{.ْ!●»«●.ْ!}

كمايو;12152120:

اممممممممم

الي تقول عن اسعار الجلايات

امس اتصلت لام صادق وقالت لي 120 مو 80 ومع دبة الماي 140 هههههههههه

والله يضحكون هالي يجلون

أنا الشوق;12151901:
شسمه

استعملتها مره وحده بس و عجبتني، حرارتها زينه 1900
بس لأن شعري قصير ومقطع فيبيله للحين تدريب :hysterical:
والحين أبي آخذ ستريتنر بس ماعرفت شاخذ للحين
جفت براون في نوعين واحد يازعم حق الشعر المصبوغ، وعلى قولة الهندي هاذي مسويينه بس جذي دعايه عشان يزيدون السعر :lol: والثاني يصلح حق مصبوغ وعادي
واحد منهم ب45 او 49 والثاني ب35 كأن
بس ترددت آخذه ، دام باخذ غالي شوي فيبيله بحث يعني
ويه في بالي بعد بيبي لس، سمعت أوادم يمدحونه
وبنت خالتي تقول لي ان مالها عجيب ماخذته من محل الكترونيات عادي من سوق المحرق ب8 دينار كأن
بس مادري شنو ماركته تقول لي اخذي مثلي وايد حلو

فللحين جاري التفكير
[/CENTER]

حلآتى بعبآتى;12152317:

انه يلي جلتني الصراحه اول مره اشوف جلوة هلون

وحتى اهلي قالو نفس الكلام قالو اول مره نشوف جلوة هلشكل مفصله تفصيل

اول شي طبعه لما دشيت قعدوني على الكرسي وانه كنت مسوية صينية جلوه

حطتها تحت ريولي وحطت الدفتر يلي فيه بداية الجلوه في حضني وقالت لي اشري على اول سطرر وحطت شوية حلاوة في حضني وخلتني امسك الشموع

وقامت تقرى .. حسيت من هلحركة ان كأني انه اردد الابيات مو اهي ههه

وعقب طول مااهي تجلي كانت تقول الكلمات وتمسح بالزعفران على نفس المكان يلي قاعده تقوله في الابيات

وحتى لما كانت تقول عن النبي (ص) والسيدة خديجة وشلون ازال البرقع من عليها ويكشف ويهها في زواجهم كانت تحط شالي فوق ويهي وعقب شوي شوي تطلع ويهي

ووصتني اذا قالت مقطع من المقاطع اني ارفع يدي وادعي بيلي في خاطري وانه رفعت يدي وقمت ادعي ودمعت عيني مادري ليش :lol::lol:

مسكينة صج صج تعبت حسيتها في الجلوووه

وعقب عاد كل شوي يحطون مشمر وتغني عليه اغنية .. حطيت 7 مشامر على عدد ابواب الجنة :cool:

ولما خلصت غطو ويهي ولمت كل البنات حوالي وقعدت تقول اسماء الائمة وكل ماتقول اسم امام البنات كلهم يمسحون فوق راااسي :)

وحسيت باختلاف لأن كل الجلوات اشوفهم يمسحون على العروس بالزعفران ويشيلونه وعقب يغنون وماتدرين متى جلت ومتى قالت الجلوة كله نقزه في نقزززه هههههه


وبعدين هلكثر دبة الماي غالية هههههههههههههه 20 دينار فرق

انه كانت جلايتي تطبل على المايكروفون نفسه وعلى هلقصه كلها خذت 85 دينار

<<< وايد هذرررت :p

miss designer;12152226:

ام الساده سألتيني عن المحل الي شريت منه الجلابيه
هو اسمه جلابيات الخليج او الخليج للجلابيات شي جذي
في شارع سويكت بين تقاطع 4 و5
ومووفقه اختي ;)

maryoom;12152398:


شواااااااااقة آنا شريت هذا بـ 16 دينــــار بس صراحة حلووو

وهذا شريته بـ 33 دينـار من سنتين بس عجيييييييب يسوي الشعر

بس خاطري بالبروش أن شاء الله إذا رحت جيان بشتريها

ما زال الأمل;12152568:
محد يعرف رقم الحفافه نرجس،مدينة عيسى،
لان مو موجود فى ملف التجهيزات

أنا الشوق;12152548:
لبروش قصدج ذي؟؟




عند هوم الكترونكس ب20 تقريبا،، 19 و900 أو شي جذي
بس ماحسيت ان منه فايده غير انه حق الكهربا اللي في الشعر
اذا شعرج جاف ومنفوش يهديه واذا سابط مايخليه سابط :lol: خوش شرح
وهم عندهم خصلة شعر حاطينها مثال ينفشونها بعدين يمشطونها :worn_out:

وانتي شنو نوعية شعرج؟؟؟
ناعم
خشن
نص ونص
شعرتج متينه ولا ضعيفه؟؟
عشان أقيم الحاله خخخخخخ

(مـلاك);12152526:
بنـــــــات أبي مساعدتكـم
بليــزز لاطنشونــــــي . .
وين يصير صالون صابرين كمـال الجديد
ابي احد يوصف لي بليييز لاتردوني
الي تعرف ترد عليي بسـرعـة

جنـــات;12149037:
يعني سميرة تسوي الشعر بنفس مستوى وحيدة ؟؟

ممكن اشوف مكياج ابتسام ؟ وين يصير الصالون بالضبط؟؟
بشوف صور للحناية في موضوع الحنايات مشكوورة خيتو

ممكن تعطيني رقم ام نادر ؟؟ جلوتها حلوة لو شلون مو ترقد ؟؟

وين يصير محل فستاني بالضبط ,, مسامحة تعبتج بس من زمان مافتريت لهالشغلات؟؟ ومو شرط الستايل الاوروبي ... ابي اي محل فساتين اعراس ممكن احصل فيه فستان حليوو

ما زال الأمل;12152686:
ممكن ملف التجهيزات

(مـلاك);12152526:
بنـــــــات أبي مساعدتكـم
بليــزز لاطنشونــــــي . .
وين يصير صالون صابرين كمـال الجديد
ابي احد يوصف لي بليييز لاتردوني
الي تعرف ترد عليي بسـرعـة

لؤلؤة المحرق;12149215:
تقريري البسيط لليوم ..

قعدت من النوم الساعه 12 الظهر ..

تغسلت وتوجهت لصالون بعراد اسمه ميسـآء ..

حفيت عندهم حفاف كـآمل .. والحمدالله مثل ما متعوده عليهـآ حفافتي ظبطتهم ماشاء الله ..

وبعد سويت بدكير لريوولي صج عجيب بدكيرهم ويريح وقعدت سوت لي مساج ..

صج رااحه واسترخاء على قولتهم هههههه ..

عقب رحت صالووني المعتاد للحلـآوه ..

شلت كآمل جسمي .. وعقب سويت بدكير لليد << البدكير اليد في صالون والريول في صالون :lol:

(( بالعماله علشان اجوف الفرق بينهم )) :cool:

المهم عقب ماحفيت كامل جسمي .. عقب سويت بدكير ليدي ..

وكآن شغل نظيف بعد + مساج .. حسيت اليوم مدلعه عدل ههههههه ..

وبس .. هـآذي تقريري لليوم كله صالونات وحفاف :adore:

..

المهم بنـآت المحرق .. اللي يعرف صالون زيـن يسوي حنة حوآجب يخبرني .. وآكون لهآ

شـآكره .. :D

علياء القمر2;12149923:
ليش أنا محد يعطيني وجه من زمان أسألكم عن رقم الحناية لينا :sick:


لكن زعلانة 8o|

MISS_SWEEET;12152724:
بنات ساعدوني بمسألة المكياج والشعر

خلاص قرار نهائي تمللت

بكنسل حجز مكياج وشعر في اشرقت بعد مشاورات مع الكل

اي احسن اروح احجز عند فاطمة اللبنانية مكياج ولشعر رنا الي عندها ولا اروح الرونق احجز ميك اب وشعر هناك ؟؟

اليوم بروح احجز عندهم خلاص

ويصير اروح اطالع شغلهم الرونق الليلة مكياج وشعر العرايس ولا لازم اتصل لهم قبل