ღ تجهيزات حوامل مصرللمولود الجديد و النفاس ღ

m@hy;12225340:
ههههههههه لايا انوسة مش معلقة واحدة بس سيريلاك متحضر
لا انا بعمل انى بحضرلة معلقة سيريلاك عليها 5 معالق مية مغلية

ههههههه بس هبتدى ازود انتى طمنتينى
و عشان خاطرك خليهم باسكوتين:D

طيب سؤال بئة اكلة الوجبة دى وبعدها بئد اية افكر اديلة اكل تانى؟؟؟؟

اه بحسب مانا بقول انتى هتحنسى الولد وله ايه ايه معلقه ديه هههههههههههههههه
انا كنت بدى نانو وجبه الصبح ووجبه قبل ماتنام بليل وطول اليوم رضاعه
والهدف من بتاعت بليل انه يشبع كويس عشان ينام فتره طويله شويه
وربنا يخلهولك يارب

مقولتليش المعلقه اللى ببرونه بكام

فاتى شكلك كدا هتولدى قيصرى انا نانو كانت كدا لاخر يوم الحركه كانت عاديه ومقلتش لانها مدخلتش الحوض وعموما ماتقلقيش اللى نصيبك فيه هتلاقيه ربنا يقومك بالسلامه خلاص هانت
اما البيبى جوى انا مجربه بس المقاس الاكبير مش النيوبون فمعرفش نظامه ايه
انا كنت بستخدم فايينى وكان حلو بصرحه كنت جيبه مقاس 2 وكان ال 44 واحده ب 33
اما التسرب على فكره اول شهر بيكون كتير جدا لان البيبى بيعمل كيكي سايل ولو الحفاضه مليانه اكيد هتسرب حتى لو ملبساه ايه فمتقلقيش من انه عيب حفاضه مدام المقاس مظبوط
ولو قلقانه من بيبى جوى اركنيه وجربى فايينى لو مش عوزه بامبرز ( انا شخصيا بقرف منه مش عارفه ليه بجيبه بس فالزنقه ) وممكن تخلى البيبى جوى بعد كدا كدا كدا هتستخدميه لانه لحد 7ك متقلقيش

توتى حاولت اقيمك عالتوضيح الجامد بتاع الصور بس انا للاسف مش عندى فوتو شوب :D
00000000000000000000000

ياريت يا جماعه لما تفتكرونى تدعولى لان المراره تعبانى وشكلى كدا هدور على جراح خلاص مش قادره استحمل اكتر من كدا الحمد لله دعواتكم F:

سلامتك يا انوسة
ان شاء الله تبقى كويسة

دى صورة الكباية


و الببرونة كانت تقريبا ب 11 حاجة كدا
و هنزل الصورة برضة

miko85;12222333:
ازيكم يابنات
العيال حرانين اووي وانا مالبساهم بجامات قطن بكم بس بشمره بيقي نصف
فاقلعتهم البجامات وماليساهم فانله فقط وبمبرز بس
كده غلط ولا ايه

بصى ياميكو بلاش تقعديهم بالبمبرز دلوقتى لان ولادك لسه صغيرين قوى وخصوصا انك هتيجى على بليل وهتلبسيهم بنطلون
فاانتى لبسيهم حاجة كت على الاقل وشورت يكونوا خفاف على مايشدوا حالهم شوية لان لقدر الله المناعه بتاعتهم لسه ضعيفه وسهل ياخدوا برد بسرعة فلبسهيم اى حاجة بس تكون خفيفة

جوجو لاقت كل اصحابها هنا فى المنتدى منزل صورة كوبايته فقالتى يا ماما نزلى كوبايتى انا كمان

:lol::lol::lol::lol::lol:












معلش يا جماعة التصوير وحش وغلس وكنت لسة صاحية من النوم وبصور وانا مخنوقة معرفش ليه... مكنتش اصور احسن .. مش كدة؟!!!:worn_out::worn_out:

دى بقى يا بنات كوباية جوجو ديزنى من كارفور والمفروض انها نن اسبيل(مكسلة اكتبها بالانجليزى) والسعر مكنتش اكتر من 20 جنيه بس مش فاكرة السعر بالظبط
بس خلاااااااااااااص


انوس صحيح
الف سلامة عليكى يا قمر
وكنتى بتسالى عن سعر الهوك عند الست بتاعة الحاجات
هيا من زمان تقريبا كانت بتقول انها بعته ب 100
يعنى خلاص اتباع اصلا
بس بيجيلها تانى وعلى طول عندها حاجات حلوة

دى صور الببرونة ام معلقة و علبة حفظ اللبن

ماشا الله ياماهى الكوباية والببرونة حلوين اوى مبروكين على حمودى ياحبيبتى

ندى كوباية جوجو عسل برضه تتهنى بيها يارب

سؤال بقه حد ادنى لولاده اعشاب اللى هى بيبى كالم دى ؟؟

انا جبتها لفلة وادتهالها مرة مع ان الدكتور قال بلاش حاجة تانية غير لبن الام بس صحابى قالولى الاعشاب بتهدى

المغص شوية فقلت اجرب

فاللى جربوها حلوة ولا ايه النظام ؟؟

يعنى بتهدى المغص فعلا ولا مبتعملش حاجة ؟؟

أم حموودى القمر;12228200:
ماشا الله ياماهى الكوباية والببرونة حلوين اوى مبروكين على حمودى ياحبيبتى

ندى كوباية جوجو عسل برضه تتهنى بيها يارب

سؤال بقه حد ادنى لولاده اعشاب اللى هى بيبى كالم دى ؟؟

انا جبتها لفلة وادتهالها مرة مع ان الدكتور قال بلاش حاجة تانية غير لبن الام بس صحابى قالولى الاعشاب بتهدى

المغص شوية فقلت اجرب

فاللى جربوها حلوة ولا ايه النظام ؟؟

يعنى بتهدى المغص فعلا ولا مبتعملش حاجة ؟؟

جزاكى الله خيرا يا سالى
انتى اكيد وديتى فلة لمحمد خشبة مش كدة؟؟؟
انا كنت بدى لجنى بيبى درينك كان حلو اوى بصراحة ولما بيكون عندها مغص جامد بديها سبازموتيل (محمد رضا بسيونى هوا اللى قاللى عليه)
محمد خشبة مبيديش لا ادوية ولا اعشاب ولا ماية ولا الهوا نفسه قبل 6 شهوووووووووووور8o|

بنات عايزة اسألكو مامتي عايزة تجيبلي غسالة الاطفال اللي بتكون صغيرة دي عشان اقدر اغسل فيها اي غيار للبيبي على طول غير الفل اتوماتيك لازم يتكون فم غسيل عشان اقدر اسغل كله مع بعضه السؤال بقى هل الغسالة دي عملية فعلا و بتفيد لحد أد إيه من عمر البيبي ان شاء الله

دندونه الغسالة بتاعت البيبي بنات خالي جايبينها وبيقولوا عليها عملي اوي بس انا مش بحبها عشان مره اتكهربت منها ..بس عموما هي هتنفعك حتى لما البيبي يكبر هتغسلي طرحك او ملابس داخليه او شوية هدوم مش مستاهلين تشغلي عليهم الاوتوماتيك

طيب كمان عايزة اعرف هوا العربية بتاعة البيبي بينفع يتحط فيها و هوا عمره أد إيه عشان لو كده بفكر أأجلها شوية بعد الولادة ان شاء الله

و السليبينج باج اتوقع انه مهم لأنه بيخلي الام او الاب يشيلوا البيبي و هما صغيرين صح

Bossy22;12222439:
ميكووو ازيك وحشانى اووووى انتى متلبسيهمش بكم خلاص حرام الجو حرر انا بفكر البسها فانيللة بنص كم بس و خلاص على كده بس خايفة و مش عارفة هل عياطها و الزن ده حرانة انا بلبسها فانيللة و سلوبيت نص كم
يا بنات انتو هتدو ولادكو تطعيمات ايه خارجيه عند شهر و نص هو فى الروتا و الانفلونزا البكتيرية بس انا خايفة من الروتا بيقولو بيجيب نزلات معوية انا مش عارفة و البنت قربت على شهر و نص ياريت تفيدونى هتعملو ايه ؟؟؟؟

ازيك يابوسي وحشتيني اووي فين ايام الحمل والشات....مش عارفه انا مادتهم التطعيم بتاع الشهر والنصف

sweetyronaaa;12222505:
ميرسي اوى يا لولا تعبتك معايا معلش
بس يعني انتى تقصدي ازود الشايات عن 6 اجيب 8 مثلا و لا ايه
و كمان هو البيبي اول ما بيتولد بينام في سريره و لا ايه
الكار سيت بجد هتنفعك اوى لو خارجه رايحه عند حد او رايحه تقعدي في اى مكان



ازيك يا ميكو الف الف مبروك يا حببتي
معتقدش انه غلط بس لو حرانين اوى كده حاولى تلبسيهم نص كم و قعديهم في تكيف

الله يبارك فيكي يارونا مبرووك الحمل....انا هحاول البسهم نصف كم علي الفانله احنا اصلا بنلبس كده

N0rma;12222369:
ميكو سؤال يطرح نفسه

عرفتى منين انهم حرانين؟

ههههه عسل يانورما معرفش حسيت انهم حرانين هههههه
سوال الكوبايه نجبها امتي وهي بتاعه مياه ولا عصير

lifedrop;12228331:
جزاكى الله خيرا يا سالى
انتى اكيد وديتى فلة لمحمد خشبة مش كدة؟؟؟
انا كنت بدى لجنى بيبى درينك كان حلو اوى بصراحة ولما بيكون عندها مغص جامد بديها سبازموتيل (محمد رضا بسيونى هوا اللى قاللى عليه)
محمد خشبة مبيديش لا ادوية ولا اعشاب ولا ماية ولا الهوا نفسه قبل 6 شهوووووووووووور8o|

لا يا ندى ودتها للدكتور بتاعك محمد رضا بسيونى

اخت جوزى دكتورة وهى قالتلى عليها وشكرت فيه جدا وانتى كمان شكرتى فيه فودتهاله

وفعلا كتبلى سبازموتال برضه وهو قال بلاش اعشاب

dandona we bas;12228470:
طيب كمان عايزة اعرف هوا العربية بتاعة البيبي بينفع يتحط فيها و هوا عمره أد إيه عشان لو كده بفكر أأجلها شوية بعد الولادة ان شاء الله

و السليبينج باج اتوقع انه مهم لأنه بيخلي الام او الاب يشيلوا البيبي و هما صغيرين صح

اه العربية مهمة اوى من اول شهر ممكن تقعدى فيها البيبى لو فيها امكانية انها تتعمل سرير

انا قعدت محمود فيها وهو عنده ايام وبرده فلة قعدت فيها من يومين وانا بغسل المواعين هههههه

الجو حر جدا سبحان الله
عن نفسى بلبس بنوتى فنله قط وعليه سالوبيت نص كم او بيجامه نص كم الحمد لله
هى السخنيه بتاعه التطعيم بتقعد اد ايه ان شاء الله

صوت العيون;12229065:
الجو حر جدا سبحان الله
عن نفسى بلبس بنوتى فنله قط وعليه سالوبيت نص كم او بيجامه نص كم الحمد لله
هى السخنيه بتاعه التطعيم بتقعد اد ايه ان شاء الله

اه يا مورو فعلا ده حتى الهوا سخن

انا بقه ملبسه فلة سالوبت داخلى نص كم وعليه سالوبت زيه نص كم برضه بس ملون

وخفيف وكت من تحت طبعا والسيقان باينة وحاجة عااااار :lol::lol: وبس

وبالليل بلبسها بنطلون كويس كده ولا ايه هى عندها اسبوعين بس وعلى طول بحس ان

جسمها سخن كده قلت اكيد حرانة

dandona we bas;12228367:
بنات عايزة اسألكو مامتي عايزة تجيبلي غسالة الاطفال اللي بتكون صغيرة دي عشان اقدر اغسل فيها اي غيار للبيبي على طول غير الفل اتوماتيك لازم يتكون فم غسيل عشان اقدر اسغل كله مع بعضه السؤال بقى هل الغسالة دي عملية فعلا و بتفيد لحد أد إيه من عمر البيبي ان شاء الله

دندن اختى اشترت الغسالة دى لابنها من اول مااتولد وبتسخدمها لحد الان هو عنده سنتين وهى كامن اوقات بتغسل لبس ليها ولجوزها فيها فهى حلوة قوى على فكرة

اه يا جميله الحمد لله
الغساله ما شاء الله عمليه جدا
لان الواحد مش هيستنى دورات الغساله العاديه عاوز انجاز لان الهدوم ببتوسخ بسرعه الحمد لله
وفى منها انواع بتاعتى نور الحمد لله

دا قريته بس مقتنعتش الا بنسبه 30 فى الميه لبعض الكلام بتاع اقل من 4 شهور مثلا والله اعلم

ينصح د. ساري دعاس استشاري امراض الاطفال وحديثي الولادة بمستشفى الحمادي بالرياض باستعمال العسل للاطفال الذين تقل اعمارهم عن السنة، لأن القيمة الغذائية له لا تتعدى المواد الموجودة فيه فقط.
ويذكر د. عباس ايضاً ان الآثار السلبية تتلخص في ان العسل قد يزيد المغص والغازات تحت عمر «4 شهور»، والاكثار منه يسبب اسهالاً، كما ان بعض الاطفال الرضع يتعودون على طعمه الحلو ويرفضون ما عداه، ومن ضمن المرفوضات الحليب وحتى حليب الام، لأن طعمه غير حلو، وقد يصل الامر بالطفل الرضيع كما يقول د. دعاس الى رفض الرضاعة مالم تتضمن ذلك الطعم الحالي، وهذا يسبب مشكلة صعبة الحل للاهل احياناً..اضافة الى ان الاستمرار بإعطاء العسل للرضع الاكبر سناً قد يؤدي الى بداية تسوس اسنانهم الفتية.
وقد ذكرت بعض الدراسات ان العسل وبحسب طريقة تصنيعه في جوف النحلة وخروجه منها فإنه يحتوي على نديرات «Spores» الكزاز، ولكن رغم ذلك فانه لم يثبت حصول الاصابة بالكزاز لدى الرضع الذين يتناولون مقادير من العسل عن هذا الطريق.
ويقول د. ساري دعاس ايضاً: بعد استعراضنا لكل هذه المآخذ على العسل، وضآلة فائدته الغذائية للرضع، لا نستطيع القول بضرر العسل الاكيد، ولكننا لا ننصح به تحت عمر السنة.


منقول</B></I>

مبروك على الجزء التانى يا بنات
لو سمحتم حد يعرف منين اشترى لبس حمل من الاسكندرية بأ سعار مهاودة مش غالية

سلام عليكم ازيكم يا بنات اخباركم ايه وحشتونى كلكم اوى اوى وحشنى الرغى معاكم اوى انا الحمد لله ولدت من 20 يوم وجبت جنه هى بتسلم عليكم كلكم عندى بقى سوال انا بستخدم بيبى جوى بتاع حديثى الولاده وهو الحمدلله حلو معاها ومش بيسرب خالص جربت بامبرز سرب جامد اوى المشكله ان هى حصل لها تسلخات فى منطقه المقعده وحمرا يا حبيبتى خالص انا بستخدم زنك اوليف وكنت بحطلها على طول بس قدام بس مكنتش عارفه ان المفروض احط ورا كمان دلوقتى بقى جبنت ريفى تو بس لسه حمرا حد يقولى اجيب ايه يكون كويس ويعالج التسلخات دى كمان بيجلها مغص والدكتور كتبلها اكوا فيرا وكمان سبازمزتال عند اللزوم وقاللى اديها بييبى فيت دى عباره عن فيتامينات عشان هى عندها صفرها ربنا يشفيها يارب لما افضى بقى هدخل احكيلكم قصه الولاده