miko85;12113518:
احب اشارك
تفسي اعرف ايه السر العياط المتواصل من غير سبب واعمل ايه
ماعنديش مانع اسهر معاهم بس بلاش السرينه بيفتحوها
بصي يا ميكو هما ممكن يكونوا عندهم غازات حطيهم على بطنهم على رجلك ودلكي الضهر بالراحة حيطلعوا الغازات او نيميهم على ضهرهم و حركي كف ايدك على بطنهم حركة دائرية في اتجاه عقارب الساعة بالراحة وبعدين اتني رجليهم على بطنهم حتلاقي لو في غازات طلعت او ممكن يكونوا حرانين او زهقانين عايزين يلعبوا هاتيلهم بيبي جيم او خديهم في عربيتهم ولفي بيهم في الشقة ولو لسه بيعيطوا يبقوا عايزين يناموا ومش عارفين غنيلهم وهما على كتفك بصوت هادي وهزي نفسك بالراحة حتلاقيهم ناموا
دا لو انتي مغيرالهم ومرضعاهم ومدياهم دوا المغص وعلى فكرة سهل تفرقي بين عياط التعب والعياط العادي اللي هو الزن لان عياط التعب بيبقى صريخ متواصل ما بيبطلش بأي شكل غير لما الدوا يعمل مفعول
Bossy22;12114234:
حلو اوى الموضوع ده يا توتا ده احنا عندنا استفسارات بالهبل اول سؤال
ايه سبب العياط مع الرضاعة بنتى بتصرخ و هى بترضع و تبعد لدرجة انها مبتبقاش عارفة ترضع او تحطه فى بقها مش عارفة ايه ده
بنوتك كدة تبقى عايزة تنام ومش عارفة وفاكرة ان الرضاعة حتنيمها بس هي بتكون شبعانه ساعتها شليها على كتفك وكرعيها لو اتكرعت على طول يبقى دي تكريعة كانت مضايقاها ومش عارفة ترضع منها وساعتها حطيها على البريست التاني الللي مكنتيش بترضعيها منه لو رضعت يبقى كده تمام لو عملت نفس الحوار تاني ساعتها خليها على كتفك وغنيلها بصوت هادي وهزي نفسك بالراحة كده حتلاقيها نامت وعلى فكرة افضلي غني وهزي نفسك لحد ما تسكت وتنام ما تيأسيش
Bossy22;12114293:
سؤال تانى بقى ايه اللى ممكن اكله يتعب بنتى و يجيبلها انتفاخ و هى على طول مغص مع انى بطلت اكل اى حاجة ممكن تتعبها انا سمعت التوم مثلا الكشرى او ملوخية طب لو طبيخ مثلا فيه توم زى البامية او كبده دى ممنوعة بردوو؟؟؟ و اللنشون و البسطرمة و السوسيس و الحجات اللى كنا محرومين منها فى الحمل و البيسى ولو شربت نسكافيه الصبح عمال ما ينزلها فى اللبن ممكن يسهرها بالليل اكتر ما هى بتسهر؟؟؟
الحاجة الوحيدة اللي بتنزل في اللبن وتعمل مغص وانتفخات الكافيين يعني البيبسي الاسود او الشيكولا او الكاكاو او النيسكافيه وطبعا انا اقصد الكميات الكبيرة يعني مش عينات نونو
شهد و نص;12115086:
سؤالي بقي
انتوا بتعودوا بيبيهاتكم على التيتينه ازاي اصل بنتي رافضاها بتاتا حاولت بطرق كتير
و جبت تيتينه نك رفضتها و فارلين و كانبول بيبيز كلهم رفضتهم و هي دايما عاوزه صدري في بقها مص بس علشان تسكت مش رضاعه يعني
و بشوف بيبيهات بيمصوا في التيتينه و بيسكتوا على طول فمش عارفع اعمل ايه؟
البيبي اللي ما اتعودتش على التيتينة من اول يوم زيها زي البيبرونة مش بياخدها خااااااالص مهما حاولتي
انتي لو بنوتك بتاخد الصدر تيتينة هاتيلها ولحدة من الرخيصة الصفرا دي ب 3 جنيه وحطيها عند صدرك وحاولي تديهالها وانتي بتغنيلها
بنت من الزمن ده;12115818:
موضوع جميل فعلا انا بقى عندى سؤال انا الدكتور كتب لابنى فيتامينات اسسمها بيبي فيت وهو لسه كان عندو يوم ف حد بيدى فيتتامينات ف السن ده ولا لا وكمان كريم زنك سانوسان استخدمو كل مرة غيار ولا مرة وحده ف اليوم بس والبيبي ف الاول يعنى اول اسبوعين بيعمل كيكى اد ايه انا ابنى بيعمل حوالي 3 مرات ف اليوم ولونها اصفر كده وكل ماعمل ريح يعمل بردو
كل مرة غيار حطي بيبي اويل او كريم وقاية اللي هو بيبقى محتوي على بانثينول انما الكريم اللي فيه زنك خليه مرة واحدة في اليوم
البيبي ممكن يبقى مع كل رضعة في الاول مش مشكلة احمدي ربنا انه مش بيقعد في بطنه وحكايه كل مايطلع غازات يعمل دي دا عامل زي ابني بيفلت كيكي مع الغازات عشان مش بيعرف يعمل كنترول على المكان دا اهم حاجة على طول شيكي على الدايبر بتاعته لو فيها ولول تنتوفة غيريله وامسحي جوه كويس ونشفي كويس بين البوبو وادهنيله كريم وقايه بس طبقة خفيفة خالص
صوت العيون;12116134:
جزاك الله خير
موضوع ممتاز ما شاء الله
سؤالى
ايه الحل للغازات الكتير عند النونو
كمان لما يعيط وهو بيرضع
طيب ازاى مش بيوصله لبن وهى بتكون بترضع وفجأه تسيبه وتصرخ وتعيط
كمان امتى البيبى بتاعهم بيكون متماسك مش سايب
ان شاء الله
الكيكي بيبقة متماسك لما ياكلو يا مورو
الغازات انتي قصدك اللي جوا بطنها و مش بتطلع ولا اللي بتطلع لو قصدك اللي جوا بطنها يبقى احسن حاجة تديها سامثكون وتشربي انتي كمون عشان دا طارد للغازات فحينزلها في اللبن ويساعدها
انما لو قصدك انها بتخرج كتير قولي ما شاء الله الحمد لله انها بتخرج ودي بتبقى عشان هما لسه نونو امعئهم حركته بسيطة وهضم اللبن صعب عليهم فبتبقى حركة القولون كتير فبيكون غازات كتير ودي طبيعة قولون على فكرة يعني وراثة لو حد عندك قولونه تعبان يبقى حتلاقي بنوتك غازاتها كتير اكتر من اي بيبي
سبب العياط هو اللي كتبته لبوسي
m@hy;12121318:
بسئل على وزن ابنى
3كيلو و ربع
و عندة 3 شهور و 17 يوم
كدا حلو و لا قليل؟
انتي فعلا قصدك وزنه 3 كيلو وربع ولا دا وزن الولادة يا ماهي ؟؟؟؟؟؟؟؟؟
امال وزن الولادة كان كام؟؟؟؟؟؟؟؟؟؟؟؟؟؟؟
اعتقد ان البيبي المفروض يزيد 800 جرام كل شهر يعني لو هو مولود 2 كيلو المفروض يكون دلوقتي 5 كيلو 400 جرام