رابطة امهات مصر

معلش يا بنات اضطريت اقوم علشان التلاجه باظت وبعتنا جيبنا الصيانه
وكنت بشيل اثارهم
هههههههههه

طب يا ايمان ما تروحى لطنط او تعالى نخرج انا بفكر اخرج اتمشى شوية

بعد برضه لو نزلت هصلى المغرب وانا لابسة وانزل على طول

*Om Mo3az*;12057942:
تمام يا شهيدة الحمدلله

قريتي الحوارات بتاعة يوم الاربع الجاي دي ولالا ؟

لا لسه منا بحاول ارجع اقرا اللى فات
لانى الايام دى بضبط في الشقه لان الفترة بتاعت اول الحمل سابتلى بلاوى
وكل يوم بعمل جزء في الشقه

أم حموودى القمر;12057983:
الحمد لله يا توتى وطبعا لسه مش عارفة هولد امتى ادينى مستنية الفرج اهه فى اى وقت هههههههههههه

شهيدة ازيك انتى ياحبيبتى الحمد لله بخير بس مازال الزن مستمر

باباه كان قاعد يلعب معاه وبعدين ياعينى عاوز ينام فراح الاوضة التانية

محمود مش عاجبه طبعا وقعد يعيط نص ساعه مثلا وبرضه يترمى فى الارض ومش عاوزنى خالص بس انا سبته

وشوية وسكت لما اديته سماعة تليفون يلعب بيها

الله المستعااااااااااان

ماما نفسها حاملة هم لما اولد ومحمود لانها طبعا هى اللى هتشيل الليلة كلها

معلش يا سالي
على فكرة كل اللى بتقليه ده عادى وطبيعي جدا
خلى بالك ان محمود كبر وبدا يتفاعل معاكم مش زى زمان كان متلقي فقط
لا دلوقتى شخصيته بتتكون وبيتفاعل معاكم
يعنى هوا عايز يلعب مع باباه وباباه عايز ينام بس محمود مش مستوعب طبعا فمصر ان باباه يلعب معاه وعايز يلخم نفسه بلعبه
بكرة ان شاء الله اما اخته تيجى هتقولى ولا يوم من ايام ما كان محمود لوحده
انا بشوف ولاد اختى وعمايلهم بجد بترحم على ايام عمر لوحده من دلوقتى
ههههههههه

خلى بالك انهم بعد كده هيتفقو عليكى

*Om Mo3az*;12058040:
سالي ربنا معاكي ويهدي لك محمود يارب
زعقتي له انهرده ؟
خليكي دايما الفترة دي العبي معاه وقربي منه عن الاول وخليكي كده طول اليوم بجد اكيد نفسيته متاثرة يا حبيبي
وان شاء الله بعد ما تولدي هتكون الامور كلها بسيطة




انا بقى معاذ من امبارح وهو عمال يزن وعمال يقول لي تيتة اقول له عاوز تروح لتيتة يقول لي اه
دلوقتي بقى راح جاب الكوتشي بتاعه وعمال يعيط ويقول لي تيتة
يا حبيبي صعبان عليا بجد كان نفسي اخرج كمان كنت هروح لمها بس جوزي قال لي هتروحي متاخر بعد المغرب وترجعي لواحدك ازاي وعلياء قالت لي مش فاضية انهرده تخرج معايا

يا حبيبي

حرام عليكى يا شيخه حابسه الولد ومنعاه من تيته
عارفه يا ايمان حاولى حتى تاخديه وتنزلى تشتري اى حاجه من اى سوبر مارتكت وارجعي تانى
بتفرق معاهم جدا النزوله دى

أم حموودى القمر;12058093:
لا ايمان امبارح والنهاردة متضربتوش خالص بس طبعا لما بيعمل حاجة غلط بقوله كخ بس من غير زعيق

بس حركة الرمى ع الارض دى اللى خانقانى وبيعمله كتييييير وعلى كل حاجة

لا دى عادى وعمر كان بيعمل الحركة دى ومازال بيعملها بس قلت عن قبل كده كتير
لان حلها الوحيد تطنشيه

دا عمر كمان كان بيعمل اسوء من كده
عارفه بيخبط راسه في الحيطة ونسمع الصوت بجد يقطع القلب وتوجعه جامد وييجى في الاخر يعيطلى والمفروض انى اصالحه
ههههههههه
يعنى يعمل العامله في نفسه وانا اللى اصالحه برضو
بس بقيت اطنشه والحمد لله مبقاش يعملها زى الاول

ربنا معاكي يا شهيدة
ما تجيبي واحدة تساعدك عشان ماتتعبيش برضو


سالي انا وانتي بعاد اوي عن بعض انا فعلا ممكن انزل اشتري اي حاجة من السوبر ماركت تحت واطلع تاني
هتنزلي تتمشي لواحدك ولا ايه

المشكله يا ايمان انى مش بنضف بمعنى النضافه
انا بشيل اثار التدمير اللى حصل وبرجع الحاجه مكانها
استعدادا لانى فعلا اجيب واحده تنضف

انتى لو شفتى منظر اماكن معينة في الشقه هتتخضي

يعنى السفرة مثلا كلها عباره عن حلل المطبخ
لان عمر بيجيب الحلل ويخبطها في الارض والجيران في مرة عبرو عن ضيقهم من الصوت
فابو عمر شالهم وحطهم في الريسبشن
ااااااااااااااه

دا انا لو قعدت اقلك عالاحداث الجاريه هيجرالك حاجه
وانا بحبك يا ايمان ومش عايزة اصدمك

هههههههههههههه

مش عارفة لسه يا ايمان انا لسه بفكر بس بجد نفسى امشى بس قاعدة افكر اودى محمود فين؟؟

المشكلة انه مش مريح وهيتعب ماما او حماتى لو سبتهولهم بفكر اخده فى العربية بتاعته بس مش بيسكت

فيها اوى وهيقعد يزن ويزهقنى مش عارفة اعمل ايه بصراحة

ههههههههههههههه معلش يا شهيدة ده العادي والله خصوصا ف موضوع الحلل ده
ربنا يعينك يارب

طب وجوزك يا سالي خليه ياخد محمود معاه عشان تتمشي عشان تعرفي تولدي قولي له انا لازم امشي كتير عشان الولادة تبقى سهلة هههههههههه

ممكن يا سالي تنزلى مع زوجك تمشو وتخليه هوا ياخد باله من محمود
لانك لازم تمشي علشان الولاده

جوزى ينزل معايا نتمشى دىصعبة اوى مع اتمنى والله وبرضه انه ياخد محمود معاه اصعب لانه برده مش

هيريح نفسه مع باباه وهيزهقه

وعموما انا هاشوفه رايح فين اصلا واحاول ادبسه فى محمود ربنا يسهل

اه ياشهيدة محتاجة امشى اوى علشان الراس تنزل فى الحوض

دا انا كنت بمشى مشى وانا حامل فى محمود مش قادرة اقولك كل مرة امشى فيها برجع هلكانة واقول خلاص انا

هولد بكرة الصبح هههههههه

سلامو عليكو
انا جيييييييييت
يا ترى خدتو بالكو من غيابى؟؟

سالي ان شاء الله جوزك ياخد محمود عشان تخرجي شوية وتغيري جو

ندىىىىىىى

طبعا اخدنا بالنا وكنت هكلمك والله بس معاذ مش بيخليني اعرف اتكمل فالتليفون خالص والله

كنتي فيييييييييييييين

ازيك يا ايمى واخبار معاذ ايه ؟؟؟ قوليلى اخر الاحداث اللى حاصلة فى اليومييين دول؟؟

انا كنت عند ماما ومكنتش برضه اقعد على النت عشان ابينلها انى مش مدمنة نت
ههههههههههههه

ندى

مش معقوووووووووول

فينك يا بنتى ؟ وحشتينا والله

اخبارك واخبار جوجو؟



هوبي

يارب تشوفي ردى عليكى
انتى لازم تفطمى محمد من الرضاعه الليليه
على فكرة انا فطمت عمر ببساطة جدا
كان اما يصحى علشان يرضع كل اللى اعمله اطبطب عليه لحد ما ينام
الموضوع بالضبط مخدش اكتر من يومين
التالت الحمد لله صحى مرة واحده في النص
وبعدها مبقاش يصحى

يمكن وقتها الموضوع نفع لاننا كنا في الشتا
عموما لو بتنامو في التكيف ممكن تطبقي نفس الفكرة

انما طبعا لو الجو حر وهوا عطشان يبقى شربيه مايه

ايمان

انا قريت موضوع يوم الاربعاء
طبعا حلو اننا نتقابل بس المريلاند او مصر الجديده هتبقى بعيده لاغلب البنات
لان الاغلبيه ناحيه الجيزة يعنى في بنات كتير في فيصل والهرم وشيماء مثلا في العجوزة وعندك مى لو جت معانا هيا في الدقي ناحيه الجيزة برضو
انا لو في مدينة نصر عند ماما ممكن الموضوع يبقى سهل بالنسبه لى شويه وان كنت مش ضامنة انى اكون عند ماما
علشان امتحانات اخويا


طب اقتراح وفكرو فيه
ايه رايكم نروح يومها حديقه الحيوان
هتبقى سهله لاغلب البنات هنا في مصر وكمان ايمان جايه من بره القاهره بس سهل توصل لان الحديقه علامة مميزة جدا ومحدش ميعرفهاش

بنات هي مها كويسة؟

هي مش بتدخل ليه من فترة كبيرة خير





طيب حد شاف دودو اللي سويت توتا

تعالي الحوامل ا ايمي

السلام عليكم
ازيكو
انتو فييييييييين تعالو يلا ميزو ناااااااااااااااام الحمدلله

lifedrop;12058577:
ازيك يا ايمى واخبار معاذ ايه ؟؟؟ قوليلى اخر الاحداث اللى حاصلة فى اليومييين دول؟؟

انا كنت عند ماما ومكنتش برضه اقعد على النت عشان ابينلها انى مش مدمنة نت
ههههههههههههه

هههههههههههههههههههههههه
شاطرة عشان ماتزعلش منك

شهيدة;12058750:
ايمان

انا قريت موضوع يوم الاربعاء
طبعا حلو اننا نتقابل بس المريلاند او مصر الجديده هتبقى بعيده لاغلب البنات
لان الاغلبيه ناحيه الجيزة يعنى في بنات كتير في فيصل والهرم وشيماء مثلا في العجوزة وعندك مى لو جت معانا هيا في الدقي ناحيه الجيزة برضو
انا لو في مدينة نصر عند ماما ممكن الموضوع يبقى سهل بالنسبه لى شويه وان كنت مش ضامنة انى اكون عند ماما
علشان امتحانات اخويا


طب اقتراح وفكرو فيه
ايه رايكم نروح يومها حديقه الحيوان
هتبقى سهله لاغلب البنات هنا في مصر وكمان ايمان جايه من بره القاهره بس سهل توصل لان الحديقه علامة مميزة جدا ومحدش ميعرفهاش

شهيدة بالنسبة للاماكن انا جوزي عارفها وماما كمان عارفة كل حاجة
بس المشكلة اولا ان ماما طبعا مش هتكون معايا وجوزي مش هيبقى فاضي يقعد يلف بيا ويوصلني ويرجع تاني عشان يشوف شغله
وكمان انا مش بحب اتقل على حد ومش هحب اني اتصل بحد من خيلاني ييجي ياخدني
بس لو مافيش قدامنا حل هشوووووووووووووووف
بس المهم اننا نتقابل بجد وياريت نقول مع بعض انهرده او بكرة بالكتير اخر مكان بقى نتقابل فيه عشان اقول لجوزي لانه لسة ماعندوش اي فكرة بالموضوع خالص
ولو مارضيش يبقى انا ظبطكو وتتقابلو انتو وخلاص هههههههههههههههههههههههه

CuTie KaTkOoTa;12059572:
بنات هي مها كويسة؟

هي مش بتدخل ليه من فترة كبيرة خير

اه يا قمر مها كويسة بس البنات شاغلينها اوي كمان عشان بتول باقت بتروح الحضانة فبتصحى بدري وطبعا اروى سهرانة طول الليل وكده يعني
ربنا يعينها بقى

ايماااااااااااان
انا حلزقالكو فى المقابلة دى
عشان ان شاء الله حكون فى كايرو ساعتها ان شاء الله
وانا كمان نحية فيصل والهرم