ღ تجهيزات حوامل مصرللمولود الجديد و النفاس ღ

ميرسي لكل اللى سئل عليا و الحمد لله الحمد لله ان يومها دودو مكنش معانا و سبتة صدفة والله
قدر الله وماشاء فعل

كفر الببرونة اللى ب 27 دا كبير ولا صغير

كان بالصيديلية يا ماهى وكبير للبرونة الكبيرة

وفى واحد كدة عامل زى علبة عريض شوية بس مركزتش بسعرة اوى

ايه رأيكم فى الترمومتر بتاع الحراره اللى بيقيس من الودن ؟؟؟
عشان قلت لماماتى تجبهولى

miko85;12158708:
مبروك عليكي ادهومه ولو ان الاسم هاينتشر هههههه هاتدلعيه ايه باه
انا رايين كفايه كدااا لانك هاتبلسيهم تلات شهور وهابخش الشتاء
نيوبورن كفايه واحده لان البيهات بيكبروا بسرعه
السلوبتات ال هما 4 دول خروح ولا بيت

الله يبارك فيكى ويباركلك فى ولادك يارب هو بقوله يادومة وياديمو بنوع يعنى انا وجوزى هههههههه

السلوبتات انا صورتهم وهورهملك وتقوليلى خروج ولا بيت ماشى بس بتهايلى خروج انما البيجامات هى اللى بيت

du;12164481:
ايه رأيكم فى الترمومتر بتاع الحراره اللى بيقيس من الودن ؟؟؟
عشان قلت لماماتى تجبهولى

حلو اووي وسريع جدااااا في اقل من ثواني

sally2007;12164774:
الله يبارك فيكى ويباركلك فى ولادك يارب هو بقوله يادومة وياديمو بنوع يعنى انا وجوزى هههههههه

السلوبتات انا صورتهم وهورهملك وتقوليلى خروج ولا بيت ماشى بس بتهايلى خروج انما البيجامات هى اللى بيت

اوك مااشي هاستني اما اشوفهم

ميكو دى صور السلوبتات والبيجامات هما البيجامات اصغر من كده بس الصورة معرفشى مطلعهم كبار ليه البيجامات مقاسهم من 0-6 هما اتنين بس اللى من 0-6
والسلوبتات الاصفر والاورانج واللبنىوالابيض اللى جمبه قطع ده برضه من 0-3
والابيض فى ازرق والبيجامة اللبنى فى ابيض نيوبورن













السلوبت ده الواحيد اللى شتوى عامل زى البطانية كده فى خامته
ده من 3-6



البيجامات







قولولى رايكم بجد من غير مجاملة وكمان السلوبتات خروج ولا بيت؟

بيبو ورورو وهوبا والله انتو وحشنى اكتر اخباركم ايه يا قمرات :L::L::L::L::L::L:

ننتقل الى سؤال د بوسى المستغله:D
حمدلله على سلامتك يا قمر اولا. ثانيا ال بيبى درنك وبيبى كالم حاجه واحده يا بوسى تقريبا بيستخدموا كطارد للغازات للبيبهات ويقللوا مغص الامعاء . هما بيفرقوا بس فى شركه الادويه والمكونات بس الفايده واحده فالاخر.
يعنى البيبى كالم : اساسه كراويه اضافه لعرقسوس وينسون وشمر
البيبى درنك: اساسه بابونج اضافه لعرقسوس وزعتر ونعناع وينسون
فعشان كده تلاقى البيبهات بيبحبوه ويتقبلوه اكتر لان مكوناته مسكره عن البيبى كالم

miko85;12161124:
ياعيال روحت توحيدج ونور مالقتش فوط القشط
لقيت فوط تواليد 4 كداا مع بعض جبتهم ينفعوا ولا لا

بصي يا ميكو انا رحت كارفور وجبت من هناك 6 فوط صغيرين كده والوانهم حلوه ملفوفين مع بعض كانو ب 15 جنيه جبتهم وخلاص يسندو مع الاتنين اللي عنديعشان اللي في التوحيد كلهم شكل بعض

ماهى حمد لله على سلامتك ياقمر والحمد لله ان دودو مكنش معاكى فعلا.. ربنا يحفظهولك.





سالى السالوبيتات والبيجامات جميله ماشاء الله ربنا يجيبوه بالسلامه ويتهنى بيهم يارب.
هما فعلا البيجامات واضحيين انهم بيتى . اما السالوبيتات اشطه خروج ان شاء الله

مريوم التيكر بتاعك كاتب لسه يوم واحد :-o .. طب ايه؟ ايييييييييه يامعلم؟ مفيش حاجه كده ولا كده ان شاء الله:D

ربنا يقومك بالسلامه باذن اللهF:

Celeen;12166058:
مريوم التيكر بتاعك كاتب لسه يوم واحد :-o .. طب ايه؟ ايييييييييه يامعلم؟ مفيش حاجه كده ولا كده ان شاء الله:D

ربنا يقومك بالسلامه باذن اللهF:

لأ ماهو مش انا اللي هولد بكره دي اختي التوأم هههههه
انا ان شاء الله هروح المستشفى بكره بالليل اصل عنق الرحم عندي مقفول وهولد بطلق صناعي وخاااااااااايفه
بس هعمل استخاره كده على الأبيديورال اخدها ولا لأ عشان مقلقه منها اوي وربنا يسهل
هقولكو بكره وانا نازله عشان تدعولي بأه وربنا يقومنا بالسلامه
انا جبت اولويز الترا الليليه عشان النفاس تنفع ولا ايه؟

marioum27;12166166:
لأ ماهو مش انا اللي هولد بكره دي اختي التوأم هههههه
انا ان شاء الله هروح المستشفى بكره بالليل اصل عنق الرحم عندي مقفول وهولد بطلق صناعي وخاااااااااايفه
بس هعمل استخاره كده على الأبيديورال اخدها ولا لأ عشان مقلقه منها اوي وربنا يسهل
هقولكو بكره وانا نازله عشان تدعولي بأه وربنا يقومنا بالسلامه
انا جبت اولويز الترا الليليه عشان النفاس تنفع ولا ايه؟

مريوم ايون قولتيلى اختك التوءم وانا بقول انتى بتعملى معانا ايه النهارده :lol:
ماتخفيش يا قمر ان شاء الله خير وتكون ولاده سهله وبعديين كل اللى ولدوا قبلك دول وعدت الحمد لله كانوا اجمد منك مثلا..... كلا البته انتى اسد ... اسد يا كبير ولا تفرق معانا الحاجات دى:struggle::struggle:
بس استخيرى ربنا يا مريوم بدال هاتخدى طلق صناعى يبقى رى بجد تخدى ابيديورال . انا عن نفسى هابقى اخدها ان شاء الله.
حكايه اولويز دى بقا باذن الله تنفع معاكى احنا بنقول نجيب لوتس استحياطى لاسوأ الظروف ان كميه الدم هاتبقى كبيره جدا. فاتوكلى على الله خلاص بدال جبتى اولويز زنقت معاكى اوى ولقيتى الدم كتير ابقى ابعتى حد يشوفلك لوتس او اولويز للنفاس من صيدليه كبيره وان شاء الله هيلاقى.
ربنا معاكى يارب وتجيبى بيبى زى القمر باذن اللهF:

ماهى حمدالله على سلامتكم يا جميل قدر الله وما شاء فعل
الحمد لله انكم خرجتوا منها بالسلامة
كافر البيبرونة موجود فى كل المحلات اللى بتبيع حاجات البيبيهات .. بس خلى بالك من المقاس
انا جبت واحدبـ15 ونص وطلع طويل على البيبرونة الصغيرة وضيق على الكبيرة

كيوت لولا;12160649:
بنات هوا الحاجات النيو بورن دي ضروري


و كمان هوا في فرق كبير بين مقاس 0-3 و 3-6

لا النيوبورن مش ضرورى
بصى المقاسات بتفرق قووووووى
انا كنت جايبة حاجات نيوبورن لبنتى فى حاجات مالبستهالش خالص عشان كانت صغيرة قوى وقصيرة قوى وحاجات تانية لبستها لمدة شهر ..
والطبيعى فى المقاسات ان بيبقى فى فرق كبير بين 0-3 و 3-6 .. بنتى لغاية دلوقتى بتلبس 0-3 والحاجات بتاعت 3-6 كبيرة جداااا ولانى كنت جايباها شتوى فخلاص بقى ياهديهم هدايا يا هشيلهم للمستقبل ..
بس بتفرق من ماركة للتانية .. يعنى فى ماركات الـ4-6 اللى عندهم قد 0-3 فى ماركات تانية .. فانتى حاولى بقى تاخدى بالك وانتى بتشترى ولاحظى المقاسات بعنيكى

dandona we bas;12161019:
انا اغلب حاجاتي اللي جبتها من 0- 3 و النيو بورن جبت شايات بس اربعة اجيب ايه تاني نيو بورن يا قمرات
بقولكو كمان ايه انواع العربيات النضيفة في مصر و الكراجو الأصلي و التقليد بكام يا حلوين لأن سعرها هنا مش طبيعييييييييييييييي غالية اوي اوي اوي

قولولي كمان اوصي ايه اجيبه من مصر حاجات تكون لقط و سعرها حلو و تنفعني

انا شوفى العربية والكارسيت الجراكو هنا فى مصر بـ2500
التقليد بقى عندك من اول 180 للعربية وطالع

miko85;12161053:
هي منتجات جونسون ال هنا في مصر صناعتها ايه مختلفه عن بره في ايه

صناعتها مصررررررررررى

miko85;12161124:
ياعيال روحت توحيدج ونور مالقتش فوط القشط
لقيت فوط تواليد 4 كداا مع بعض جبتهم ينفعوا ولا لا

ماتقوليلوش فوط كشط قوليلوا فوط بيبى او شاوريله عليها لو متعلقة عشان مش بيبقوا عارفين حاجة
واللى انتى جبتيهم لو شايفة انهم ينفعوا استعمليها حتى لو فى البيت وخلاص

سارة العروسة القديمة;12161656:
مبارك عليكم

ربنا تكمل فرحتكم

وعقبال كل الى نفسهم وانا معاهم يا رب

ازيك يا سارة وحشتينى عقبال ماتحصلينا يا قمر

Miss FaTi;12161726:



فين يا جميلة هايبر دة ان شاء الله

لان سالت هنا على الكريم بالصيدلية لقيتة ب 31 ونص فعلا الصيدلية حرامية جداااا




تسلم ايديك على المعلومات الحلوة بس كان عندى استفسار

القطرة دى من نفسنا بنجيبها ولا بيكتبو عليها بالمستشفى؟؟

وموضوع الدهان بالزينك

كان فى بنات بقولو ان لو دهنا عمال على بطال بدون مايكون فى التهابات اصلا هو دة بيسبب تسلخات والتهابات
خاصة الكريمات بتاعت الزينك

ياترى اية رايكم


شوفو بقى انا خلاص عارفة ان مش بدخلكم غير مابكون موروطة على الاخر

انا دلوقتى اخر التاسع بتاعى يوم 5-6

ولحد اخر مرة رحت للدكتورة فيها كان بردو البيبى مش مقلوب وحاطط لى رجلية تحت

وهيا بتقولى اصبرى عادى لاخر لحظة ممكن يقلب

ومش تجيلى تانى الا لو خلص التاسع او جالك الم الولادة ايهما اقرب

انا قلقانة خالص

كمان الفترة دى بالذات زادت عندى الستريتش ماركس بشكل غبى عند افخادى من فوق وتحت صرتى

مكنتش كدة خالص فجاة انتشرت

وقريت ان الى بيروح هو لون الكلف لكن الخطوط دى مش بتروح لانة بيكون تمزق فى الانسجة من جوة وبالعمق واى مستحضرات ماهى الا بتوحد لون الخطوط برة بالجسم وخلاص لكن مش بتعالج التمزق الداخلىودة بيكون نتيجى تقل الوزن الزيادة للبيبى


ياريت الى ولدو وكانو بيعانو منها يقولولى عملو اية

وبعدين بنات انا عندى هاجس ان يجيلى الطلق واحس انة وجع عادى

بس الى حواليا بيقولو انة مش هتستحملية وهتعرفى

وانا بيجيلى ساعات وجع من تحت زى كانة مغص البريود بس شوية وبيروح

مامتى بتقولى دى تفاتيح ولادة!!!!

غير انى عملت سويت بعيد عنكم وجسمى كلة مش قادرة منة بقى وبعدين بيطلع حبوب حتى فى الاماكن الى مش عملت فيها مش عارفة دة لية الحبوب دة صغنونة ولها راس بيضا

معلش دوشتكم بس بحاول افتكر كل الى عايزة اقولة لان مش هعرف ادخل كتير

بالنسبة للمشتريات

انا جيبت علبة بيبى جوى بس مقاس 2 الى من 3 ونص ل7 كيلو تفتكرو هتكون واسعة على البيبى؟؟

علما بان الدكتورة لما روحت لها يوم 17 قالتلى انة ماشا ءالله وزنة 3 كيلو و100

وجيبت لوتس ن الصيدلية 20 قطعة ب15 جنية دة سعرها كدة حلو؟؟ وكمان انا اتصدمت من شكل العبوة يا ولاد

اية دة مرتبة مش فوطة وملهاش جناحات ههه بقول لماما دى عاملة زى بساط علاء الدين

دة كدة كنت جيبت اولويز ارحم

فحد يفهمنى اية ميزتها وانا جيبتها على كلامكم وهل ينفع لو مرتحتش فيها ابدل على الولويز الترا العادية ؟؟


وجيبت 2 كولونيا جونسون

وبيبى اويل باللافندر الى هو قبل النوم جونسون بردو

ماما كانت جايبالى شامبو وكريم تسلخات بالزينك من ماى واى بس مش مقتنعة فية

وانا جيبت قلا كدة لوريال الى وريتكم صورتة دة

فهل اجيب شامبو سانوسان بقى ولا اية

وهل الصابونة لها لزوم مع الشامبو او الشاور؟؟

امم والبودرةواللوشن اية نظامهم ويفرقو اية عن الاويل

وسفنجة الاستحمام لازمة وضرورة ولا اية؟؟

كمان البادز بتاعت الصدر هل البرا لوحدها مش كافية ولا مش شرط ان الكل يحتاج بادز

اممم اية تانى يا فطومة

اه الحاجات بقى الطبية الى هيا القطن والكحول وماء غريب والحاجات دى مفروض اجيبها قبل ولا بعد الولادة

واية المطلوب بالظبط اجيبة


ياريت تجاوبونى لان مالى غيركم بثق فى كلامة وبحب اخد منكم النصايح جدا

هايبر موجود فى الشيخ زايد فى اكتوبر بعيد عليكى للأسف
وسعر الكريم الـ31 ده العادى .. ده هم بس منزلين عرض

القطرة بيكتبولك عليها فى المستشفى ده اساسى
كريم الزنك انا بدهنه عادى بس ممكن مرة ومرة مش كل مرة يعنى بدهن والحمد لله مفيش منه مشكلة .. انا جايبة كريم سانوسان وبيبى كريم والاتنين حلوين ما شاء الله

وماتقلقيش البيبى بيتقلب عادى فى لحظة وممكن ينزل الحوض ساعة الولادة بس .. الحاجات دى كلها بتاعت ربنا .. وممكن اصلا لو روحتلها اخر التاسع تلاقى وضع البيبى وحالتك كويسين وتقولك هنستنى عليكى كام يوم تانى ده عادى ومفيش مشكلة منه

الاسترتش ماركس الحمرا بتروح مع الوقت وتدهنى ليها بانثينول وفى كريمات استرتش ماركس برضه حلوة .. الماركس البيضا بقى هى اللى مش بتروح
ومعلش موضوع الاسترتش الداخلى ده انا مش مقتنعة بيه .. اذا كان الجروح الداخلية بتاعت العمليات بتلم عادى يبقى الاسترتش ماركس مش هتلم ليه؟؟؟

الطلق لما يجيلك هتعرفى لان المه شديد جداااا .. وبعدين هى ماقالتلكيش هتروحى امتى؟؟ بصى يا جميل مفروض الطلق لما بيجى بيجى الاول كل ساعتين وبعدين يقل يبقى كل ساعة وبعدين كل نص ساعة وبعدين كل ربع ساعة وبعدين كل عشر دقايق تروحى للمستشفى .. ولسة هيبقى كمان كل خمس دقايق
وممكن ينزل عليكى دم ام ومياه تكلميها وتروحيلها

الالم اللى بيجيلك دلوقتى ده تفاسيح ولادة .. يعنى الرحم بيستعد للولادة ودى حاجة كويسة

السويت طبيعى ان جسمك مايستحملهاش فى الحمل الجسم بيبقى حساس جدا .. ابقى اعملى شيفنج فى المنطقة وخلاص
انا كل شهور الحمل كنت بعمل جسمى كله بالشيفنج لانه ماكنتش بستحمل خااااااالص وماعملتش سويت الا لما ولدت . ماتقلقيش
والحبوب دى برضه عادى فى ناس بتطلعلها من اول الحمل .. دى بتبقى بسبب الهرمونات وهتروح بعد الولادة

المقاس اللى انتى جبيته فى البيبى جوى ممكن يبقى واسع .. وزن السونار مش دقيق .. انا ليلة ماولدت الدكتور قاست البيبى على السونار كان 3 كيلو ونص ولما ولدت تانى يوم طلعت 3 كيلو .. فبيبقى فى غلط فى السونار .. حاولى تجيبى مقاس 1 لو مالقيتيش بيبى جوى هاتى بامبرز حلو على فكرة سواء المصرى او المستورد كله حلو ما شاء الله .. هتلاقى مكتوب عليه مقاس 1-2 من 3-6 كيلو .. هاتى حتى عبوة واحدة عشان لو طلع اللى عندك واسع

اللوتس اللى انتى جبتيها ممتازة يابنتى اولا مش هتحسى انها كبيرة وبعدين هى عشان كبيرة كده بتشرب كميات اكتر وده احسن لان دم النفاس اكتر من البريود بكتير خصوصا لو ولدتى طبيعى.. وغاالبا بعد كام يوم الدم هيبدأ يقل وساعتها بقى استعملى اولويز الترا براحتك

الكولونيا ماتستعمليهاش الا لما البيبى يبقى 3 ولا4 شهور عشان ماتجيلوش حساسية لا قدر الله
الشامبو خلاص ماتجيبيش تانى .. الشامبو اللى ماما جايبهولك لو مقتنعة بيه استعمليه لما تيجى تغيرى للنونو تغسلى بيه البوبو
والصابونة مالهاش لزمة . لما استعملتها حسيت انها نشفت الجلد
اللوشن والبودرة برضه مالهومش لزمة
البيبى اويل بتحطيه فى التنيات بتاعت الجسم عشان مايتسلخش .. بس انا مش دايما بستعمله.. اللوشن بقى بيدهن بيه الجسم نفسه .. بس البيبى بشرته بتبقى ناعمة ومترطبة طبيعى مش محتاجة ..
وفى مرة روحت للدكتور وكنت بسأله عن الحبوب وحموالنيل اللى بيطلع فى جسم بنتى وقالى ماتدهنيش لا بيبى اويل ولا لوشن ولا حاجة الجسم مش محتاج . يادوب تحميها بمياه وشاور وتنشفيها بحاجة قطن وتلبس قطن وخلاص .. وفعلا لما بطلت ادهن الحبوب راحت
السفنجة مهمة وبتمن الزحلقة بس مش هتستعمليها من الاول .. يعنى انا يادوب اهو بدأت استعملها بعد شهرين فى الاول بتحمى البيبى على الحوض بسرعة بس لو عايزة تجيبيها من االاول هاتيها عشان هتحتاجيها وممكن تعرف تستعمليها من الاول

البادز بتاعت الصدر بتنفع عشان التسريب اوقات بيعدى من البرا واللبس والشكل بيبقى مش تمام خصوصا لو خارجة بس مش شرط تحتاجيها بتفرق من حد لحد.. انا قليل قوى لما بستعملها الحمد لله

القطن هاتيه من دلوقتى.. الكحول وماء غريب عايزة تجيبيهم من دلوقتى اوكى عايزة تستنى مش مشكلة كده كده هيكتبولك على حاجات وانتى فى المستشفى ومفروض تانى يوم على طول تودي البيبى لدكتور تطمنى عليه اكتر ويقولك بقى تتعاملى ازاى مع كل حاجة المغص والانتفاخ وكل الحاجات دى وتفتحى بقى فايل عند الدكتور عشان المتابعات

وربنا يقومك بالسلامة ان شاء الله

du;12164481:
ايه رأيكم فى الترمومتر بتاع الحراره اللى بيقيس من الودن ؟؟؟
عشان قلت لماماتى تجبهولى

ممتاز ما شاء الله
سريع جدا ودقيق جداااا هو بس هنا فى مصر غالى فوق الـ300 جنيه


سالى ماتجيبيش بيجامات تانى عشان مش عمليين وبيجننوا فى اللبس ويقعدوا يخرجوا من بعض وحاجة تزهق بصراحة خليكى فى السالوبيتات وبس .. ولا بيجامات ولا جلاليب

sally2007;12165544:
ميكو دى صور السلوبتات والبيجامات هما البيجامات اصغر من كده بس الصورة معرفشى مطلعهم كبار ليه البيجامات مقاسهم من 0-6 هما اتنين بس اللى من 0-6
والسلوبتات الاصفر والاورانج واللبنىوالابيض اللى جمبه قطع ده برضه من 0-3
والابيض فى ازرق والبيجامة اللبنى فى ابيض نيوبورن













السلوبت ده الواحيد اللى شتوى عامل زى البطانية كده فى خامته
ده من 3-6



البيجامات







قولولى رايكم بجد من غير مجاملة وكمان السلوبتات خروج ولا بيت؟

ما شاء الله حلوين قوى بجد
وينفعوا خروج يا قمر

marioum27;12166166:
لأ ماهو مش انا اللي هولد بكره دي اختي التوأم هههههه
انا ان شاء الله هروح المستشفى بكره بالليل اصل عنق الرحم عندي مقفول وهولد بطلق صناعي وخاااااااااايفه
بس هعمل استخاره كده على الأبيديورال اخدها ولا لأ عشان مقلقه منها اوي وربنا يسهل
هقولكو بكره وانا نازله عشان تدعولي بأه وربنا يقومنا بالسلامه
انا جبت اولويز الترا الليليه عشان النفاس تنفع ولا ايه؟

ربنا يقومك بالسلامة ان شاء الله ويرزقك ساعة سهلة يارب
غالبا فى المستشفى هيدوكى هم لوتس او حاجة للولادة ماتقلقيش
ابقى ادعيلنا بس :)

اه والله هدعيلكو كووووووووووووولكو بس انتو كمان ادعولي
طب في حد ينصحني بالأبيديورال ولا ايه بس يكون عن تجربه عشان بسمع حاجات غريبه كده وخايفه منها بس مش هقدر استحمل الوجع انا عارفه نفسي (مسهوكه):lol::lol:

du;12164481:
ايه رأيكم فى الترمومتر بتاع الحراره اللى بيقيس من الودن ؟؟؟
عشان قلت لماماتى تجبهولى[/

QUOTE]
iهوبي جابته وبتشكر فيها ي
انا مشكلتي دلوقتي ندي مش قابله اي خاجه اقسلها الحراره بيها مش عارفه اعمل ايه
[QUOTE=marioum27;12166166]لأ ماهو مش انا اللي هولد بكره دي اختي التوأم هههههه
انا ان شاء الله هروح المستشفى بكره بالليل اصل عنق الرحم عندي مقفول وهولد بطلق صناعي وخاااااااااايفه
بس هعمل استخاره كده على الأبيديورال اخدها ولا لأ عشان مقلقه منها اوي وربنا يسهل
هقولكو بكره وانا نازله عشان تدعولي بأه وربنا يقومنا بالسلامه
انا جبت اولويز الترا الليليه عشان النفاس تنفع ولا ايه؟[/
QUOTE]
بصي هو الافضل لوتس لانه بيقي دم غزير جدا يعني اوليز متاعدش معاكي نص ساعه علي بعض لو تقدر تبعتي حد يشتريها بيقي افضل
وممكن يدوكي في المستشفي
وربنا معاكي يارب ويقومك بالسلامه انا برده لسه بفكر في موضوع الابيديورال مش عارفه بصراحه
[QUOTE=sally2007;12165544]ميكو دى صور السلوبتات والبيجامات هما البيجامات اصغر من كده بس الصورة معرفشى مطلعهم كبار ليه البيجامات مقاسهم من 0-6 هما اتنين بس اللى من 0-6
والسلوبتات الاصفر والاورانج واللبنىوالابيض اللى جمبه قطع ده برضه من 0-3
والابيض فى ازرق والبيجامة اللبنى فى ابيض نيوبورن

قولولى رايكم بجد من غير مجاملة وكمان السلوبتات خروج ولا بيت؟[/
QUOTE]
حلوين ما شاء الله والسلوبيتات معظمها ينفع خروج
[QUOTE=adow;12161596]ايوه يا قمر انا خدها قبل الولاده لانى ولد بعد حدثه و كنت فى اول يوم فى التاسع هى كويسه و مفيهاش مشكله خالص هى بتنشف الماء الموجود فى رئه البيبى لان ربنا سبحانه و تعالى بينشف الماء الموجود فى الرئه فى التاسع علشان كده الدكتره بتدى الحقنه دى فى الولادات المبكره علشان البيبى ما يدخلش الحضانه
و ربنا معاكى و تقومى بالسلامه انتى و البيبى[/

QUOTE]

امين يارب ربنا يكرمك

[QUOTE=سارة العروسة القديمة;12161656]مبارك عليكم

ربنا تكمل فرحتكم

وعقبال كل الى نفسهم وانا معاهم يا رب

ربنا يكرمك قريب ان شاء الله ويفرح قلبك

miko85;12158664:
هوبا انا اخدت 3 جرعات حقن الرئه ده وكل جرعه حقنتين
ومتخافيش خاالص دخ مش بتضر ده بتساعد علي نمو الرئه

طيب اختيها قبل الولاده باد ايه يا ميكو وعادي اني اخدها في اخر التامن كده

marioum27;12166578:
اه والله هدعيلكو كووووووووووووولكو بس انتو كمان ادعولي
طب في حد ينصحني بالأبيديورال ولا ايه بس يكون عن تجربه عشان بسمع حاجات غريبه كده وخايفه منها بس مش هقدر استحمل الوجع انا عارفه نفسي (مسهوكه):lol::lol:

انا ليا اتنين قرايبى اخدوها وكانوا والدين فى كليوباترا
هما بيشكروا فيهاااااااااااااا جدداااااااااااا وبيقولوا مش بتحسى باى حاجه خالص من الطلق وبعديها قاموا ومشيوا ومفيش اى اثار جانبيه ولا اى مشاكل اهم حاجه الدكتور اللى هيديهالك يكون شاطر وهما والدين طبيعى
اختى اخدتها ووالده سيزيريان وبتقول برضه حلوه جدا محستش غير بشكه حقنه فى ضهرها وبعد كده محستش بحاجه خالص
انا شخصيا مش هاخدهااااا لو ايهههههههههههههههه :hysterical: انا بترعب من الحقن اصلااااااااااااااااااااااااااااااا وبطلع اجرىىىى
ربنا يقومك بالسلامه ادعيلى يا مريوم اوعى تنسى

احيانا الطفل يصدر اصواتا و تكون نتيجة ضعف فى الأحبال السمعية و ممكن اعطاءه احدى الفيتامينات..



عاوزة افهم الجمله دى

بنات انا امبارح قلت هشترى حاجات العناية بالبيبى اللى هى الشاور وكده ولقيت حاجات سيباميد بس بودر مش شاور ولا حاجة بس هدور يمكن الاقيها وانا مختش بالى ولقيت حاجات لماركه اسمها بيجون ايه رايكم فى الماركة دى

المهم انا عاوز اجيب كل حاجة قبل ماانزل مصر ان شاء الله فعشان كده بحاول على قد مااقدر اخلص حاجات البيبى فقلولى بقى اجيب ايه بالضبط يعنى من شاور وكده لانى راحة يوم الجمعه عشان اخلص اللى فاضل

سؤال كمان انا كنت هشترى عربية البيبى لان عليهم تخفيض جامد جدا ايه رايكم فى ماركة جونيور فى عربيه البيبى عشات برضه لو كده اجبها يوم الجمعه ؟

واجيب كام بفته؟

وانا جبت 6 شربات كفاية كده؟

وكمان الطواقى اللى بتتلبس على الراس انا جبت اللى لبس اللى ملهوش طواقى طواقى وفاضل 2 مش جبت ليهم فهما عملين وكويسين ولا لا؟

والبامبرز اجيب مقاس ايه اجيب قد ايه اخده معايا؟

معلشى بتقل عليكم بس عشان عاوزة اخلص كله بقى واخلص ياريت تردوا على كل الاسئلة وربنا يكرمكم يارب

sally2007;12167343:
بنات انا امبارح قلت هشترى حاجات العناية بالبيبى اللى هى الشاور وكده ولقيت حاجات سيباميد بس بودر مش شاور ولا حاجة بس هدور يمكن الاقيها وانا مختش بالى ولقيت حاجات لماركه اسمها بيجون ايه رايكم فى الماركة دى

المهم انا عاوز اجيب كل حاجة قبل ماانزل مصر ان شاء الله فعشان كده بحاول على قد مااقدر اخلص حاجات البيبى فقلولى بقى اجيب ايه بالضبط يعنى من شاور وكده لانى راحة يوم الجمعه عشان اخلص اللى فاضل

سؤال كمان انا كنت هشترى عربية البيبى لان عليهم تخفيض جامد جدا ايه رايكم فى ماركة جونيور فى عربيه البيبى عشات برضه لو كده اجبها يوم الجمعه ؟

واجيب كام بفته؟

وانا جبت 6 شربات كفاية كده؟

وكمان الطواقى اللى بتتلبس على الراس انا جبت اللى لبس اللى ملهوش طواقى طواقى وفاضل 2 مش جبت ليهم فهما عملين وكويسين ولا لا؟

والبامبرز اجيب مقاس ايه اجيب قد ايه اخده معايا؟

معلشى بتقل عليكم بس عشان عاوزة اخلص كله بقى واخلص ياريت تردوا على كل الاسئلة وربنا يكرمكم يارب

بايجون تحفههههههههههههههههههههههههههه بجد ريحتها تهبل اختى كانت بتجيها لولادها من بيبى شوب فى سيت كده على بعضها عباره عن شامبو وشاور ولوشن وصابونه وفيه ازايز بأه كل حاجه لوحدها
بجد نصيحه هاتى منها اانااااا دايخه عليهاااا هنا فى مصر مش موجوده نوهااااااااااائى فى اى حته
عربيات جونيور مش اوىى يعنى لو عايزه تجيبى حاجه نضيفه وتستحمل خليكى فى مذر كير و جراكو والماركات دى