{.ْ!●»«●.ْ!}

unlimited;12206229:
مرحبا بنات
شخباركم؟؟ وحشتوني
مبروك حق كل الي انخطبوا ونزوجوا :)
صار لي فتره ما ادخل المنتدى بسبب ظروفي الصحيه .. وموقفه تجهيزات ..

بغيت اسألكم عن بنات حق الضيافه للاستقبال سواء بحرينيات او فلبينيات .. اذا احد يعرف يطرش الي الرقم والمعلومات .. وبعد عندي سؤال شنو تنصحوني بعطر حق ليله الزواج؟؟

سلامات انليمتد والله وحشتيني اقول مادري شفيها
اجر وعافيه حبيبتي
الضيافة ماعرف بصراحه بس توني يوم اليمعه راحه عرس كله اللي يضيفون لابسين ثوب نشل وبطووله وصايرين فلله حتى يترقصون وفي الجلوة بعد كان فيه بس من غير بطوله بسال عنهم لانهم وايد حلويين


عطر حق ليلة الزواج انصحج تتجهين لشركة شانيل لانها قوية وانا احبها :)
او تقدرين تاخذين من عطورات برادا بعد حلوة


ولا تقطعين مره ثانيه لا اكسر راسج والله وحشتينا خخخخخ

وتر المحبة;12206258:
هلا اختي انه حاجزة ام غانم وياها وحده ثانية حق الضيافه ثنتين بنات بحرينيات يلبسون لج لباس شعبي ثوب نشل وبطوله ويستقبلون لج المعازيم ويسون لج جو في العرس يقدمون القهوه حق المعازيم .. ويببون حزة وصول المعاريس ويعني حركة .... الوحده منهم تاخذ 60 دينار .. مع القهوة كامل اعتقد ب 140 دينار اذا تبين رقهم الحين بطرشه لج على الخاص F:

لا تنسيني بالرقم :)

Ambassador of Bahrain;12206274:
لا تنسيني بالرقم :)

افا عليج حبيبتي حاضرين جيكي الخاص:adore:

حلوة بمعانيها;12206240:
صالون خوله للتجميل
الوكيل الحصري لبن ناي في البحرين حسب علمي
عندها كل شي بس ما شفت باليتات يعني كل شي حبه حبه
وصالونها في المحرق وإنتي نازله من الجسر الجديد صوب مذر كير والدونت أول لفة يمين

القطرية
بالنسبه للمكياج قائمتي كالتالي:
عايشة الريس - شايفة لها روووووعه قليله عليه مكياج محترف ورسم ملامح
صفاء - شفت لها صوره إهني بالمنتدى وبعد شوقو متمكيجة عندها في عرسها وأنا أثق بذوقها هههههههه
صفية شويطر- شايفة لها وااااايد حلو ورسم ملامح بعد

يعني أنا هالثلاث عندي حق عروس وااااااو يعني تصير العروس ناعمه بزهوه (أنا ما أحب العروس المتكلفة وايد). وحاطه بالي للعرس وحده منهم يعني ما بزعل إذا ما حصلت وحده الثانية بدالها لأن بالنسبه لي كلهم بنفس المستوى.

إمباسدور
لشهر العسل أنا وريلي نحب مكان فيه خضره وبحر ومطر فراح أختار شرق آسيا، وعن تايلند ترى خلاص وقفت المشاكل عندهم لكن البلد محتاجه إعادة إعمار أقصد بس بانكوك وباقي المناطق ما فيهم شي وإذا في خطر ترى ما يعطونج فيزا إهني
وعندج الصين، ماليزيا، أندونيسيا، المالديف بس مافيها نشاطات ترفيهية، موريشيوس، تايلند، اليابان، سنغافوره هذي إذا الميزانية تسمح.

وإذا إنتو من النوع اللي يحب السينما والمول والكوفي شوب إختاري بلد أوربي.

حلم
الف ألف مبروك لخالتج والفال لج
والله يعوضها في العرس
يعني موقف لا تحسد عليه بس جان زين أخذتو المصوره وياكم البيت وخليتوها تصورها.
أما إنتي كده :thumbs_up:

مها البحرين
ما تشوفين شر وكثري السوائل والفواكه والخضروات والسلطات، وبعد ما تتشافين سوي تنظيف للقولون لأن مشكلتج الإمساك.

تراجي
تبين نصيحة أخت لا تسحبين اللون من شعرج تراج تندمين بسرعة، ولا إتيين تشتكين 8o| طاح شعري وتقصف وفي إحتمال تتحسس بشرتج بعد.

مشكوره حبيبتي على الرد

بس اهلي ما يبوني اروح يخافون علي خخخخخ واله انا عادي
فقلت بغير وابي هلون بحر ولوويه وسوق وترفيه بس ماعرف وين من صجي متحيرة ساعات اقول المالديف بس اشباسوي بحر وشاليهات انزين وبعدين خخخخخخخخخخخ
ساعدوني :(

اختي اتقول لي روحي الصين اشرايكم؟

تراجي ام الزين كله;12204825:
بناات شعري اسوود غامج الصلاه ع النبي محمد

وابي اصبغه

وين مكان مضمون يقدرون يفتتحون شعري وبعدين يصبغونه بدرجات خاطري فيها
ابي الاساس بني وبعدين الخصل تكون حمره وشقره هلون بهالدرجات

فكرت بزمرده جم يكلف الصبغ عندهم شعري مو قصير بس خفيف

شفت شعر امبسادور عجبتني صبغتها واهي صابغه في للآلئ الخليج

بعدد فيدوني مابي بعيد وايد لاني مادلي

مفكره اصبغه برمضان باذن الله عشان يكون طاف من حطيت لي حنه بشعري حول 6 شهور كافي والا لازم اكثر المده؟

روحي حق ايفا

وتر المحبة;12206282:
افا عليج حبيبتي حاضرين جيكي الخاص:adore:

ما قصرتي حبيبتي

داري بلا أحباب;12206114:

مرحبا صبايا انا مااخذه توزيعات على العدد التالي او شوفو يحتاج ازيد او لا

36 علبه عطر
24 عش عصافير
24فراشات
48 جرس
24 حمامات أبيض
24 عصافير طبعا غير العصافير لي بالعش ذولا اكبر
20 بيض فخار نفس مهووي
20 مبخر صغار
50 علبه حنه صغار
المجموع يصيرون 270 توزيعه

السؤال الحين يا حلوين يا شطار يحتاج ازيدهم
مثلا اسويهم 300 يعني

ازيد عليهم شوي قرأن صغار و مع مهفات او علب عسل كل نوع 10 او خلاص بيكفوت التوزيعات لي عندي يعني ما يحتاج اسوي زود جاوبوني اوكي حبايبي

اذا لملجة اتوقع انه كافي ، لان عادة الملجة تكون صغيرة ..

Ambassador of Bahrain;12199097:

بناااااااااااات

سؤال وين تنصحوني اروح لشهر العسل؟

انا عمي راح جزر المالديف وشفت الصور ، استخفيت عليها بصراحة ..
هي عبارة عن مئات الجزر المتقاربة جدا .. يعني
مجرد دقائق بين الجزيرة والثانية
وكل جزيرة متخصصة لشي ..
وفي يوم يمنع فيه استخدام السيارات
التنقل بالمشي او بالقوارب
بصراحة سوي سيرج في قوقل عنها ..
ترا انا استخفيت عليها حدي يوم شفت صور عمي وصور النت .

شوشو 87;12199122:
بنااات مارديتو عليه أبي رقم الحفافه دلال أبي أغير وجريب لي في مدينه حمد بدال ماروح مدينة عيسى

ويصير اتصل له نفس اليووم وأرووح له أو لازم قبل يوم أو يوميين

ضروري تردون عليه :thumbs_up:




اني صار لي مدة ابيه
:(
وهل هي تضعف الحواجب لو لا

:)

قمر فاضل;12197630:


خيو اذا انتين ما لبستين ابيض ، البسي ابيض في جلوتش عادي
صوري الفستان كامل عشان نقول راينا

مساء الخير F:

شخباركم بنات :(

أمس برز فستان الجلوة .. جابته ليي صديقتي السعودية من السعودية :'(

امي واختي يقولون حليووووووووو بس طلع واااااسع

اني كللللللللش مادري شلون جوفة اوكي بس مو الا توقعته ما دخل خاطري واحسة واسع ومبهدل عليي .. اوكي بضيقة بس مادري ما حبيته :thumbs_down:

إحبااااااااااااااااط مو طبيعيييييييي بنات

والحين قررت البس فستان ابيض وياه خلاص لان مادري احس مو بحجم انه يكون فستان ليلة عرس ع الرغم اني مخسرة عليه بس مادري مادخل خاطري

:091: لازم البس ابيض << ردينا على طير يالي

ألحين براويكم جزء من الفستان الا هو صدر الفستان قبل الخياط

صلو ع النبي وقولو رايكم :042:

وما احلل اي وحدة تبوق الصورة :mad:

بس بالبس ابيض يعني بالبس ما عجبنييي او لو على كيفي ما البسة خير شر :'(

مع السلامة

((عروس قطر));12197400:
بنات ابي مشورتكم
تنصحوني في فاطمة اللبنانية حق عرسي لاني حجزتها وألحين وااااايد متردده كل اللي اسمع عنه ان هي اتحط مكياج وايد ناعم
يعني تهقون ينفع حق عروس
وفي رايكم من أحسن حد يحط مكياج ميكون ناعم وايد ولا أوقر بلييييز ساعدوني والله متردده
وياريت الماكيرات هم اللي يجون يمكيجوني

انا يعجبني ستايل فاطمة اللبنانية
وبعدين الناعم حلو ..
يبين العروس كانها ملاك
عكس الاوفر ، احسه صار قديم

unlimited;12206229:
مرحبا بنات
شخباركم؟؟ وحشتوني
مبروك حق كل الي انخطبوا ونزوجوا :)
صار لي فتره ما ادخل المنتدى بسبب ظروفي الصحيه .. وموقفه تجهيزات ..

بغيت اسألكم عن بنات حق الضيافه للاستقبال سواء بحرينيات او فلبينيات .. اذا احد يعرف يطرش الي الرقم والمعلومات .. وبعد عندي سؤال شنو تنصحوني بعطر حق ليله الزواج؟؟

جمعية اوال عندهم
اتصلي على الجمعية وهم بيعطونش المسؤولة عنهم

small soft;12204323:
مشكوره اختي انقى النقاء .. على الرد
بس بقلون مو زين تاخذين خيره في زواج؟؟
سمعت جدي عدل المعلومه او غلط...

مكروه الخيرة في الزواج
انا خطوبتي تعطلت 6 اشهر على حساب الخيرة
اهم شي القناعة
وبعدين ما شفت الا الشيخ بروحه متصل لابوي وقال ليه سوو اجراءات الزواج
لان ابوي اخذ اكثر من مرة عنده

small soft;12201398:
الهم صل على محمد وال محمد
السلام بنوتات .. شخبار؟؟
حبيت اتساعدوني اني محتاره :(
اني دشيت مقابله امس والشخص ارتحت له
من ناحيه اطباعه وكلشي اخلاقه ووايد خجوول
وشكله مقبول يعني ,,
بس في شي مضايقني طريقه لبسه وشعره يعني ستايله قديم
يعني مو من النوع الي يكشخ ويحط جل وثيابه يعني مو جيننز وفانيلات
معن اهو صغير ..

وفي شي ان اهو مصاب سكلر وانا سليمه ..

شنو تنصحوني .. ماعتقد ان في سبب مقنع للرفض
يمكن انتو عندكم تجارب ..

فأتمنى اتساعدوني خواتي ...

اتمنى ماتردوووني :'(

هذا يعتمد على شخصيتش شلون
مو القصد انه تكونون انتون والمرض عليهم
يعني انا في ناس في عائلتي فيهم سكلر ويعانون وفي ناس فيهم بس عادي
وفي بنات عندهم القدرة على الصبر ، وقت مرض زوجهم
وفي بنات ما يقدرون
مو عيب فيهم
بس طبيعتهم ما يقدرون يتحملون ويصبرون
واجد وهذا بيسبب مشاكل
ففكري عدل وحطي الايجابيات في جهه والسلبيات في جهه وحكمي عقلش وقناعتش
وبالنسبة للستايل هذا يتغير بعدين
اني خطيبي قبل كان ستايله ما ادري شلون
الحين انا الي اشتري له الثياب وما يلبس الا
الي انا اخذه ..
فهذا الشي انتي تقدرين تغيريينه
وبالتوفيق ان شاء الله