لمة الليبيات

بنات امس مشيت لبنات قنابة هما زوز خياطات خوات كويسااات وخياطتهم تجنن بس معمرى خطيت عندهم

المهم امس مشيت وحدة منهم تعاملها زفففففففففت ووقحة حشاكم تعاركت مع زوز قدامى ولما جا دورى نشرحلها فى الموديل متاعى اللى نبيه قريب تضربنى وتقاحر فيا وهاادا ميطلعش وهادا يطلع شعبى وهادا مش عارفة خيره المهم تسكر فيها وخلاص ..مع انى جايبتلها موديل من تصميم باسيل سودا يعنى على اساس هيا بتطلع احسن منه .. المهم معجبنيش تعاملها مع انا اختها كويسة بس الصغيرة حاصلة فى روحها مشيت خديت قماشاتى وطلعت وقررت نخيط عند عفاف الحمرونى بنت جيرانا وزابطة جسمى وديما اديرلى فى حاجات حلوة . عر مسافرة توا تروح يوم 10-6

امانى خلاص استقريتى بتخيطى فى تركيا ؟؟

Diamond Ring;12239007:
حبيباتي عرايس اللمة كلكم

و الله ما يشدني عليكم

الا اني لاهية هلللللللللبة في شوية حجوزات و قصص نبي نكملها معاش وقت

و الحمد لله اخباري تمام

و نخش في الليل ما نلقى حد في الاغلب نسكر و نرقد

عروسة ليبيا : استحشتك هلبة و انشاء الله تروحيلنا بالسلامة اني مسافرة 6/23 و مروحة حوالي 3 او 4 /7 انشاء الله نتلاقو على خير

طرابلسية لسرتاوي : ربي معاك في امتحاناتك و انشاء الله موفقة و ربي يسهلك موضوعك و ما بعد الضيق الا الفرج و الله مريت بايام صعبة اني المدة اللي فاتت و الحمد لله كل حاجة تفوت و تقعدي تتفكري و تتضحكي على روحك كيف كنتي مهولة الوضع و اللي مكتوبلنا بنشوفوه ربي يحفظك ديمة متفكرتني و تنشدي عليا نحبك يا فرخة انتي

روح : روح روحي انتي حبيبتي ديمة على بالك و مش ناسيتني ربي يحفظك و يفرحك و نشوفك عروسة زي القمر و حايسة زي ما اني حايسة توة ههههه

قدورة : مشكورة على سؤالك عليا و ديمة مش ناسية حد ربي يسهلك امتحاناتك و يوفقك و ينجحك انشاء الله و نشوفوك احلى عروسة باذن الله

حنونة 3: و الله نعزوك و مش ناسيينك و حتى انتي زي اختنا و اكثر غير كل واحد لاهي في حياته بس بوسيلي الصبايا الثلاثة.

عروسة ضياء : تهيجي في مصر و مخليتنا من يوم مشيتي معاش في سهرات و خرط ليلي هههههههه استمتعي بوقتك و ربي يهنيك

جولي: يا عسل انتي انشاء الله تجهيزاتك ماشية على خير و طمنيني شن صار حصلتي صالة و لا مازال ؟؟ ربي معاك انشاء الله و تجيك كل حاجة زي ما تتمني

روز: وينك يا حرم هيتوما مغطسة تماما انشاء الله اخبارك حلوة و نصيحتي ابدي جهزي من توة خير ما تحصلي بعدين زي ما صاير فيا توة

هنو : جويل اللمة ربي ما يغيب طلتك علينا و نصايحك الحلوة يا سموحة و انشاء الله امورك تمام انتي و خلود

ايمي : طمنينا شن اخبار الشقة الجديدة انشاء الله عتبة خير عليك

حياة حلوة : استمتعي بوقتك و هيجي و انشاء الله سفرتك الجاية انتي و السمح في شهر العسل

نرجوسة : يا شرقاوية يا سمحة بدي العد التنازلي لعرسك حاولي تشطبي دبشك اللي بتبعتيه حوشك معاش وقت و الهي بروحك ربي يهنيك انشاء الله و تجيك حفلتك زي ما تتمني و بالنسبة لموضوع البالطو ما فيش اي مشكلة انك تبعتيه دزيه توة للمغسلة و بخريه و رديه في كيسه و ابعتيه حوشك لان بالطبيعي بتحتاجيه و ربي يهنيك

ندى خالد: ليك وحشة انشاء الله اخبارك حلوة و امور الامتحانات ماشية يلا اتخرجي بسرعة بش نبدو نجهزو معاك لعرسك انشاء الله

ام احمد: يا عسل انتي وين التغطيسة هذي شكله وراك سر يا بنت انتي ؟؟ ما نبوش خيانات نهارك بعدين هههه انشاء الله تكون امورك تمام

في عشي: انشاء الله اخبار العش تمام و دافي زي عادته

بيسا : حبيبتي طمنينا عليك انشاء الله روحتي بالسلامة ؟؟ هي عاد يا بنت شريتلك ماكينة الدحي نبي نبعتهالك

سوما :: شن اخبارك ؟؟ انشاء الله تمام و صغارك ربي يحفظهملك شن مدايريين فيك ؟؟ و بالنسبة لفكرة قفطان عرسك تههههههههههبل عجبتني ذوق على الاخر و فكرة حلوة ربي يهنيك انشاء الله

ملكة مملكة عروس : سلامي ليك يا حلوة

انوسة : لينا هلبة ما هدرزناش يا سمحة انشاء الله نتلاقو قريبا

امورة خطيبي : وين التغطيسة شن صار في تحديد موعد العرس شهر 6 خش انشاء الله حددتو على خير ؟؟ طمنينا يا امورة

انشاء الله ما نسيت حد و لو نسيت سامحوني لاني قريب ننسى حتى روحي من التخميم ههههههه

صحيتى .. هادا غير عيد ميلاد ولدى زى عيد ميلادك ههههههههه معاش تكلمينى

روز: وينك يا حرم هيتوما مغطسة تماما انشاء الله اخبارك حلوة و نصيحتي ابدي جهزي من توة خير ما تحصلي بعدين زي ما صاير فيا توة


سووري توا وين شفته الرد ..

ههه يا انا حمدالله ..

ههه هو انا بديت بس كله اشري قفاطين حفلة وبس ههه احششيتي ههه
بس توا بديت في لبس الحوش ههه

هالقفطانين عجبووووووووووووووووووووني .. يارب نلقي مقاسي :(



هدا كله خيوط .. عندي منه واحد كله اسود .. بس قصيررررررر هلبا ماينفع اطلع بيه
بس هدا اطول يعني يجي لركبة او اقل بشوية ..



وهدا يخببببببل
ههه
ونبيه :(

يا بنااااااااااااااااااااااااااااااااااات بيلز جاوبوني كيف نضلل....سألت قبل وما حد جاوب وعندي هلبة مشاركات وحابة ننزللكم صور.....حاسة انه تجمع الليبيات هني القدم بس يهدرزوا مع بعضهم!!!!

حياتي ليبيا;12239952:
يا بنااااااااااااااااااااااااااااااااااات بيلز جاوبوني كيف نضلل....سألت قبل وما حد جاوب وعندي هلبة مشاركات وحابة ننزللكم صور.....حاسة انه تجمع الليبيات هني القدم بس يهدرزوا مع بعضهم!!!!

تسلمي يا هنو.....سامحيني علي الكلام غير حسيت انه في بعض مشاركاتي مايقرا فيها حد لكن زي ماقلتي ممكن مشغولين

بنات نرجوسة قالتلي انه في واحد من طرابلس في التجمع تعرف محل مواد زينة يبيع في ملح اليوكو ياريت اللي تعرف تقولي

حياتي ليبيا;12240171:
تسلمي يا هنو.....سامحيني علي الكلام غير حسيت انه في بعض مشاركاتي مايقرا فيها حد لكن زي ماقلتي ممكن مشغولين

السلام عليكم كيف حالكم ليكم وحشة

بالله يا عريسات وبدات المتزوجات بالله نبي كريمة طبية لتبيض المنطقة الحساسة
تكون مضمونة وما فيهاش اعراض جانبية ولو عندكم اسم دكتورة جلدية بالله
عليكم اهو نستنى في الرد

كتبته في التجيهزات وهني من كتر ما الامر مهم

اكيد عليا انى ههههه
ننوسة الرقيعى انى خديت منه ملح اليوكو ب 3 اليومين اللى فاتو

وللى ميعرفش مكانه يجى فى قرجى بجنب الاشارة الضوئية لاصق فى مزين قرطبة

عروسة سمحة رديت عليك فى التجهيزات

حياتى لييبيا سامحينا رانا كلنا دايخين ههههه

والله من كتر مرات يفوتونا هلبا صفحات نقعد نقرا فى صفحة وصفحة لا ..

Hayela;12240234:
عروسة سمحة رديت عليك فى التجهيزات

ايه قريته وصحيتي حبيبتيF:
نردهولك في الافراح ان شاء الله

سلمك ..

بالنسبة للمنطقة الحساسة مافيش احسن من المواد الطبيعية زي خلطة النشا والليم والزيت
فكك من المواد الكيماوية

[QUOTE=Hayela;12240244]حياتى لييبيا سامحينا رانا كلنا دايخين ههههه

والله من كتر مرات يفوتونا هلبا صفحات نقعد نقرا فى صفحة وصفحة لا ..[/تعرفي اني من كثر ما حبيت القسم والله قريتلك الاجزاء 3 اللي فاتت وبالفعل استفدت منكم وان شاء الله نزيدوا نستفيدوا ونفيدوا يا رب]

سلمها يا ربى .. ان شاء الله ربى يهنيك

انتى امتا عرسك ؟؟

هيول من قصدك اني؟؟؟ عموما عرسي بعد العيد لكن لسة ماحددوليش يوم....وهدا واحد من الردود اللي ما قريتيهمش :)