مخنوقة من زوجي

استغفري الله كل يوم اكثر من الف مرررررررررررره ليسهل امرك ويحقق مرادك وكذلك اقرئي سورتي البقره ويس لان بقراءتهما يتحقق المررررررررراد واكثري من الدعااااااااااء بالفرج ويحبب ان تقيمي الليل وتدعي في الجزء الاخير من الليل والله يفرجها عنك وعني يا رب امين

الله يعوضك خير,اسمحي لي انت مضيعه عمرك مع واحد مايحب إلا نفسه,ليه؟؟وش تنتظرين بعد؟؟يعني انت وجودك وعدمه في حياته واحد,خلاص ارتاحي وريحي نفسك من مشوار دام عشر سنوات ماحصلتي منه غير الشقاء والجحود,الطلاق هو الحل الوحيد لمشكلتك,ولا تفكرين بكلام الناس,والله اني اعرف وحده زوجها مثل زوجك طلقها وهي متعلقه فيه رغم إهماله لها وجحوده لكن رضت بالامر الواقع واشتغلت وقدرت مع الوقت تستغني ماديا عنه وعن الكل,الطلاق هو حلك الوحيد.

الله يوفقك ويسر امرك

الله يصبر قلبك يارب

يارب يفرجها عليكى ويوسعها عليك بس حبيبتى انتى لازم تحطى وضع للموضوع دا دى حياه مملله روحى اجلسى بيبت اهلك يمكن يحس بفرق انا من راى الاخت بحرنيه كلام صح لازم يكون صاير له شى

الله ييسر لك امورك ويسعدك ويسعدنى امين
الزمى الاستغفار لانو ياتيك الفرج ان لزمتيه
والله ولى التوفيق

بحرينية100%;12147690:
حزنتيني وااااايد ... الله يفرج همج يا رب


اختي انت ما تسوقين سيارة ؟؟ ليش ما تطلعين مع احد من اخوانج؟؟ احد من أهلج ؟؟

شنو اسباب هجرانه البيت ؟؟ هل هم ربعه؟؟ هل مشاكل عائلية ؟؟ نفسية ؟؟ تحتاجين تعرفين سبب المشكلة عشان تدورين على حلها

الخطوة الثانية .. انت فعلا تحتاجين تشتغلين .. و تعتمدين على نفسج .. منها تغيرين جو و تشوفين أوادم .. و منها تصرفين على نفسج و على العيال ..


بصراحة انا احس التفاهم معاه صعب وما عنده استعداد يسمع اي شي بددليل انه على طول يخيرج بالطلاق !!! يعني عنده الطلاق هو اول شي يخطر على باله !!


حبيبتي .. الله يهون عليج .. فكري بحياتج و شوفي شنو هو الحل الأنسب .. عشان تعيشين الباقي من عمرج براحة بال

ماشاءالله عليج ,,,
عاااااقله وحكيمه
الله يزيدج اختي
والله يفرج على
الاخت صاحبة المشكله

الله يفرج همك وييسر امرك بأذن الله..

والله أنا مابي أخرب بيتك أختي نودو بس والله زوجك هذا هو من سنين عمر الحين انتي معاه ماجوفه تغير.. من أول ماتزوجتوا وهذا هو ربع السوء وبنات الحرام وراه... أختي مستحيل ريل يترك زوجته كل هالفترة بدون مايعاشرها سمحي لي أختي على جرأتي بس لو ماحبج واعزج ماقلت لج هالكلام... قلبه طاير مع الربع والسفر والسهر شنو ذي يبات برع..
والحين هو مايخليك تردين تشتغلين قبل شوي بالشغل كنتي منشغلة وتجوفين الناس الحين من قعدتي في البيت ماتجوفين أحد حتى آنه أول آجوفك والتقي معاك أكثر..

انتي بوضعك الحين كأنك مطلقة الصراحة.. يعني لو طلبتي الطلاق ماكأن شي تغير.. وبعدين بيكون مجبور وغصبن عليه تلزمه المحكمة يصرف عليك وعلى عيالك والنفقة من حقك.... يعني حتى بالطلاق ممكن تشتغلين ماله حكم عليج بعدين...

انتي صبري بعد عليه شوي استغفري دوم وربي يهديه.. وإن جفتي أختي مامنه فايدة بالفترة القادمة خلاص طلبي الطلاق وريحي روحج واشتري راحتج والله حرام توك صغيرة بتيبين حق روحج الأمراض

الله يكون بعونك اختي

أحتي ربي يفرج همك ويسخر لك زوحك استعيني بالله وبالدعاء له بالصلاح والهداية شوفي سعادتك بتربية أبنائك والمحافظة عليهم ولانربطي سعادتك ببسمة أو ضحكة من هذا الرجل أذا زوجك يعطيكِ ماتسعدين به أبنائك روحي عند أهله وانبسطي عندهم وروحي عند أهلك فسحيهم وأبحثي عن السعادة بالأمور التي تدخل الفرح لأبنائك............

في رجااال طبعهم صعب

و الوحدة لازم تتحمل خاصة في وضعك عندك أولاد منه يعني حرام تنفصلي ...

عليكي بالصبر و الدعاااء له بالهداااية

بس إنتي ما حاولتي تعملي له أجواء في البيت تشوقه للعودة بكير و عدم السهر و التواجد بينكم أكبر وقت ممكن


الله يوفقك

الله يفرج همك حبيبتي وينفس كربتك ويسخرلك زوجك يا عزيز يا مقتدر

والله حبيبتيي مافيه احد مرتاح بهالدنيا بس نصيحتي لك
انك تلجئين لربك بالالحاح بالدعاء وتحري مواضع اجابة الدعاء مابين الأذان والاقامة في السجود وفي الثلث الاخير من الليل وخاصة قبل الفجر بساعة والزمي الاستغفار ثم الاستغفار وصدقيني راح تتغير حياتك باذن الله
وحاولي انك تحطين لك نظام معين مثلا بعد كل صلاة استغفري 200 مرة عشان يسهل عليك يصير استغفرتي في اليوم الف مره الزميه مو يوم او يومين خليه ديدنك بحياتك وراح اقولك على قصه سمعتها من شيخ وحده في العقد الثالث ولم تتزوج لزمت الاستغفار بالطريقه السابقه جاها مجموعة خطاب وهي محتاره مين تختار
وحابه اعقب على كلامك يوم قلتي تقري البقره اربعين يوم هذا بدعه لان مالها عدد معين اقريها يوميا او كل ثلاث ايام لانها تدفع الشياطين وبركه في البيت

واسأل الله العظيم رب العرش العظيم ان يفرج همك

لا تعليق. هذه ما يبي يتغير و يهددج بالطلاق. مو فاهم يعني شنو زواج و لا ابوة. صراحة صعب و لا ادري شقترح عليج.

أختي انت تقولين ما أبي أتطلق ... ووضعج هذا شنو ينقاله بالظبط ....!!! الهدف من الزواج الشعور بالسكينة والمودة والرحمة والأمان والأستقرار وانا مو شايفة ولا شيء من هذا ... يعني حتى لو مهتم بعياله بقول بالأيد كسره ... بس هذا بايعكم ولا سائل ... أنا أقول خذي عيالج ورورحي بيت أهلج فترة وشوفي شنو بيسوي ...؟ وبعدين قرري ... وحبذا لو تسرعين بالقرار يعني ريال هاجر مرته بالفراش ينخاف منه يمكن ينقل لج أمراض ولا شيء فكري بهذا الشيء ... وخلي في بالج الي خلقه خلق غيره واحسن منه ...الله يفرجها عليج عاجل غير اجل ياااااااارب