لمة الليبيات

يا بنات مفيش من رد علي سؤااااالي؟؟؟؟:'(

حياتي ليبيا;12236292:
هلا بالبنوتات والمدامات
نبي نسألكم علي منتجات Body Shop كيف نقدر نحصلهم

بنات كنت في زين اثاث
حصلت مجموعه العروس

ريحتها روعه بالورد
تقريبا تتكون من كريم مرطب ولوشن وسكراب للجسم وغسول للوجه وعطر


ان شاء الله بناخذ منه
ونستعمله قبل عرسي باسبوع

قلت نخبركم عليه ممكن يعجبكم حتي انتم

*ايمي مش عارفه معش بانت ع الساحة ازعمك مغيرة النيك نيم و انا مش عارفه


انا ايمي يانرجس مغيره النك نيم متاعي سلمك نشاده

كيف حال الموجودات

جيعااااااااااااانة

حبيباتي عرايس اللمة كلكم

و الله ما يشدني عليكم

الا اني لاهية هلللللللللبة في شوية حجوزات و قصص نبي نكملها معاش وقت

و الحمد لله اخباري تمام

و نخش في الليل ما نلقى حد في الاغلب نسكر و نرقد

عروسة ليبيا : استحشتك هلبة و انشاء الله تروحيلنا بالسلامة اني مسافرة 6/23 و مروحة حوالي 3 او 4 /7 انشاء الله نتلاقو على خير

طرابلسية لسرتاوي : ربي معاك في امتحاناتك و انشاء الله موفقة و ربي يسهلك موضوعك و ما بعد الضيق الا الفرج و الله مريت بايام صعبة اني المدة اللي فاتت و الحمد لله كل حاجة تفوت و تقعدي تتفكري و تتضحكي على روحك كيف كنتي مهولة الوضع و اللي مكتوبلنا بنشوفوه ربي يحفظك ديمة متفكرتني و تنشدي عليا نحبك يا فرخة انتي

روح : روح روحي انتي حبيبتي ديمة على بالك و مش ناسيتني ربي يحفظك و يفرحك و نشوفك عروسة زي القمر و حايسة زي ما اني حايسة توة ههههه

قدورة : مشكورة على سؤالك عليا و ديمة مش ناسية حد ربي يسهلك امتحاناتك و يوفقك و ينجحك انشاء الله و نشوفوك احلى عروسة باذن الله

حنونة 3: و الله نعزوك و مش ناسيينك و حتى انتي زي اختنا و اكثر غير كل واحد لاهي في حياته بس بوسيلي الصبايا الثلاثة.

عروسة ضياء : تهيجي في مصر و مخليتنا من يوم مشيتي معاش في سهرات و خرط ليلي هههههههه استمتعي بوقتك و ربي يهنيك

جولي: يا عسل انتي انشاء الله تجهيزاتك ماشية على خير و طمنيني شن صار حصلتي صالة و لا مازال ؟؟ ربي معاك انشاء الله و تجيك كل حاجة زي ما تتمني

روز: وينك يا حرم هيتوما مغطسة تماما انشاء الله اخبارك حلوة و نصيحتي ابدي جهزي من توة خير ما تحصلي بعدين زي ما صاير فيا توة

هنو : جويل اللمة ربي ما يغيب طلتك علينا و نصايحك الحلوة يا سموحة و انشاء الله امورك تمام انتي و خلود

ايمي : طمنينا شن اخبار الشقة الجديدة انشاء الله عتبة خير عليك

حياة حلوة : استمتعي بوقتك و هيجي و انشاء الله سفرتك الجاية انتي و السمح في شهر العسل

نرجوسة : يا شرقاوية يا سمحة بدي العد التنازلي لعرسك حاولي تشطبي دبشك اللي بتبعتيه حوشك معاش وقت و الهي بروحك ربي يهنيك انشاء الله و تجيك حفلتك زي ما تتمني و بالنسبة لموضوع البالطو ما فيش اي مشكلة انك تبعتيه دزيه توة للمغسلة و بخريه و رديه في كيسه و ابعتيه حوشك لان بالطبيعي بتحتاجيه و ربي يهنيك

ندى خالد: ليك وحشة انشاء الله اخبارك حلوة و امور الامتحانات ماشية يلا اتخرجي بسرعة بش نبدو نجهزو معاك لعرسك انشاء الله

ام احمد: يا عسل انتي وين التغطيسة هذي شكله وراك سر يا بنت انتي ؟؟ ما نبوش خيانات نهارك بعدين هههه انشاء الله تكون امورك تمام

في عشي: انشاء الله اخبار العش تمام و دافي زي عادته

بيسا : حبيبتي طمنينا عليك انشاء الله روحتي بالسلامة ؟؟ هي عاد يا بنت شريتلك ماكينة الدحي نبي نبعتهالك

سوما :: شن اخبارك ؟؟ انشاء الله تمام و صغارك ربي يحفظهملك شن مدايريين فيك ؟؟ و بالنسبة لفكرة قفطان عرسك تههههههههههبل عجبتني ذوق على الاخر و فكرة حلوة ربي يهنيك انشاء الله

ملكة مملكة عروس : سلامي ليك يا حلوة

انوسة : لينا هلبة ما هدرزناش يا سمحة انشاء الله نتلاقو قريبا

امورة خطيبي : وين التغطيسة شن صار في تحديد موعد العرس شهر 6 خش انشاء الله حددتو على خير ؟؟ طمنينا يا امورة

انشاء الله ما نسيت حد و لو نسيت سامحوني لاني قريب ننسى حتى روحي من التخميم ههههههه

ندى شن اخبارك ؟؟؟

روز شن جوك لينا هلبه مهدرزناش ؟؟؟

اهلييييييين اماااااني

اي ليا هلبا ماشفتك لولز ... اشوفك موجودة تردي بس ماحصلت الفرصة لول انهدرز هلبا ههه

شخبارك ؟؟

انا ماشي الحال حمدالله

واخيررررررررررررررررررا ارررررررررررررقد


ليا شادة ولد اختي من الصبح عمره 4 شهور

امه مريضة وراقدة

معنه من النوع اللي مايحب احد غير امه يشده بس اوكي معاي اليوم ههه

جربت كيف وحدة عندها بيبي ههه

اكتب بيد وحدة اخاف احركه ينوض

هلا بنات شن الجو

روز سخفتينى ههههه

حطيته ع السرير ناض رقدت تاني وناض

:S

دكتورتنا بري للتجهيزات شوفي ردود ليك

ربي يساعدك ياروز

و الله الصغار صعبين و خاصة بالعمر هذا

منى سالت على خياطة كويسة ؟؟