{.ْ!●»«●.ْ!}

القطبي;12154002:

بنات شكرااااااا ع معلوماتكم ع حسين الشجار

اللي عندها صور ياريت تتحفنا
شكراا

مسائكم فل وريحان

نور البحرين;12153615:
ادري ان محد بيجاوبني بس بعد بحاااول ادور على اجابات..

وعندي بعد كم سؤال..انا رحت ام حسين للفستان ورحت منارس..اشرايكم فيهم من حيث التعامل والطقم وكاسعار..؟؟

وكنت ابي اروح كم مكان بس ما ادل مواقعهم..مثل دار الصفوة..والزهراء..ليلتي..نور العرائس..وغيرهم
لان ادور فستان ما يزيد اجاره عن 150 (لان الميزانيه كلش رايحه عليها)..:thumbs_down:

ويكون معاه طقم فخم شوي وكاسات واكسسوارات شعر وصندل عزكم الله..ومعاملة المكان حلوه ما يخلفون بمواعيدهم..

وبروح ادفع عربون لصالون سلوى للمكياج عند سلوى والشعر عند صفيه..

و لو كانت عندي سياره او احد فاضي حقي ماكنت بزعجكم كنت بروح بنفسي ادور من مكان لمكان بس للاسف ما عندي احد يساعدني باي شي:'( اشتغل على اموري لحالي..واذا فضى خطيبي بعد رجعته من الدوام اطلع المغرب والوقت كله ضايع..:'(

اتمنى لو وحده بس تعبرني وتجاوبني على اسالتي..

ومسامحه ع الازعاج:(

شوشو 87;12153654:


هلا حبوبه عندج الحنايه أرشح لج أم شهد و عايشه مالت البسيتين حناهم رووعه ودقيق

وعن الفساتين عندج محلات عند شارع البديع ، وسوق الرفاع في واحد أسمه بحر العرائس

عندج منارس في سوق واقف

عندج رومان ديزاين + أم عبدالله في بوكواره

في محل بعد عسكريمه فديته فصلت عنده وحلوو شكله فستانه ناعم يصير في مدينه عيسى يم سكوب عند محمد نوور بس ماعرف شنو أسم المحل ..


وعن عايشه البلوشي حاليا ماتمكيج في البحرين راحت قطر

عندج حق المكياج وشعر أنصحج بصفاء
واييي والشعر بعد عندج صالون مرياج ( سميرة الشكر) تساريحه أحسن من الرونق وأكشخ ماتسويي شي متكرر

بصالون صابرين كمال
المكياج صابرين كمال والشعر نوال

حلآتى بعبآتى;12154086:





شوشو شفيج الله يهديج عفستي المعلومات العامه هههه

بس بصحح لج الاشياء يلي بلأحمر

اولأ المحل يلي قريب سوق الرفاع اسمه احلى العرائس مو بحر العرائس لأن هلمحل في السعودية وانه مفصله فستاني عنده ههه

ثانيا : عسكريمو سوت فستانها في محل اسمه فستاني في الزنج

ثالثا : المحل يلي في مدينة عيسى وقريب محمد نور وسكوب اسمه وااايت ليلي وفساتينه للبيع فقط مو تأجير وستايلهم اوروبي ناعم وصج حددددهم وااااو


ولاتزعلين حبيبي ... بس حبيت اصحح عشان البنات مايتخربطون

فديتج والله يلا سوووي هلوون ايوووه ايووووه :013::013::013:





عسكريمه .. انشالله حلمج خير يارب عليج
ويصير يلي بالي بالج ياااااااااااااااااااااارب :adore:

مريومه20007;12150903:



هذيان متى كان العرس الي رحتيه في مرمريز 3 اياام الدواام الي كانو مخسرين عليه ...؟

جمر الحنين;12151078:
هذيان ..

خلي الإسم من ضمن قائمة الخطوبة ..

تاريخ 3/6

كمايو;12152120:

اممممممممم

الي تقول عن اسعار الجلايات

امس اتصلت لام صادق وقالت لي 120 مو 80 ومع دبة الماي 140 هههههههههه

والله يضحكون هالي يجلون

حلآتى بعبآتى;12152317:

انه يلي جلتني الصراحه اول مره اشوف جلوة هلون

وحتى اهلي قالو نفس الكلام قالو اول مره نشوف جلوة هلشكل مفصله تفصيل

اول شي طبعه لما دشيت قعدوني على الكرسي وانه كنت مسوية صينية جلوه

حطتها تحت ريولي وحطت الدفتر يلي فيه بداية الجلوه في حضني وقالت لي اشري على اول سطرر وحطت شوية حلاوة في حضني وخلتني امسك الشموع

وقامت تقرى .. حسيت من هلحركة ان كأني انه اردد الابيات مو اهي ههه

وعقب طول مااهي تجلي كانت تقول الكلمات وتمسح بالزعفران على نفس المكان يلي قاعده تقوله في الابيات

وحتى لما كانت تقول عن النبي (ص) والسيدة خديجة وشلون ازال البرقع من عليها ويكشف ويهها في زواجهم كانت تحط شالي فوق ويهي وعقب شوي شوي تطلع ويهي

ووصتني اذا قالت مقطع من المقاطع اني ارفع يدي وادعي بيلي في خاطري وانه رفعت يدي وقمت ادعي ودمعت عيني مادري ليش :lol::lol:

مسكينة صج صج تعبت حسيتها في الجلوووه

وعقب عاد كل شوي يحطون مشمر وتغني عليه اغنية .. حطيت 7 مشامر على عدد ابواب الجنة :cool:

ولما خلصت غطو ويهي ولمت كل البنات حوالي وقعدت تقول اسماء الائمة وكل ماتقول اسم امام البنات كلهم يمسحون فوق راااسي :)

وحسيت باختلاف لأن كل الجلوات اشوفهم يمسحون على العروس بالزعفران ويشيلونه وعقب يغنون وماتدرين متى جلت ومتى قالت الجلوة كله نقزه في نقزززه هههههه

وبعدين هلكثر دبة الماي غالية هههههههههههههه 20 دينار فرق

انه كانت جلايتي تطبل على المايكروفون نفسه وعلى هلقصه كلها خذت 85 دينار

<<< وايد هذرررت :p

'[خفوق قلب:
;12153390']

سلام عليكم ،،

تقرير عرسي + الاستقبال ..

يوم العرس اللي هو يوم الجمعه قعدت من 9 ونص و جهت أغراضي و اتصلت في اللي بتسوي ليي الباقة و اتفقت ان زوجي ياخدها من المحل (أم حسين) و قالت لي يفتحون من 3 ونص الى 9 ،، بعدين اتصلوا فيني صالون قرنفل قالو لي تعالي 1 ونص لان اللي بتسوي الشعر بتجي هالحزة اني كنت مقررة اروح الساعه 3 ، على ماكملت كل اغراضي صارت 1 ونص اتصلت في بنت خالي تمر عليي تغديت ع السريع جم ملعقة :lol: ،، مرت و مشينا للصالون دخلت الا هناك بنات خالي يسوون شعرهم حطيت اغراضي و نزلت شوي وجت الكوافيره دعاء من صالون لطيفة فرع سوق واقف ، او لشي استشورت شعري و الساعه 3 بالضبط رحت احط لي مكياج و خلصت مني الساعه 5 الا تقريبا اول ماشفت شكلي بكل معنى كلمة وااااااااو عدل ماتوقعت كل هالابداع وااااااجد طلعت حلوة و المكياج مرتب ومضبوط سوت لي وردي و مدموج ببنفسجي و الاسود و الحمرة فوشية جميلة :L:

و بعدين رحت تسوي ليي الشعر و بما ان شعر قصير حطت ليي اكستنشنات واايد و طلعت التسريحة وايد حلوة ،، ومرتبة جداً و في النهاية حطت ليي خصل عجفات مربوطين فيها طريقة مبتكرة :lol:

خلصت و شفت بنات خالي طالبين لهم من مايك ويلست آكل وياهم ، وكل شوي تجي ليي وحدة تقول لي لا تاكلين انتين عروس اقول لهم العروس تموت من الجو ع يعني :biggrin:

صليت المغرب و روحت البس الفستان و بعدين سوو ليي رفرش ع المكياج و الشعر و ركبت ليي الطرحة ع التسريحة << اذا شفت فرصىة بحط لكم صورة لها :worn_out:
سوو شعري بـ 90 و مكياجي بـ 70 ،، وبما ان عندهم لاول ثلاث عرايس 50 % فصار ليي بـ 80 دينار بس ..

خلصت كل شي ، واتصلت في زوجي قال لي شوي بيتأخر نص ساعه تقريبا و وصل لبست وطلعت و شفت الباقة وااااااااااااااااااايد عجبتني صايرة ورد روز فوشي و السيقان مجودين بشريطة فوشية و عليه فصوص كرستالات كببيرة و الورد كرستالات اصغر ..

وصلنا الاستيديو الساعه 8 ونص تقريباً وتصويرنا الساعه 8 و صورنا وكل شوي اروح اعدل شكلي و الفلبينية استملت وتمت تتحلطم :lol: ..

خلصنا 10 تقريباً و رحت الماتم و ماطلعت الا 12 ونص ..

يوم ثاني الاستقبال ،،
رحت الصالون الساعه 3 الا و ماجت اللي بتسوي شعري الا الساعه 3 وربع واني كنت مقررة اروح الماتم 4 ونص سويت شعري ويفي خفيف و طلع وااااو عجيب لان شعري قصير و سوت ليي فرق في النص و سحبت الشعر اللي قدام في الصوبين و ثبتتهم باكسسوار ع جنب ،، و رحت حطت ليي مكياج لبناني خفيف :adore:و لبست جلابية ماخذتها من دبي لونها بنفسجي و فيها تطريز ذهبي على شكل جناح ,, و لبست طوق ورد مسويتنه ليي صديقتي للعرس بس نسيته ..

سوت شعري بـ 10 و مكياجي بـ 15 كامل 25 بس عندهم تخفيضات و صار كأنه بـ 14 شي جدي :worn_out: خلصت الساعه 5 و شي و الكل تم يتصل فيني ،،

و الحمدلله الكل تم يمدحني من الفستان للطرحة للشعر للمكياج و الباقة كل شي الحمدلله ، ونفس الشي يوم الاستقبال .. :L:

F:أشكر كل من ساعدني في عروس و عسى ياربي يعطيكم اللي بخاطركم ..F:

قمر سيما;12153832:
بنات عطوني عاد آرائكم متحيره وابي احجز حق الحنه آخذ رباب ام محمود مالت ستره او ام سجاد علما بأني من النوع الي يحب الحنه الغامق والمتروس والدقيق وفي الخطوبه حنتني ام شهد والحين ابي اغير

ع ـذبة المشاعر;12154072:
http://forums.3roos.com/showthread.php?p=12154044#post12154044



شرفوني