*بيبي فيس*;12227491:تسلمين يارب
كلنا هني في الحمد :)
أنا توني في الإسبوع السابع يعني نص الشهر الثاني
ويارب مايتعبج الوحام وتقومين بالسلامة
maryoom;12227599:
الله يسمع منج يااااااارب وربي يسهل عليج الولادة ويرزقج بذرية صالحة سليمين معافين ياااارب
انزين حبيبتي هل حسيتين بتغيرات في الشهر الثاني عن الشهر الأول؟؟
وآدري تعبتج بسألتي بس تحمليني شوي :o
*بيبي فيس*;12227664:جايفتني مب ملحقة على السوالف عشان تتعبيني ههههههههههه
لا ياحبيبتي حنا هني عشان نبربر ونسمع بعضنا
أنا عن نفسي أحس الشهر الثاني أثقل من الأول
في البداية كانت أعراض عادية مثل أعراض الدورة
بس يوم دخلت الشهر الثاني بدت اللوعة والدورة والتعب وهالسوالف
maryoom;12227979:
هههههههههههههه ياقلبي أنتي
الله يخفف عليج الوحام والآم الولادة يااااااكريم
أسيرة البدر;12234945:
هلا بيبي فيس... شخبارش؟
@نوووسه@;12228824:
السلام عليكم
ابشركم موعدي كان امس الحمد لله شفت نبض البيبي
وماقدرت اقول غير سبحان الله
وقالتي انتي بالاسبوع الثامن
الله يكتب الحمل لك وحده تتمناه يااااارب
VIP Lady;12229375:
مررحبا يا حلوات
شخباركم ؟؟
مبروك لكل الي تطمن على البيبي
وعقبالنا يا رب
يااااااااي
متحمسة وفي نفس الوقت خااايفة
الله يصبرني ويبعد عني الوسواس
فراشه بين الزهور;12231410:
هلا كروشات كيفكم واخبار الوحام والنونوتكم
تذكر الحمد الله انج تطمنتي ايه عصير الليمون مره حلو
بنعش ويبرد على القلب هههههههه
انا موعدي السبت الله يطمني على النونو واجيب اخو او اخت للابني
أم أحلى بنية;12233265:
السلام عليكم كيف الحال؟؟
Bride Dreams;12234512:
ألف مبروك لكل الحوامل ربي يتمم لكم على خير
مريوم
أنا آخر دورة لي 1/5 ميلادي وتوي أمس تأكدت اني حامل
انتي بعد بالميلادي؟
طبعا لسه مافي أعراض وحم.. بس زيش أحس بآلام خفيفة أسفل البطن وزي ماقلتي تجي في الليل
هذا اللي صحاني بدري اوتعيت وفيه الم شوي.. وتعرفي لسه استوعب اني حامل وصرت افكر وطارت النومة
تذكر يوم
اسمع الزنجبيل بعد يخفف اللوعة
maryoom;12235043:
صبحكم الله بالخيييييييير
بيبي فيس آنا من الصبح على طووول هنيه لأن بالدوام
بس أيام الإجازة أتعاير أدش من الصبح ساعات
شخباااااركم عساكم بخير وعافية؟؟
أسيرة البدر;12235062:
هلا والله ..
متواجدة لكن اتنقل بين المواضيع وبين السايتات، اروح وارد
تريقت ،، اكلت خفيف، وبعد تعبت، وش اسوي
وكل خوفي ارجع في الدوام ..الله يستر
maryoom;12235111:
وفعلاً الزنجبيل يخفف اللوعة وحلاته يكون بالشتاء ويكون حااار مع حليب لذذذذذذذيذ:D
*بيبي فيس*;12235220:فيه العافية حبيبتي
حالج من حالي والله
كلت سندويشة جبن كأني ماكلة مجبوس :|
وإنتي بعد وين تشتغلين؟!