اصحاب واحباب ,,, لمتنا السورية مية اهلا وسهلا

الدمشقية;12253178:
يخليلي ياكي يااارب وان شالله بتفرحي بتالا وبكل شهاداتها وبفرحها كمان
والحمد لله اليوم والله اهلي خبروني حجزوا ان شالله على يوم الخميس الله يجيبهم بالسلامة
واكيد راح ابقى طل عليكم

منشان المنسف تؤبشي قلبي ياعسل انتي هلص راح اسيف شرحك وطريقتك وان شالله بدي اعملها بقلب هالاسبوع واتجرأ
خلص انتي شجعتيني هي صح سهلة بس مابعرف ليش بخاف ماتعجب زوجي
هلأ اللي فهمت منك انو مانحط للحمة ابدا بهارات ؟؟؟؟؟ يعني مامنحطلها بهار ابدا بعدين
يعني منشان مايتغير لون اللبن؟
طيب بتطلع طيبة من غير بهارات ؟
ويخليلي ياكي ماانحرم منك ابداااا يارب

شامية للعظم;12253480:
ياستي أنا محضرتن لأهلي نفسيا أني جاية على آخر الشهر بس بأي تاريخ ما بيعرفو يعني مارح يتفاجؤو كتير أصلا أنا متفقة أنا وزوجي انو وقت بوصل لجنب بيتنا بيتصل هو وبيلمح لماما
أصلا لهلق ما بعرف اذا رح اقدر اصبر وما أحكي يعني ببساطة أنا مو ضمنانة حالي بعرف حالي ما بتنبق بتمي بحصة ههههه[/CENTER]

ههههههههه انتي متلي ما بقدر خبي شي ابدا بكون بدي جيبلهم شغلة مفاجأة او هدية ما بتزبط معي :o

الله يفرحك بشوفتهم متل ما فرحتي بشوفة البيبي و بدنا تهتمي باكلك منيح و اهم شي بالطيارة خدي شي ترفعي عليه اجريكي و ضلي اتمشي كل شوي انا ما بعرف الوقت يلي رح تقضيه في الطيارة بس اهم شي تمشي الدورة الدموية كل شوي و تروحي و نرجعيلنا بالسلامة يا رب F:F:

شامية للعظم;12253327:
دمشقية هاتي الغلة يالله
مسالخير يا حلوين كيفكم والله أنتو دايما بالبال أوقات بفتح بقرأ الردود بس ما بيكون معي وقت لرد عليكم
أول شي اليوم رحت عالدكتورة وشفت البيبي مبين هيك كتلة لحم عم تنبض سبحان الله وبين عالجهاز صارلي حامل 9 أسابيع وبولد ب 6 /1 ان شاءالله وقالتلي أمورك كلها منيحة والحمد لله وما وصفتلي أي فيتامين قالتلي لبعد هاد الشهر لتخلص فترة الوحام معها حق لأنو الفيتامين يعني جوع وأنا من غير شي يادوب عم آكل وجباتي

لك كل الغلة على حسابك اي مية وردة واللهF: بهالطلة الحلوة وانتي بالبال دااائما
يسعد مساكي ومسا البيبي يارب .... الحمد لله اللي اتطمنتي على البيبي وعلى حالك وطمنتينا وغريب ماوصفتلك فيتامين المفروض هلا انتي الحديد اللي هو الفوليك ماتقطعيه لتخلصي الثالث وبعدها بتاخدي كالسيوم وكمان حديد بس نوع تاني
هيك كل حامل بيصفولها ... صح كاتس ؟
وكلي وغصبي على حالك خطية منشان البيبي وكتري عصاير وكوكتيل بينفعوكي

شامية للعظم;12253394:
أنا حسيت من طبخاتك يلي بتنزليها بالمنتدى أنك ما بتحبي الدسم متل حكايتي وأنا زوجي عكسي روح قلبو السجقات والأبوات والدهن والدسم

وشرحات اللحمة تحت اليبرق طيبة اذا كانت طرية
ومشان نزلتي اي قربت اسبوعين ان شاءالله بس مشان شغل البيت خليها لربك من وقت يلي حملت ما انفش قلبي بتنضيف بيتي لأنو ما عم أحسن شم روايح منظفات بنوب غير أنو مافي مروة وخصوصي أنو عندي دوام ودراسة بقى لشوف شلون بدي ظبط أموري الاسبوع الجاية ان شاء الله

صحيح نزلت عالسيتي ماكس واشتريت كم غرص لأخواتي الشباب ومبارح كمان اشتريت من ماركة تانية اسمها ماكس ومن عند العزاني كم قطعة نسواني لماما ولأختي وولادها ولرفيقتي
أنا عيلتي الحمد لله صغيرة ماعندي غير اخت مزوجة وعندها ولاد وأخواتي الباقيين عزابية صفي جيب عسل وسمك هدول قبل السفر بيوم ولزوج أختي شي شغلة كمان

وزوجي ياستي مو نازل معي ان شالله عالعيد بينزل وهلق هو مترأف بحالتي وباعتني لأني حامل وشايفني تعبانة وبحاجة لأهلي

والله ياشامية انا وبنت كنت بحب الدسم بس لما اتزوجت بطلت حبو لانو زوجي مابحب الدسم ابداااا ,,,, زوجي من عشاق الصيني والهندي والمكسيكي اما الدسم ابداااااا :thumbs_down: وانا صرت مثله
ودخيلك لاحقي على البيت وعلى الهم والتنظيف ,, سوا كل شي من قريبو وخلصنا
المهم تنتبهي على حالك والله يجمعك باهلك بخير وسلامة وان شالله بتنبسطي وتتهني
ونزلة الرجال حلوة بس بتأٍر صدقيني بتبقي متقيدة بينه وبين اهلك واهله وخصوصي انو ماعندكم بيت خاص فيكم متل حالتي ,,, بقى كويس هيك بتنزلي وبتنبسطي باهلك وحبابك وهو على العيد نزلته حلوة الله يسعدكم

الف مباركين الاغراض وربي يعوض عليكم منيح اللي العيلة صغيرة لان باب الهدايا اذا انفتح مابيتسكر الله المستعان ,,,,,
ومنشان العسل والله العسل اليمني حلو كتيير كانت حماة سورية تجبلنا كل ماراحت
بالعافية على اهلك ,,,, باليمن كمان بيجيبو اللوز والزبيب كتييير طيب كمان كان يجينا
ماعمرك دقتيه ؟
اما السمك والله نتعتو شغلة اكيد بدك تفرزيه وتحطيه بحافظة مو ؟
هيك نحنا منعمل ,,,,

CATS_ANGEL;12253661:

تسلميلي يا رب على هيد دعوات حلوة متلك و انتي اخت و اعز كمان :L:

يلا هانت اذا الحجز يوم الخميس و ان شاء الله بتفرحي بفوتتهم عليكي يا رب :thumbs_up:

المنسف مو اختراع ابدا بس زي ما تقولي فلكلور مو اكتر :lol:

ايه ما بدو بهارات ابدا لانو اللبن ببين في اي شي حتى اوقات بصفي مية اللحمة مرتين مع اني بكون شايلة كل الزفرة بس اي نقطة صغيرة في اللبن بتبين على طول في ناس بجيبو فلفل ابيض بدل الاسود لحتى ما يبين بس اللبن لحالو هو في كل النكهة اذا كنتي جايبة نوعية منيحة و اهم شي انو اللحمة تتشرب مزبوط من اللبن و جربي و ادعيلي وان شاء الله بتزبط معك :thumbs_up:

شكلك هون كاتس ... عم قول الشات منوووور
يخليلي ياكي ياعسل ...واي والله هانت هلا عم فكر شو بدي اعمل لان جيتهم على الصبح
بقى قلت بعمل ان شالله فطاير مشكلة وبعمل فول شامي وفلافل وتسئية (( فتة ))
وتبولة وبشوف شو بعمل كمان مناخد راي سورية خانم الله يرضى عليها بتساعدني اكيد هههه

والمنسف بالفعل هو تراث وفلكلور ,,, بس طيب ياعمي شو بدنا بالحكي بس مايكون الجميد تقيل بجنن ,,, لان بصراحة ريحة الجميد فظيعة ;):confused: ههههه
واي خلص مارح احط بهارات وان شالله بصفيه وبخبرك بالنتائج ياعسل انتي

صحيح منشان سؤالك عن المفاجئة هههه بقصد توزيعات بنت سورية ,,, هي عارفة انو راح نعملها تفاسير
بس المفاجئة يعني راح تكون بالشكل النهائي وبشكل التفاسير نفسهم مبارح اخترناهم ,,, ويارب يطلعوا حلووين ويبيضوا الوجه

هربت كاتس كالعاااادة,,, يالله لنا الله نحنا

سلام الله عليكم جميعا كيفكم ياحلويين
كاتس صمصومة قلبي كيفك ياعسل وكيف تالا الحلوة ربي يحميها وشو هالمنسف هاد شهيتينا والله بدي استعجل دمشقية تساويلنا ياه ولاتخافي انا بخبرك بالنتائج من دون كذب (بس قولتك بتعزمني عليه ولابياكلوه لحالهم ) تسترجي تعملها وياكلوا المنسف لحالهم ههههههههههههههههه
شامية حبيبة قلبي الف الحمدلله يلي اطمنا عليكي وعلى البيبي وان شاء الله دايما بتكون امورك تمام والله يمضيلك هالاسبوعين على خير وتشوفي اهلك والله نحنا مو عاطيين فرحتنا لحدا بجية اهلي وهنن ياحسرتي كلهم عشرين يوم وبدي اعمل جهدي اولد هالاسبوع والله داق خلقي صعب الانتظار بعدين بدي اتهنى بجية اهلي
دمشقية تؤبشي قلبي ياحق وربي يعوض عليكم ويسلم ايديكم يارب ومايحرمني منكم ويقدرني كافيكم ( نحنا من بيت فستق خخخخخخخ ) خلص جاييتك لشوفهم مارح اقدر استنى ههههههههههههه
لولية اهلين وسهلين ومباركين الحمامات الحمدلله يلي خلصتي همهم والله يخليلك ابن عمك لكن قال مابيحن عالعود الا قشره
والف الف مبروووووووووووووووووك لبناتك ربي يبيض بختهم ويسعدهم وان شاء الله بتتيسر امورك بنزلة السوق والفساتين والله بيبيض وجهك وعقبال بنوتك التالتة يارب

ظهركم ورد وياسمين


إلكم وحشه مفروغ منها ........أنا الحمدلله طايشه لايشه مالي عارفه شي من شي البيت والطبخ وحالي وأهلي بقى كيف بدي دبر أموري مابعرف


دمشقيه الله خليكم لبعض والله ذكرتيني بأختي لكبيره شايلتني شيل الله يحميها ........
شاميه أن شالله بيكمل حملك على خير وحتفظي بصور البيبي وبكره إن شالله بس تولدي بتسويلوا ألبوم ذكرى

سوريه ياحلوه أوعك تنسي تدعيلي وقت الولاده الله يسر أموري وإن شالله بتقومي بالسلامه وتطلع هالبنت بتشبه دمشقية
كاتس وبيرل وياسمينه ومونو بتمنى تكونوا بخير

لوليه الله يعطيك العافية وألف مبروك للصبايا

يسعد مساكم يا بنات كيفكم ماشالله اليوم الشات عامر وان شالله دايما

CATS_ANGEL;12253840:

ههههههههه انتي متلي ما بقدر خبي شي ابدا بكون بدي جيبلهم شغلة مفاجأة او هدية ما بتزبط معي :o

الله يفرحك بشوفتهم متل ما فرحتي بشوفة البيبي و بدنا تهتمي باكلك منيح و اهم شي بالطيارة خدي شي ترفعي عليه اجريكي و ضلي اتمشي كل شوي انا ما بعرف الوقت يلي رح تقضيه في الطيارة بس اهم شي تمشي الدورة الدموية كل شوي و تروحي و نرجعيلنا بالسلامة يا رب F:F:

تسلميلي يارب كاتس والطريق من صنعاء للشام بس 3 ساعات بس بتعرفي قرف السفر بتطلعي من بيتك قبل بساعتين من موعد الطيارة وانتظار ومدري شو أنا وقت كنت لساتني عروس انجلطت لوصلت كيف هلق وأنا حامل بتعرفي بعد ما سافرت صرت قول لك الله يعينك ياأختي كيف بتجي وبتروح لعنا مع أربع ولاد 18 ساعة بالطيارة من أمريكا للشام

وبعدين شو مشن شم ولا تدوق قاعدين عم تحكو عالمنسف اي شهيتونا ياجماعة

الدمشقية;12253866:
لك كل الغلة على حسابك اي مية وردة واللهF: بهالطلة الحلوة وانتي بالبال دااائما
يسعد مساكي ومسا البيبي يارب .... الحمد لله اللي اتطمنتي على البيبي وعلى حالك وطمنتينا وغريب ماوصفتلك فيتامين المفروض هلا انتي الحديد اللي هو الفوليك ماتقطعيه لتخلصي الثالث وبعدها بتاخدي كالسيوم وكمان حديد بس نوع تاني
هيك كل حامل بيصفولها ... صح كاتس ؟
وكلي وغصبي على حالك خطية منشان البيبي وكتري عصاير وكوكتيل بينفعوكي



والله ياشامية انا وبنت كنت بحب الدسم بس لما اتزوجت بطلت حبو لانو زوجي مابحب الدسم ابداااا ,,,, زوجي من عشاق الصيني والهندي والمكسيكي اما الدسم ابداااااا :thumbs_down: وانا صرت مثله
ودخيلك لاحقي على البيت وعلى الهم والتنظيف ,, سوا كل شي من قريبو وخلصنا
المهم تنتبهي على حالك والله يجمعك باهلك بخير وسلامة وان شالله بتنبسطي وتتهني
ونزلة الرجال حلوة بس بتأٍر صدقيني بتبقي متقيدة بينه وبين اهلك واهله وخصوصي انو ماعندكم بيت خاص فيكم متل حالتي ,,, بقى كويس هيك بتنزلي وبتنبسطي باهلك وحبابك وهو على العيد نزلته حلوة الله يسعدكم

الف مباركين الاغراض وربي يعوض عليكم منيح اللي العيلة صغيرة لان باب الهدايا اذا انفتح مابيتسكر الله المستعان ,,,,,
ومنشان العسل والله العسل اليمني حلو كتيير كانت حماة سورية تجبلنا كل ماراحت
بالعافية على اهلك ,,,, باليمن كمان بيجيبو اللوز والزبيب كتييير طيب كمان كان يجينا
ماعمرك دقتيه ؟
اما السمك والله نتعتو شغلة اكيد بدك تفرزيه وتحطيه بحافظة مو ؟
هيك نحنا منعمل ,,,,

دمشقية أنا عم آخد فوليك اسيد من بداية الحمل بس قصدي انو الدكتورة ما وصفتلي شي جديد غيرو
كانت عاطيتني حب للتثبيت وحب فوليك أسيد خلصنا حب التثبيت وضل الفوليك أسيد مستمرة فيه
اي كلامك صح عن العسل اليمني ولو اسألينا نحنا ما حكينالك عن تجربتنا أنا وزوجي الحمد لله من فضل الله من أول شهر عطا مفعول
والزبيب يلي هون كمان كتير ظريف بس اللوز يلي هون كلو يا أمريكي يا سوري مافي لوز يمني لو في لوز يمني لازم يكون في عوجا مو هيك
بالنسبة للسمك أنا بجيبو من شركة بروم منضف ومتلج غير شكل وأريح لا بشم زنخة ولا شي حتى بيجي بصنايق بتحفظ البرودة عشر ساعات يعني بيوصلو على سوريا تازة
هيك بعتنا مع بنت حماي

لولية;12254651:

مسا الخير على أحلى صبايا ما شفتهن بحياتي لك كيفكن يا أمورات والله اشتأتلكن كتير بس شو بعمل بتعرفوا ظروفي وحكاية حماماتي بتصدقوا إنه لليوم لحتى خلصوا والله طلعت روحي وصحيح إنه العمال إذا دخلوا بيتا أفسدوه والله حاسة إنه كلشي ببيتي وسخ وغبرة وعم نضف نضف وما عم لحق حتى عم جيب شغالة كل يوم جنب شغالتي كرمال نخلص بسرعة واللي زاد من انشغالي إنه ابن عمي ايجى يومين لعنا وسافر اليوم من غير شر اتصل فيي قبل بيوم وقلي أنا جاي لعندكن خميس وجمعة لإنه عارفك مدبرسة من شغلة الحمامات وبعرف ما حدا غيري بنسيكي همك شايفين عارف شو مربي هالسنين وبيعرف نقطة ضعفي الله يخليلي اياه يا رب ويطولي بعمره

أما أخبار الرياضة فطبعا موقفتها لإنه مافي مجال أبدا إطلع من البيت كرمال العمال بس الحمدلله عم انحف من سمات البدن وخصوصا لما بيطلعلك كل عامل تقيل دم بيدوسلك على الاسمنت وبيمشي بهالبيت بحس ساعتها غط على قلبي ونزلتلي شي كيلو
بس بإذن الله الاتنين راجعة روح عالنادي
أما أخباري التانية فالحمدلله منيحة وتحدد كتب كتاب بنتي الصغيرة ب17 / 7 وبيت العريس عاملين حفلة كبيرة بفيلتهن بصوفر يعني هني عاداتهن بتختلف عنا شوي نحنا عنا حفلة كتب الكتاب تقتصر على الرجال هني لا بيعملوها حفلة كبير ومختلط بقى لحق إذا بلحق عندي كمان حفلة تدوير على فساتين هادا غير قراية فاتحة بنتي الكبيرة بنهاية هالشهر بقى كل هالكحي لازم تعذروني وادعولي الله يرضى عليكن

لك يا هلا ياهلا فيك لوليتنا كيفك الله يعطيك ألف عافية والله التعامل مع العمال بيقصر العمر اسألينا نحنا مجربين وقت غيرنا ديكور حماماتنا وقت دهنا بيتنا بيعينك الله بس بعد ما تخلصي بشي شهر لتحسي بالفرق بتكوني تركنتي تمام

وألف ألف مبروك على خطبة بنتك مسبقا وان شالله بيكون كل شي على ذوقكم

سورية وبفتخر;12257875:
سلام الله عليكم جميعا كيفكم ياحلويين
كاتس صمصومة قلبي كيفك ياعسل وكيف تالا الحلوة ربي يحميها وشو هالمنسف هاد شهيتينا والله بدي استعجل دمشقية تساويلنا ياه ولاتخافي انا بخبرك بالنتائج من دون كذب (بس قولتك بتعزمني عليه ولابياكلوه لحالهم ) تسترجي تعملها وياكلوا المنسف لحالهم ههههههههههههههههه
شامية حبيبة قلبي الف الحمدلله يلي اطمنا عليكي وعلى البيبي وان شاء الله دايما بتكون امورك تمام والله يمضيلك هالاسبوعين على خير وتشوفي اهلك والله نحنا مو عاطيين فرحتنا لحدا بجية اهلي وهنن ياحسرتي كلهم عشرين يوم وبدي اعمل جهدي اولد هالاسبوع والله داق خلقي صعب الانتظار بعدين بدي اتهنى بجية اهلي
دمشقية تؤبشي قلبي ياحق وربي يعوض عليكم ويسلم ايديكم يارب ومايحرمني منكم ويقدرني كافيكم ( نحنا من بيت فستق خخخخخخخ ) خلص جاييتك لشوفهم مارح اقدر استنى ههههههههههههه
لولية اهلين وسهلين ومباركين الحمامات الحمدلله يلي خلصتي همهم والله يخليلك ابن عمك لكن قال مابيحن عالعود الا قشره
والف الف مبروووووووووووووووووك لبناتك ربي يبيض بختهم ويسعدهم وان شاء الله بتتيسر امورك بنزلة السوق والفساتين والله بيبيض وجهك وعقبال بنوتك التالتة يارب

هاد انت هون يالله خفيها بقى تمشي حركي حالك خلص هالولد يستوي ببطنك لنقطفو بقى
عقبال ماصير متلك بالشهر التاسع أنا من هلق مليت بدي أولد بقى خخخخخخخ

بنت الشام المعذبه;12260190:
ظهركم ورد وياسمين


إلكم وحشه مفروغ منها ........أنا الحمدلله طايشه لايشه مالي عارفه شي من شي البيت والطبخ وحالي وأهلي بقى كيف بدي دبر أموري مابعرف


دمشقيه الله خليكم لبعض والله ذكرتيني بأختي لكبيره شايلتني شيل الله يحميها ........
شاميه أن شالله بيكمل حملك على خير وحتفظي بصور البيبي وبكره إن شالله بس تولدي بتسويلوا ألبوم ذكرى

سوريه ياحلوه أوعك تنسي تدعيلي وقت الولاده الله يسر أموري وإن شالله بتقومي بالسلامه وتطلع هالبنت بتشبه دمشقية
كاتس وبيرل وياسمينه ومونو بتمنى تكونوا بخير

لوليه الله يعطيك العافية وألف مبروك للصبايا

تسلمي يارب بنوتة وان شالله عقبال ما نسمع خبر حملك عن قريب يارب

الدمشقية;12253886:
شكلك هون كاتس ... عم قول الشات منوووور
يخليلي ياكي ياعسل ...واي والله هانت هلا عم فكر شو بدي اعمل لان جيتهم على الصبح
بقى قلت بعمل ان شالله فطاير مشكلة وبعمل فول شامي وفلافل وتسئية (( فتة ))
وتبولة وبشوف شو بعمل كمان مناخد راي سورية خانم الله يرضى عليها بتساعدني اكيد هههه

والمنسف بالفعل هو تراث وفلكلور ,,, بس طيب ياعمي شو بدنا بالحكي بس مايكون الجميد تقيل بجنن ,,, لان بصراحة ريحة الجميد فظيعة ;):confused: ههههه
واي خلص مارح احط بهارات وان شالله بصفيه وبخبرك بالنتائج ياعسل انتي

صحيح منشان سؤالك عن المفاجئة هههه بقصد توزيعات بنت سورية ,,, هي عارفة انو راح نعملها تفاسير
بس المفاجئة يعني راح تكون بالشكل النهائي وبشكل التفاسير نفسهم مبارح اخترناهم ,,, ويارب يطلعوا حلووين ويبيضوا الوجه

الدمشقية;12253974:
هربت كاتس كالعاااادة,,, يالله لنا الله نحنا

يا عليي يا دمشقية صدقي اني ما بشوف انو في حد بالشات بعمل رد و بطلع ما بعرف ليه هيك حظي :mad:

ما شاء الله شو هالفطور الملوكي هيدا الله يخليلك اياهم و تبريهم يا رب ما بدك توصاي بدنا صور على قولة شوف ولا اتدوق :'(
و هو يوم الخميس بيصادف عيد ميلادي لهيك حيكون حلو :o و بكرا عيد ميلاد زوجي رحت اليوم حجزتلو في نادي رياضي و ساونا و مسابح كهدية حبيت غير نمط الهدايا شوي:) :celebrate:

اما المنسف خصوصي العلب ما الو ريحة متل ما بتقولي اما يلي بكون متل كرة جامدة هو يلي بكون الو ريحة مميزة :D يلا شدي حيلك بدنا نشوف هالاختراع :lol:

و رح تولد سورية و انتي لسى ما فرجيتينا التوزيعات وما طعميتيها المنسف :rolleyes:

لولية;12254651:

مسا الخير على أحلى صبايا ما شفتهن بحياتي لك كيفكن يا أمورات والله اشتأتلكن كتير بس شو بعمل بتعرفوا ظروفي وحكاية حماماتي بتصدقوا إنه لليوم لحتى خلصوا والله طلعت روحي وصحيح إنه العمال إذا دخلوا بيتا أفسدوه والله حاسة إنه كلشي ببيتي وسخ وغبرة وعم نضف نضف وما عم لحق حتى عم جيب شغالة كل يوم جنب شغالتي كرمال نخلص بسرعة واللي زاد من انشغالي إنه ابن عمي ايجى يومين لعنا وسافر اليوم من غير شر اتصل فيي قبل بيوم وقلي أنا جاي لعندكن خميس وجمعة لإنه عارفك مدبرسة من شغلة الحمامات وبعرف ما حدا غيري بنسيكي همك شايفين عارف شو مربي هالسنين وبيعرف نقطة ضعفي الله يخليلي اياه يا رب ويطولي بعمره
أما أخبار الرياضة فطبعا موقفتها لإنه مافي مجال أبدا إطلع من البيت كرمال العمال بس الحمدلله عم انحف من سمات البدن وخصوصا لما بيطلعلك كل عامل تقيل دم بيدوسلك على الاسمنت وبيمشي بهالبيت بحس ساعتها غط على قلبي ونزلتلي شي كيلو
بس بإذن الله الاتنين راجعة روح عالنادي
أما أخباري التانية فالحمدلله منيحة وتحدد كتب كتاب بنتي الصغيرة ب17 / 7 وبيت العريس عاملين حفلة كبيرة بفيلتهن بصوفر يعني هني عاداتهن بتختلف عنا شوي نحنا عنا حفلة كتب الكتاب تقتصر على الرجال هني لا بيعملوها حفلة كبير ومختلط بقى لحق إذا بلحق عندي كمان حفلة تدوير على فساتين هادا غير قراية فاتحة بنتي الكبيرة بنهاية هالشهر بقى كل هالكحي لازم تعذروني وادعولي الله يرضى عليكن

والله نحنا يلي اشتقنالك يا احلى ام في الدنيا و الله يخليكم لبعض انتي و زوجك و تبقو متل العصافير و هنن مكنكنين على بعض :L:
و مبارك الحمامات الجديدة و الحمد لله يلي خلصتي من العجئة و يعطيكي الف عافية :thumbs_up:

يلا شدي حيلك و ارجعي للرياضة لسى اليوم رحت لاحجز لجوزي و شفت فترة السيدات و بيني و بينك صار جاي على بالي سجل انا كمان بس لو شافوني عم سجل لياكلوني لانو كلهم احجام وانا رح كون متل العصفور بيناتهن :o مع انو الرياضة مو شرط للضعف هو لياقة كمان فيمكن ادرس الفكرة هاليومين

و الف الف مبروك فرحتك في بناتك و عقبال فرحتك في البنت التالتة يا رب و ان شاء الله تتيسر معك نزلات السوق و تلاقو يلي بسر قلبكن و خاطركن يارب F:F:F:F:F:F:F:F: