فيه اضاءة حمرة اكتشفت انها اشعة تحت حمراء للمساج ................. انا ما ششغلته الا يوم شريته .......... يعني بالمرة ماشغلت الجهاز مرة ثانية حبيت اعرف هل للجهاز تاثير على جنيني ................. انا كلمت دكتورتي وسالت كم مرة استخدمتيه قلت ماششغلته كثير بس كان زحمة عندها وماعطتني جواب غير لا تستخدمينه مو زين ابي اعرف هل فترة خمس او عشر دقايق اثرت وبعيدين يعني يوم قعدت كنت على كرسي وبطني بعيد

طمنيني ربي يطمنك ويحفظك لك حملك ان شاء الله ..................

سلام ولي رجعة ان اشاء الله .....................

ان شاء الله مافي ضرر مادام قلتي انه ماتعرضتي له

بس تجنبيه لانه مايصلح للبيبي


بالنسبه لام ملاك


ايه حبيبتي اهم شي الحديد والفولك اسد عشان دمك والكالسيوم عشان العظام حقش وحق البيبي


بالنسبه لي اليوم بموت من التعب


مانمت البارح واخدت اليوم مناوبة


ورحت بعدين بيت ابويي عشان بنت اختي تحتاج مساعدة في المذاكره

وباركوووووووووووووووووووووووووووووووووووووا لييييييي


دخلت الساادس هع هع


بس يقولون لي مايبين عليييييييييييييييش


شو اعمل يعني؟؟