مخنوقة من زوجي

الله يكوون بعوونك ويسخره لك يارب

والوضع لا يطاق
الله يصبر قلبك قولي لاهلك انتي لكي حقوق

السلام عليكم اختي
اختي كان الله في عونج والله يهديه صحيح الحياة بهشكل صعبه وايد.
المهم اختي عليج بالدعاء والاستغفار وربي اولادج احسن تربيه وان شاءالله الله يعوضج فيهم.
قريت مشكلتج امس مره واليوم مرتين كنت ابي اوصل لحل يريحج بس للحين بالي شوي مشوش للحين ما وصلت للحل المناسب.
بس حاليا ابغي اسالج ليش ما تشتغلين يعني انتي شنو مؤهلاتج ، لو تحصلين لج وظيفه بدوام واحد وايد زين مو علشان لفلوس بس لا علشان تطلعين من الدوامه الي انتي عايشه فيها . وتغيرين شوي من حياتج.
بعدين زوجج شكله ماخذته الدنيا الله يستر عليه بس من رفاق السوء . بس ان شاءالله لي رجعه ثانيه علشان نوصل لحل للمشكله .

لاحول ولاقوا اله بالله

الله يسخر لج ريلج يااارب ويبعد عنكم المشاكل

الوحده اذا سمعت هالسيره تكره الزواج وطواريه

عليج بالدعاء يا اختي

بقولج دعاء جميل وشفت أثره في امور كثيرة... ((اللهم سخر لي قلب من بيده حاجتي فإن قلبه وناصيته في يديك)) ... الله يسر امرك ويهدي زوجك

قرأت مشكلتك وكأن اليي كاتبة المشكلة انا
مثلي بضبط زوجي بعد شذي الله يعينا بس

قبل كنت اتضايق واهم نفسي بس الان تركت موضوع التفكير وصرت اشغل نفسي
اشتغلت وتغيرت نفسيتي وصرت افرش كونت صداقات بس الان اني توي واضعه انتظر لحد ما يكبر اشوي البيبي وارجع العمل

شنسوي بس بصدق خيوو هذا الحل هم يستانسون بره البيت واحنا نهم روحنا خلينا بعد نستانس ونغير جو وربنا يصلح الحال والحال من المحال يمكن يتغيرون والله يهديهم

انا من راي الأخوات انج تشتغلين دوام واحد وتساعدين اولادك شوي وتغيرين نفسيتك ولا تجعلين حياتك بس زوجك ومن غيره ماراح تعيشين حسسيه انك مب محتاجة اليه كوني علاقات مع ربعك زيارات سوقي وحسسيه انك ما عدتي ضعيفة والله يكتب الك الي فيه الخير

اختي ماتقدرين اتراقبينه وين ايروح بالضبط؟ خلي واحد من اخوانج يساعدج و خلي اعيالج عند امج و لحقيه..شوفيه وين ايروح و ان كان منغمس في الحرام ..تأكدي .

الله يهدي زوجك اللهم امين

اختي طلعي مع عيالج روحي تزاوري اهلج
ما عليج منه
مثل ما يسوي لج سوي له
الصراحه ما ادري شلون عايشه وياه
انزين انتي تقولين عيالج ما تبينهم يتششتتون
بذمتج هو الحين يسأل عنهم ! يدري بهم ! مرضوا كلوا راحوا المدرسه والخ ..!

احس حياتج وياه بس جذي ! عيشي حياتج وعيشي لجل عيالج
مردج بكرة بتشتغلين وخلي العيال عند امج جيبي شغاله وانتهى الموضوع كله
اما تربطين عمرج مع واحد احسه حده مسفه لج ومسفه لحياه عيالج ومردهم
بكرة بيكبرون وبيعانون وياه .. دام هم صغار الحين .. تكلمي معاه
وقولي له يا تعتدل يا تطلقني
واستخيري ربج ترى الله ما ينسى عبده
وربي يوفقج ان شاء الله

الله يهديه وويعينج
صراحه ما احس ريلج خالي اكيد عنده رفيجه

الله يصبرش اختي ويسخــره لش ويهديه

شوى ارتحت شفت ردودكم المشكلة هو ما يبينى اشتغل وما يبينى اكون صداقات ربعى كلهم ابتعدوا عنى حسبي الله عليه ولا يرضى اروح اسجل رياضة يعنى حياة صايرة بس مع الاطفال الله يحفظهم اذا مرضوا والله العظيم بالليل الساعة 1 اوديهم المستشفى وهو لا يدرى عنى ... لو نحترق احنا بالبيت اهوه ما يدرى عنا شيلنى هم ومسئولية على قلبي وهو شايل يده .. المشكلة ما يرضى حتى مع خواتى اروح كوفي شوب او سينما يعنى اما عين عذاري او مجمع حق العاب شنو هالحياة نفسيتى تعبت البارحة جاه البيت الساعة 3 الصبح واحين اكتب لكم ليحين ما وصل اش دعوه اذا وصل بيجابلنى بيبدل وبيذلف يطلع قسم الله اطلب له الموت على هالظلم اقول اصير ارمله ولا اصير مطلقة..... اهله يتشمتون فينى......... حسبي الله ونعم الوكيل وطبعا ما يحتاج من التلفونات عنده يمكن 8 تلفونات ارقام وكل تلفون فيه اسرار وغموض وبلاوى اله عليه دنياه وآآآآآآآآآخره ندمانه قد شعر راسي على زواجى منه........... الوحدة اذا بتتزوج تتزوج زوج عدل مو نفس زوجى اللي ما عنده لا دين ولا ديانة............. طلعنى عن طورى اخوان ما عندى انا وجلست معاه كذا مرة بخصوص حياتنا يقول مو عاجبتك عيشي نتطلق او ننفصل انزين واليهال........... من بيصرف عليهم............ مخنوقة مخنوقة ما اقدر اطلع لأن نفسيتى تعبانة كل ماده البوز اروح وين مع حالتى...... انحرج جدام الناس كل وحده مع زوجها الا انا اكسر الخاطر طول اليوم بروحى بروحى وجع احساس ما عنده ..........واهله عندهم اللي يسويه ولدهم رجولة لأن امه ما عندها بنات كل اولاد فقلبها مرتاح ما تفكر في هم البنات عندها الاولاد بس ربتهم كبرتهم زوجتهم الزوجة لازم تعدلهم واذا اختربوا من الزوجة ....... بذمتكم هاي كلام تربيتها جيذي اللي ما ربتهم على الدين والصلاة زوجى عمرى ما شفته يقرأ القرآن حده هالصلاة........ولا يروح صلاة الجمعة من تزوجته يمكن 4 مرات راح صلاة الجمعة من عشر سنين وين الايمان اكيد ما في ايمان بقلبه.........

الله يكون في عونك... داومي على الاستغفار والدعاء.. اللُه يفرج عليك

اختي عورتين قلبي والله
صدق اليي يشوف بلاوي الناس تهان عليه بلوته
وتصدقين يا اختي لو احكي لش عن زوجي وفعاله لقلتي ان زوجش اهون منه
بس اني بعد الهم اليي شفته وحتى المرض من ارتفاع الضغط والنفسية التعبانة لدرجة كنت اتعالج عند اخصائية اجتماعية استفدت منها وايد

وتعرفين بعد كثر الدق يفك الحام واني من كثر الصدمات اليي شفتها اصبحت الان ما اهتم بألي يعمله ولا يؤثر فيني كفاية عندي اولادي اربيهم واهتم فيهم
واني بعد مثلش ما اروح مكان غير بيت اهلي واقضي حاجتي وحاجة اولادي

الله يصبر قلبي وقلبش والحمدلله على كل حال

أسمعيني مضبوط لازم تحطي حد لهذا الوضع لاتسكتي ابدااااااا
هو يعيش حياتو ويستمتع بشبابو وانتوا زوجتو وأولادو حابسكم
على طول بالبيت أصلااا أنتوا لكم حق عندو انو يمشيكم ويخرجكم
لاتسكتي كلمي
والله يوفقك

لا حول ولا قوة الا بالله الله يعينك حبيبتي جد عيشة صعبة جدا,,الله يفرجها عليكي ويفتحها بوجهك

الله يهدي زوجك ويسخره لك.......

اناحالتي قريبه من حالتك........

بس مالنا إلا الدعاء والاستغفار.........عسى ربي يردلنا ازواجنا......

وكل وحده ترضى بنصيبها.........حبيبتي لوشفتي مصيبة غيرك بتهون عليك مصيبتك........


الله كريم.......يهون على الجرح الاليم.............