اصحاب واحباب ,,, لمتنا السورية مية اهلا وسهلا

CATS_ANGEL;12271841:

خلص التوبة ما بقى عيدها :o

و الله انو شغلة اعياد ميلادنا ورا بعض مو حلوة ابدا خصوصي انو عيد ميلادو قبلي يعني غصب عنو رح يتذكر عيد ميلادي بس احتفل بعيد ميلادو يعني انا بطريقة غير مباشرة بذكرو بدي اعرف اذا بتذكر لحالو ولا لأ :mad:
اشتركتلو لشهر لحتى شوف اذا بعجبو الوضع هو بجدد اشتراك و رح يفتحو طابق للسيدات باول شهر 8 يعني اذا زبطت بنصير نروح بنفس الوقت اما حاليا للسيدات من 8 الصبح للوحدة و شكلي رح سجل بس شوف ردة فعل زوجي على الهدية خايفة ما تكون بوقتها او ما يكون حابب يروح على مراكز بهالفترة بخبركن بكرا شو بصير معي ^o)
يلا ان شاء الله بتتهون امور هالمنسف و بتتهون امور زوجك بالشغل و يجي يتغدى مو مشان شي بس خطي سورية ما ظنيت تستنى اكتر من هيك :lol:
اما هديتي من زوجي فما بتبين معي غير يوم الخميس :o

عقبال ما اشوف متل هالصينية من عندك يا رب :thumbs_up:

لا على حلو ما تحمسيني بنوب لانو بدو طولة بال وانا عندي نقص حاد فيه :rolleyes:

CATS_ANGEL;12289234:

يا عليي يا شامية الله ييسر هالتلات شهور على خير هنن اصعب شي و بعديها بيجي الشهر التاسع يلي رح تستني فيه :sick: بس تصدقي يا شامية اني لليوم ما نسيت وجع الولادة الله يهونها عليكي يا رب :L:

بخصوص الهدية معك حق بس انا كنت فاتحة الموضوع قدامو قبل باسبوع يعني جسيت نبضو و حسيتو مو متشجع لشغلة وحدة انو ما بيقعد معي كتير من ضغط الشغل و مكسل وانا هيك شجعتو اكتر و حجزتلو بنفس المركز يلي كان فيه من قبل حتى يكون مع رفقاتو :D وهلأ صعبت عليه المهمة في هدية عيد ميلادي :thumbs_up:

لولية;12302018:

يا بنات ادعولي بكرة قراية فاتحة بنتي وتلبيس الدبل ادعولي الله يخليكن

شامية للعظم;12309155:
آمين يارب الله يهون علي وعلى سوريا
وبعدين أنت مفكرة حالك نفتدي لا والله ما منقبل بولد واحد نحنا ساكتين عليك هلق بنتك صغيرة بعد شي سنة تانية بتشدي الهمة وبدي صير انا انصحك أيوا

سورية وبفتخر;12312750:
صباح الخير ياحلويين
كاتس كل عام وانتي بالف خير ياااااااااااااااااااااااااااااااااارب وعقبال مية سنة وتضلي فوق راس زوجك وبنوتك سالمة سامحيني انا مقصرة معك والمعايدة متأخرة
شامية ربي يكون بعونك والله صعبة شغلة الاستفراغ بس متل ماقالت دمشقية كلي ليمون انا كنت ارتاح عليه
لولية ان شاء الله الف مبروك وربي يسرلهم ويجعل حظهم ابيض يارب
اما عن اخبارنا فالحمدلله وصلوا اهلي بالسلامة مبارح تقريبا على الساعة 2الضهر وطبعا اول ماشفنا الباص اجى ركضنا انا ودمشقية واولادنا يالله لحظة اللقاء شو حلوة الله لايحرم كل وحدة من اهلها ودمشقية كانت بدها تعمل مقلب بأهلي وتحملني لعبة بايدي على اساس اني ولدت وحاملة البيبي هههههههههههه بس ماساويناها
والله يابنات داق خلقي مابعرف شو صرلي ماكنت اولد مع انه كل جسمي عم يوجعني وبتجيني تشنجات اسفل بطني بس مافي طلق اليوم بصرلي داخلة بشهري 15يوم الله يستر ماعشر خخخخخخخخيمكن كله من دمشقية لأنها لسى ماساوتلي منسف ههههههههههههههه امانة ادعولي اطلق بهاليومين وتكون ولادتي ميسرة

انتظار حلم;12311854:
يالبيييييييييييه ياسوريآ
وأقسم بالله كل يوم حبي لسوريآ ونآسهآ يكبرٍ:o
مرحبآ ياصبآيآ أو نسوان أو حريمات خخخخخخخـ :|
بصراحــه آنه جايتكمـ وابي منكم خدمــه صغيرونـــه :rolleyes:
يعني هو سؤال
شوفوآ آنه إن شاء الله قريباً جداً راح كون بسوريآ :o
حبيت اسألكمـ عن الغآر !!!!!
العآم لمآ رحت وسألت بنت تبيع في محل قالت ليا هذا للشعــر :-o
وانا خبري فيه للوجــه
قلت اسألكم نشووف الفوائــد :thumbs_up:
ويعني هيك بدي تخبروني بكل شي عنهآآآآآآآ
وفديت سوريآ وأهلهآ وحشتني مرٍه بس يلا ماباقي الا القليل F:
<~ عاد يمكن المكآن غلط بس ماحبيت أحط موضوع أدري الدخول هنآ أكثر:worn_out:

CATS_ANGEL;12313014:

حبيبة قلبي دمشقية تسلميلي على عيد هالميلاد يلي بخلي الواحد يحتفل فيه كل يوم :D

خصوصي خصوصي كية الشوكلاتة يا عيني على الشوكلاتة يلي بتفتح النفس :thumbs_up:
واذا على الهدية اعطيني الدبدوب و الك الباقي
أما عيد ميلادي كان غريب عجيب اول شي ماما حبت تحتفل فيه عندها و زوجي ما مانع ابدا مع اني كنت مفكرة انو نحتفل انا و زوجي بعدين ننزل عند اهلي نكمل و غير هيك زوجي ما اجى عند اهلي قال مشغول وما قدر يجي وانا صرت هيك :woo: و هيك 8o| المهم روحت لحالي لانو خواتي حجزو تالا لانهم مشتاقينلها و بدهم يتسلو معها وانا اول مرة بتركها على اساس انها تنام عندهم و روحت على البيت هيك :mad: الا زوجي هناك و مجهز البيت كاين متفق مع اهلي يعملو فيي هيك و ياخدو تالا كمان :o :L::L::L::L::L::L::L::L::L::L:
اما الهدية كانت عادية و هي فستان سهرة و الهدية يلي لسى ما اخدتها هي طلعة على الشام يوم التلاتا قال في مطعم في السويدا على راس جبل و مرتب كتير و بدنا نروح نتعرف عليه يعني هو يوم واحد روحة رجعة ما بعرف اذا حد سمع فيه و بقولو فيه كاميرات بصورو جوا المطبخ لتشوفي وجبتك كيف بتتحضر ^o)

و هاليومين كان عرس ابن عمي وما فضيت ادخل عليكم

CATS_ANGEL;12313066:

اهلين شامية انتي علي كمان حرام عليكم و الله مين ما يشوفني بحكيلي يلا شدي حيلك بدنا اخو لتالا هنن يا ريت بحكو اخو او اخت :mad:

و الله يا شامية هي النية موجودة بس لما تولدي على خير بتعرفي شو يلي بأخرني :D

طمنيني كيف اوضاعك هلأ ان شاء الله احسن و كيف تحضيراتك للسفر ان شاء الله بتتهني بشوفتهم يا رب F:F:F:F:

شامية للعظم;12316296:
ياعيني ياعيني شو هالحركات هي وهالمفاجآت الله يخليكم لبعض يارب ويديم المحبة بس عنجد كتير حلو
ومشان طلعتك عالسويدا ليكي السويدا جوها حلو كتير بهالأيام واحلى من جو الشام بكتير ابقي روحي واحكيلنا وخدي كم لقطة للمنظر وللمطعم وللاكل ممممم والله اشتقت لمطاعمنا ولملة الأهل والسيران

الله يهنيكم ويبسطكم يارب