ღ تجهيزات حوامل مصرللمولود الجديد و النفاس ღ

du وwhite angel وصوت العيون ميرسى يااحلى ماميهات ع ردكم عليه ويارب يقومنا كلنا بالسلامه يارب طيب البادز بتاعت فازلين محدش يعرف سعرها كام
؟؟؟
وفين لفلى ده انا مش عارفاه وكمان عاوزه اخد رأيكم انى اجيب سرير للبيبى واحطه جمب سريرى هينفع ولا ايه رأيكم واسعار السراير ايه وهل فيه منهم انواع

ghayod;12131456:
du وwhite angel وصوت العيون ميرسى يااحلى ماميهات ع ردكم عليه ويارب يقومنا كلنا بالسلامه يارب طيب البادز بتاعت فازلين محدش يعرف سعرها كام
؟؟؟
وفين لفلى ده انا مش عارفاه وكمان عاوزه اخد رأيكم انى اجيب سرير للبيبى واحطه جمب سريرى هينفع ولا ايه رأيكم واسعار السراير ايه وهل فيه منهم انواع

لفلي في سموحة شارع فوزي معاذ ابراج اللوتس عند محطة بنزين موبيل

البادز ب 40 في الصيدليات وعند لفلي ب 50
السري طبعا انواع الخشب والشبك

الخشب ينفع يتفتح الجنب بتاعه ويتحط جنمب سريرك انما الشبك لا بس الشبك بيتشال في اي مكان لانه بيتقفل انما الخشب لا

حتلاقيهم في لفلي و في سنتر بوينت اللي في كارفور اسكندرية

du;12130667:
[QUOTE=hoba555;12130376]
عارفه يا هوبا فى البتاعه دى اللى هى شبك او قماش كده ةعليها اشكال كده بتاعة الغسيل بتتفرد دي اختى كانت عاملها للعب بتاعت بنتهااااا
زى دى


او ممكن زى دى

انا جايبه هنا فى الامارات سبت زى ده قريب منه جداااااااااااا وشكله حلو قوى وبستخدمه فى الغسيل وقلت وانا نازلة مصر ان شاء الله اجيب واحد للبيبى ابقى احط فيه لعبه او هدومة اللى هتتغسل بس هو ينفع برضه للعب هو الصغير منه ب 12 درهم والكبير 25درهم وانا جايبة الكبير لانه اوسع بس معرفشى فى مصر يعمل كام اسالى عليه لانه 25درهم يعنى 37 ج مصرى

ghayod;12130805:
بنات ممكن تقولولى اجيب البادز بتاعت الرضاعه منين ف اسكندريه ونوع ايه ؟؟؟؟وكمان اشمعنى فوط لوتس اللى انتوا بتقولوا عليها دى ايه الفرق بينها وبين اولويز وسندريلا مش فاهمه؟؟؟؟ واجيبهم منين برده وبكام ف اسكندريه واجيب اد ايه بامبرز للنونو انا بدأت الشهر التامن خلاص ادعولى اولد بالسلامه اصلى مرعوبه


اجيبله كمان ببرونه واحده ولا اتنين وكام مللى وايه احسن نوع من تجاربكم؟؟؟

بالله عليكم مش تطنشونى ضرورى

انا كنت جايبة ببرونة وحده كانت 260 مللى وبعدين وانا فى المحل غيرتها وجبت اتنين مع بعض فى علبه وحده كل وحده 125 مللى ونوعها افنت دكتور صاحب جوزى هو اللى قاله هات اتنين احلى بدل وحده فاانتى لو تعملى زى يبقى كويس ياقمر

ghayod;12131456:
du وwhite angel وصوت العيون ميرسى يااحلى ماميهات ع ردكم عليه ويارب يقومنا كلنا بالسلامه يارب طيب البادز بتاعت فازلين محدش يعرف سعرها كام
؟؟؟
وفين لفلى ده انا مش عارفاه وكمان عاوزه اخد رأيكم انى اجيب سرير للبيبى واحطه جمب سريرى هينفع ولا ايه رأيكم واسعار السراير ايه وهل فيه منهم انواع

اختى لما ولدت حماتها وسلفتها اشتركو ا وجابوا السرير هدية لابنها وحطتها جمب السرير بتاعها وكانت ابنها بينام فيه بس برضه احيانا كان بينام جمبهم على السرير بس السرير عموما فكرة حلوة عشان يتعود ينام فى سرير لوحده عشان بعد كده لما يكبر ويتنقل فى اوضه لوحده ميضيقشى

هانا اوبا;12128107:
بنات مين ركب اللولب هنا وكان نوعة ايه؟؟؟؟؟؟؟؟؟ظ نحاسى؟ وياترى فى نزيف بعده؟؟؟؟؟؟؟؟

انا ركبت البلاتينى الحمد لله ونزل دم بسيط تقريبا 10ايام مش نزيف والدكتوره ادتنى دوا عشان يقلل الدم ويوقفه وغسول عشان لو فى افرازات وهو بيمنع 5 سنين والمانى الحمد لله
وصحبتى ركبت نحاسى

ghayod;12130805:
بنات ممكن تقولولى اجيب البادز بتاعت الرضاعه منين ف اسكندريه ونوع ايه ؟؟؟؟وكمان اشمعنى فوط لوتس اللى انتوا بتقولوا عليها دى ايه الفرق بينها وبين اولويز وسندريلا مش فاهمه؟؟؟؟ واجيبهم منين برده وبكام ف اسكندريه واجيب اد ايه بامبرز للنونو انا بدأت الشهر التامن خلاص ادعولى اولد بالسلامه اصلى مرعوبه


اجيبله كمان ببرونه واحده ولا اتنين وكام مللى وايه احسن نوع من تجاربكم؟؟؟

بالله عليكم مش تطنشونى ضرورى

البنات كفوا ووفوا بصراحة
بس انا من رأى توتا هاتى بيبرونة واحدة كبيرة واخلصى من الاول .. مش هتفرق معاكى فى السعر كتير وبعدين عشان ماتقعديش كل شوية تشترى
انا جربت الافنت وممتازة ما شاء الله

كنتو بتتكلمو نحط لبس النونات فين انا حطاها فى درج فالشفونيره ومعلقه هدوم الخروج فى دولابى وشلت الشتوى فى علبه البورنس بتاعى عمله زى شنطه سفر
اما اللى معندوش مكان فى ادراج احجام من الهلال والنجمه حلوه قوى ومش اغلى من 250 يعنى اقل حسب الحجم وعدد الادراج
وشفتها فى التوحيد والنور وممكن ابو النيل او اى محل فى بلاستيك

انوس انا هطاردك فى كل المواضيع :) هههههههههههههههههه
قوليلى الكوباية بتاعت نانو السكر دى كانت بكام؟؟ :)

في حد بيسئل عن السبت الشبك دة بتاع الغسيل او اللعب
انا جايبة لمايا الاتنين واحد ب حاجة وتلاتين عملاة للغسيل وواحد ب 3 جنية عملاة للعب وهصورهملكو باذن الله

البنوتة اللى بتسسئل عن الكارسيت ولا الكرسي
انا رائي تجيبي كرسي زى اللى بنوتة حطة صورتة مع بلاي جيم معلش مش فاكرة مين
لانه خفيف اوى عن الكارسيت تقيل وشيلة صعب انما الكرسي دة خفيف وسهل تتحركى بية
وطبعا القرار ليكى


البنوتة اللى بتسئل عن المايوة
انا جبت لبنتى مايوة بكينى حلو اوى
من محلات المايوهات بتاعت الاطفال عادى ب كان في اليكس حلو جدا بجد وبكام مش هتصدقي ب 15 جنية بس
هههه
كانت لبسة المايوة ب15 والبورنس ب 100 وشوية من سنتر بوينت ههههه

صور السبت اهية يابنات
دة بحاجة وتلاتين من التوحيد والنور



ودة كان ب 3 جنية

توتا حبيبتى معلش اتأخرت فى الرد بس ماشاء الله حاجات مومو روعة و عجبتنى اوى اللعب اللى فى البلاى جيم كوتي خالص ماشاء الله

شايفاكوا بتتكلموا عن المايوهات هو احنا نقدر ننزلهم البيسين من امتى و ازاى هنتحكم فى موضوع البيبيي و الكيكيي;)

توتي انا كمان جايبه من السبت التاني ده لمحمد وبحطله لعبه ونفس اللون برضه ..انا هنزل اجيب لدودو مايوه عشان ناويه ان شاء الله لما اروح النادي انزله البيسين تفتكروا اجيبله مايوه شورت وللا بكيني زي الاندر كده ومحدش يتريق هههههههه والبرنس ينفع برنس الحموم العادي بتاعه وللا اجيبله واحد خاص بالبيبسين ؟؟؟

بيبو انتي بتدي اوجي ببرونه طيب الجرعه كام مل
اصلي دومه ولولو مش بقدر اتحكم ان اديهم ب 150 مل بيشريوا 60 ويعد نصف ساعه يكملوا
طيب كده محتاجه اجيب ببرونه 250 مل ولا ايه

ب وتوقف امتى اصل بقالى عشر ايام ومش راضى يقف الدم؟؟؟؟؟؟؟؟؟؟؟؟؟؟؟؟:sick:
يعنى الدوا عمل نتيجة؟؟؟؟؟؟؟؟؟؟؟؟؟؟؟

انا عندي كلف في بطني وفي البريست
ها هايروح ولا اروح عند دكتورر جلديه
بس الكلف عندي فظيع بطني كلها سودا

du;12129007:
انا عايزه اعرف حاجه دلوقتى لو انا لسه معنديش اوضه للبيبى
ودولابى مفيهوووووووش 1 سم فاضى احط فيه اللبس بتاعها اعمل ايه احطو فين ؟؟؟

دو في في فلفلي دولاب بينكي عسسسسسسسسسسسسسسسسسل ب250 جنيه عشان لبس البيبي شكله سكر خالص فلما نروح اتفرجي عليه بجد شكله عسول اوي بصي انا قولت لجوزي عاوزه فلوس قالي اما مرتبي ينزل يعني هانزل علي اول الشهر ان شاء الله لو تحبي اجي معاكي دلوقتي يبقي حلو اوي لاني عاوزه اروح اتفرج علي شويه حاجات واعرف اسعارها قبل ماطلب فلوس عشان ماطلبش ااقل منها
[QUOTE=*pippo*;12129716]عندك كذا حل
يا اما تحطيهم فى الشوفينيرة او فى العسكرى بتاع اوضة النوم بتاعتك
يا اما تجيبى ادراج .. عارفة الشارع اللى فيه محل الادوات المنزلية بتاع المنيل اللى اسمه كراكرز؟؟؟ الشارع ده فى اوله من ناحية الكورنيش فيه محل بيبيع اكسسوارات وحاجات كده كان عنده ادراج جااااااااااااااااااااامدة جداااااااااااااااااا هى تقريبا خشب ام دى اف وملونة فوشيا ورسومات وحركات وشيك جدا فعلا .. كانت تقريبا بـ250

بصى هى حاجة شبه كده بس ادراج عريضة ومن غير الرف اللى فوق ده
http://go.3roos.com/OrbEZprNLvL

يا اما لو لسة هتجيبى سرير ممكن تجيبى سرير خشب بيبقى فيه ادراج من تحت .. ان اند اوت ولفلى كان عندهم حاجات حلوة :thumbs_up:[/
QUOTE]
طيب معلش يابيبو عاوزه اسالك علي حاجه انتو بتحطو ادويه البيبي وحاجته فين انا عاوزه اجيب تربو شكله حلو اللي هو بيبقي كذا دور علي شكل سبت مليان ورد احط فيه ادويته وحاجته بدل ماتبقي ماليه التسريحه اوي الكومدينو فاهماني ؟ممكن تقولولي يابنات بتشيلو ادويه البيبي فين ولو حد يعرف التربو اللي انا ااقصد عليه الاقيه فين يبقي ربنا يكرمكم يارب


بنات سؤال ممكن كل واحده تقولي جابت الكارسيت منين وبكام ؟

ازيكو يا قمرات

انا عايزة اقولكو دلوقتي انا عندي ايه للبيبي و قولولي في ايه تاني انا محتاجاه ان شاء الله

عندي 10 شايات كت 4 نيو برون بس و الباقي من 0- 3 شهور منوعين الوان و سادة و منقشوين كده و حركات

و عندي بطانية واحدة قطن
و 14 فوطة قشط صغيرين كده حلوين و منوعين بردو ما بين السادة و المنقوش

اثنين للحتة بتاعة السرة اللي بيتلف ده عارفينو

و جبت كمان النهاردة 3 اطقم كا طقم عبارة عن سالوبيت او بيجاما و اندر و فانلة و الشراب اللي بتلبس في الرجلين ده و كاب و شاية جبت 3 نقشات و الوان مختلفين احمر و ازرق و زيتوني فاتح ايه رأيكو كده

اجيب ايه تاني كمان قولولي رأيكو يا قمرات

طيب جبتي سالوبتات بكم قطن القطن هايبقي طري اوي لاننا هانولد في عز الصيف بس لازم بكم
كوفرته واحده مش كفايه لانها وارد تتوسخ هاتي كمان اتنين واحده شيك اوي للخروج وواحده كمان للبيت
بافيتات انا جبت 8 وماما وصاحبتي وكل اللي خلفو قالولي البافتات مهمه اوووووووووووووي
البيبيرونه؟
مشمع غيار؟
شنطه للبيبي اللي هاتحطي فيها حاجته وانتي خارجه؟
ممممم هافكر واقولك

شنطة البيبي و السليبج باج اللي بيتمسك و بيكون ليه إيدين سافتي هتجيبهولي ان شاء الله

البفافيتات انا جبت 10 الحمدلله

مشمع غيار لسه هجيبه و البيبرونة انا هجيب واحدة بس ان شاء الله بس مش عارفة اجيب مقاسها كام ان شاء الله

و الكوفرتة لسه هجيب ان شاء الله اتنين زي ما قلتي كده ان شاء الله

و السالوبيتات القطن لسه هجيب منهم بش مش عارفة اجيب كام انا عندي واحد بكم و قطن

بصي انا جايبه 9 سالوبيتات بكم وقطن هاتبقي طريه عليه وفي نفس الوقت لامه جسمه كله
شوفي العدد ده يناسبك ولا لا؟
مممممم جبتي طقم البشكير اللي بيبقي بشكير ومعاه فوطه وش ومعاه ليفه اللي بتتلبس في الايد وتدعكي بيها جسمه؟
البيبيرونه جبت افنت 125ملل اللي فيها ايرسيستم واما احتاج تاني هابقي اجيب تاني ان شاء الله

ميكو بيقولو الكلف بيبروح لوحدو انا طلعلى على خوانة فى الشهر التامن وبعد ماولدت خليت الدكتورة تكتبلى على كريم كدة للكلف