{.ْ!●»«●.ْ!}

شوشو 87;12202126:
:( محد رد عليه

ماشالله تبارك الرحمن كل شي رووووووعه مافي شي الصراحه موحلوو بدوون مجامله :adore:

تسلمين على التقرير الكشخه وعقبال تقرير خطوبتج يارب F:

[/CENTER]

تسلمين يا بعد قلبي .,

وكلج ذوق والله :o

وبـ النسبة للحفافة ( دلال )

مثل ما قالت لج أختنـا سروبة

إهي دائماً يفضل تحجزين عندها قبل يوم أو يوميـن

إهي ما تحف إلا الصبح إلى الظهر

ما عدا يوم الخميس تواصل حفاف إلى العصر ..

حفافها كلمة روعة وحلو ونظيف .. شويه عليه بـ صراحة

أنا هـ المرة بخطوبة خالتي رحت لها , وخالتي العروس بعد راحت لها

وبدعت فينـا

وغيرتنـا وايد ولله الحمد

وحتى هـ المرة وعدتني بعد تغيرني , كون حواجبي جداً عريضة وسهل وايد تتحكم وتغير الستايل فيهم

أنصح فيها :thumbs_up:

..*..

أم فهادي;12202305:

تقررير العرس يوم الجمعه ،،

اول شي قعدت الساعه 5 العصر ورحت الصالون سويت سشوار ورديت الساعه 7 ونص ،،
تمكيجت سويت لي سموكي اسود وبنفسجي ،، وحطيت لي روج وردي ،، ولبست فستان فيه كل الالوان تقريبا بس الازيد كان البنفسجي والوردي ،،

//

العرس كان في مرمريز 2 وكان صج صج زحمه ومافي باركات وصاكين الباراكات اللي فوق اضطريت اني اوقف عند مطعم مشويات طهران واروح مشي فهالحر:badly: جود صارت الساعه 9 ..

اول مادخلت جفت اهل المعرس بس ماجفت اهل العرووس.. !! بس انيي اول شي حق اهل العروس بما انها رفيجتي فديتها :adore: ..كانوا خواتها ايننووون ماشاء الله عليهم اهمه كلهم جميلات لا اله الا الله ،، فساتينهم روووعــه بس عجبتني اكثر شي اختها الصغيره كانت لابسه فستان ازرق ومكياجها ماشاء الله حده حلو وراقي ،،

اهل المعرس مادري بصراحه لاني ماعرف من ام المعرس فما دققت بس وايد كبار فالسن لابسين اشياء ماتليق فيهم ،،

المهم الكوشه كانت مثل ما اهيه بس حاطين ورد احمر بسييييط على الصوبين وفالوسط ع الطاوله ،،
والكيكه نفس الشي ،، الفرقه كانت فرقه العميري وكانت صصصصج تردح واللي يغني كان عيسى العميري وفهد ،،

فستان عروستنــــا كان وااايد حلو كان اوف وايد وفيه ورود كبيره منثره على عند حاشيه الفستان و الذيل والطرحــه ،، وقصه الصدر عاديه وفيها شك وفصوص ،،

مكياجها كان حلو وفكرة مزج الالوان حلوه احمر على ازرق وتحت عينها خط احمر ،، بس البودره حسيتها وايد اوووفر ،، تسريحتها كانت عاديه ويفي وبف نازل وحاطه تاج ،،
بس ماعرف وين كانت متمكيجه ولا مسويه تسريحتها ،،

مسكتها كانت بعد ورد احمر وفيها لولو ،،



وبثثثث بشكل عام كان عرس مرتب وماكان في لويه وحتى اليهال ايننون ماسوو ازعاج كله لاهيين في لعبهم وبعيد عن المسرح ،،

//

تقرير السعوديــه يوم السبت ،،

قمت الساعه 11 من السهر مال يوم اليمعه ،،
وتجهزت ولبس جوتي الرياضه :Dحق المشي ،،،

وياو خالاتي وباقي الاهل الساعه 2 طلعنا ب4 سيارات لان كنا واااايد وتغدينا في السياره على اليسر ..
بس اول شي رحنــا مجمع فنيسيا ،، ومن محل لي محل سوينا ازعاج في هالمجمع لان صج انتشرنا ،،
انا دشيت عند محل وشريت لي توبات وجينز كانو حلوييين ومسوين عليهم تخفيضات 50% ..
وبعدين رحنا محل واخيرا عجب اختي فستان وخذته بس كان لونه غرررريب
اخضر وازرق وبنفسجي وفيه فوشي وفيه فيونكه في الصدر واكسسوار ذهبي ،،
انا قلت لها اخذي فوشي او لون واحد من الوان ريش الطاووس،،
بس صارت اهيه بكبرها ريشه :lol::lol:..

المهم بس انا دشيت المحل اللي قالت لي عنه اختي حصاصي مال اللانجري فديتها ماقصرت وهاذي لج اختييييF:..
وخذيت لي قطعتين من هناك كانو روعه ،،
وجفت دفه ماقدرت اقاومها فيها تطريز سدوعلى اليد بعد خذتها ،،
وبس مامداني اخذ شي لان بندوا حق الصلاة ..

طلعنـــا عقبها ورحنا الحياة بلازا وخذيت لي طقم روب لي وحق خطيبي ..
وخذت شنطتين ثياب ..
وعجبتني جلابيه بقوووووه لونها فوووشي وخذتها ،،،

بس عقب طلعنـــا لان تعبناا من المشي والوقفه ..

ورجعنا ونسيت اقولكم ترى على اليسر جهه المطاعم في واحد يسوي شوارما على الفحم اتينننننن عليكم ابها :lol::lol:..
وبس عقب ردينا البحرين العزيزه عقب ما ازعجنا السعوديه والرحله حدها كانت موفقه:thumbs_up: وان شاء الله بعد بروح الاسبوع الياي ...:)

//

يوووووش ..,

إش هـ الزين , إش هـ الحلا ؟! :adore:

ثانكس حبوبة ع التقارير السنعة والزقرتيـة مثلج

أستمتعت فيها

توي متعشية من شوي , بس شهيتيني والله ع الشاورما هههههههه :lol:

حاولت أقيمج , بس كـ العادة

رافض :o

كوني توي مقيمتج

ثاانكـس :)

حبااااااااااااااايبي بغيييييييت ارقام سفرات عجم وديجي ؟؟

حلووومه
تتهنى خالتج ومتباركين ان شاءلله
فستانج الاوف وايت نعووومي ماشاءلله
ونقش العيين ماشاءلله روعه الصلاه ع النبي محمد
عقبالج ياربي


ام فهادي
الحمدلله ع السلامه
وعليج بسبعين عافيه تلبسينهم وتتهنين بهم ويا بو الشباب
وابي شوارما الحين شاسوي ههههه
بقيت اقيمج مارضى النحيس
بس اقول الله يوفقج ويسعدج ويهنيج

بنات اللي يعرف الحنايه رنا

ممكن تدلوني وين بيتهم بالخاص ضروري ابي اتحنى عيين اذا قدرت حق ملجه رفيجتي

مشكورين الي ردو علي خواتي هذيان وحلم ,,

مشكورين ريحتوني شوي ,,

اختي هذيان برد على سؤالج : اهو صج مصاب سكلر

بس علا حسب ماقاله ان مايترقد وايد .. وان على حسب نفسيته وراحه باله

وان مو وايد مثلا السنه الي طافت ماتعب ولا ترقد لان مالعب كوره ..

يعني مصاب بس بنسبه مو كبيره

يعني حرام اظلمه علشان مرضه ...

اما النسبه لشكله اتمنى ان يتقبل .. مثلا ان اغير من لبسه

ومن ستايله ..


مشكووورين طمتنوني اتمنى الي عنده اي شي


وادعو ليي تتيسر امووري انشاء الله واتوفق ...

small soft;12201398:
الهم صل على محمد وال محمد
السلام بنوتات .. شخبار؟؟
حبيت اتساعدوني اني محتاره :(
اني دشيت مقابله امس والشخص ارتحت له
من ناحيه اطباعه وكلشي اخلاقه ووايد خجوول
وشكله مقبول يعني ,,
بس في شي مضايقني طريقه لبسه وشعره يعني ستايله قديم
يعني مو من النوع الي يكشخ ويحط جل وثيابه يعني مو جيننز وفانيلات
معن اهو صغير ..

وفي شي ان اهو مصاب سكلر وانا سليمه ..

شنو تنصحوني .. ماعتقد ان في سبب مقنع للرفض
يمكن انتو عندكم تجارب ..

فأتمنى اتساعدوني خواتي ...

اتمنى ماتردوووني :'(

بنات ناوية اسافر ماليزيا حق شهر العسل تنصحوني في اي مكاتب سفر والسياحة

Nazoo;12203353:
بنات ناوية اسافر ماليزيا حق شهر العسل تنصحوني في اي مكاتب سفر والسياحة

Nazoo;12203353:
بنات ناوية اسافر ماليزيا حق شهر العسل تنصحوني في اي مكاتب سفر والسياحة

جيكي حملة لبيك :thumbs_up:

وايد حلو عليج بالعافيه حبيبتي بس الميزان رافض لاني قيمتج قبل فترة

تذكر يوم;12199510:

يعني ماعندها احد يسوي الشعر اوكي

وانا موب عروس علشان بسوي ميك اب ب 100

انا ابي مكياج عادي ؟!

لطيفه شغلها زين بس احس نوال احلى من لطيفه
ومكياج صابرين كمال يبتدي من 30 الحين

تذكر يوم;12199712:

يصير اسال سؤال غبي شوي .. !

منكير وبديكير عرفناها و برافين بعد عرفناها

بس شنو الماكس ؟!! .. تقصدين ماسك ؟ يعني

الماكس يا حبيبتي يعني شي سبشل يسون لج مساج وياه واملاح بحريه وجذي
والبرافين يعني اهو شمع حق الريل واليد ينعمهم ويطريهم وايد وايد

حلمـ .,;12200056:

مسااكم الله بـ الخير جميعاً !!..

أخباركم ؟!..

..*..

وحشتوني جداً , جداً

عسى عاد ما نسيتوني وتتذكرونـي :p

أعذروني أنقطعت عنكم لفترة طويلة جداً

بس راجعة لكم بإذن الله وبقوة , :014:

|||~ ْ

من يومين تمت خطوبة خالتي العزيزة على خير ,

بـ رغم كل المشاكل والمآسي إلي مرينـا فيها إلا أننـا وايد أستانسنـا بـ النهاية :03:

والحمد لله على كل حال !..

ْ ~|||

أولاً : الملجة ( 15_5 )

كان عقد قران بسيط جداً وعائلي وايد

مجرد خوات العروس وخالاتها .. وخوات المعرس وخالاته

أستآجرنـا سفرة عجم بسيطة ونعومية

شاملة ( جلسة , السفرة , التوزيعات ) بـ [COLOR=silver]55 دينار فقط

من وحدة أسمها : أم البنين / ستايل

وهذي صور لها , برغم إنها مب واضحة :041:

..*..

التصوير كان باكج من المصورة / أم عباس

ما قدرت إهي تحضر .. وطرشت مصورة من صوبها

والمصورة تصور بس , بس أم عباس هي إلي تعدل وتطبع كل الصور

وما شاء الله عليها

دائماً نتعامل معاها في مناسباتنـا , إنسانة خلوقة وخدومة وما تقصر

وتصويرها جداً روعة ويعجبنـا :thumbs_up:

..*..

العروس ,

لبست ساري هندي نعومي وايد وحلو .. وراقي

لونه " أحمر رماني "

شعر + مكياج .. عند : حورية / أم أبرار , من الهملة

وما شاء الله بدعت فيها !..

تسريحتها كانت فخمة وايد , بف & ويفي طايحة

والميك آب .. درجات الماروني الفاتحة & الذهبـي

والإكسسورات كانت أيضاً مارونية , وذهبيـة :032:

..*..

أنـا :o

لبست نفنوف , لونه أوف وايت .. شيفون ومعاه دانتيـل

حده راقي ونعومي :040:

مشتريته من محل في " جد علي "

سعره الأصلي بـ 80 , وعندهم تخفيضات على حظي بـ 40 دينـار :013:

وفي الواقع أروع وأحلى من جذي بـ وايد :D

..*..

شعر + مكياج

رحت عند صالون " نادرة "

سويت ميك آب سموكي راقي جداً ( سلفر & أسود ) ومن زمان حده خاطري أسوي سموكي جذي

والبلاشر والروج , أحمر فاقع :-#

عند نادرة بو 10 دينار ,

والتسريحة كانت كلاسيكية ومرفوعة .. بـ 17 دينار

وهاي جزء من إكسسوراتي & المناكير " وايد حبيـت اللون " :009: :

|||~ ْ

ثانياً : الحنة ( 26_5 )

كلنا حجزنا الحنة في هـ التاريخ وتحديداً بـ الظهر

علشان الحنة يغمق لنا .. ولأن صادف ليلة وفاة

العروس , حجزت عند الحناية / زينب , من م.حمـد

وللتوضيح فقط

أسعارها ما تعتمد على جسم الوحدة مثل ما أنتشر عنها ههههههه :041:

لأن خالتي ما شاء الله وايد ضعيفة بس حنتها بـ 45 دينـار :060:

أسعارها عموماً تبتدي من 35 إلى 55 دينار فقط

كلما كانت الحنة متروسـة وطويلة زاد السعر ,

وللأمانة .,

حناها كلمة ( روعة ) قليلة جداً في حقه

وغاااااااامـق ,

وهي نفسها حبوبة وحليوة ما شاء الله عليها :07:

في الحنة ,

ما سوينا أي شي

مجرد جلسة حنة عادية وسناحات

والعروس لبست جلابيـة خضرة هادئة ونعوميـة

..*..

أنا & أمي & أختـي ,

حجزنا عند الحناية / صغرى " أم محمد " من المرخ

ما شاء الله .. لا إله إلا الله

حناها يجننننننننننن :027:

عن جد مب متحسفة لأني حجزتها

توفقنا فيها وايد

أسعارها للعادي تبتدي من 10 وما فوق

وإذا مع الرجل من 15 وما فوق

وللعروس أسعارها تبتدي من 35 إلى 45 دينار فقط

وهاي صور من حناها ..

وأنا طلبت منها تحنيني عجين ههههه حدي ميتة عليه لأنه !!!.. :adore:

..*..

بقية خالاتي & بناتهم

تحنوا عند الحناية / أم عبدالله .. من م.عيسى

وأمانةً !..

حناها كلش .. كلش .. كلش ما عجبنييييييييي :09:

شي عادي وأقل من عادي

كأنه مال مبتدئيـن

وايد عريض وخفيف !!..

وما أحسه صبغ وايد بعد ,

ْ ~|||

ثالثاً وأخيراً : يوم حفل الخطوبة

( 28_5 )

هـ اليوم .,

المنتظر .. المرتقب

للآسف ما تهنينـا فيه أبداً , أبداً :035: :035: :035:

كانت الحفلة في صالة : الأنوار - باربار

وأنطفت علينا الكهربـا

من 10 إلى 12 ناقعين في هـ الحر وندق على راعي الصالة نبي يشوف لنا حل ^o)

ولا عبرنا أبد :mad:

ما كنا نبي يروح على العروس تصويرها

حسبييييييييييييييييييييييي الله عليه :084:

كدرنا , ونغص علينا وخرب كل فرحتنـا

للآسف !..

ما قدرنا نسوي شي وطلعنا من الصالة والحفلة ما أبتدت !!!!!!!!!!!!!!!!!

يعله ما يتوفق في ولا فلس أخذه من عندنـا .. في ذمتـه , والله في ذمتـه

لأن خرب على عروس ليلة عمرها

بس شنقول ؟!..

المشتكى لله :'( :'( :'( :'(

يشوف يوم .. وحوبة عروسنا ما بتروح بعيد :031:

..*..

عموماً !..

قعدنا من الصبح

وأبتدأ يومنـا

كنا حاجزين كلنا الشعر في صالون ( العفراء )

وهنالك نظامهم بـ الأرقام

من الساعة 10 أحنا هناك .. والحمد لله حصلنا أول الأرقام

بس ما شاء الله عليهم واااااااااااااااااااااااااااااايد زحمة :039:

وتآخرنا وايد مب شوي ,

ما أبتدوا فينا إلا 1 .. تخيلوا ؟!..

وأحنا ورانا مكياج في مكان ثاني

العروس ,

سوت شعرها عند " سهام "

وأحنا البقية .. العادي عند " مريم جاسم "

ولله الحمد شغل نظيف ولا عليه ذرة غبار , صج روعة :016:

..*..

العروس كامل بـ 70 دينار ( 20 تآمين ) وترجع لها .. مع الإكسسورات

بس أحنا يـ العادي

أنصمينا صممممممممم :-#

تسريحتي أنا وأختي

الوحدة بـ 45 دينار تقريباً , تخيلوا ؟!.. شـ الفرق بينا وبين العرايس !!!!!!!!!!!!!!!!!!!!!

عن جد نهبونا نهبة مب طبيعية :085: :085:

مع إن أشترينا إكسسورات وإكستنشن وحشوات

بس بعد

وايد , وايد , وايد قصوا علينا

وأنصمينا بـ المبلغ الرهيب هههههه :041:

لو رايحين الرونق أشوى هههههههههههههههههه :lol:

عموماً

تسريحاتنا كانت مرتبة جداً وحلوة وما عليها كلام ولله الحمد

..*..

الميك آب .,

العروس , راحت عند الماكيرة / عايشة الريس بـ 70 دينار

أنا رحت عند الماكيرة / صفية شويطر بـ 40 دينار

أختي & خالتي عن الماكيرة / شريفة فولاذ , وحدة بو 25 , والثانية بو 30 دينار

وخالتي الثالثة راحت عند الماكيرة / إبتسام كمال

وخالتي الرابعة & الماما عند / حورية .. أم أبرار

..*..

جهزنـا ع الساعة 9 وأنطلقنا للتصوير ( سكوب - البديع )

الزحمة طاقه آلف هههههههههه :098:

رحنا إستديو ( التقنية - البديع ) .. أهو التصوير والإستديو وايد حلو , بس الله يستر

لأن ما قط مرة جربت هـ الإستديو !!..

وبعد شويه رايحة مختارة الصور ,

..*..

العروس خذت باكج من إستديو ( الحوراء - كرزكان )

100 صورة " داخلي & خارجي "

تصوير فيديو

بس مسكينة ما تهنت بـ التصوير , كون الحفلة تكنسلـت :'(

..*..

العروس .,

تسريحتها كانت مرفوعة كامل وفخمة جداً

وأكسسوراها بعد كان وايد راقي , من نفس الصالون

ومكياجها !!..

كلمة " عذاب " شويه في حقه هههههههه :086:

أنا أعشق شي أسمه اللون ( الأورنج )

وعايشة تسلم يدها ما قصرت , ما قصرت

قلبت عروستنـا 180 درجة , وسوتها ملكة جمال عند جد

المكياج كان سموكي , بتدرجات الأورونج & الماروني .. والبلاشر مع الروج .. أورونج نعومي

..*..

فستان العروس .,

كان إيجار بـ 140 .. من محل ( ليالي الفرح ) في سوق واقف

ولله الحمد كان الفستان نظيف ومرتب وشغل حلو

ما عندهم لا توهيقات ولا هم يحزنون

أستلمت الفستان قبل حفلتها بـ ليلة

والتسليم عندها حرية لمدة يوم كامل :07:

فستانها كان !..

أوف وايت على بيج , على ذهبي هههههههه

بس وايد فخم وحلو صراحةً :072:

..*..

الباقة .,

من محل ( يلد فلاورز ) - بوكوراه

موديل الباقة وايد فخم وحلو

ومناسب لطول العروس بعد !..

كون الباقة جايه بـ الطول , وأهي العروس بعد فيها طول

بـ 35 دينار فقط مع الإكسسورات

وكانت " روز أوف وايت & روز أورونج & ليلي ماروني "

وايد شغلهم حلو ونظيف ,

..*..

الكيكة .,

من عند ( أم حسام )

طابقين , عجينة السكر , مع ورد طبيعي

بـ 40 دينار ,

وأسعارها بشكل عام لكيك العرايس

من 30 إلى 100 دينار فقط

كلما كبر حجم الكيكة وتغيرت نكهتها , زاد سعرها

وتصيد أي موديل إنتي تبينه لو وديتي لها صورة :092:

..*..

وهاي صور :

- الكيكة -

- الباقة + جزء بسيط من الحنة & الفستان -

..*..

أنـــــــــــا !!.. :062:

لبست نفنوف " أخضر " قطعة هندية وكلها شك

معاه مشمر ,

شريته بـ 40 دينار من عند صاحبته

ومع التعديلات والتضبيطات إلي سويتها فيه طلع علي بحوالي 55 دينار , المجموع الكلي هههه

- الذيل -

- القصة -

- الصدر & البطن والظهر .. شفاف -

[/COLOR]

حلومه الف الف مبروك والفال لج ياربي
وبالنسبه حق مكياج صفيه اذا ماعليج كلافه طرشي اجوفه اذا جهزو صورج:o لان خبري به من 2008 اكيد تغير الحين

شهابة;12200266:
السلام عليكم

بغيت اسالكم عن صالون رفين حلو المناكير والبدكير حلو او لا

وبغيت استفسر عن صالون Perfect nails حلو المناكير والبدكير

بيرفكت نيل اختربو لان تغيرو الموظفات كلهم
ورفين انا ما اثق في اغراضهم احسهم وصخين

Moonzy;12200934:
بطرشة لج :thumbs_up:


والله ما ادري حبيبتي جان مريت عليج بروحي رحت بسرعة و طلعت محد وياي و ماخذة اخوي الصغير و مسكين اول ما بدش تخرع يقول ما ابي ادخل كلة بنااات :lol: بس ترى في معرضين اللي تتكلمين عنة مال ماركات كان في قاعة المؤتمرات..هذا كان في اوال


اسمها ياسمين .. و عن اسعارها جفت في فساتين يصلحون حق مناسبة و جذي كانوا على 35 و 40 و الفستان اللي سألتها عنه كان ب55 بس عذااب :adore: و اللي كان عليها تفشلت اسألها صراحة :lol: بس في هال رينج اسعارها

حبيبتي اذا ماعليج امر طرشي لي رقمها وسايتها
لاهنتي

أم فهادي;12202305:

تقررير العرس يوم الجمعه ،،

//

ام فهادي الحمدالله اعجبج المحل وتتهنين بمشترياتج F:

Nazoo;12203353:
بنات ناوية اسافر ماليزيا حق شهر العسل تنصحوني في اي مكاتب سفر والسياحة

الفنار زينين انا خذت منهم يوم اروح شهر العسل
روحي حق مصطفى اللي في فرع المنامه وايد زين