اصحاب واحباب ,,, لمتنا السورية مية اهلا وسهلا

بنوتة الله يبارك فيك وعقبال عندك يارب يالله شدي الهمة وحطي الموضوع ببالك
على كل حال هلق نحنا لازم نقول لك ألف مبروك وبكير شوي لنبشرك بالولاد يالله انبسطي شوي بحياتك بس خبرينا شو رأيك بالزواج هاتي لشوف احكيلنا انطباعاتك عن حياتك الجديدة

السلام عليكم ورحمة الله
كاتس اول شي الحمد لله اللي بينتي وطمنتينا عنك والف لا باس على تالا سلامتها ماتشوف شر ياااارب
ولا تحطي الموضوع ببالك قدر الله وماشاء فعل وربك هيك رااايد الحمد لله اللي اجت وعدت على خير والذنب مو ذنبك لانك انتي مو تاركي الحب
بالارض ولا على شي كومدينة قدام عينها ,,, هيك رافعتيه وبسم الله عليها طالته بقى لا تزعلي وافرحي انو ربك قدر ولطف فيكي وببنوتك وربي يجعلها
اكبر المصايب وانتبهي على حالك اذا انتي صارلك شي يعني لا قدر الله تالا بتنبسط وبتكبر متلها متل باقي البنات ,,,,
خلص كاتي حبيبتي قولي الحمد لله وانتبهي على صحنك هي الاساس بتربيتك لتالا وروقي وارجعي لطبيعتك
قلبنا عندك والله ..

سورية حبيبة قلبي هههههه ضحكتيني قال الناس مدري وين والقطة بالخلاص خخخخخ نسيت المثل
اي تكرم عيونك هلأ بحطلك انتي وشامية تحلاية واللي بدك لانو وقت الغدا حلص ,,, اي كم سورية عنا نحنا الله يفرج همكم ويتمم ولادتك على خير ياارب
وان شالله منشوف اهلك بخير وسلامة يااارب

شامية مية اهلا وسهلا فيكي
شكلك عم تنسي قالت سورية مها بنوتة وهدى جاية على الطريق بالصفحة الثالثة ولوووو
وان شالله الايام بتمضي وبيجي الوقت اللي انتي بدك وانتي باتم الصحة والسلامة اهم شي انتبهي على حالك وعلى البيبي وعلى ابو البيبي
لا تنسيه خطية ,,, يخليكم لبعض دووم يااارب
وحاجة تقري علي شكلك مو جايبتيها البر حتى اخبرك بحملي خخخخخخخ مابتعرفي شو ربك كاتب الله اعلم

اتفضلوا صياايا اجتكم واسطة من سورية ههههههه



ولا هي اطيب


انا هي حصتي امممممم شو طيبة



اكيد بدها الشغلة فنجان نسكافية وكابتشينو

يسعد مساكم يااارب
اهلين ست الكل لولية خانم
الله يعطيكي الف عافية يااارب والله هالشغلة مو قليلة ابدا ولتتها وعجئتها قصة بس يالله كلها كم يوم وبعدين بتنبسطي على منظر الحمامات الجديدة
ان شالله بالبركة يااارب والله يعطيكي خير هالتجديدات يااارب
ومنشان الشوكولا ههههه والله يالولية بدنا نعدل ونجيبلك شي خاص بالريجيم كرمال عيونك وهنن
خطية لانهم حوامل منشان مايطلع شي بنفس البيبي خخخخ الله يستر
طللي علينا ياقمر هيك كل فترة ونوري الشات ماتنسسي ...

شامية خانم وينك اليوم انتي وسورية
سورية عم تكمل اللحاف تبع النفاس يعطيها العافية شو فالحة خخخخخ
وانتي حبيبتنا وينك اليوم لحئي حالك قبل لا احطك غيااب

الله يصبحكم بالخير يارب كيفكم ياحلويين
كاتس حبيبتي الف الحمدلله على سلامة تالا الله لايضرك فيها وانتي هوني على حالك شوي هيك الله رايد والحمدلله يلي اجت على هيك مو اكتر بقى يالله حاجتك زعل ونكد وارجعيلنا والله اشتقنالك
شامية ربي يجبر بخاطرك يارب انا قلت انه معي بنوتة هدى ان شاء الله على اسم حماتي وطبعا زوجي مو عاطي فرحته لحدا لأنه سمى عبدالله على اسم ابوه وهلأ حيسمي على اسم امه ومافي حدا من اخواته مسمي على اسمائهم قلي بدي حطها على عين اخواتي خخخخخخخ
وبالنسبة للأكل يالله الله بيعينك هالكم شهر وبعدين ان شاء الله بترتاحي

اهلين بلولية ست الكل وحشتينا ياعسل الله يكون بعونك ويعطيكم العافية والله شغلة الحمامات شغلة بس يالله مافي احلى من التجديد
ومتل ماقلتي البنات حلويين انا بحبهم لأنهم بيكونوا حناين ودائما بيجوا مع الام بكل شي ههههههههههههههه ربي يخليلك بناتك ويفرحك فيهم
وتعي لهون بلا ريجيم بلا شي تعي غوصي معنا بالشوكولا اممممممممممممم والله اخر مرة رحت عالدكتورة طلبت مني تحاليل وقالتلي انتي يا اما عاملة ريجيم يا اما بتصومي ومابتفطري مع انه بحي حالي باكل عن عشرة واخر وحدة بقوم عن السفرة وشوفي شو طلع هههههههههههههههه

تؤبشي قلبي يادمشقية ايه شو هالشوكولا هي انا شفتها من هون وبنتي هلكتني ببطني وهيه عم تتحرك هاد بس عالنظر لو دقتها شو كان صار امممممممممممممممممممم شو طيبة الله يسلم هالديات ايه هيك ها لاتنسينا الله يرضى عليكي وبدنا اكل مو تقضيها شوكولا وقهوة ( شحاد ومشارط ) هههههههههههههههه
على قولتك عم اتفالح على هالمفرش بدي يخلص بقى لأنه اذا اجوا اهلك ماعاد يصحلي اشتغل فيه والحمدلله مابقيله كتير يعني التشطيبات النهائية وبعدين ان شاء الله بتساعديني عشان احطه بالمنتدى ويشوفوه البنات
واستحوا على دمكم وتعوا لعنا اشتقنالكم عنا بالبيت خخخخخخخخ

صباح الخير لك شو هاد شو هالكسل ماواتاكم التجمع الجديد خخخخخخخخخخخ
يالله الله يعينكم كلكم اكيد كل وحدة ملتهية بهمها الله يفرجها عالجميع وان شاء الله مابيقى هم عندكم وتكونوا كلكم بخير وصحة وعافية يارب

مسالخير يابنات كيفكم

أنا من يومين والكهربا عنا مطفية ليل نهار بتجي نص ساعة وبترجع بتنقطع 4 ساعات أو أكتر واليوم من الصبح الساعة تسعة انقطعت وحتى الساعة 3 يعني اليوم بس 6 ساعات مو كتير ولسا الخير لقدام ما منعرف اذا بيكمل النهار على 6 ساعات
وأنا كل مالي عم حس حالي مستعجلة أكتر عالسفر من هالوضع ياجماعة وجبة الغسيل من مبارح بالغسالة اتخيلو اليوم حتى مشيت شوي الغسالة قامت انقطعت المي

أووووف الله يهون علي هالكم أسبوع الباقيين

يالله خلصت نق

دمشقية حبيبتي صحيح أنا ماعم حب الحلو بس والله شهيتيني الشوكولا يعني من منظرها تخيلتها شلون رح تدوب بالتم دوبان مممممممممم ولي شو طيبة

سورية احمدي ربك والله هي نعمة كبيرة اي لكان خدي مجدك وكلي اذا أنت بتاكلي وبتنحفي استمتعي بهالنعمة ولا تقصري والله أنا كمان نازل وزني اتخيلو بعدن وصلت لل 66 وحاليا صرت 62 طبعا لا تفكرو هادا الوزن كتير لأنو أنا طويلة فوق ال 170

لولية ياعيني الله يتمم عليكم افراحكم ومناسباتكم بس في شي مناسبة الها علاقة ببناتك؟؟
ولا لسا ما حددتو عرس حدا منهن

كاتس لا تزوديها وتحمليها زيادة خلينا نشوفك وأحدي ربك انو بنتك بخير والحمد لله أصلا نحنا بدنا نطمن عليك وعليها

مسا الخير الصبايا كيفكن
بعرف زعلانين مني بس لليوم لحتى رقت انا هيدي عندي عادة سيئة اني بتسكر معي و ببطل لا ارسل ولا استقبل حتى اهدى لحالي و زوجي كان يزعل مني بس تعود علي و هي ما بتصير معي الا اذا انضغطت كتير
انا هلأ الحمد لله منيحة و تالا تحسنت هاليومين لانها رجعت مرضت طول الاسبوع الماضي كمان و الحمدلله على كل شي

قرات كل اخباركن و اتطمنت عليكم

سورية مو انا قلتلك احساسي بحكيلي انها بنوتة من زمان يعني لازم الحلوان يكون الي و بس و الف مبروك و عقبال ما تقومي بالسلامة

دمشقية حبيبة قلبي الله يفرحك بجية اهلك عن قريب يا رب و يسلمو على هالشوكلاتات شو بتشهي انا الحمد لله شو ما اكل ما ببين علي بس لا حد يحسدني ههههههه

شامية يا عيوني انتي فرحتلك كتير بس عرفت انك نازلة عند اهلك على الاقل بيجبروكي و بشجعوكي على الاكل لحتى يطلع البيبي وجهو مورد و زي القمر ان شاء الله طمنيني رحتي على الدكتورة و لا لسى ؟؟؟

لولية يسلمو حبيبة قلبي على السؤال بس يمكن لانها اول بنوتة بتضل الوحدة خايفة و تحاسب حالها زيادة عن اللزوم بس انا في جميع الاحوال بعرف انو نصيب ومهما كنت منبهة عليها رح يصير هالشي بس الزعل مو بايدي و الحمدلله مرت على خير و عقبال ما تفرحي في بنوتك الوسطانية و كلهن يجيبولك اطافيل و ترجعي تربي من جديد هههههههههه

مونو حياتي اشتقتلك كتير و الف مبرووووووك عرس اختك بس بدنا الشهادة كمان لا تخيبي ظنا فيكي بنعرفك قدها

ياسمينة عروستنا بدنا نشوف الفستان اذا خلص اعذريني نسيت متى موعد عرسك و شو اخر ترتيباتك و كيف الهمة

بيرل لا تقوليلي مديري ما مديري و نحنا ما النا حصة فيكي لازم نتطمن عليكي اكتر و لوووووووووووووو

بتمنا ما كون نسيت حدا

و اشتقتلكن كتييييييييييييييير

السلام عليكم ومساكم ورد وفل

اهللين بالحبايب والغوالي اي هيك نوروا الشات شامية وكاتس ولولية وسورية والله يجيب الغياب مونو وسمورة وبيرل وبنوتة

لولية شو اخبار الريجيم عندك ,,, مباركين الحمامات والتشطيبات النهائية واميد الحمام بيطلع حلو هلا كتير دارجة موضة الاحمر مع الابيض السادة او مع الزيبرا كمان حلو ,, بالبركة يارب

ومبروك لبنوتك اكيد مسكينة طاير عقلها وفرحانه انك فكيتي هالعقد شوي وخليتها تسوق الله يحميهم الك ويخليكي الهم

**********************


شامية اهللين حياتي الله يكون بعونكم يارب والله شغلة الكهربا شغلة يعني كنا نقول على الشام وقطعة الكهربا طلعنا مرفهين قدامكم ههههه
وفوق هاد قطعة مي الله المستعان ,,, واصلا انتي هلا نفسيتك تعبانة ومستعجلة عالسفر فخلص بتحسي حالك قرفانة من كل هالوضع
ياستي بتمضي الايام انتي شغلي حالك بجيب الهدايا بجيب ملابس الك عندك قال اختي ستي ماكس رخييييييييييييييص كتير
جيبي الك ولغيرك وكتري واذا حتى في اشيا للبيبي حلووة ومميزة لا تقصري ,,,
يعني بقصد اشغلي حالك بسوق باي شي وبتلاقي الوقت رااح من غير شر وقرب البعيد الله يسهلها عليكي يارب

ومنشان الشوكولا على طووول كنتي كليلك شي قطعة شوكولا حتى ماتطلع بعين الصبي لا قدر الله يعني وتقولي كللو مني ايواااا انتبهي
هههههههههههههه
وشو عم تنحفي لاااااء مابصير لازم كل شهر انتي تزيدي على الاقل على الاقل كيلو وهاد يعتبر قليل
انتبهي الله يرضى عليكي (( الماما انا خخخ )) عن جد والله انتبهي لانو هلأ البيبي بيتكون وبيكبر فبدنا ان شالله يكون جسمه حلو ويتغذى منيييح

كاتس هوووون لك مية هلا ومرحبا فيكي ياعسل لك اي تعي من زمان وهونيها بتهووون وصعبيها بتصعب
الحمد لله ربي سلم ولطف فيكي وفيها وربي يخليها الك وخلص انسي الموضوع الحمد لله على كل حال
اما عن جية اهلي الله يهنيكي ويسعدك ربي ويخليلك اهلك والله مو مصدقة الا اشوفهم انا وسورية وخصوصي امي ان شالله تقبر قلبي مشتاااقة
موووت لريحتها وصورتها الله يخليها ويخليلكم امهاتكم يارب

ومنشان الشوكولا والله مارح احسدك ياكاتس انا اكتر مني يمكن ماحدا بياكل شوكولا وعم ازيد هلأ اكتر منشان اسمن ووزني يااما ثابت يااما بيرجع بينزل
بقى الحال من بعضو ياحلووة

طللي علينا دائما والله منشتاقلك كوماااايات

اخبارنا الحمد لله تمام اليوم اتغدينا برا بمول نحنا وبيت سورية وغيرنا جو الحمد
والخميس دخلت سورية شهرها دعواتكم ربي يتمملها على خير ويهون عليها الولادة يااارب وتجيب هدى خانم بالسلامة ياااارب

واهلي الحمد لله طلعت الفيز تبعهم ومعهم بس 20 يوم يعني للاسف كنا متوقعين شهر بس يالله الحمد لله يارب يجو بالسلامة لسى ماحددو وقت السفر
وووووو بس لا جديد اكتر من هيك

يسعد مساكم يااارب
يالله تعالو لسى مااتغدينا نحنا حبيت تشاركوني ههههه
تفضلوا





وهي الصفيحة كمان تشكيلة