استفسارات و تسؤلات الامهات عن كل شئ

بنات الله يباركلكوا يارب

أنا عايزة أسألكوا على حاجة وتنصحوني بإيه الله يخليكوا يارب

أنا من ساعة الولادة وأنا عضمي وجسمي بيموتني مش قادرة خالص كل مثلا لو أعدت أجي أقوم ألم شديد في جسمي و ركبتي ورجلي و القدم كمان وجسمي كله مكسر

وأول ما أقوم أعرج برجلي كدة لغاية مالألم يفك أمشي عادي نسبياً لكن أول ما أقوم يحصلي كدة


أنا مش عارفة ليه كدة وأعمل إيه يابنات قولولي واروح فين

ربنا يعلم أنا بحبكوا أد إيه فقلت أسألكوا

أسارير البحور;12384505:
بنات الله يباركلكوا يارب

أنا عايزة أسألكوا على حاجة وتنصحوني بإيه الله يخليكوا يارب

أنا من ساعة الولادة وأنا عضمي وجسمي بيموتني مش قادرة خالص كل مثلا لو أعدت أجي أقوم ألم شديد في جسمي و ركبتي ورجلي و القدم كمان وجسمي كله مكسر

وأول ما أقوم أعرج برجلي كدة لغاية مالألم يفك أمشي عادي نسبياً لكن أول ما أقوم يحصلي كدة


أنا مش عارفة ليه كدة وأعمل إيه يابنات قولولي واروح فين

ربنا يعلم أنا بحبكوا أد إيه فقلت أسألكوا

كان بيحصلى زيك بالظبط وروحت للدكتور قالى نقص كالسيوم لانك مش بتشربى لبن بكميه كافيه

وقالى عندك حل من اتنين يا تشربى كوبايتين لبن يوميا يا اما تاخدى حبايتين كالسيوم من اى نوع

انا قالى على نوعين واحده كلسيوم وماغنسيوم ودا بيفك كمان العضلات المتشنجه اللى هو زى ما بتقولى بيحصل فى رجليكى


وواحد تانى كالسيوم بس

الاول اسمه كال ماج

والتانى اسمه ماركال


انا عملت زى ما هو قالى وفعلا مفيش يوومين وحسيت بالفرق

بس قالى حاجه كمان : قالى اليوم اللى تشربى فيه كوباية لبن يبقى تاخدى حبايه واحده بس كاالسيوم

واليوم اللى متشربيش فيه لبن تاخدى حبايتين كالسيوم وانا ماشيه على كدا لانى مكنتش بقدر اقوم اصلا لو نايمه على ضهرى بيبقى مأساه

Bossy22;12373502:
انا الكرسى البونسر بتاع بنتى بتكون قاعده نص قعده كده بزاوية 45 بس هو سوفت خالص و طرى هو غلط كده اقعدها فيه هو مش مكتوب عليه سن مكتوب بالوزن من 2.5 كيلو تقريبا

على فكره عادى القعاد مفيهوش حاجه بس مش قعده مستقيمه لا ترفعيه شويه كدا بس عشان النونو بعد ما يتم شهرين مابيبقاش عايز ينام على ضهره وهو صاحى بيبقى عايز يترفع عشان يشوف اللى حواليه وعلى فكره دا كلام الدكتور كمان

ولما يتم ال 3 شهور ممكن تقعديه وانتى ماسكاه كدا بس بس مش اكتر من 10 دقايق

وعلى 5 شهور ممكن تثبتيه بالمخدات كدا وهو قاعد


لغاية لما يمسك نفسه بقى على 7 شهور وفى ناس على 9 وبس :D

بنات انا هطعم مريومة تطعيم الشهرين يوم التلات ان شاء الله ... اعمل اية بقى احتياطات لليوم دة؟ اديها حاجة للسخونية من قبل التطعيم ولا استنى اما تسخن ؟ و اعملها كمادات ولا اعمل اية

اديها سيتال قبل ما تخرجي يا توتا وظبطي بقا كل ست او8 ساعات سيتال لمده يومين اوتلاته
ولما ترجعي اعمليلها كمادات علي رجلها

sweet_toota;12393102:
بنات انا هطعم مريومة تطعيم الشهرين يوم التلات ان شاء الله ... اعمل اية بقى احتياطات لليوم دة؟ اديها حاجة للسخونية من قبل التطعيم ولا استنى اما تسخن ؟ و اعملها كمادات ولا اعمل اية

زى ما هوبة قالتلك ياتوتا اديها سيتال قبل ما تروحى ومتستنيش لما تسخن

حتى لو مسخنتش هو هيهدى الالم عندها وهيخليها تنام شوية بس هتفضل مأريفة طول اليوم

ربنا يكرمكم يارب ..و سيتال دة جرعته اد اية و ممكن تقولولى شكله اية و اسمه بالانجليش ؟؟؟

اديها نص قطارة يا توتا وهى زجاجة صغيرة ومعاها قطارة قولى للصيدلى سيتال نقط هيعرفه على طول

وتقريبا ب2 ونص او 3 جنيه مش متأكده

واسمه cetal

سيتال معروف اوي اي صيدليه هتطلعهولك بس قوليله للرضع وهو قطاره
مش عارفه ف انواع تانيه منه ولا لا للرضع
الجرعه بقا مش فاكره والله يا توتا

*pippo*;12376279:
طيب سؤال كمان
انا لاحظت ان ظوافر رجل جودى مش بتطول خالص ... ظوافر الايدين بتطول الحمد لله وكل فترة بقصها لكن الرجلين ماحتجتش اقصهم من يوم الولادة خالص
مش عارفة ده كده نقص كالسيوم ولا ده عادى ولا ايه؟؟

وانا بردو بستغرب من نفس القصة بس انا قصيتهم مرة وهقصهم دلوقتي التانية من ساعة الولادة بيطولوا بالراحة خالص وتحسي انهم مش باينين انهم بيطولوا لكن الايدين ما شاء الله عالطول.

صوت العيون;12376805:
على فكره بادز فارلين معفنه بجد
اول ما اشتريتها كانت حلوة
لما غسلتها حسيتها كانها بقت منديل مثلا
مش عارفه هى كانت ال6 ب 40 جنيه
وجيبتها على اساس الى بيشكروا فيها
وطان احسنلى جدا الى بيترمى
بس مكلف الحمد لله

ليه يا مورو بس هي حلوة معايا ومحصلهاش كده وبغسلها كتير عادي وزي ما هي مخفتش ولا باظت.

أسارير البحور;12384505:
بنات الله يباركلكوا يارب

أنا عايزة أسألكوا على حاجة وتنصحوني بإيه الله يخليكوا يارب

أنا من ساعة الولادة وأنا عضمي وجسمي بيموتني مش قادرة خالص كل مثلا لو أعدت أجي أقوم ألم شديد في جسمي و ركبتي ورجلي و القدم كمان وجسمي كله مكسر

وأول ما أقوم أعرج برجلي كدة لغاية مالألم يفك أمشي عادي نسبياً لكن أول ما أقوم يحصلي كدة


أنا مش عارفة ليه كدة وأعمل إيه يابنات قولولي واروح فين

ربنا يعلم أنا بحبكوا أد إيه فقلت أسألكوا

أم يـاسـيـن العسل;12384532:
كان بيحصلى زيك بالظبط وروحت للدكتور قالى نقص كالسيوم لانك مش بتشربى لبن بكميه كافيه

وقالى عندك حل من اتنين يا تشربى كوبايتين لبن يوميا يا اما تاخدى حبايتين كالسيوم من اى نوع

انا قالى على نوعين واحده كلسيوم وماغنسيوم ودا بيفك كمان العضلات المتشنجه اللى هو زى ما بتقولى بيحصل فى رجليكى


وواحد تانى كالسيوم بس

الاول اسمه كال ماج

والتانى اسمه ماركال


انا عملت زى ما هو قالى وفعلا مفيش يوومين وحسيت بالفرق

بس قالى حاجه كمان : قالى اليوم اللى تشربى فيه كوباية لبن يبقى تاخدى حبايه واحده بس كاالسيوم

واليوم اللى متشربيش فيه لبن تاخدى حبايتين كالسيوم وانا ماشيه على كدا لانى مكنتش بقدر اقوم اصلا لو نايمه على ضهرى بيبقى مأساه

وانا كمااااااااااااااااااااااااااان مش انا قلتلكم من فترة اني تعبانة ومش قادرة من رجلي وبصوت واعيط منها وبحس اني عاملة زي المشلولين والستات العواجيز عشان مش بقدر احركها ولا اقوم ولا ادوس عليها ولازم لو هقوم يبقي ضهري محني خالص وتانية ظهري كأني قاعدة لني لو حاولت ارفعه بصوت من الالوم في رجلي عشان بشد العضلة بتاعتها وتلقائي بلاقي نفسي وطيت تاني فيييييييييييييين عقبال ما تفك بس اول ما اجي اقعد تاني وارجع اقوم نفس الحكاية وبقالي 3 شهور علي الحال ده الاول كانت بتيجي مرات كتيرة في اليوم لكن بقالها فترة بقي بتيجي طول اليوم متواصل يعني مبقاش فيه اصلا اي وقت مريحة فيه ووقت النوم مش بعرف اتقلب منها وبصوت وبتسمع في رجلي من فوق وفي وسطي ده انا حتي لما بعطس او اضحك او اكح اي حاجة بتشد وتوجعني واصوت بردو ورحت لدكتور من اسبوع مكشفش بس سمع مني وقاللي تقلص عادي مادام في السمانة زي اللي بيجي للعيبة كده، وكتبلي علي كريم وقاللي كمادات مية دافية قبلها عشان طبعا مش هايقدر يديني ادوية عشان الرضاعة وقاللي ممكن بردو يكون املاح وكتبلي علي تحليل املاح وقاللي كلي موز كتير عشان البوتاسيوم وقلتله اني باخد الكالسيوم بتاعي زي ما الدكتورة قايلالي وبشرب لبن، واكد عليا موضوع اني اتعرض للشمس انا وهي زي ما دكتورتي قالت بردو، وحكيت لدكتورتي بقي بالمرة بردو لما كنت عندها قالتلي نقص كالسيوم كتري من الزبادي والجبنة وكده، واتعرضي للشمس ساعة علي الاقل كل يوم انتي وهي ضروري، وقلتلها انا بقول انه احتمال كبير حصلي كده من التوطية الكتيرة عشان عالطول دلوقتي بوطي وانا بغيرلها جامد وفي كل حاجة، فقالتلي غلط جدا وطبعا ده سبب رئيسي، خليكي دايما رافعة نفسك واقعدي بزاوية 90 وانتي بترضعي ومترضعيش علي السرير عشان ضهرك، ولما تغيريلها حطيها علي حاجة عالية عشان متوطيش وانتي في المطبخ وكله خليكي دايما واقفة مستقيمة.

وصحيح اطمنت علي اللوب الحمدلله وقلتلها بقي علي الافرازات اللي لسه بتنزلي من بعد الولادة دي والسائل الاصفر الشفاف ده وموضوع الحرقان اللي بعد السيكو سيكو بس هو خف شوية عن بعد الولادة، المهم ووريتلها تحليل البول اللي عملته، طلع عندي صديد والتهابات وكان مطلوب مزرعة بول كمان بس قالتلي مش هاينفع اديكي ادوية بردو، بس كتبتلي مضاد حيوي ودوا ولبوس او كريم مهبلي وغسول بخففة بمية واحطه في حاجة بتتعلق كده وادخلها من تحت وليها حنفية وبعدين لما اخلص دول اعمل تحليل تاني واروحلها تشوف بقي.

كتكوتة الف سلامة عليكى انا اسفة انى مرددتش عليكى لما سألتينى على موضوع رجلك بس والله العظيم الولاد شاغلينى بطريقة غريبة جدا ومش بلاقى وقت خالص اعمل اى حاجة

يا بنات الاعراض اللى بتقولوها دى حصلتلى بالضبط من بعد الولادة وانا كده بس زايد عليها اعراض تانية وعرفت منها انها عرق النسا وعملت الحجامة والحمد لله فى تحسن بفضل الله

كتكوتة اللى بتوصفيه ده دش مهبلى وعلى فكرة خطر جدا بلاش منه استخدمى الغسول من بره وخلاص لان كتر استخدامه بيعمل حاجات وحشة خالص وكمان بيعمل التهابات
وربنا يبعد عنك كل سوء يارب


بنات انا بفكر اغامر واركب اللوب ايه رأيكم؟؟؟

انا اصلى عندى التهابات مزمنة من اول الجواز وكان المفروض انه مش هينفعنى لانه بيزودها

فانا بفكر اروح اكشف لو ملقتش التهابات اركبه ولو تاعبنى اشيله

اصل بصراحة موضوع الحبوب سخيف اوى وكمان انا ناوية امنع الحمل فترة طويييييييييلة اوى

وفى نفس الوقت خايفة من تركيبه شورو عليا اعمل ايه؟؟؟؟؟؟؟؟

ام حمودي ممكن تكشفي طبعا وشوفي هي الالتهبات لسه عندك ولا لا
بس حطي في بالك ان فرصه انه تجيلك التهبات كبيره مع اللوب
انا برده كان يجيني بسببه التهبات بس هنعمل ايه هو الافضل بصراحه
واسالي الدكتور برده لان لو هتمنعي فتره طويله صعب اوي حبوب
كتكوته الف سلامهه عليكي يا حبيبتي

مش عارفة ياهوبة والله اعمل ايه

خايفة منه وفى نفس الوقت بقول هو اريح حاجة

وبرجع افتكر لما بيجيلى التهابات ببقى مش طايقة احط لبوسة فبقول امال هستحمل جسم غريب جوه كد ازاى

محتارة جدا بصراحة ومش عارفة اعمل ايه ولازم اقرر لانى هاروح يوم الاتنين ان شاء الله

http://forums.3roos.com/showthread.php?t=544143

معلش يابنات سؤال محرج شوية

عاوزة اعرف هو اثناء السيكو سيكو ممكن اللوب يشكنى او يضايق زوجى ؟؟

طيب شكراً للبنات اللي ردوا علي بس لي تعليق بردو مفهمتش حاجة كله قالي أنا زيك وأنا زيك ومعرفتش أفهم الحل هههههههههههههههههه:lol: طيب أروح لمين مفهمتش بردو ياعيال أروح فين دكتور النسا يعني ولا تخصص إيه؟:sick:

ربنا يباركلكوا يارب F:F:

أم حموودى القمر;12394373:
كتكوتة الف سلامة عليكى انا اسفة انى مرددتش عليكى لما سألتينى على موضوع رجلك بس والله العظيم الولاد شاغلينى بطريقة غريبة جدا ومش بلاقى وقت خالص اعمل اى حاجة

يا بنات الاعراض اللى بتقولوها دى حصلتلى بالضبط من بعد الولادة وانا كده بس زايد عليها اعراض تانية وعرفت منها انها عرق النسا وعملت الحجامة والحمد لله فى تحسن بفضل الله

كتكوتة اللى بتوصفيه ده دش مهبلى وعلى فكرة خطر جدا بلاش منه استخدمى الغسول من بره وخلاص لان كتر استخدامه بيعمل حاجات وحشة خالص وكمان بيعمل التهابات
وربنا يبعد عنك كل سوء يارب


بنات انا بفكر اغامر واركب اللوب ايه رأيكم؟؟؟

انا اصلى عندى التهابات مزمنة من اول الجواز وكان المفروض انه مش هينفعنى لانه بيزودها

فانا بفكر اروح اكشف لو ملقتش التهابات اركبه ولو تاعبنى اشيله

اصل بصراحة موضوع الحبوب سخيف اوى وكمان انا ناوية امنع الحمل فترة طويييييييييلة اوى

وفى نفس الوقت خايفة من تركيبه شورو عليا اعمل ايه؟؟؟؟؟؟؟؟

ولا يهمك يا سلسول، انا بفكر اروح اكشف عند دكتورة تانية بردو عشان اتاكد لأنه بجد الموضوع صعب اوي وانا مش مقتنعة بانه تقلص عادي دي بس بردو ممكن يكون سببه التوطية الكتيرة.

اه ركبيه احسنلك بجد بكتير لو حالتك تسمح وتنسي بقي كل حاجة وترميها ورا ضهرك، انا مركباه الحمدلله وتمام وبروح اتشيك عليه كل فترة زي ما قالتلي هايبقي كل 3 شهور كده.

hoba555;12394429:

كتكوته الف سلامهه عليكي يا حبيبتي

الله يسلمك يا هوبا ربنا يخليكي

أم حموودى القمر;12394618:
معلش يابنات سؤال محرج شوية

عاوزة اعرف هو اثناء السيكو سيكو ممكن اللوب يشكنى او يضايق زوجى ؟؟

نو نو نو مش بيحسوا به خالص ولا انتي حتي، هي بتحطه فوق وعارفة وفعلا قالتلي مش هتحسي ولا انتي ولا هو وده اللي حصل.
وفي العادي بردو مش هتحسي ان فيه اي حاجة غريبة جواكي انتي هتنسي اصلا انك مركباه ان شاء الله.

أسارير البحور;12394635:
طيب شكراً للبنات اللي ردوا علي بس لي تعليق بردو مفهمتش حاجة كله قالي أنا زيك وأنا زيك ومعرفتش أفهم الحل هههههههههههههههههه:lol: طيب أروح لمين مفهمتش بردو ياعيال أروح فين دكتور النسا يعني ولا تخصص إيه؟:sick:

ربنا يباركلكوا يارب F:F:

متقلقيش يا نونه انا استغربت بردو بس مفكرتش فيها كتير ولا فكرت اسأل الدكتور حتي لأني محستش انها مشكلة، وكمان لو تلاحظي اننا بردو الكبار ضوافر رجلنا مش بتطول زي ايدينا مش بنفس السرعة ولا بنفس الطول، المهم سيبك من ده كله انتي وحشتيني كتير كتير

ايه ده هما قللوا وقت التعديل في المشاكرة اوي كده ليه المهم انا نسيت اقول الحتة دي:

هو فعلا دش مهبلي وينفع حاجات تانية بردو، بصي هو انا سمعت فعلا ان كتره غلط بس هي قالتلي عليه بس الفترة دي ومش كتير ده انا بعمله مرة واحدة في اليوم لما اصحي عشان ينظف اثار الكريم المهبلي ده، هي قالتلي عشان يغسل المنطقة دي كلها بقي بدخل البتاعة دي نس سم او سم وبس وافتح بقي الحنفية.
اما التاني فانا جبته كريم مهبلي مش لبوس هي قالتلي انتي وراحتك ولو مش هتعرفي تستخدي اللبوس هاتي الكريم والمهم طلع زفت وكل مرة ببقي خايفة وانا بدخل المبسم بتاعه ده وكمان مكتوب في النشرة ادخله لأكتر عمق ممكن اووووووووووف الحمدلله هما كانوا 3 ايام وبس وقالتلي في ال3 ايام دوا ممنوع فيهم السيكو طبعا

ومنكم نستفيد

أم حموودى القمر;12394618:
معلش يابنات سؤال محرج شوية

عاوزة اعرف هو اثناء السيكو سيكو ممكن اللوب يشكنى او يضايق زوجى ؟؟

:o لا طبعا

أسارير البحور;12394635:
طيب شكراً للبنات اللي ردوا علي بس لي تعليق بردو مفهمتش حاجة كله قالي أنا زيك وأنا زيك ومعرفتش أفهم الحل هههههههههههههههههه:lol: طيب أروح لمين مفهمتش بردو ياعيال أروح فين دكتور النسا يعني ولا تخصص إيه؟:sick:

ربنا يباركلكوا يارب F:F:

انا قولتلك الحل

قولتلك اسم اتنين ادويه تاخدى واحد منهم

يا تاخدى كال ماج حبيتين يوميا

او ماركال ححبيتين يوميا

ودول كالسيوم مش حاجه مضره