ღ تجهيزات حوامل مصرللمولود الجديد و النفاس ღ

بنات ادعولى انا من بعد الولادة وانا مش قادرة ادوس على رجلى وطلع عرق النسا

ادعولى انا بمشى اعرج ومش قادرة أحمل على رجلى خالص وكمان ساعات بشيل محمود علشان ميزعلش

والمفروض مشلش حاجة تقيلة خالص والمشكلة انه مالوش علاج غير المسكنات

علشان المخالفة بقه انا اديت لفله ينسون اللى هو الباكتات ده عادى ولا ايه ؟؟

اصلها مش راضية تاخد بيبى كالم خالص فادتلها يانسون وحطيت عليه زرة سكر لانها مردتش تاخده من غير سكر

انا عارفة ان كده غلط علشان متتعودش عليه بس المرة الجاية مش هحط خلاص بس يارب ترضى تاخده

الق سلامة يا سولى
بصى لو عايزة تدى لفلة حاجة فيها سكرحطلها سكر نبات احسن
الدكتورة هيا اللى كانت قايللى كدة والله اعلم
انا برضه كنت بدى لجنى اعشاب عادية اول ما اتولدت وكنت بحط عليها سكر نبات

ربنا يشفيكي يا سالي يارب وحاولي بقا متشليش محمود يعني عوديه من دلوقتي عوضيه بحاجات تانيه خديه في حضنك كده او العبي معاه زياده
تخيلي ندي لغايه دلوقتي في الشارع بتشبط فيا او باباها عشان تتشال
بس مش بنرضي ابدا هي صحيح بتعيط وتصرخ بس مش برضي
ربنا يهديهم ان شاء لله

بنات هوا ليه الجزء قلب على كابه كده و الناس تعبانه

دلوقتي بقا عاوزة اسال سوال يا حلوين النهاردة كنت عند الدكتورة و طلعت زايدة اتنين كيلو ونص
انا اتصدمت انا مش حاسة انى بزيد اساسا و كمانهدومي زي ما هي مفيش حاجة ضاقت و حسستني اني عامله كارثة

انتو بتزيدو بمعدل قد ايه

و كمان هوا الكالسيوم دكاترة مصر بيكتبوة كام مرة في اليوم

أم حموودى القمر;12262051:
الشايات بتتقفل من تحت زيها زى السالوبتات اللى بتتقفل من تحت برده

بس الشايات بتتلبس زى الروب كده يعنى مش بتحتاجى تدخلى راس البيبى فى حاجة يعنى وبالنسبة للى هتحتاجيه طبعا سالوبتات قطيفة وبطانيتين للبيت

ونصيحة بلاش موضوع البطانية فى الخروج دى اولا مش شيك خالص

ثانيا بتتفك منك وانتى شايلة البيى وتقعدى تلفى فيه

طالما هتولدى فى الشتا هاتى كاريكوت او سليب باج احسن واشيك طبعا وفى كمان كوفيرتات

تقيلة وعبارة عن جراب كده البيبى بيدخل فيها بيبقى مدفى وفى نفس الوقت شيك اوى

انا والدة حمودى فى الشتا فى شهر 11 برضه وكنت جايباله الكوفيرته اللى بقولك عليها دى

هدورلك على صورتها واوريهاك

امممممممم وهتحتاجى طبعا فانلات او شايات عموما بكم ونص

انا عن نفسى كنت بلبس واحدة نص و2 كم وعليهم السالوبيت القطيفة وتحتيه بنطلون كمان متبصيش للجو دلوقتى الجو بيبقى برد جدا

يعنى هتجيبى 6نص و12 كم و10او 12 بنطلون

وطبعا شرابات ولكاليك وايه تانى امممممم هفتكر واقولك ان شاء الله

حبيبتي طيب اجيب حاجات نبو بورن و لا لا

الكالسيوم مرة واحدة فى اليوم بس ويفضل بالليل بعد وجبة العشا

bright bride;12263359:


طيب ممكن تبعتيلى رقمه يا جميلة لو سمحتى

حاضر يا قمر هبعتهالك علي الخاص

عيون حمودي;12263514:
سؤال

يا بنات هو المفروض راس البيبي امتى ينزل الحوض ؟

بصي يا جميلة مفروض الراس تنزل تحت من التامن وممكن تتأخر شوية بس ده المفروض يعني الطبيعي وتدخل الحوض بقي في التاسع وممكن تتاخر بردو مش من اوله يعني.

miobello;12263784:
ازيك يا جميله انا ولدت اه الحمد لله وجبت رانسى

سؤال بقى بتحموا البيبى كل اد ايه

عشان احنا في الصيف خليها كل يوم او يوم ويوم حسب بقي.

donyhoney;12265096:
السلام عليكم يا بنات مصر
انا الحمدلله حامل وكنت عايزة اعرف ليستة التجهيزات بتاعة البيبي انا كنت لمحتها في مكان بس مكنتش ساعتها مهتمة اوي انقلها فياريت لو حد يقدر يساعدني ويحطهالي يبقى حزاه الله كل خير وربنا يبارك لينا ويتمم لينا كلنا يارب على خير

الف مبروووووووك يا قمر


شايات نص كم أو كت مقاس 0-3

شايات كم مقاس 0-3

بنطلونات داخلية

سالوبيتات بيت وخروج

طواقي وجوانتيات وشرابات

بافيتات

فوط قشط

كوفرتة وبطانية

سليبينج باج أو بورت

بشكير

فوط حجم وسط

مشمع غيار

ببرونة وتيتينة والسلسلة بتاعتها

قصافة او مقص للضوافر

فرشة

حلق طبي

ترمومتر

بامبرز

شامبو وشاور

لوشن

كريم زنك

وايبس

كحول طبي

قطن

كارسيت او عربية او كاريير

كيوت لولا;12272576:
حبيبتي طيب اجيب حاجات نبو بورن و لا لا

بصى عاوزة رأيى ؟؟

انا مش بفضله لانه كان عندى ومتلبسش غير مرة واحدة فقط

انا شايفة ان البيبى فى الاول كل حاجة بتكون كبيرة عليه فانتى هاتى العادى من 0-3 او من 3-6

وان شاء الله شوية كده وهيبقو مقاسهم حلو عليه وهيكفوه قدام يمكن ل 6 شهور وساعات9

كمان,,, ده رأيى

وممكن تجيبى 3 سالوبتات داخلية نيو بورن بس خدى بالك الماركة بتفرق برضه

انا كان جايلى من بره من الامارات كانو صغيرين خالص متهيالى بتوع هنا بيبى كلاب ولفلى النيو

بورن بتاعهم بيكون كبير شوية

صوت العيون;12265689:
بنات بتلبسو النونو ايه دلوقتى ان شاء الله فى الجو دا

انا بلبسها شاية كت وعليها سالوبيت نص وفي التكييف بغطيها بكوفرتة او بطانية حسب درجته

حبيبه مادو;12265895:
منورين يا حلوين اخيرا كتكتوووته ظهرتىىىىىى

هو البيبى لازم يأخد التتينه اول يوم عشان يرضى ياخدها بعد كده ولا لا

والاعشاب بتاعه البيبى بنعملها ازاى وتقعد قد ايه نستعملها وبعد كده تبقى لا؟؟

والاعشاب بتتاخد بقى بسرنجه ولا بالببرونه ؟

كووووووكي ازيك يا جميلة هانت خلاص قربتي يا بطة.

حبيبه مادو;12265992:
مممم مرسى يا مورو يا حبيتى يعنى مش بنحط الاعشاب فى الميه تغلى بنحطها على الميه السخنه فى الببرونه علطول ؟ زى الشاى الكشرى وتبوظ يعنى بعد قد ايه يعنى تفضل يوم كامل عادى مثلا؟ ولا ايه

والببرونه لازم تتعقم كل مره فى الميه المغلىه قبل كل استعمال ولاايه؟؟

هانا اوبا;12266697:
بنات ازيكم البامبرز وةالبيبى جوى والبيبيكو كلو بيسرب مع انى بغيرهم عل
ول مش عارفة ايه الحل حد عندو نوع كويس للبيبى؟؟؟؟؟؟؟؟؟؟

جربي طيب مولفيكس بس عامة يا مرمر يمكن انتي بتقعدي فترات طويلة عقبال ما تغيريله، كده لازم هايسرب في اي نوع عشان البيبي لما بيزيد بيسيح الكيكي فبيطلع بره وحتي لو بيبي بس اي نوع لو بردو حد اقصي عشان يتملي فيه وبعدين يسرب.

Bossy22;12269379:
سؤال بقى هو انتو قبل ما بتعقمو التيتينة او الببرونة بتغسلوها ببريل او صابون؟؟؟ وللا ماية مغلية بس
و الروتا و الانفلونزا البكتيرية عند سن كام انا عندى مكتوب الانفلونزا شهر و نص و الناس بتقول 3 شهور

بصي يا بوس بوس لو كنت حاطة فيها اعشاب بس بغسلها بمية كده وبعدين احطها تتغلي بقي لكن لو حاطة فيها لبن او سيريلاك حاجة تقيلة يعني يبقي اغسليها الاول بالصابون اه وبعدين تتغلي.
الروتا هو اللي من شهر ونص والانفلونزا من 3 شهور.

sally2007;12269598:
لو سمحتم يابنات ايه رايكم فى اللانشون لو اكلته وانا حامل فى مشكلة وهل حد كان بياكله وهو حامل ؟

هو مفروض من الممنوعات يا سالي هو والبرجر والبسطرمة وحاجات كتيرة بس انا كانت نفسي بتهفني عليها فبجيب بس يكون نوع مضمون واكل حاجة بسيطة بس هو غلطططط.

أم حموودى القمر;12272285:
بنات ادعولى انا من بعد الولادة وانا مش قادرة ادوس على رجلى وطلع عرق النسا

ادعولى انا بمشى اعرج ومش قادرة أحمل على رجلى خالص وكمان ساعات بشيل محمود علشان ميزعلش

والمفروض مشلش حاجة تقيلة خالص والمشكلة انه مالوش علاج غير المسكنات

علشان المخالفة بقه انا اديت لفله ينسون اللى هو الباكتات ده عادى ولا ايه ؟؟

اصلها مش راضية تاخد بيبى كالم خالص فادتلها يانسون وحطيت عليه زرة سكر لانها مردتش تاخده من غير سكر

انا عارفة ان كده غلط علشان متتعودش عليه بس المرة الجاية مش هحط خلاص بس يارب ترضى تاخده

الف سلامة عليكي يا سلسول معلش تقومي بالسلامة يارب، انتي عارفة انا رجلي بردو عايزة اروح اكشف عليها بقالي اكتر من شهرين وهي بتوجعني جدا العضلة بتشد شد فيع وبعيط واصوت منها كل لما اجي اقوم مش بقدر وحتي ارجع اقعد احاول ارفعها او اريحها او افرضها مش بقدر كله بيوجعني بس في رجل واحدة بس الكلام ده.

الينسون عادي اه بس متقلهوش اوي يعني تحطي الباكيت فترة صغنونة خالص زي الاعشاب كده بتاعة بيبي كالم عشان ميبقاش وحش وتقيل عليها.

كيوت لولا;12272551:

انتو بتزيدو بمعدل قد ايه

و كمان هوا الكالسيوم دكاترة مصر بيكتبوة كام مرة في اليوم

بتختلف جدا يا جميلة من واحدة للتانية ومن حمل للتاني كمان مش معدل خالص.

الكالسيوم مرة واحدة والحديد بردو مرة واحدة بس جايز الحالة بتفرق بردو لو واحدة عندها نقص جامد مثلا في الحديد يمكن بيزودوا الجرعة او بتاخد حقن بقي.

انا لقيت كوبيات نوبي نن سبليت بردو وشكلها حلو بس لقيت كذا نوع منها ومبقتش عارفة اختار فقلت اجلها شوية عاملة ال 240 مللي كانت ب 32 تقريبا وال 295 ب 36 بس ده كانت النيبلز بتاعتها بتتغير بس هي نيبلز مش زي بتاعة الببرونة لأ زي الكوبيات كده بتبقي فاتحة كبيرة شوية وبالعرض ومخرمة باين ودي كانت من 6m+ لكن التانية الاصغر مش مكتوب عليها سن بس الفتحة بتاعتها مش بتتغير وثابتة وطبعا ليهم غطاء عادي وايدين.


الدكتور وزن جوجو لقاها مزادتش غير 300 جرام بس في شهر و12 يوم بالحالهم فاتصدم المهم قاللي هنضطر وانا مكنتش عايز كده اننا ندخل حاجة جنب العصاير الطبيعية بقي، وكتبلها سريلاك رز او قمح سادة سواء بالمية او باللبن بتاعي وكمان زبادي دانون لايت وهيشوفها الاسبوع الجاي ان شاء الله وقاللي عايزها تزيد ربع كيلو يومها يارب.

انا لسه عايزة اجيب بقي معلقة وعلبة وكوباية وطبق انا عارفة ان فيه حاجات منهم لسه بدري شوية عليها بس يعني هجيب الاساس دلوقتي معلقة وعلبة لو فيه حاجة تانية انا نسياها فكروني بيها بليييز

أم حموودى القمر;12272209:
سويت رونا الكوفيرتة دى موجوده عادى ان شاء الله تلاقيها بسهولة انا كنت جايباها من المنصورة هى ماركتها نيللى

والبطانية اللى بتسألى عليها دى كانت جاى لحمودى هدية من الامارات وهى بسوستة وكباسين

وواحدة صاحبتى ملقتهاش راحت جايبة واحدة عادية وعملتلها سوستة وكباسين وطلعت حلوة جدا برده

ام حمودى بالنسبه لماركه نيللي دي جوزى كان ماشي كده وعجبو طقم سبوع جابو وكان ماركه نيللي ... بالنسبه للخامه حلوة ونضيفه ولا ايه ؟

كيوت لولا;12272551:
بنات هوا ليه الجزء قلب على كابه كده و الناس تعبانه

دلوقتي بقا عاوزة اسال سوال يا حلوين النهاردة كنت عند الدكتورة و طلعت زايدة اتنين كيلو ونص
انا اتصدمت انا مش حاسة انى بزيد اساسا و كمانهدومي زي ما هي مفيش حاجة ضاقت و حسستني اني عامله كارثة

انتو بتزيدو بمعدل قد ايه

و كمان هوا الكالسيوم دكاترة مصر بيكتبوة كام مرة في اليوم

بصي ياجميله مافيش مقياس معين ومش كل الشهور زي بعض يعني انا اول 3شهور مازدتش خالص وبعد كده زدت في شهر مثلا 2كيلو وشهر ممكن 3كيلو او 4 وبعد كده الشهر اللي بعده مازدتش خالص واللي بعده زدت كيلو بس مع ان دي الشهور الاخيرة اللي المفروض فيها زياده بس شوفتي ازاي مافيش حاجه ثابته خالص فامتقلقيش هو انتي ليكي رينج من 10لحد 12كيلو في الحمل كله المهم حجم البيبي ووزنه هو بس في دكاترة كتير بيدققوا على حكاية الوزن دي علشان تعرف الواحده تخس تاني بعد الولاده وتبقى سمبتيك :D بس مش عشان حاجه
والكالسيوم مرة واحده في اليوم وانا الحمد لله في اول التامن وكنت عند الدكتورة امبارح بس قالتلي اخد الحديد مرتين بدل مرة واحده وقالتلي وقفي الكالسيوم:-o في حد يابنات وقف الكالسيوم في اول التامن ؟؟ انا استغربت اوي ومش عارفه هي قالت كده على اساس ايه؟؟
ياريت لو حد حصل معاه كده يطمني ربنا يخليكوF:

بنات انا عايزة اسألكو على حاجة..بالنسبة لحركة البيبي انا ساعات بحس برعشة في بطني كده مش الحركة العادية اللي هي الخبط دي..هو ده عادي ولا ايه؟؟حاجة كمان انا جبت باكيت بيبي جوي مقاس 2 اللي هو من 3.5 و مش لاقية مقاس 1 خاااااالص هو هاينفع ولا ايه؟؟ لو مش هاينفع اجيب مقاس 1 منين؟؟

أم حموودى القمر;12272285:
بنات ادعولى انا من بعد الولادة وانا مش قادرة ادوس على رجلى وطلع عرق النسا

ادعولى انا بمشى اعرج ومش قادرة أحمل على رجلى خالص وكمان ساعات بشيل محمود علشان ميزعلش

والمفروض مشلش حاجة تقيلة خالص والمشكلة انه مالوش علاج غير المسكنات

علشان المخالفة بقه انا اديت لفله ينسون اللى هو الباكتات ده عادى ولا ايه ؟؟

اصلها مش راضية تاخد بيبى كالم خالص فادتلها يانسون وحطيت عليه زرة سكر لانها مردتش تاخده من غير سكر

انا عارفة ان كده غلط علشان متتعودش عليه بس المرة الجاية مش هحط خلاص بس يارب ترضى تاخده

الف سلامة عليكى ياقمر ربنا يارب يحوش عنك يارب ويشفيكى
هو انتى ياقمرية اسمك سالى على اسمى ايه الصدف الحلوة دى

كيوت لولا;12272551:
بنات هوا ليه الجزء قلب على كابه كده و الناس تعبانه

دلوقتي بقا عاوزة اسال سوال يا حلوين النهاردة كنت عند الدكتورة و طلعت زايدة اتنين كيلو ونص
انا اتصدمت انا مش حاسة انى بزيد اساسا و كمانهدومي زي ما هي مفيش حاجة ضاقت و حسستني اني عامله كارثة

انتو بتزيدو بمعدل قد ايه

و كمان هوا الكالسيوم دكاترة مصر بيكتبوة كام مرة في اليوم

انا اتوزنت من شهر فات كنت 48كيلو واتوزنت الشهر ده بقيت 50كيلو يعنى زدت 2 كيلو بس ياقمر فااعتقدت عادى

كيوت لولا;12272576:
حبيبتي طيب اجيب حاجات نبو بورن و لا لا

انا جبت 2 نيوبورن بس عشان الامهات الحلوين هنا قالوا مش بتلحق تتلبس فاانا جبتهم عشان اول مايتولد وعلى فكرة فى نيوبورن صغير جدا وفى عادى انا شفت الصغير قوى والعادى جبت العادى لان الصغيرة دى اعتقد مكنتشى هتكمل اسبوعين لو كنت جبتهافاانتى لو هتجيبى متكتؤيش عن 2

يابنااات ايه هو نيو بورن دى

في حجات كتير محتاجه اعرفها وماركات واشكال واحلى حاجه للبيبي وهكذا

انا روحت انا وجوزى نجيب فانلات داخليه وكانت في واحده بتجيب حجات للبيبي جنب منا بقينا كل شويه نبص عللى جايباه ونسألها هى دى ايه ؟ :(

ف فيدونى بأكبر معلومات حتى لو ف سياق المعلومة بس :(

hoba555;12271884:
لولا روحي للدكتورهبتاعتك بخصوص المغص ده
اصل انا الموال د كان عندي في التامن
قالتلي متجهديش نفسك وبلاش علاقه كمان زائد شغل البيت علي خفيف ومشيلش تقيل ولا حاجه
ارتاحي علي ادما تقدري وادتيني برشام بيعمل ارتخاء في عضلات الرحم شويه
بالنسبه للاكتئاب عادي بس حاولي تطلعي نفسك من المود واعرفي ان انتي احسن من غيرك بكتير
انا برده عندي وربنا العالم بحالي الحمد لله علي كل حال
الشغل بقا لوحاسه فعلا انه عاملك تعب خلاص متجهديش نفسك وصحتك بالدنيا انتي والبيبي
اه صحيح وموضوع البطن ده عادي علي فكره
وكل لما الميه بتكون كتير بتزيد من حجم البطن
متقلقيش


رونا انتي تقصدي السليب باج اه دي موجوده هنا يا قمر

لا مش سليب باج دي بطانيه بس بتبقي شبه الروب كده كنت جيباها لبنت اخويا بس من بره

أم حموودى القمر;12272285:
بنات ادعولى انا من بعد الولادة وانا مش قادرة ادوس على رجلى وطلع عرق النسا

ادعولى انا بمشى اعرج ومش قادرة أحمل على رجلى خالص وكمان ساعات بشيل محمود علشان ميزعلش

والمفروض مشلش حاجة تقيلة خالص والمشكلة انه مالوش علاج غير المسكنات

علشان المخالفة بقه انا اديت لفله ينسون اللى هو الباكتات ده عادى ولا ايه ؟؟

اصلها مش راضية تاخد بيبى كالم خالص فادتلها يانسون وحطيت عليه زرة سكر لانها مردتش تاخده من غير سكر

انا عارفة ان كده غلط علشان متتعودش عليه بس المرة الجاية مش هحط خلاص بس يارب ترضى تاخده

الف سلامه عليكي يا جميل
بقولك معلش هى الكوفرته دي تغنر عن الكاريكوت اصلي بصراحه مش بحبه و حاسه البيبي بيكون مخنوق جواه

M!ss Tuky;12275039:
يابنااات ايه هو نيو بورن دى

في حجات كتير محتاجه اعرفها وماركات واشكال واحلى حاجه للبيبي وهكذا

انا روحت انا وجوزى نجيب فانلات داخليه وكانت في واحده بتجيب حجات للبيبي جنب منا بقينا كل شويه نبص عللى جايباه ونسألها هى دى ايه ؟ :(

ف فيدونى بأكبر معلومات حتى لو ف سياق المعلومة بس :(

النيوبورن ده اصغر مقاس في لبس الاطفال بيبقي اصغر من مقاس 0-3 بس كل بيقول انه مش بيلبس الا اسبوعين او شهر بالكتير اوى
بصي انا هقولك اللي فهمته من البنات هنا و هما يكملولك الباقي
الماركات عندك لفلي و بيبي كلب حلوين اوى بس غالين و فيه كمان الصياد حلوة و اسعارها معقوله و فيه كمان جونيور شغاله برده
الحاجه بقي اللي بتجبيها
شايات كت او نص او كم حسب المعاد اللي هتولدي فيه
فوط قشط
بفتات
بناطيل بيضاء تحت السلوبيتات لو هتولدي في الشتا
شرابات و طواقي و جونتيات
بطانيه او كفرته حسب برده انتى هتولدي امتى
ببرونه 125 مللي
دي تقريبا الحاجات الاساسيه

سويتي رونا ميرسي لردك اوىىىىىىىىىىىىى

يعني حجات بيبي جونيور حلوة

في ماركه شفتها اسمها ليدر بيبي مش عارفه هى حلوة ولا لا بردو

M!ss Tuky;12275413:
سويتي رونا ميرسي لردك اوىىىىىىىىىىىىى

يعني حجات بيبي جونيور حلوة

في ماركه شفتها اسمها ليدر بيبي مش عارفه هى حلوة ولا لا بردو

انا كل حاجات البيبى ماركة جونيور لانى بجيب من بيبى شوب وكل حاجتة جونيور سواء جزم بفتات شربات كله كله وجوزى كان بيجيب لولاد اخواتة وابن اختى منها واستخدموها وبيقلوله حلوة قووووووووى

بسبوسةميدو;12272940:
بصي ياجميله مافيش مقياس معين ومش كل الشهور زي بعض يعني انا اول 3شهور مازدتش خالص وبعد كده زدت في شهر مثلا 2كيلو وشهر ممكن 3كيلو او 4 وبعد كده الشهر اللي بعده مازدتش خالص واللي بعده زدت كيلو بس مع ان دي الشهور الاخيرة اللي المفروض فيها زياده بس شوفتي ازاي مافيش حاجه ثابته خالص فامتقلقيش هو انتي ليكي رينج من 10لحد 12كيلو في الحمل كله المهم حجم البيبي ووزنه هو بس في دكاترة كتير بيدققوا على حكاية الوزن دي علشان تعرف الواحده تخس تاني بعد الولاده وتبقى سمبتيك :D بس مش عشان حاجه
والكالسيوم مرة واحده في اليوم وانا الحمد لله في اول التامن وكنت عند الدكتورة امبارح بس قالتلي اخد الحديد مرتين بدل مرة واحده وقالتلي وقفي الكالسيوم:-o في حد يابنات وقف الكالسيوم في اول التامن ؟؟ انا استغربت اوي ومش عارفه هي قالت كده على اساس ايه؟؟
ياريت لو حد حصل معاه كده يطمني ربنا يخليكوF:

ربنا يخليكو يا قمرات خلتوني اطمن شوية دا انا مكتئبة من ساعتها:(