CuTie KaTkOoTa;12053644:
بنات لما تيجوا الصبح وتقروا كلامي ده ياريت نتفق كلنا علي كده عشان كنت عمالة اقري المشاكل اللي حصلت الكام يوم اللي فاتوا.
بصوا عشان ميبقاش فيه اي زعل او حد يتضايق من حد وبردو هما ليهم وجهة نظر عشان ولادهم دلوقتي في مرحلة واحدة تقريبا وكبار فطبعا لاخمينهم جامد ومفيش وقت كتير يدخلوا عالنت فيه زي ايام الحمل والتجهيزات وكده، فيادوبك بيدخلوا يسلموا علي بعض ويطمنوا ويسألوا بعض علي حاجات مهمة تخص التربية.
فخلوا الشات بتاع الامهات ندخلوا لما نكون عايزين نسأل علي حاجات مهمة وناخد خبرة في امور معينة من الامهات الاقدم مننا، لكن لو مجرد الرغي بتاعنا العادي والهزار وكده خلينا في شات الحوامل زي الاول تمام كده
حقيقي انا بشكرك يا كتكوته لتفهمك لكلامنا حتى وان كان ليكى راي تانى او مخالف
وده بيدل على شخصيه محترمة جدا
وهتلاقي فعلا ان اغلب اللى في شات الامهات مبيشاركوش غير في الموضوع ده بس
ويعتبر المتنفس الوحيد ليهم
وبنرحب باي حد يحب يشارك فيه طالما بيحترم باقي الاشخاص
فياريت نحافظ على التجمعات الموجوده بدل ما نلاقي نفسنا كلنا في يوم من الايام بنبكى عاللبن اللي سكبناه بانفسنا
زى ما حصل زمان اما اتقفل شات الحوامل لانهم كانوا بيشاركو على طول في شات الامهات مع انهم برضو كانوا بيشاركو في الشات بتاعهم
والنتيجه كانت ان شاتهم اتقفل
وانا وضحت الكلام ده في ردى هنا
http://forums.3roos.com/showpost.php?p=12039331&postcount=492
وياريت الكل يقراه كويس لان الموضوع مش مساله عند ولا تخريب مواضيع ولا حتى تقسيم
الفكرة اننا كبشر مختلفين وجايز اللى يعجبنى ميعجبش غيري
ومينفعش طبعا فرض راي شخص او مجموعه اشخاص عالجميع
وطبعا كل واحد حر
بس الحريه لها حدود
وحدود اى شخص بتتوقف عند تعديه على حق او حريه غيره
والادارة بتقوم مشكورة بفتح موضوع جديد لاى تجمع موضوعه تقل يعنى التنقل بين المواضيع علشان موضوع تقل مش عذر
ومش هقول للي بيدخل لمجرد العند او تخريب اى تجمع زى ما للاسف بعض الناس قالت اللى مش عاجبه يعمل كذا وكلام تانى غير لائق
هيا كلمة بسيطة جدا قالوها الناس ومازالو بيقولوها
كما تدين تدان وكله سلف ودين