اخباركم ايه ؟ يارب تكونو بخير كلكم
paradise rose;12616755:
ازيكو يا حلوين يارب تكونو بخير
مبروووك لام معاذ الحمل يارب يثبتهولك ويتمه على خير يارب وتفرحى بيه
الف سلامه على مامتك يا بوسى ربنا يعينك والله اكيد انتى اللى شيلاها دلوقتى ربنا يتم شفاها على خير بس خلى بالك من نفسك ومترهقيش نفسك جامد
ماجده روحو شوفو دكتور تانى شكل الدكتور دا بطيخ مال السكر بالحمل ولا بالحيوانات المنويه
يابنتى انا عمى عنده 5 اولاد وبنات وماشاء الله متجوزين ومخلفين واتجوز واحده وهو جدووو والله وعنده سكر وحاوارات ومدخن فظييييييييع وجاب بنوته عندها دلوقتى 4 سنين باين ماشاء الله يعنى
كبرى دماغك من كلامه خاااااااالص دا رزق وربنا هيديكولك ان شاء الله ربنا يفرح قلبك ويرزقك يارب
نيسوو العسل ربنا يخليكى ياحبيبتى على سؤالك انا كويسه الحمد لله بس مش بعرف ادخل كتير الجو حر والقعده بتتعبنى
انا رحت لدكتور تانى غير اللى متابعه معاه والمفاجاه انه قالى ان فى بيبى وكويس بس مسمعش النبض
حتى انا مكنتش مصدقاه قلتله يعنى الكيس مش فاضى قالى مين قالك كدا
فالحمد لله يارب ربنا كريم ادانى امل بأذن الله انى اسمع النبض
وقالى اعمل تحليل هرمون حمل واشوفه لو نسبته كويسه ادانى فيتامينات ودوفيستون وفوليك
قالى لو لقيتها عاليه خديهم
بفضل الله عملته وطلع كويس الحمد لله يارب وماشيه ع العلاج بتاعه
تانى يوم بقى رحت للدكتور اللى متابعه معاه عادى ومقلتلوش حاجه قالتله انا عملت تحليل هرمون قالى لييييييييه عملتيه هوا انا قلتلك قلتله لا انت مقلتش بس قلت اطمن
مبصش فيه خاااااالص وقالى تعالى نعمل سونار وقال طالما الدكتوره كاتبه فى التقرير كدا يبقى صح
المهم عمل سونار وهعو بيعملوا شفته بيبحلق كدا فيه
وراح قالى
احنا هنصبر اسبوع كمان كدا
قلتله هوا انت شايف حاجه
قالى اة فى حاجه احنا هنصبر اسبوع
لان كيس الحمل كبر حبه
راح شاف بقى تحليل الهرمون قالى كويس وهتعديه تانى كمان اسبوع لو بيعلى يبقى احنا ماشيين كويس وربنا يسهل ويظهر النبض
فالحمد لله والله ادونى امل لفتره قدام كمان الحمد لله رب العاملين دوعاتكم النبض يظهر والبيبى يكبر
معرفتش اخش والله اقولكو الاخبار غير النهارده ربنا ييسر الامور يارب
دعواتكم ياحبايبى اسمع خبر حلو واطمن ومحتجش اعمل عمليات ولا اجهاض ولا حاجه من دى ربنا مايوريها لحد يارب
واللى يجمل فيكو ربنا يثبت حمله ويجعله ميسر ويتممه بخير ياااااااارب
ما شاء الله لا قوة الا بالله
ربنا يطمن قلبك يارب ويكملك على خير :)
bosy82;12617054:
السلام عليكم و رحمة الله و بركاته
في هذا المقال الخفيف نشخص الداء ونصف الدواء بحوله تعالى كثير منا يغفل عن الدجاج ومايسببه من امراض لاتحصى انتشار السرطانات حمانا الله واياكم ضعف الخصوبه الشديد لدى الرجال سقوط الحمل امراض كلى لخبطة هرمونات الجسم كله اورام هنا وهناك ونغفل عن اهم سبب الا وهو الدجاج الذي لايخلو منه منزل والسبب طبعا الهرمونات التي يعطونها للدجاجة كي تنتفخ بسرعة في غضون ثلاثين يوم
هذه الهرمونات تنتشر في جسد الدجاجة ثم الى بطوننا
لدي صديق اشترى صوص صغير لابنائة --جلس عندهم شهرين ياكل من اكلهم ومما لذ وطاب وبعد شهرين اصبح وزنه لايتجاوز 300 قرام بحجم قبضة الكف
ماتفسير ذلك ؟ وهل يخارج التاجر ان يغذي الداجن اربع اشهر لكي يصبح 600 قرام
ابدا -انها الهرمونات
علما بان الطبخ لايخلص جسم الدجاجه منها
الحل كما وصلني من طبيب يقول:
لاتشتري دجاجه وزنها 700 او 800 او 900
بالنسبة لـ 700 أو 800 أو 900
جسمها لن يتخلص من الهرمون حتى لو تم طهية
أما بالنسبة لـ 1000 و 1200 و 1400 فقد استفاد جسمها من الهرمون واستنفذه على شكل لحم وشحم كل وانت مطمئن
هذا ما احببت ان اوصله لكم مع ملاحظة ان جوانح الدجاج وأيضا رقبتها يتركز فيها الهرمون بشكل عالي جدا
فتجنبوها لانها مكان الحقن
مهم جدا انشرها فالناس لاتعلم
طيب الحمد لله ان اللى اكتر من 1000 ممكن ناكلها