التجمع الأول لحوامل شهر يناير (1) 2011

تذكر يوم;12218043:

ليش ؟

*بيبي فيس*;12217821:

صباااااااااااااح الورد مريوم

ليش ضايعة حياج عزيزة وغالية

إذا آخر دورة كانت في 1/5 يعني إنتي في الإسبوع الرابع

ولادتج بتكون في 5/2 إن شاء الله وهذي على إفتراض إن دورتج كل 28 يوم

الوحام يبتدي من الأسابيع الأولى في الحمل قولي الإسبوع السادس تقريباً

ويستمر للشهر الثالث على الأقل ومرات للرابع والخامس وفي حوامل يلازمهم للولادة :hysterical:

كثر الحركة مب زين إذا كانت الحركة عنيفة وفيها ركوب الدري وايد خصوصاً في الشهور الأولى

أتوقع فتحي فايل يعني تروحين المركز اللي تتبعينه وتدخلين على دكتور يحولج عيادة الحوامل وهناك يفتحون لج فايل متابعة

بس في نظري لو ظروفج تسمح تابعي في الخاص وإشتري صحتج وراحتج أفضل

وشكثرهم الدكاترة اللي في الخاص وجوفي منهم اللي تناسبح وترتاحين لها

عندج الأمريكي كل دكتورة أحسن من الثانية عندج بانو وألكا وسيسيليا

عندج الدكتورة فرح في مستشفى البحرين التخصصي والدكتورة بيرلي

إبن النفيس يمدحون الدكتورة كيران وعندهم داليوال بعد

المستشفى الدولي يمدحون الدكتورة سنجواني

عيادة الدكتورة منى الشرقي في مجمع الإستقلال

الدكتورة باسمة أبو الفتح في مجمع الريم وايد يمدحونها

وفي عفاف الحمر وعفاف الشافعي وهدى الجفيري بس ماعندي فكرة عنهم

مستشفى الكندي عندهم الدكتورة منى أبو طعام والدكتورة فضيلة النجار

حتى مستشفى نور عندهم متابعة حمل وولادة وأعتقد الدكتورة عبير وعفاف الشافعي عندهم

*بيبي فيس*;12217385:

مادري تروالي تو الناس على الكرشة

يمكن كرشتج طبيعية :p

إبرة التيتانوس ليش!!

ابتسامة طفل;12217402:
خخخ يعني موب بس انا لوووول

maryoom;12227055:
حواااااااااامل سؤااااااال

آنا ألحين جربت أدش الشهر الثاني هل بيزيد الوحاااااام؟؟

كلش متخوفة من هالسااااالفة

*بيبي فيس*;12227094:

ههههههههههههه حجية الوحام شي طبيعي ومايخوف

اللي يخوف إنج تكونين حامل وماتحسين بأي شي

معناه الحمل فيه إن لاسمح الله

ومحد يعلم الغيب ممكن الوحام يخف وممكن يزيد

وبواقعية أكثر ممكن يلازمج للشهر التاسع :D

maryoom;12227162:
هههههههههههههههههههههههههههه بيبي مشكورة حبيبتي على الرد بس شسوي من كثر ماأسمع متخوفة
وغير هذا أمي تدعي لي بأني ماأصير مثل وحامها وآنا تجيني حالياً الآم بس تزيد بالليل والصبح تكون أقل بس الظهر تجي وتروح حتى العصر.. فهل هذا طبيعي يعني؟؟

*بيبي فيس*;12227195:

جوفي أبوي

آلام الظهر والبطن في بداية الحمل واردة جداً

بس جرس الإنذار يرن لو كان ألم مب طبيعي ماتتحملينه

وعادةً آلام الدورة قبل موعدها هي اللي تعلم الوحدة إنها ممكن تكون حامل

تركي عنج الوسواس وعيشي هالتجربة بمرح ووناسة بعدين بتولهين عليها :)

maryoom;12227418:
مشكوووووووووورة حبيبتي وربي يردج بالسلامة يااااااااارب

بأي شهر أنتي؟؟

ودعواتج لي بأن مايجيني وحام وااااايد :D

ريم العمر;12220008:
السلام عليكم

ياريت كل وحده تكتب لنا الوقت التقريبي الي تكون موجوده فيه على طول ادخل وما القى احد..