اصحاب واحباب ,,, لمتنا السورية مية اهلا وسهلا

اهلين شامية شو اسجلك غياب عم امزح معك اصلا عندي عندك وااسطة ههههه

المهم حيووتي منشان الاولاد شكلي مابعملها الا بغلطة خخخخخ وقتها بس مابتردد بالعكس بكون مبسوطة هههههه والله يكتبلنا الخير ويطعم الجميع يارب
انتي طمنيني عنك كيف الحمل والوحام رحتي عند الدكتورة ؟ كشفتي على الالترا ساوند ولا لسى ؟؟

اما عن شركة سما عندك كمان شركة ناس هدول شركتين كتيير حلوين وعروضهم رااائعة
وبين كل فترة والتانية شيكي عليهم لان احتمال تنزل رحلات جديدة صنعاء دمشق
من فترة كان في بقى خليكي متابعة على السايت اذا كان الموضوع بهمك وبيني وبينك
التوفير حلو طالما المسافة هي هي ولا انتي شو رايك

ربي يسعدهم وعن هالشات مايبعدهم هههههههههههههه
كيفكم ياحلوين والله الكم وحشة ان شاء الله الجميع بخير وصحة وعافية
شامية حبيبتي كيفك وكيف حملك الله يتمللك على خير يارب وكلي واتغذي عشان يطلع البيبي مربرب وعجعوج
عروسة كيفك ياعسل يالله لاتزعلي عالعمرة كل تأخيرة وفيها خيرة
لولية الله يسعدك دوم يارب وكل سنة وانتي سالمة وان شاء الله العمر كله والله يخليلك ابن عمك والله مفاجئة حلوة ولمة احلى وان شاء الله ربي بيسرلك الخير بكل امورك يارب
دمشقية روح قلبي روحي ربي يجبر بخاطرك وينولك مرادك والله تعبتك بأولادي اليوم
طبعا يابنات اليوم رحت عند الدكتورة وحطيت اولادي عند الدمشقية الله يسعدها وقالتلي الدكتورة كل شي منيح الحمدلله وقالتلي انه معي بنوتة يعني هدى جاية عالطريق رح نسميها على اسم حماتي الله يرحمها وهلأ عشر ايام وبدخل بشهري بقى ادعولي

مسالخير كيفكم ياحلوين
دمشقية مبارح فتحت كمان على موقع هي شركة ناس بس كمان للأسف مافي خط صنعاء دمشق أنا رح ضل افتح بس لاحظت هالشركات سعودية خاصة لسا عروضهم كلها خط السعودية مع بقية المدن العربية او العالية بس لازم يكون الانطلاق او الوصول عالسعودية على كل حال انا رح ضل جرب أكيد التوفير حلو طالما الرحلة قصيرة ما بيسأل الواحد كتير على تفاصيل الخدمة ولو انو الخدمة عاليمنية تعبانة وعالسورية مافي على صنعاء يعني يلي بدو يسافر عاليمن أو منها مالو غير اليمنية
ومشان الدكتورة لسا مارحت هي عطتني موعد على بداية الشهر السادس يعني بعد اسبوع وشوي ان شالله

سوريا يسعدلي ايامك يارب والله يهون عليك ويسهلك ولادتك
قال كلي قال أنا أكبر هم علي لما بجوع والأكل عندي صار واجب وهم مو أكتر ولا شي طيب بتمي أبدا لك الناس بتكره بفترة الوحام أكلة أكلتين تلاتة أنا كل الاكل قرفانتو وعم آكل غصب عني أووووف عنجد تعب ووهن بجسمي مو طبيعي ماعندي قوة اعمل شي ولا الي نفس يمكن لو كان في حوالي أهل وناس كان الواحد ماحس كتير بهالشعور لأنو في شي ينسيه كمان حتى العامل النفسي بظن بيأثر وأنا مالي مصدقة ايمتى سافر لأني جد بحاجة لأهلي تعبانة كتير

نوريني يالغلاااا~

•!¦[•طفوله بريئه•]¦!•

السلام عليكم ورحمة الله ,,,,,,,,,,,, وينكم ياهووووووووووووووو ياناس ياهل الله اللي هناااااا

المهم سورية حبيبتي الله يتمملك على خير وتولدي بالسلامة قربت مابقي شي من غير شر وانت وولادك على رااااسي ولوووو

شامية حبيبة قلبي كيفك وكيف الويك اند معك ,,, ان شالله تكوني انبسطتي
بالنسبة لشركات الطيران ايوا هنن سعودية بس احيانا بتكون الرحلة ترانزيت عرفتي يعني مثلا بتروح جدة ,,, صنعاء دمشق وبترجع جدة ,, فبصير عروض وقتها
وان شالله تحصليلك عرض حلو والله يكتبلك الخير والسلامة بسفرتك
واختي رجعت بالطيران اليمني وعلى فكرة يعني مابتفرقيها كتير عن الطيران السوري الاتنين ياقلبي لا تحزن خخخخ والمهم السلامة دخيلك

ومنشان الدكتورة كويس روحي غلى موعدك ولازم وقتها تكوني حشراااانة خخخخ يعني اممممم كانك بدك تفوتي على الحمام وراح تعمليها تحتك العفو منك
بس لازم بأول الزيارات تروحي على هالحال حتى يبين معها الجنين ,,, الا اذا النظام باليمن غير ههههه
والتمام لخير ياااارب

كاتس نداااء الك والله اشتقتلك وقلبي عندك لك تعي كرمال الله طمنينا عنك

صباح الورد والفل والياسمين كيفكم ياجماعة
دمشقية خلص ان شالله رح حاول ضل افتح هدول الشركات بركة ان شالله بلاقي عرض منيح من هون لشهر
ومظبوط كلامك مشان الدكتورة لأني وقت اجهضت الدكتورة كانت بدها تعمللي فحص تشوف اذا في التهاب وقالتلي لازم أعطيكي ابرة وتشربي مي مشان يصير عندك بول ونفحصلك والله راح زوجي اشترالي مي واشترالي الابرة
على كل حال رح اطلع بعد دوامي بالمعهد وانا بعد دوامي بكون على آخر نفس خخخخخخخخ لأني كل يوم باخد معي قنينة عصير طبيعي بشربها بالاستراحة تبعي
مالي مصدقة ايمتى شوف البيبي والله

اشتقتلكم والله قليلة ...........

كيفكم حبيباتي والله معكم حق ماتعودوا تذكروني

ياسمينتي أحلى عروس الله يتمملك على خير

شاميه ألف ألف مبروك والله فرحتلك من قلبي والله الولد مافي أحلى منه وإن شالله بتشوفيه قدامك بالخلقه الكامله وبكون من الصالحين

لوليتي حبيبتي عظم الله أجرك وعذرني كثير متأخر بس جد ماعندي بالبيت نت بهالفترة لبين مايركز وضعي ...........الله يجزيك الخير وخليلك بناتك وتفرحي فيهم دائما

سوريه ودمشقية وبيرل ومونو إن شالله تكونوا دائما بخير

عروسة الميدان أهلا وسهلا فيك

كاتس أم تالا كيفك ياحلوه

يابنات قصة زواجي قصة صارلها من الصيف الماضي وهى على اخذ عطى ومفاجأت ومافي إلا تتعسر والله يفرجها وأنا كنت قول تفركشت والحمدلله انكتب كتابي بشهر 3 وبابا وهو قالوا خلص الحمدلله ظبطت الامور قرروا نتزوج بسرعه وأنا ما كنت شاريه شي حتى بدلة العرس طلبتها من موقوع وقرب وقت العرس وما وصلت وتعترت للقيت وحده جابتها أختي وصلتني قبل العرس بيومين ..............ويوم العرس اتاخرت بالصالون ونشف دمي هون لعراس بتخلص 11 وأنا وصلت 10 و45 بس الحمدلله الله جبر خاطرنا ...........ادعولي

شامية للعظم;12125466:
صباح الورد والفل والياسمين كيفكم ياجماعة
دمشقية خلص ان شالله رح حاول ضل افتح هدول الشركات بركة ان شالله بلاقي عرض منيح من هون لشهر
ومظبوط كلامك مشان الدكتورة لأني وقت اجهضت الدكتورة كانت بدها تعمللي فحص تشوف اذا في التهاب وقالتلي لازم أعطيكي ابرة وتشربي مي مشان يصير عندك بول ونفحصلك والله راح زوجي اشترالي مي واشترالي الابرة
على كل حال رح اطلع بعد دوامي بالمعهد وانا بعد دوامي بكون على آخر نفس خخخخخخخخ لأني كل يوم باخد معي قنينة عصير طبيعي بشربها بالاستراحة تبعي
مالي مصدقة ايمتى شوف البيبي والله

يسعد صباحك ومساكي يااارب ماننحرم من هالطلة شامية
الله يكتبلك الخير شامية وتسافري وتنبسطي وتتهني ياااارب F:

اي منيح معناها هي سياسة كل الحوامل هههههه ياستي ان شالله بتشوفي البيبي وهو باتم الصحة والعافية وبتحمليه بايديكي ,,, علمك ترى الدنيا عم تركض
شو في مافي هاتي لنشزف شو عندك جديد بالحياة او حتى المطبخ
يعني نسووولف وندردش ههههه

اهلين بنوتة وجهك ولا ضو القمر ... والله اشتقنالك كتييير وكيف ماعم نذكرك والله من يومين كتبت رد وذكرتك وانتي اصلا بالبال
والف مبروووك والحمد لله اللي ربي كرمك ويسر امورك ان شالله دوووم ميسرة
ولازم بالعرس يصير كم موقف ينكدو على العروس او العريس يعني سبحان الله نادرا ماتكمل 100 على 100 ستي العمر عندك طويل ان شالله وكلله
فرح وتيسير وان شالله بتفرحينا بخبر حملك قريب ,,, وهيك ابقي طللي علينا وخبرينا وطمنينا عنك

سلام يا حلويين كيفكم لك ليش هيك الشات كئيب
شامية ربي يسعدك ويكون بعونك والله حاسة فيكي لأني انا كمان بحملي بكره الاكل بس بالاشهر الاولى وبعدين بنفجع هههههههههههههه يالله ربي يقويكي وكله بثوابه وان شاء الله بتشوفي البيبي بخلقة تامة وبأحس صورة

بنوتة تؤبشي قلبي لك شو مانسأل عنك كيفك والله وحشتينا يالله ياستي لاتزعلي الحمدلله يلي ربي جبر بخاطرك وهالشغلات بتصير كتير وابقي طلي كل ماصحلك لاتقطعينا

كاتس والله غليتي قلبنا عليكي طلي وطمنينا ان شاء الله خير يارب

يالله يابنات كلها اسبوع وبدخل بشهري قربت كتييييييييييير هههههههههههههههه
والحمدلله اهلي طلعت فيزتهم وهلأ بدهم يشوفوا حجز وانا ان شاء الله بس ادخل بشهري بدي روح عالدكتبورة عشان تشوفني بطول ولا لأ بقى دعواتكم بالولادة اليسرى والخلقة التامة يارب

الله يسعدكم يادمشقية ويسلم راسك
بعدين تعي لهون وين القهوة والشوكولا بعد ماعودتينا عليها قطعتيها عنا عشان هيك الشات كئيب ومافيه حيوية بدنا قهوة وشوكولا وفطور وعشا الله يخليكي عندك تنتين حوامل بالشات بدنا تغذية مو هيك شامية انتي معي ولا لأ هههههههههههههههه

صباح الخير صبايا بدكن تعذروني والله ما بعرف شو بدي احكي
والله مقهورة كتير حتى مستحية احكيلكن شو صار معي على قد ما انا خجلانة من حالي
تالا غافلتني قبل فترة واخدت من دوا منع الحمل تبعي حاططو في جرار بعيد و اول مرة بعرف انو تالا بتتشجع و تطلع على كرسي لهيك كنت مأمنة لهلأ ما عرفت كيف طلعت و جابتو و كنت لحالي واخدتها على الطوارئ وزوجي لحقني هناك و عمللولها غسيل معدة اللع لا يفرجيكن شو تعذبت و تعذبت معها و الله الذنب عم ياكلني اكل وما عاد الي نفس لا باكل و لا بشرب من يومها هي الشغلة الها اسبوع و بعديها مرضت وانا ما طايقة اعمل شي
فتت لحتى احكيلكن قصتي لاني ما رح فوت من هون لفترة لاني مو طايقة حالي من النكد و الذنب

مسالخير يا جماعة كيفكم
كاتس والله غلي قلبنا عليك وحسيت أنو غيابك في من وراه قصة بس انت لا تحملي حالك الذنب كتير لأنو الولاد بيصير معهم قصص كتير وجد بهالعمر الوحدة بدها تدير بالها كتير أكيد مافي أم بتقصر على ولادها بس أنت لا تستهيني نحنا بزمانتها أختي بلعت شكالة حديد وفي ولاد بتبلع ليرة بقى الولاد بهالعمر بدهن تفرغ ونصيحة لا تفكري بالشغل لأنو مافي حدا بالدنيا بيدير بالو عالولد متل أمو وليكها اشتغفلتك

سورية الله يهون عليك يارب وان شالله الله بيبعتلك خلقة تامة بس ما قلتيلنا لما صورتي شو طلع معك بنت ولا صبي
ومشان الفجع الله يسمع منك أنا بدي حب شي أكلة لأنو متل ما قلتلك الأكل هم وعم اهكل هم اي أكلة وكل الاكل يلي في نكهات كتير أو بهار ماعم طيقو

دمشقية تسلمي يارب الله وكيلك كل الايام بتمضي بسرعة الا هالايام حاسستها عم تمضى ببطء يمكن لأني تعبانة وبنفس الوقت عم استنى شي والانتظار صعب

يالله بدنا يجي دورك بقى ونحضر حملك ان شالله الله كريم