تجمع لحوامل شهر فبراير(شباط)*2*

الفرقد
امم إن شاء الله تناسبك
بالنسبة لي ما ارتحت لها ع طول تسبب لي حرارة وما اتحملها اغسلها وجربت زيت الزيتون ومرة ريحني =)


.
.


يارا
ما تشوفين شر يارب
بس ما قالت لك الدكتورة وش سبب الألم؟؟


.
.

نص دكتورة
لا تعبين حالك واحسني الظن بصدبقتك إن شاء الله ان نيتها طيبة :)

هلا والله ام ملااك
هههههه ايي اني على طول ادش في النهار وفي اليل
بس انتون ما اردري شفيكم ما يعجبكم الا نص اليل هههههه
الله يساعدنا على التساقط اني ما يمديني اجود شعري الا طاح شعري في ايدي
صحيح حبيبة لولو ما بينت صار لها فتره و هنوف المملكه بعد وجمال الزهره اشوفها موجوده في المنتدى بس ما ترد في التجمع
ما ادري الييش
اني اليوم احس بطني مشدووود عددددل من كثر ماهو مشدود احسه بيتشقق هههه
الان حسيت ان لدبه طلعت عن جد هههههههههههههه
الله يساعدني صراحه في لاشهر الجايه
اني جدي مو قادرت اتحرك من الدبه شلون بعدين ..!!
الله يسهل بس

شابكة من جوالي
موجايني نوم ماادري شصاير
بس بحاول انام لاافهي بكرا في الدوام
دعواتكم

هههه قومي نامي احسن واريح

أم ملاك
بعد الولادة خذي فيتامينات تاكلينها وفيتامينات لفروة الرأس
وبإذن الله يوقف التساقط عن تجربة

تيــااااااااااااا :D
اني جيت ,, يا خايبين النمره جم يوم ما دخلت محد سأل عني << :p
شخباركم وشخبار كرشكم وبيبياتكم
أشوف تتكلمون عن التشققــات , والله الحكه ذابحتنــي عدل , أكثر شي صاير في الدبه من فوق وصدري
واستخدم زيت بالمرز الحين
وترى مثل ما قالت رسوله زيت الزيتون وااجد زين , في حملي بهدوي استخدمتــه
ويدوب كانت تبين آثار التشققات حولين السرة بس وخفيييف جدا
شكلي بمكس و زيت بالمرز شوي وزيت زيتون شوي , وزيت الأطفال اللي استخدمه << حشى هنديـه انقلبت خخخخخخخخ


:L: ثانكس فرقوده على سؤالج عني
جم يوم صايره في بيت أبوي واللاب توب دائماً شغال وعلى المنتدى من جذي دائماً تشوفيني متواجده , بس الأغلب ما يصير اقعد إلا آخر الليل هذا اذا نام هدوي وخلاني اقعد مثل الناس

والله للحين قاعد ويطحن فوق دماغي يبي حلاوه ,, وحجرتي من الألعاب والأغراض كأن صاير فيها انفجار

اهليييين بييش
ههههه الله يعينش على هدوووووي لاعب فيييش
الحكه خفيييييييفه جدا جدا عندي ههههه واتمنى تضل جدي ما تزيد

لا والله , ساعات حتى لما أكون طالعه اقتنص الفرصه واحك
بس ما ابي اتعود على جذي لأن مبدي يصير لي مثل الحزازه على الدبـة ,, اني من غير الشي بشرتي حساسه

أم ملاك : الله يعينــا بس على القرع خخخخخخخخخ
في حملي بولدي والحين بعد شعري يطيح بالهبل , على قولتهم مال الحمل ,, انزين وبعد الولاده في الرضاعه بعد قام يطيح
والله أخاف امشط شعري لأن المشط أو الفرشاه ماتبين من الشعر اللي يطيح ونفس الشي وقت التسبوح ,, اغسل شعري وهو يطيح في ايدي
وما مداني اعتني فيه والحمد لله حملت الحين و على نفس الموال ,, ما بولد إلا وأني صلعـه ع الزيرو , عاد بعدين يبي لي باروكه خخخخخخخ


نوادر العرب : عسى ما شر حبيبتــي ,, ليش قالت لج الدكتورة لازم راحه تامه وما تقومين !!

دختوره : كلما تحسين روحج تبين تنامين نامي حبيبتــي ,, ترى بعدين بتندمين لأنج بتتمنين النوم وما بتلاقينــه
أول الشهور واجد صعبـه في تنظيم نوم البيبي وانتي بعدين تربية وزوج وشغل ,, الله يعينج الصراحه
نامي الحين واشبعي بعدين بتتحسرين *^

أمون : حتى إذا للحين ما طلعت لج تشققات , قدمي الدواء قبل الفلعـه
واشتري كريم وامسحي الكرشـه تحسباً ..

يارا : ان شاء الله تطمنين ع البيبي بالسونــار ..

وبالنسبة عن حبيبة لولو ماادري شفيهــا الصراحه ,, ذاك الاسبوع طرشت لها رساله خاصـه وما شفت منها أي رد
والله بنات التجمع يخلون الواحد يحاتي أول شي ليان اللي ماندري شصار عليهــا والحين حبيبة لولو

الله يطمنــا عنهم ,,

وينكم يا كروشاااااات
والله شكلي مافي إلا أني متربعـه في وسطة التجمع واهذر بروحي
باخذ لي فره علما أحد منكم يجي

هههه اخذي راحتش روحي وتعالي
اني ادش واطلع من الملل
ما شريتين شي للبيبي للحين ؟!!
لو توها النااس
بيأذن االحين بقوم
اشوفكم باجر على خيير

لا والله للحين مااشتريت شي
.. .. اني بعد بقوم انام عورني ظهري من القعده , وهدوي نام
ان شــاء الله يواصل وما يقعد إلا الظهــر هع هع

صباح الخيرات

هلا جمال الزهرة انا قالت لي الدكتورة راحة لانه حملي يختلف عنكم لاني مسوية ربط عنق الرحم فمنعت عني اي حركة ولان بعد البيبي قاعد تحت لكن الوضع مطمن باذن الله وبس المطلوب الراحة التامة والقعدة للصلاة والاكل وبس.
ام ملاك امين الله يوصلنا لبر الامان يارب.

السلام عليكم ورحمة الله كرووووووووشات ......................... صباحكم عسل


وحشتوني .......................... صراحة من داومت وانا مو لاقية وقت ادخل النت

ابدأ يومي من الساعة خمس اجهز نفسي وعيالي واطلع دوامي ينتهي عالوحدة وربع اخذ عيالي من المدرسة اغديهم واذاكر لهم لين المغرب اعشيهم وانيمهم ويبدا ششغل البيت .............تعباااااااااااااااااانة وخبركم تدريس يعني وقفة ارجع وانا مو حاسة لا بظهري ولا برجلي طبعا اخلص شغل البيت عالثمان او العشر وينك يا فراش .................. والاخ يمين يسار يرفس صاحي على طول ........................ هههههههههههه حملي بخير الحمدلله وقالوا لي ولد والحمدلله يارب يكون بصحة وعافية ومن الذرية الصالحة ان شاء الله


سلامي للكل .......................دون استثناء جديدكم وقدميكم منور التجمع بالكل ربي يحفظكم وييسر اموركم ان شاء الله .........اعذروني على غيابي ويارب الكل بخير

عندي سؤالين بما اني مختفية من شهر ......... فحبيت اسال عن ليان صار لي يومين اقرا الردود وماكملتها وماشفت اي شي عنها لحد الان وخبركم من التعب صفحتين وانام

سؤالي الثاني لنص دكتورة وارجو انك تجاوبيني ما عليك كلافة اختي .............. انا شريت جهاز مساج لرجلي الله يعزك لان اوقف بالدوام كثير فاحتاجه لما ارجع للتخفيف عن الالم ............. ولما خذتها كنت ادور انه يهتز ويسخن الماي .............. المهم اول يوم شريته شغلته يمكن اقل من خمس دقايق اجربه بعدين زوجي جربه وانا كنت جمبه ..... يا طويلة العمر كان فيه اضاءة حمرة اكتشفت انها اشعة تحت حمراء للمساج ................. انا ما ششغلته الا يوم شريته .......... يعني بالمرة ماشغلت الجهاز مرة ثانية حبيت اعرف هل للجهاز تاثير على جنيني ................. انا كلمت دكتورتي وسالت كم مرة استخدمتيه قلت ماششغلته كثير بس كان زحمة عندها وماعطتني جواب غير لا تستخدمينه مو زين ابي اعرف هل فترة خمس او عشر دقايق اثرت وبعيدين يعني يوم قعدت كنت على كرسي وبطني بعيد

طمنيني ربي يطمنك ويحفظك لك حملك ان شاء الله ..................

سلام ولي رجعة ان اشاء الله .....................

هلا بالكروشات اخباركم
ارين ما شاء الله خلو كثير شغل ايدك راقي كثير عجبني تتهنا فيها البنوته الله يسهل عليكي وتشوفيها بصحة وغافيه بس انتي اكلي ودري عنك اكل الاندومي يقولوا مو زينه
نوادر: الله يعافيك ويثبت لك حملك يااااااارب وتشوفي ضناكي بصحة وعافيه
ام ملاك : انا صايره مثلك كثثثثثثثثثثثير احب الرمان واشتهي كثير وفي البيت زارعة شجره رمان ولسه صغير واكله لما لما يكون ما متوفر ;)
ضحكة كذوبه: الله يعينك على الضغط الي انتي فيه ويسهل عليك وعلى سالفة الجهاز مره انا رايحه صالونه اعمل منكير بدكير وكانت اتريد اتسويلي جهاز يعمل مساج للرجل بس لما عرفت اني حامل قالت ما يصلح ما اعرف ليش
فرقوده : ها كيف حركة البيبي الحين ان شاء الله تحسي فيها الحين اكثر انا ذيك المره لما طلعت من النت تسدحت شوي وبديت الحمدلله احس في الحركه :D
جمال الزهره: الله يكون في عونك على الحكه انا اختي لما كانت حامل تعبتها كثير ومثل ما تقولي صار لها تشققات في بطنها من كثر الحكه بس عليك بالكريم يهدي كثير
اما اخباري يا كروشات متلهوزه :'( مزكمه زكام مرتب كثير تعبني حتى :'( مثل الاطفال ما عرفت شو اعمل ما اقدر اخذ دوا ولا قادره اتنفس بس وبعد ولدي زكوري حبيبي مريض حمى وزكام والتهاب في الحلق ومتلعوز :sick: لا وبعد متعبني ما يريد ياخ دوا مصارع وقت اخذ الدوا انا من صوب وابوه والخدامه عشان بس ياخذ الدوا :badly: الله يكون في العون
بكره ان شاء الله عندي موعد فحص السكر ون شاء الله خير

ضحكة كذووبه
ما شاء الله واجد اختفيتين هههه توقعت ما بتقدرني تدشين الدوام يتعب الله يساعدش
ان شاء هالخمس دقايق ما اثرت ولا شي
ومبروك عرفتين انه ولد الله يجيبه بالسلااامه

طووق الزهوور
الحمد الله حسيت فيها ههههه بس اني عجوله ابي احس فيها من وقت
وقعدت اوسوس ههههه ما يسوى عليي
الله يعينش خيوو الزكام متعب جدااااا
ماعليه شر ولدش ان شاء الله ..

وينكم بنوتااات
بسالكم سؤاال
اني مفكرة اخذ معقم المراضع افنت
اسمع ناس تمدح شيكو وما ادري متحيره ؟؟!!
انتو وش رايكم ؟!! ومن اخذت معقم من قبل او عندها خبره تفيدني !!

جمال الزهرة
أنا مثلك بس بعد الولادة أروح أخصائية جلدية وتعطيني فيتامينات عاديه تاخذينها مع الوجبات
وفيتامينات خاصة بالشعر تريح مره وتوقف التساقط ما أقدر أصبر يطيح بشكل فضيع :(


.
.


ضحكة كذوبة
الله يعينك من جد ضغط وتعب
ومبروووك ع معرفة جنس للبيبي الله يخليه لك يارب


.
.

طوق الزهور
ما تشوفين شر أنتي وولدك
الله يقومكم بالسلامة والعافية
اممم استخدمي عصير الليمون الطازج مع زيت زيتون وعسل أصلي مرة ممتاز للحمى


.
.

الفرقد
أنا عندي أفنت ومتندمه إني أخذتها
أحس شيكو أحسن وأنا ما قد جربتها !!
بس كثيييييير يمدحونها وأنتي شوفي مواصفات كل وحده
وأيهم أسهل بالاستخدام؟