تجمع بنات مصر لشهر جمادي الثاني1431 للاستفسارت عن الميك اب

نور سامح;12140335:

يابنات عايزه اعرف ينفع اخطار مكياج واوريه للكوافير يعملى زيه يوم الفرح ينفع ولا ايه

حسب الكوافير اللي هتعملي عنده ياقمر هو ممكن يوافق وممكن لا
خصوصا لو متمكن من مهنته هيعرف اذا الميك اب دا هيليق عليكي وعلى ملامحك ولالا لان مش كل طرق المكياج تنفع كل الوجوه

حد يابنات يقوللي نوع كحل فاحم كدة وتقيل ويرسم كويس مش اعور عنيا عشان ارسم هههههههههه بس عايزاه يكون للعنين الحساسة


كمان عايزة احسن انواع كريمات للنهار والليل والتقشير الاسبوعي الحاجات دي بشرتي انتهت اصلا

ولكن جزيل الشكر

ايوه يا جميله
لسه جايبه كحل كجل الحمد لله
من مره واحده سواد غامق ب 7 جنيه

ازيكم يا بناويت عاملين ايه
هوا انا لو عايزه اسئل عن حاجات فى كتالوج اورفيليم مين يجاوبنى ولااسئل فين؟

وايه فعلا الفرق بين الفاونديشن العادى والموس ؟ وايه احسن موس الميبلين ولا ايه؟

mashimaro16;12150556:
ازيكم يا بناويت عاملين ايه
هوا انا لو عايزه اسئل عن حاجات فى كتالوج اورفيليم مين يجاوبنى ولااسئل فين؟

وايه فعلا الفرق بين الفاونديشن العادى والموس ؟ وايه احسن موس الميبلين ولا ايه؟

ده لينك تجمع واستفسارات اوريفليم بتاع الشهر ده F:
http://forums.3roos.com/showthread.php?t=535621&page=3

بالنسبه للفاونديشن انووووش بقى هيا الخبره فى الموضوع ده وليها ردودو كتير بالنسبه للموس فاونديشن :thumbs_up:

بنات انا وشى طويل وعايزه لفات طرح للزفاف تناسب الوش الطويل حد يساعدنى علشان انا خايفه اوى ولو فى كوافير كويس حد يعرفه ميكب ولفه طرحه تحفه ياريت يقولى عليه

هي بكام البودر المائي بتاع جولدن روز يا بنات؟
وانا عايزه كوافير يكون استاذ في القص يعني ده تخصصه يكون في الجيزه او الدقي او الهرم او المهندسين وممكن المنيل بس بكون احسن حد بيقص ويعمل كاريهات حلوه

أسارير البحور;12140611:
حد يابنات يقوللي نوع كحل فاحم كدة وتقيل ويرسم كويس مش اعور عنيا عشان ارسم هههههههههه بس عايزاه يكون للعنين الحساسة


كمان عايزة احسن انواع كريمات للنهار والليل والتقشير الاسبوعي الحاجات دي بشرتي انتهت اصلا

ولكن جزيل الشكر

اقلام اوريفليم الكريمي والكاجال حلوة جدا
بالنسبة للكريمات قوليلنا نوع بشرتك ايه ياقمر عشان نفيدك اكتر

mashimaro16;12150556:
ازيكم يا بناويت عاملين ايه
هوا انا لو عايزه اسئل عن حاجات فى كتالوج اورفيليم مين يجاوبنى ولااسئل فين؟

وايه فعلا الفرق بين الفاونديشن العادى والموس ؟ وايه احسن موس الميبلين ولا ايه؟

ليتل داك حطيتلك اللينك ربنا يكرمها
بالنسبة للفاونديشن بيكون ليه اكتر من صوره

- ستيك ودا يناسب بشرة دهنية وتغطيته بتكون حلوة
- السائل ودا للبشرة العادية والجافة في منه اللي تغطيته خفيفة وفي اللي تغطيته عالية وفي انواع فاونديشن سائله تانية بتكون مط بتناسب البشرة الدهنية بردو
- كومباكت فونديشن ودا بيكون فاونديشن في هيئه بودره بيناسب البشرة الدهنية والعادية
- الموس ودا بيكون كريمي ومناسب للبشرة الدهنية فقط تغطيته ممتازة بيخفي مسامات البشرة ومش بيحتاج تحطيله بودره فوقيه

لو بشرتك دهنية يبقى الموس هو الانسب ليكي والماركات مايبلين وجولدن روز دول جربتهم وعجبوني جدا الاتنين رائعين

نور سامح;12154416:
بنات انا وشى طويل وعايزه لفات طرح للزفاف تناسب الوش الطويل حد يساعدنى علشان انا خايفه اوى ولو فى كوافير كويس حد يعرفه ميكب ولفه طرحه تحفه ياريت يقولى عليه

نور حبيبتي هو انتي هتلفي طرحتك بنفسك ولا ايه ؟
وبالنسبة للكوافير قولي للبنات انتي منين عشان اللي يعرف حاجة يفيدك فيها

roro cat;12162682:
هي بكام البودر المائي بتاع جولدن روز يا بنات؟
وانا عايزه كوافير يكون استاذ في القص يعني ده تخصصه يكون في الجيزه او الدقي او الهرم او المهندسين وممكن المنيل بس بكون احسن حد بيقص ويعمل كاريهات حلوه

البودره المائي يا رورو ارخص سعر شوفتها ليه هو 40 جنية

بنات
كان مرة حد وصف عنوان صيدلية بتبيع حاجات جولدن روز فى شارع احمد عرابى
حد فاكر او يعرف اسمها ايه ؟

أسارير البحور;12140611:
حد يابنات يقوللي نوع كحل فاحم كدة وتقيل ويرسم كويس مش اعور عنيا عشان ارسم هههههههههه بس عايزاه يكون للعنين الحساسة


كمان عايزة احسن انواع كريمات للنهار والليل والتقشير الاسبوعي الحاجات دي بشرتي انتهت اصلا

ولكن جزيل الشكر

بصى ياقمر انا الكحل الوحيد الى مش بيسيح معايا وتقيل اوى كحل اوريفيلم

بنات ان شوفت البلاشر بتاع جولدن روز على صحبتى كان بجد روعه ماشاء الله

وكانت حطه البودره بتاع جولدن روز بردو وشها كان ماشاء الله طبيعى وشكل الميكب تحفه

انا فرحى باذن الله بعد خمس شهور اجيب الميكب امته ان شاء الله

نور التقوى;12165421:
بصى ياقمر انا الكحل الوحيد الى مش بيسيح معايا وتقيل اوى كحل اوريفيلم

بنات ان شوفت البلاشر بتاع جولدن روز على صحبتى كان بجد روعه ماشاء الله

وكانت حطه البودره بتاع جولدن روز بردو وشها كان ماشاء الله طبيعى وشكل الميكب تحفه

انا فرحى باذن الله بعد خمس شهور اجيب الميكب امته ان شاء الله

ربنا يتمملك على خير ياقمر
وهاتي الميك اب بتاعك ادام شوية يعني لما يكون فاضلك شهرين مثلا

بالنسبة لصاحبتك قوليلي انيو بلاشر اللي عندها ؟

roro cat;12162682:
هي بكام البودر المائي بتاع جولدن روز يا بنات؟
وانا عايزه كوافير يكون استاذ في القص يعني ده تخصصه يكون في الجيزه او الدقي او الهرم او المهندسين وممكن المنيل بس بكون احسن حد بيقص ويعمل كاريهات حلوه

رورو بصي انا سالت بنات هنا قالولي كوافير نينا وبنتا في الهرم بس لسه مش جربته
هجربه كده اسوعين وبفكر اضرب شعري لون مش عارفه برده لسه
بس شكروه فيه
وسؤال يا بنات جولدن روز بقت بشوفها في صيديات كتير اسعار الصيدليات اغلي ولا ارخص من ام
لحلات
وكمان ازاي اعرف ان محل تركيب العطور ده كويس ناء علي ايه
يعني بشوف محل كبييير للتركيب بسس معظم الوقت فاضي ومش بشوف ناس اعده وبتشكك فيه

نور ربنا يتمملك بخير يارب يارب يارب

بس سؤالى هى صحبتك بشرتها فيها عيوب يعنى مسام واسعه او حبوب او غمقان
اصل لو بشرتها اصلا صافيه ونضيفه يبقا الميك اب هيكون حلو

يا اما الميك اب بيغطى كل دا فوقتها يبقا حلو فعلا فهمانى

على فكره يا بنات الكحل الى قلتلكم عليه ممتاز جدا ما شاء الله
هو بيسيح بسيط بس لانى مكنتش حاطه فى وشى غير كحل وماسكرا

بس لما حطيته مع شادو فضل زى ما هو ما شاء الله
ومن اول لمسه بيحط تقيل زى الفحم الحمد لله

نور سامح;12154416:
بنات انا وشى طويل وعايزه لفات طرح للزفاف تناسب الوش الطويل حد يساعدنى علشان انا خايفه اوى ولو فى كوافير كويس حد يعرفه ميكب ولفه طرحه تحفه ياريت يقولى عليه

بصى يا جميله هنزلك صوره لفه طرحتى لان وشى طويل شويه والربطه كانت من اختراعى وعجبت الكل الحمد لله وكنت مبسوطه بيها لانها مبينتش الطول الحمد لله

السلام عليكمازيكو يا بناتانا كنت بحط مسكرا وحاليا مبقتش بحطها لانها كل ما اجي اغسل وشي او اشيل الميكب بتهبب تحت عيني وخايفه تعملي هالات سودايا ريت حد يقولي طريقة اشيل بيها المسكرا من غير ما تهببلي تحت عيني

أنوش;12165470:
ربنا يتمملك على خير ياقمر
وهاتي الميك اب بتاعك ادام شوية يعني لما يكون فاضلك شهرين مثلا

بالنسبة لصاحبتك قوليلي انيو بلاشر اللي عندها ؟

ربنا يخليكى ياانوش وعقبالك ياقمر على قريب ان شاء الله

خلاص باذن الله هجيب على اخر شهر 8 او تسعه

والبلاشر هى بتقولى الى هو كذا لون فى بعضه ده بس مش الكور

صوت العيون;12167331:
نور ربنا يتمملك بخير يارب يارب يارب

بس سؤالى هى صحبتك بشرتها فيها عيوب يعنى مسام واسعه او حبوب او غمقان
اصل لو بشرتها اصلا صافيه ونضيفه يبقا الميك اب هيكون حلو

يا اما الميك اب بيغطى كل دا فوقتها يبقا حلو فعلا فهمانى

على فكره يا بنات الكحل الى قلتلكم عليه ممتاز جدا ما شاء الله
هو بيسيح بسيط بس لانى مكنتش حاطه فى وشى غير كحل وماسكرا

بس لما حطيته مع شادو فضل زى ما هو ما شاء الله
ومن اول لمسه بيحط تقيل زى الفحم الحمد لله

ربنا يخليكى يامورو

بصى هى صحبتى عندها حبوب بس بتتعالج منها وحسه ان هيا راحت من وشها ماشاء الله

طيب انا الحمد لله بشرتى صافيه ومش فيها حبوب ولما بحط الميكب وشويه ومعرفش ايه الى بيحصله :o:o

فموش عارفه موضوع الحبوب والمسامات ده يأثر ولا لاء

عاوزة اتعلم;12170111:
السلام عليكمازيكو يا بناتانا كنت بحط مسكرا وحاليا مبقتش بحطها لانها كل ما اجي اغسل وشي او اشيل الميكب بتهبب تحت عيني وخايفه تعملي هالات سودايا ريت حد يقولي طريقة اشيل بيها المسكرا من غير ما تهببلي تحت عيني

انا بمسحها بمزيل ايزى كير ياقمر او شوفى اى مزيل ترتاحى ليه

عاوزة اتعلم;12170111:
السلام عليكم ازيكو يا بناتانا كنت بحط مسكرا وحاليا مبقتش بحطها لانها كل ما اجي اغسل وشي او اشيل الميكب بتهبب تحت عيني وخايفه تعملي هالات سودايا ريت حد يقولي طريقة اشيل بيها المسكرا من غير ما تهببلي تحت عيني

وعليكم السلام ياقمر
فينك من فترة مش باينه ليه
الحمدلله احنا تمام ويارب تكوني بخير
بالنسبة للماسكرا او اي ميك اب لازم يتمسح الاول بمنديل ازاله مكياج او لوشن مزيل مكياج
فالاول كنت بغسله بالمايه والغسول على طول احس وشي مش نضيف والاقي الكحل والماسكرا مهببين تحت عيني ومش بيتشالو بالمايه ولا بالصابون ومن بعد ماعرفت بالمناديل المبلله بتاعة ايزي كير او لي لي وانا مش بستغنى عنها ابدا ابدااااااا
بمسح وشي كله بيها الاول وبنضفة تماما وبعدين اغسله بالمايه والغسول بجد ممتاز وهتلاقي المناديل فيها انواع للبشرة الدهنية والعادية والجافة والحساسة
وفي كمان لوشن مزيل مكياج من افون وفي من جارنييه كلهم كويسين المهم ياقمر انك تستخدمي مزيل مكياج الاول قبل ما تغسلي وشك :DF:

نور التقوى;12170481:
ربنا يخليكى ياانوش وعقبالك ياقمر على قريب ان شاء الله

خلاص باذن الله هجيب على اخر شهر 8 او تسعه

والبلاشر هى بتقولى الى هو كذا لون فى بعضه ده بس مش الكور

تسلميلي ياقمر متحرمش من ذوقك
طيب بوصي بئه
انا كل بلاشرات جولدن روز جربتها والبلاشر اللي انتي تقصديه دا تحديداااااا انا كنت هموت عليه من شكله بس لما جربته لقيته بيلمع بطريقة رهيبة يعني مستحيل احطه في خروجات عاديه لان الجليتر فيه كتير اوي انا يادوب خدت مسحه منه على ايدي لقيت ايدي كلها بتلمع مع ان لمعته رقيقة بس اوفر للخروجات العادية .. فا هو نفس الموضوع بردو يعني صحبتك لما كانت حطاه كان خدها بيلمع صح ولا ايه ؟

أنوش;12171966:
وعليكم السلام ياقمر
فينك من فترة مش باينه ليه
الحمدلله احنا تمام ويارب تكوني بخير
بالنسبة للماسكرا او اي ميك اب لازم يتمسح الاول بمنديل ازاله مكياج او لوشن مزيل مكياج
فالاول كنت بغسله بالمايه والغسول على طول احس وشي مش نضيف والاقي الكحل والماسكرا مهببين تحت عيني ومش بيتشالو بالمايه ولا بالصابون ومن بعد ماعرفت بالمناديل المبلله بتاعة ايزي كير او لي لي وانا مش بستغنى عنها ابدا ابدااااااا
بمسح وشي كله بيها الاول وبنضفة تماما وبعدين اغسله بالمايه والغسول بجد ممتاز وهتلاقي المناديل فيها انواع للبشرة الدهنية والعادية والجافة والحساسة
وفي كمان لوشن مزيل مكياج من افون وفي من جارنييه كلهم كويسين المهم ياقمر انك تستخدمي مزيل مكياج الاول قبل ما تغسلي وشك :DF:



تسلميلي ياقمر متحرمش من ذوقك
طيب بوصي بئه
انا كل بلاشرات جولدن روز جربتها والبلاشر اللي انتي تقصديه دا تحديداااااا انا كنت هموت عليه من شكله بس لما جربته لقيته بيلمع بطريقة رهيبة يعني مستحيل احطه في خروجات عاديه لان الجليتر فيه كتير اوي انا يادوب خدت مسحه منه على ايدي لقيت ايدي كلها بتلمع مع ان لمعته رقيقة بس اوفر للخروجات العادية .. فا هو نفس الموضوع بردو يعني صحبتك لما كانت حطاه كان خدها بيلمع صح ولا ايه ؟

انا كنت حسه ان هو تقيل شويه ده اول لما قابلتها بعدها بشويه كان هادى ورقيق بس مكنتش حسه ان فيه لمعه خالص وانا هسالهالك بردو ياقمر يمكن انا ماخدتش بالى

عاوزة اتعلم;12170111:
السلام عليكمازيكو يا بناتانا كنت بحط مسكرا وحاليا مبقتش بحطها لانها كل ما اجي اغسل وشي او اشيل الميكب بتهبب تحت عيني وخايفه تعملي هالات سودايا ريت حد يقولي طريقة اشيل بيها المسكرا من غير ما تهببلي تحت عيني

شيلي الماسكارا بمزيل مكياج
او ممكن تشيليها بوايبس مزيله للمكياج من جونسون

انا بستخدم مزيل مكياج من ايفون حلوو اوي معايا