Bossy22;12114234:
حلو اوى الموضوع ده يا توتا ده احنا عندنا استفسارات بالهبل اول سؤال
ايه سبب العياط مع الرضاعة بنتى بتصرخ و هى بترضع و تبعد لدرجة انها مبتبقاش عارفة ترضع او تحطه فى بقها مش عارفة ايه ده
ممكن تكون مش بتشبع وممكن تكون عندها تكريعة مضايقاها او مغص او عايزة تغير
انا بنتى مستحيل ترضع لو البامبرز بتاعها مبلول حتى لو مش مليان على اخره :thumbs_down:
Bossy22;12114293:
سؤال تانى بقى ايه اللى ممكن اكله يتعب بنتى و يجيبلها انتفاخ و هى على طول مغص مع انى بطلت اكل اى حاجة ممكن تتعبها انا سمعت التوم مثلا الكشرى او ملوخية طب لو طبيخ مثلا فيه توم زى البامية او كبده دى ممنوعة بردوو؟؟؟ و اللنشون و البسطرمة و السوسيس و الحجات اللى كنا محرومين منها فى الحمل و البيسى ولو شربت نسكافيه الصبح عمال ما ينزلها فى اللبن ممكن يسهرها بالليل اكتر ما هى بتسهر؟؟؟
الموضوع ده كان شاغلنى جدا وسألت الدكتور هل اكلى يأثر على اللبن ويعمل مغص للبيبى قالى لأ دى معتقدات شائعة بس مش مظبوطة .. البيبى كده كده بيجيله مغص فالأم بتفتكر انه من اكلها .. بصى الفول مثلا تقيل جدا وبيجيبلنا انتفاخات ليه؟ لان هضمه فى المعاء صعب جدا لكن مجرد مابيتهضم بتخرج القيمة الغ\ائية بتاعتته وبتروح للدم وبتتنقل للبن .. يعنى اللى هيروح للبن فيتامينات وبروتينات مش الفول نفسه اللى هضمه صعب
انا فى الاول ماكنتش باكل الامسلوق وماكنتش باكل لا بصل ولا توم خالص عشان معدتى كانت تعبانة ومع \لك بنتى كانت بتصوت من المغص
