عاوزة اتعلم;12302350:
السلام عليكم ورحمه الله وبركاته
ازيكو يا بنات
انا روحت امبارح الفرع بتاع جولدن روز اللي في سيتي سنترز
وبصراحة لاقيت حاجات غريبة
انوش قولتي الموس ب 82؟؟
تخيلي لاقيته بكام
لاقيتها بتقولي ب 95
والبودرالمائي انتي قولتي ب 25
لاقتها بتقولي ب 40
انا اصلا اول مره اشتري كريم اساس وشوفت العلبة صغيرة خالص اتخضيت وكمان اتخضيت اكتر ان كل ده هي مزوداه في السعر استغربت جدا
هو يا بنات كل كريمات الاساس احجامها صغيرة كده؟؟ ولو كده غاليه غاليه بقى الواحد يشوف انواع تانيه انضف
هو في انواع تانيه كويسة ؟؟ واسعارها ايه؟؟
البنوتة اللي بتسأل على مكان التوكيل بتاع جولدن روز في مدينة نصر
هو في ستي سنترز في اخر دور
بس الاسعار زي ما قولتلك
ياحبيبتي انا قلت ان دي اسعار مستورد
وكمان قلت اللي عايز يشتري بالاسعار دي يبعتلي لان الاماكن اللي بتبيع جولدن روز مش هيلتزمو بالبرايس ليست
وبالنسبة للتستر بتاع كريم الاساس الموس هو اه البرطمان الصغير دا حجمه كده فعلا واعتقد الاستيك بردو نفس الحجم بتاع التستر هو هو بتاع الشرا
انما الكريمات التانية فا لا عبوات التستر صغيره غير اللي بتشتريه حجمه اكبر منه حوالي 3 اضعاف
عاوزة اتعلم;12302360:
انوش لو تعرفي اماكن تانيه بتبيع حاجات جولدن روز غير الفرع بتاع سيتي سنترز ده قوليلي عنوانها ايه الله يخليكي
اوك ياقمر هبعتلك خاص
مسلمة تقية;12322580:
كريم اساس جوردانا صناعه امريكيه و احسن من جولدن روز و ب40 جنيه
وانا معاكى انا بجيب حاجات من جولدن روز بس مش ادفع فى ماركه زيها 90 جنيه لو حدفع
90 جنيه يبقى ادور على حاجات فى ماركه احسن زى ريميل او بورجوا اوحتى ماكس فاكتور
وعلى فكرة مش كل حاجات جولدن روز عجبتنى يعنى الكحل الوتر بروف بتاعهم حلو اوى اوى
و الماسكرا المذدوجة كويسة و كريم الاساس الاستيك جميل
اما الروجات ما اشتريتهاش جربت التستر ما عجبتنيش خالص خفيفة و مش حلوة عامله زى
زبده الكاكاو و جربت الكومابكت باودر فى التست مش واو يعنى بتاعت جوردانا احسن منها
بمراحل اما الروج بتاع جوردانا حلو و ثابت F:بس الصراحة احسن ماركه فى الروج ريميل بالذات النوع
الاستنج فينيش بتاعهم الوانه روعه و ثابته و تقيلة و كريمى
لا ياقمر مع احترامي لرايك ازاي يعني جوردانا اللي ب 40 ج تقارنيه بجولدن روز اللي ب 90 ؟؟
انتي اشتريتي كريم اساس من جولدن روز اللي ب 90 وجربتيه ولقيتي ان جوردانا اللي ب 40 احسن منه ؟
اولا بتاع جوردانا حلو وناعم اه بس تغطيته خفيفة زي جيورداني بتاع اوريفليم ومينفعش استخدام صيف لانه بيسيح دا اماندا احسن منه وعلى فكرة ملهاش اي علاقة انه جوردانا عشان امريكي يبقى احلى بمراحل من جولدن روز عشان تركي دا مش وجه مقارنة
هي جولدن روز اخده نفس اللاين والاسعار بتاعة مايبلين فلو هتعيبي في جولدن روز يبقى اكنك بتعيبي في مايبلين الامريكيه وبرغم ان الاولى تركي والتانية امريكي لكن جودة المنتجات متطابقة خالص وعشان كده اسعارهم واحده في مصر والدول العربية
لو هتقارني بين مايبلين وجولدن روز مع ماكس فاكتور وبرجوا فا عشان تجيبي منتج له نفس تغطيه وميزات الجولدن روز من ماكس فاكتور هتعدي 150 ج لان الكريمات اللي ب 80 و 90 من برجوا وماكس فاكتور كلها استخدام نهاري تغطيه خفيفة .. انا شوفت كريم اساس من ماكس فاكتور لاست فورمانس والله تغطية اماندا احسن منه خفيف مايه زي بتاع اولاي اللي ب 10 ج وسعره كان ب 85 ج جمله يعني في مزايا وفيسز هتلاقيه اغلى من كده
فا يبقى مش صحيح انك تقولي ادفع ال 90 ج في ماكس فاكتور ومدفعهاش في جولدن روز لانك هتجيبي منتج من جولدن روز بال 90 دول يتفوق على اللي زيه من ماكس فاكتور
ونفس الكلام في برجوا كريم المات لفلي بتاعهم ب 80 ج لا تغطيه ولا ثبات كبيرة فالحر 3 ساعات
البودره المائيه السمر كيك اللي بتبوظ الوش وتحرقة وصلت سعرها ل 43 ج لما جولدن روز تنزلها ب 25 وجودتها انضف من سمر كيك بمراحل يبقى مفيش اي وجه مقارنة
بالنسبة للروج بتاع جولدن روز فيه 4 انواع اعتقد او 5 النوع الخفيف دا هو اقلهم جوده في روجات تانية غاليه اه بس افضل واحسن ودا من خلال تجربتي للمنتجات كلها
والجلوسات بردو اسعارها حلوة جدا اقصد بتاعة جولدن روز مقارنة باسعار جلوسات برجوا وماكس فاكتور اللي بتوصل ل 85 ج ودا اقل لاين عندهم اللي هو يعتبر استخدام نهار عادي
اللي مش حلو فعلا هو البلاشر معجبنيش لان ملقتش فيه اي شيء جديد بودر عادي او ميكس وفيه جليتر ودا مش ظريف عايز استخدام مناسبات وبس ممكن الكرات حلو لو قارنته ببتاع اوريفليم فا جولدن روز يكسب في سعره غير كده كله عادي
وعلى فكرة الاسعار اللي انا قلتها دي برا مصر اقل من كده كمان بس الوضع في مصر مختلف معرفش ليه فا مش ذنب المنتج ان الناس بتبيعه غالي دا مش يعيبه ولا يقلل منه واديت مثال زي المايبلين الموس فاونديشن بتاعهم برا ب 60 ج في مصر وصل سعره ل 150 ج وفي الخليج حوالي 90-100 وتفاوت الاسعار دي سببها المستوردين والمحلات مش الشركة المنتجة
وبس F:
