طفلك حركي جدا ما يقعد طفلك متى تكلم طفلك دايما امام التلفاز ادخلي وقلولي لي

رعد الورود الله يطم قلبش تعرفين ان كلماته خفيفة واجد و المقارنة كله بينه و بين بنتي و بنتي لما جبتها كل الاهل و خواتي و اخواني و نسوانهم و اولادهم و خلاتي و بناتهم كانوااا يدلعونها و يتهاوشون من يحملها و من يدلعها و كانت يعني كأنها ملكة صغيرة فتكلمت بسرعة بس من الدلع ما كانت تتحرك الكل ينادي بسمها و صورها في كل التلفونات و الفيس بوك في مواقعهم اما ولدي فقيروااا محد اهتم فيه ابدا الا اني طبعا و كله لاصق في الخدامة و طبعا بتي ما ترضى احد يدلعه لما امي تقول له قلبي او علي قلبي بتي تقول اليها لا اني قلبش هو مو ويه على قلبي فالكل يخاف يلمسه منها

مع اني غيرت الطريقة يعني صكيت عنه التلفزون و الديفيدي صار اكثر اجتماعي يتجاوب ايانا اكثر و يقعد يعفس حزة الغدا

يعني فيه تحسن بس كلام الدكاترة مرات يخوف الوحدة

بانتظار تجاربكم و خبراتكم الجديدة

انا احس كلش عادي ..

سنه ونص بعده على الكلام المفهوم جداً ,

والبنات غالبا اشطر وافصح في الكلام من الاولاد ..!

علشان جذي مافي مقارنه ,,

ومعروف الطفل الحركي اقل تركيز .. علشان جذي ..

انصحج ابعديه عن الكاكووات والسكريات + الكاتجب ..!

لانه كلها تعطي نشاط للطفل وتخلي في حركه مستمره والا يخليه يفق التركيز اكيد ..!

عندي جدول صورته لج ورفعته يبين كل سن ,

وشنو المفرووض يكون من ناحية تطور الكلام ..

وطبعا مو مقيااس بس هذا بالغالب ,

وطبعا كلش طبيعي انو بعض الاطفال يتاخرون ..

وهذا الجدول الا يخص الكلام وعندي كذا واحد يخص البصر وغيره من التطوورات والقدرات ..!

بس هذا يخص موضوعج للكلام ..!

علشان جذي رفعته لكم لتعم الفايده ..






ومثل ماهو باين انو لعمر السنتين يقدر يكون جمله مفيده تتكون من كلمتين او حتى ثلاث ,

وولدج للحين سنه ونص , يعني قدامه ووايد ..

وكل شهر في تغيرات حلوه بتلاحظيها اكثر مع مرور الايام ..!!

:

واهم خصائص سن السنه ونص بشكل عام ..!

يقدر يمسك كأس ويشرب منه بروحه ,

يتكلم كلمتين ويحاول ان يتكلم ثلاث كلمات ,

يمشي بروحه دون ان يتمايل او يستند على شي او يقع بكثره ,

يشيل حذائه بروحه , ويحاول ياكل بروحه ..!!

:

وعندي لج نصيحه مهمه ..

افرغي طاقته بشي ايجاابي مثل الالعاب الا تحتاج الجهد النطاطه مثلا ..!

+

جيكي دمه , لانه اي نقص في الدم يسبب فرط حركه + عدم تركيز ..

+

التغذيه + النوم .. لهم التاثير في زيادة نشاطه الحركي وتركيزه ..!!

+

كلميه على طووول عن كل شي كانه كبير ..!


اتمنى اكون افدتج ولو بقليل ..!

عادي حبيبتي لا تخافين

دام ابنك طبيعي و ما فيه شي

ولدي ما تكلم الا ورى السنتين و انطلق مرة وحدة بلغتين

فلا تخافين ابدا

و دائما البنت انشط و اسرع من الولد

بالتوفيق

الله يطمن قلبش عليه

هذي قدرات فرديه تختلف من طفل لطفل

وأسوأ شيء انك تقارنين بين طفلك وبين أخته ولا اي طفل آخر

لان هذا يتعب نفسيته وإذا كبر وهو يسمعك تقارنين بينه وبين الآخرين يأثر على نفسيته

والي فهمته منش ان مافيه شيء الولد طبيعي ان شاء الله

دام انه يتكلم ويقول بعض الكلمات معناته ماعنده مشكله لا في السمع ولا في النطق ان شاء الله

وعلى الحركه طبيعي في أطفال كذا مايجلسوا يحبوا يستكشفوا كل شيء وهذا يدل على ذكاء الطفل

لاتسوين أختبارات للولد ولا تأذيه خليه يعيش طفولته ومتى ما بغى يتكلم بيتكلم لاتحاتين



وان شاء الله ماعليه إلا العافيه

عادي ياختي لاتقارنين بين الاخوان لان كل واحد وقدراته
عندي ولدي ماتكلم الا بعد السنتين حتى كلمة ماما وبابا ماقالها الا بعد السنتين
والبنت ماشاء الله من 9 شهو ولسانها اطول منها
لاتحاتين عليه
ولد اخت زوجي عمره 3 سنوات وخمس شهور قسم قسمات يتكلم بس كلمات يعني حتى مخارج الحروف عنده مو مفهومه
مايفهم له الا ربه فقط بعض الكلمات ولا يعرف يكرب جمل بعد عكس خوانه
والحين بدأ يتكلم شوي شوي

عاد لو تعرفي انا ابني عمرو اربع سنين ولين دحين مايعرف يتكلم يتكلم كلشي بس مخارج الحروووف جدا سيئة ماحد يفهملو غير انا وابوه وخايفة عليه كتيييير بس الدكتور قاللي يااما خدوه اخصائية نطق او حضانة وخايفة ادخلو حضانة يتريقو عليه الاولاد مع انو لما كان عمرو 7 شهور قال اسم ابوه واسمي وبلفظ صح بس مدري ايش صرلو وكااااان حركي كتييييييييييير انا اتوقع انو حتى اكتر من ابنك ودحين هدي شوي بس مو زي باقي الاولاد لسه فيه شيطنة الله يهديه ويطلق لسانة انا نصيحة مني لك علميه من الحين قبل مايفوت الفوت ووقتها مايفيد الصوت وماشالله اولاد اخواتي كلهم تكلمو واصغر منو بسنة وماشالله عليهم بس احسن ابني ازكى منهم ماشالله عليه يسمع الكلام بس لو يتكلم والله يشفيلك ابنك وابني ياااارب

الغاليات اعتدر كان ولد مرقد بالمستشفى حرارته 40 و ما نزلت فيه بكتيريا بس الحمد لله رخصوه اليوم
حاملة القرنفل
نفس بنتي بالضبط قالوا لي اقطعي عنه التلفزون لان دراسة جديدة امريكية خطر التلفزون قبل لا يكون عمر الطفل 3 سنوات و له دور ان يكون الطفل انظوائي و منعزل
ام علاوووي
شكر ا لج اختي الغاليه افدتيني و افتدي خواتي على الجدول و فعلا ان الحركي ما يتكلم بسرعة و دايما كلامه مو مفهوم في البداية
تعرفون انه بالمستشفى ابروحه هو بدون اخته اكتشفت شخصيه ثانية شخصيته على قولت زوجي طرزان صار فصخووه ثيابه و ضعيف و كان كله هوووو ياااااا هااااا يصرخ و يكسر طبعا بعد ما حطوا له تحاميل فولتيرين و سيلان و مضاد مع انه فيه الربو و زيداه البولترين
بس قالواا لي الممرضات هناك هنادوه ان طلعي اياه بروحج بدون اخته لان انا اطلع ايا بنتي انا واياها بروحنا و مرات انا و زوجي و بنتي والولد في البيت لان نروح سينما او الظهر
فراح اقوي معنوياته لان معنوياته نازله بسبب بنتي باربي المتوحشة
بنتي

أم جودي وجوادي كلامج تربوي من نظرية تربية اظن صح ان الفرد مجموعة داكاءات متعددة يعني في واحد متطور في الكلام بس ما يقدر يحل مسألة حسابية صعبة والعكس
انا فاهمة بس والله طبيبه هو اللي شككني و لانه كان في ماي في ادونه و كان داير موضوع الكلام و النطق فخوفني واجد
أوركيدة السماء طمنش الله يا الغالية بس تعرفين لما يكون في تأخير تحتاج الام تتطمن اكثر على الطفل علشان ما تحس انها مقصرة او انها مهملة
moody_rana
الله يشفيهم اثنينهم يارب بس اني خدته لاخصائية و قالت عادي و قالت لي تكلمي اياه بس انه للحين شوي اراقبه و احاتيه و بعد احس ان الحركة لها دور لان هو يفرفر واجد يعني دكاء حركي عنده ما شاء الله اما دكاء لغوي ما عنده و احس يتكلم من خشمه بعد
و هاليومين يقول كلام مو مفهوم بس هو اللي يفهمه و احسسه بالثقه ان هو مهم جدا و كلامه صح و عدل
عشان يتشجع

اللهم فرج عن كل مريض اللهم شافي كل مريض يارب
و كنت طول الوقت في المستشفى اقرا دعاء الحمى واجد زين و استفاد ابني منه
و كنت اقول يانار كوني بردا وسلاما على ابراهيم
والله ما خيب ظني

عادي كلهم كذا

reem m صحيح اختي يعني عندك تجربة لا تبخلي فيها علي
قوليها و طمنيني
الله يطمن قلبش و قلب كلمن طمنني

عروس المنامة;12102446:

moody_rana
الله يشفيهم اثنينهم يارب بس اني خدته لاخصائية و قالت عادي و قالت لي تكلمي اياه بس انه للحين شوي اراقبه و احاتيه و بعد احس ان الحركة لها دور لان هو يفرفر واجد يعني دكاء حركي عنده ما شاء الله اما دكاء لغوي ما عنده و احس يتكلم من خشمه بعد
و هاليومين يقول كلام مو مفهوم بس هو اللي يفهمه و احسسه بالثقه ان هو مهم جدا و كلامه صح و عدل
عشان يتشجع

طيب ماعرفتي ليش يتكلم من خشمه لأنو ابني كمان يتكلم من خشمه طمنيني والله انا بس من شهر اكتشفت هالشي ومااقدر اخدو دكاترة الظروف ماتسمح الله يشافيهم يارب

يؤؤ خيووو مثل ولدي بالضبط

عمره سنتين و شي وكلا في التلفزيون ووحكري بدرجه مو طبيعيه

ولا يتكلم حده يقول بابا وماما بسسسسسس

وديته حق دكتور قال ليي احتمال تأخر النطق عنده سببه انهو جاي قاصر

لانه أني ولدت حمود في الشهر السابع

سبحان الله مثل حركات حمود اذا تاخدين من عنده الحاجه يدبح روحه من الصياح ويضرب الا قداااامه

اني بعد وااجد أحااتيييه

اقول متى بيتكلم

تعبت خصوصآ من كلام الناس الا مايرحم

اني ولدي جدي بعد مثل بنت without_horizon

اذا أناديه مايدور ليي

لو أعجز واناديه بأسمه مايدوور

ولا يندمج ويي الجهال

وبس أخلي ليه قناة طيور الجنه او قنوات الاطفال سيدة يقعد ويسكت

وحركي بشكل مو طبيعي

ومثل ماقالت without_horizon مايحط عيونه في عيونها

واني وأبوه خفنا عليه واجد وودينه حق دكتور

وقال لينا ضروري نوديه حضانه من وقت

بس هو حولنا على مكان مال نطق وسمع وسوه ليه فحوصات وكلشي وطلع سمعه سليم وكلشي

وقالوا لينا نوديه عقب شهرين عشان بردون يشوفونه

بس الصلاة على النبي اشوفه في هالشهر اذا اناديه يدور حقي

ويطالعني في عيوني واذا اضحك ليه سيدة يضحك

واجد واجد تحسن عن قبل

الاول اخوه وياه في البيت ولا يدري عنه ولا كانه في كائن حي وياه في البيت هههههههههههههههه

بس الحين احسه يلعب ويي اخوه شوي

للعلم انه أخوه أصغر منه

امممم بعد ويش بقول ونسيت

ايي وتوه الحين بعد أحسه اذا اقول ليه تعال مثلا يجي

اقول ليه صك الباب يصكه

بس عنده اشياء للحين مايستوعبها

مثلا اذا يجيب ليي لعبه يمبيني اشغلها وهيي خرااب .. اقول ليه ماما خرااب ماتشتغل .. يقعد يصيح صياااح

يعني للحين في اشياء مايستوعبها عدل

والله يشفي أولادنا ياااااربي ويتكلموون ونفرح فيييهم

لانه حليوووو الجاهل الا يتكلم

moody_rana بصراحة حبيبتي نسيت اسالها من قالت لي طبيعي طرت من الفرحة ما سالت ولا شي خفت يطلعون فيه عيب بس اتوقع من اللحمية لان اخواني الاولاد فيهم و بعضهم يتكلمون من انفهم و لو تلاحظين رجال واجد يتكلمون من خشمهم عشان بعد تفاحة ادام تكون كبيرة عندهم بس بصراحة ما سالت نسيت كنت مركزة على الكلام
و لحين موسوسه لان احس الاخصائية صغيرة توها متخرجة ما عندها خبرة كفاية
حبي الغالي بسرعه وديه ادن و انف و حنجرة حق محمد شرف او اي احد ثاني ما عدا احمد جمال قال لي ولدي يحتاج سماعه و سمعه 50 & قتلني اني و بيتنا كلنا و بعدين اخصائية شاطرة في الفاتح قالت لي مدام فيه ماي ورا ادونه مستحيل يسمع
و عالجوه زيرتك جم شهر هكواا صار وش حلاوته يسمع و سواا اليه اي بي ار و طلع عنده شوي اقل من العاديين بس الحمد لله ما يحتاج سماعات

و بعدين طلع عادي بس مع زيرتك 10 نقط كل يوم احنا جم شهر الحين و صار تمام كانوا خواتي يصيحون عليه يقولون لي لبسيه سماعات حرام ما يسمع و بعدين راح الماي نهائيا و صار عادي
بس للحين طرزان ضعيف كلش كلش و مفصخ و يرفع اياديه و يركض و هوووو هااااا هيييييي
بس الحمد لله
وديه تطمني اكثر الفاتح ممتازين احسن من العيادات اللي ما يفهمون شي شوفي محمد شرف زين و لما يسووون ليه سمع خلي البنيه الله يطمن قلبها و يريح بالها و يدفع عنها البلا اما الرجال ابدا لا تقربينه ما يفهم شي الجاهل شرب ماي فيه معقم ولا افتكر قال يحتاج سماعات بكل ثقه يمكن من العصب و اني احس انه مرات يسمع و مرات يصمخ شاكه

تعرفون خواتي احس ان شي من الله سبحانه و تعالى ان الولد ياخد فترة اطول ليستوعب الامور لان سن التكليف اليه كبير كبير مقارنة بالنت اللي من تسع سنوات استنادا بالسيدة عايشة زوجوها النبي 9 سنوات

اما الولد يكبر و يستانس و يصير وش كبره بعدين يتكلف بالصلاة و الصيام

و في النهاية الرجل ياخد قرارات مدروسة و مو على اساس العواطف نفسنا احنا البنات نتاثر بعد هدا اليه دور

بس اني بجري بنيه و ما شاء الله عادية اسم الله عليها

فاقارن بينه و بينه و اظلمه

بس بعد ابه اتطمن ابي وحدة خبيرة تقول لي اوكي سليم

لان دكتورة اللي يتابعه على طول قال لي ادا ما تكلم الى شهرين زيادة يعني سنة و 8 شهور بسوي اليه تحخطيط و اني ما بقول لا مع ان زوجي يتحلطم علي و امي تقول لي مافي شي كلام الدكاترة جدب

بس ما ابه الوم نفسي عقب

و الله يشفي اولادنا كلنا و يتكلمون و يحفظون كتاب الله و نفرح فيهم

يارب اللهم امين