تجمع بنات مصر منتظرات الحمل بإذن الله الجزء ( 7 )

فجر1975;12236482:
بصوا انا كنت وعدتكم امبارح انى احكيى لكم بالتفصيل .......صلوا على الحبيب المصطفى:-
احنا رحنا على المدينه الاول قعدنا فيها يومين ووصلنا الساعه 6 صباحا قبلها كنا نزلنا فى مطار جده وبعدين اخدنا طياره من جده للمدينه حوالى ساعه بس طبعا شتااااان بين اهل جده واهل المدينه..........اول ما نزلنا مطار المدينه الواحد جاله احساس بالسكينه والطمانينه والبلد مش كبيره ولا مثلا متمدنه لا بلد بسيطه جدا فى ناسها ومبانيها اللى فى حضن الجبل واللى كلها مدهونه باالون الابيض .......واحنا فى طريقنا للفندق (وده كان قدام الحرم النبوى الشريف على طول وله باب بيفتح على باب الحرم الخارجى )كان فى نسمه جميييله اوى هبت علينا كده مع ان الجو حر انما سبحان الله كان فى هوا رااااااائع ما اعرفش ازاى لحد ما وصلنا الفندق طبعا كنا ميتين من التعب نمنا شويه لحد الظهر ونزلنا صلينا وبعدين طلعنا ونزلنا قبل العصر وهكذا كل الاوقات...........بس انا كنت بنزل بدرى عنه شويه كنت احب اقعد شويه واقرا القران والاورده واصلى ما تيسر وكمان عشان الاقى مكان كويس اصلى فيه

ودخلت الروضه الشريفه مرتين بس طبعا زحمه موووووووووووووت .......اول مره مشيت على طول جنب قبر الرسول عليه الصلاة والسلام وجنبه على طول ابو بكر وعمر رضى الله عنهم والمره التانيه كنت بعيده بس للاسف ما عرفتش اصلى ركتعين فى المرتين...........وبعدين يوم الثلاثاء الصبح رحنا المزارات(جبل احد-البقيع-مسجد قباء وصلينا فيه ركعتين) وبعدين رحنا على الفندق ريحنا شويه ومشينا بعد الظهر على مكه واحرمنا من ابيار على واخدنا حوالى 4 ساعات بس والله الواحد ما حسش بيهم خاااااااالص وطول ما الواحد فى الطريق لازم تكبرى وتدعى لحد ما وصلنا مكه

فى مكه المكرمه:-
عقبال ما طلعنا الفندق واخدنا الاوضه ودى كانت فى برج زمزم وكان باب الفندق قدام باب الملك عبد العزيز على طول اللى ينزلنا على طول على صحن الكعبه المهم نزلنا للعمره حوالى الساعه 9 او 10 واول ما شفت الكعبه جالى زهوووووول وكنت حاسه ان رجلى مش ماشيه لا طايره احساس مش عارفه اوصفه وماما كانت موصيانى انى ادعى ان ربنا يرزقنى بالخلف الصالح على اسا ان كل واحد له دعوه مستجابه عند رؤية الكعبه ........بس انا اول ما شفت الكعبه نسيت كل الادعيه اللى انا كنت متعوده انى ادعى بيها بعد كل صلاه وما جاش على بالى الا دعاء واحد بس
(اللهم رضاك والجنه) وفضلت اقوله مش فاكره اد ايه وبعدين كملنا الطواف وبعدين رحنا عند مقام سيدنا ابراهيم صلينا ركعتين وبعدين رحنا عند زمزم وشربنا وغسلنا راسنا ووشنا وبعدين بدانا فى السعى بس متعب جدا لاقصى درجه تتخيلوها والواحد بقى افتكر ستنا هاجر وازى سعت بين الجبلين وطلعت عليهم وطبعا لا تكييف ولا ارض ممهده تمشى عليها لحد ا كملنا السعى والحمد لله وبعدين جوزى راح بقى عشان يحلق وكان عاوز ياخدنى معاه قلتله لا انا هاستناك هنا وانت احلق وتعالى .....وقعدت على السجاجيد اللى على الارض قدام الكعبه وفضلت بصلها مش مصدقه وقرات ما تيسر وبعدين رحنا الفندق استحمينا ونمنا ..........وبقينا طبعا نصلى كل وقت بوقته فى الحرم تحت بس انا كنت بسبقه برده عشان كنت بحب اصلى قدام الكعبه وكنا ننزل قبل المغرب بحوالى الساعه او نص ساعه ونتقابل بقى بعد العشاء عند الكعبه ولو قدرت كان ممكن اطوف معاه انما هو ماشاء الله طاف اكتر منى بس كده وبعد ما نخلص نشرب زمزم ونطلع على الفندق عشان ننام ونصحى على الساعه 3 عشان الفجر...........بس ماكناش بننام تقريباه وهكذا كل يوم

بس كانت متعه ............وربنا يوعدكم يااااااارب