مشمش ام محمد;12107871:
سلام عليكم وحشتونى اوووي يا اندال الا ما حد سال عليا غير سالي وبنوته حلووه ماشي ماشي انا الحمد لله ولدت من اسبوع وجبت محمد ربنا يبارك فيه يارب قولوا امين
ليا بئا كذا استفسار
اللبن بتاعي قليل اووووووووووي اعمل اييييييييييييه؟
الانتفاخاااات بتاعته اعمل اييييييييييه العياط المتواصل الي بيشد جسمه فيه ده اعمل ايييييييييييه؟؟؟
بالنسبه للسره هتقع امتى انا ولدت الخميس الي فات ولسا منزززلتش
ايه الحاجات الطبيعيه الي ممكن تتعمل له عشان تخليه يشبه ويقلل البكا بتاعه شويا وينام نوم كتييير
وبالنسبه للبن بتاعي اكتره ازاي غير اني اكل حلاوه طحينيه عشان مينفعش عشان كان عندي سكري حمل وخايفه يستمر فمحافظه شوويا وشكرا ليكم كلكم مقدما للي هيرد والي مش هيرد بس ادعوولي بظهر الغيب ان ربنا يخلي ليا ابنى ويبعد عنه كل المشاكل ويعافيه من الصفرا يارب
حمدالله على سلامتك يا ندى والف مبروووك يتربى فى عزكم يارب:)
اللبن اشربى سوايل كتير قوى مياه ولبن وعصاير .. انا مش عارفة انتى فى الامارات ولا فى مصر بس لو فى مصر هاتى اعشاب سيكم لادرار اللبن دى فيها حلبة واعشاب تانية كمان والحلبة برضه مفيدة جدا
السرة عادى ماتقلقيش انا بنتى سرتها وقعت فى اليوم الـ17 .. المهم تحاولى ترضعيه كويس وتعملى السرة بالكحول 4 مرات فى اليوم مثلا وتعمليها بقطنه كويس عليها كلها ..
الشبع ده بيتحدد بالوزن .. وفى حاجة تانية .. انا بنتى ماكنتش بتشبع بسرعة كانت ممكن تقعد ترضع 3 او 4 ساعات عشان اللبن كان قليل فكانت بتعوض الوزن .. يعنى وزنها كان كويس بس الرضاعة كانت طويلة طبعا هى المغص عندها كان بيزيد جامد لان الفترات الطويلة فى الرضاعة بتدخل هوا اكتر وانا كان بيتهد حيلى وفى نفس الوقت البريست مابيلحقش يتملى لبن .. فبقيت بكلمها بالبيبى درينك وخاليا بكملها بلبن صناعى بس الحاجات دى الدكتور هو اللى يحددلك ..
لو البيبى درينك ماعجبش ابنك مش لازم اديله تليو او كاموميل او كراوية الحاجات دى بتهدى كمان المغص
بنت من الزمن ده;12108166:
ازيكوا يا احلى ماميهااات وبنات احلى منتدى ف الدنيا انا الحمدلله ولدت يوم الاربع اللي فات والمفاجاة بقى ولدت طبيعي بعد ماخلاص كنت ريحه اولد يوم الخميس قيصري الحمدلله الولادة دى ولله نصيب وجبت يوسف ربنا يخلهولى ادعولو يابناتت ربنا يشفيه اخد ولله مضاد حيوي اول يوم الولاده حقنتين على يومين لان ماشفطوش ليه كويس ف المستشفي الحمدلله على كل شئ وكمان ياعينى من الطلق عينه البياض اللى فيها احمر خاالص الدكتور بيقول هتروح بس مابترحش وكمان راسه اول ما اتولد كانت عامله زى الشمامه كده :worn_out::worn_out:بردو بيقولو من الطلق هى بتقل شويه بس حاسه انها بردو مش مظبوطة حد يابناتات كان كده تعرفوة لما اتولد انا ساعات بحس بالذنب عشان مولدتش قيصري بس ولله الحمدلله ربنا كاتبلي الولاده الطبيعي مع ان قبلها بيوم كنت عادى جدا ومعنديش اى اعراض يلا بقى حطونى ف الليسته وربنا يقوم كل اللى لسه مولدوش بالسلامة ياااااااارب ياااااااااااااارب :adore::adore:
ععندى بقى كام سؤال كده الدكتور كاتبلي على جيل كده عشان الراس مش عارفه استخدمه ولا لا حد استخدم جيل عشان راس البيبي قبل كده وكمان البيبي درينك قد ايه ف اليوم الدكتور بيقول ربع كوبايه كل يوم بالليل ولازم يكون قبل الرضاعه بساعتين وميرضعش بردو بعدها بساعتين بس النونو بقى مش بيحبه خاالص
كريم لزنك بتحطوه كل مابتغيره ولا مرة بس ف اليوم والسرة بتقع امتى وعايزة بردو الفيتامينات والادوية اللى الدكتور كاتبهالكوا لانى الدكتور كتبلي على كزا حاجه وماما بتقولى لسه النونو صغير مش محتاج الحاجات دى دلوقتى هو الدكتور كاتبي على فيتامينات اسمها بيبي فيت ومياه كده اسمها تيدى ووتر تقريبا عامله زى ماء غريب وجلوكوز عشان الصفرا كل ساعتين اديله والقطرة بتاعة العين بس انا لحد دلوقتى بحطها وقاللي احطها لحد ما اروحله الجمعه وانتو كنتو بتقولو ان هى بتستخدم 5 اياام بس, معلش طولت علييكوا اوى ولله مليش غيركوا
حمدالله على سلامتك انتى ويوسف ربنا يخليهولك يارب :)
عنيه الحمرا وراسه بصراحة ماعنديش فكرة بس ان شاء الله بسيطة
لو ابنك لسة فى اول اسبوع غالبا رضعته هتبقى 30 مل هتكفيه ولو تانى اسبوع هيحتاج 60 مل تقريبا
لو مش بيحب البيبى درينك يشرب كراوية او كاموميل او تليو او ينسون اى حاجة مش لازم البيبى درينك
كريم الزنك مع كل غيار بس انا اوقات كنت بكسل بصراحة بحطلها مرة ومرة
السرة بتقع فى خلال اسبوعين
الفيتامينات لسة بدرى عليها الا لو الدكتور قرر ان ابنك محتاجها .. انتى لازم توديه لدكتور تطمنى عليه غير دكتور المستشفى على فكرة
الصفرا محتاج بس يرضع طبيعى كويس ان شاء الله هتروح
القطرة بتاعت العين مفروض اسبوع بس جايز هو قالك زودى عشان الاحمر اللى فى عنيه
مشمش ام محمد;12108198:
تسلمي يا بووسي يارب يارب يقوينا علييييهم
بنوووته من الزمن ده الف حمدا لله على سلامتك انتي والبيبي ولدتي قبلي بيوم يا ندله ههههههههههههه
انا كنت هولد بئا طبيعي وطلعوا روحي طلق صناعي وتحاميل وفححححححص وفي الاخر ولدونى قيصري يلا الحمد لله
سؤال بئا هو ينفع حمي البيبي بئا اصل خايفه احميه عشان السره عاااااااا مع انهم حموه يف المستشفى مرتين
ينفع تحمى البيبى عادى طبعا والدكتور قالى مش مشكلة لو المياه جت على السرة وفعلا لما بقيت بجيب مياه عليها عادى وبمسحها كويس جدا بالقطن اللى فيه كحول وقعت فى يومين :lol:
لو خايفة لسة تحميه كله على بعضه امسحيله جسمه بقطن مبلول
m@hy;12109621:
بالنسالى عملية جدا جداااا
لانى جبتلة عربية و بيعيط فيها عشان لسة صغير
الكاريير بيكون قريب منى و مطمن ومش بيعيط
هو الكاريير ده مش هييعوده كده على الشيل؟؟؟
زيت اللوز جيباة اية؟؟؟
انا روحا الصيدلية قولتة عاوز زيت لوز للاطفال قالى يعنى اية للاطفال قولتلة يعنى عشان الامساك
قالى الحجات لونا و ايفا و الخحات دى مصانع تجميلية مش طبية والله اعلم حاطين اية مع الزيت فبلاااااااااااااش و خلى بالك
[
زيت اللوز الدكتور هو اللى كاتبلى عليه فى الروشتة انا كنت خايفة برضه يبقى تبع شركة تجميل
بس الصيدلى من غير من نقوله حاجة ادانا زيت لوز انتاج شركة ادوية عادى يعنى زى ماهو فى زيت خروع كده انتاج شركات ادوية عشان بيتاخد شربة
miko85;12109914:
ياعيال اعرف منين مقاس البرا بتاعتي سوال رخم انا عارفه
كان مقاسي اصغر مقاس مش عارفه ازود عليه كام نمره
وممكن اعرف اسعار البيبي كاريير
قيسيها فى المحل يا ميكو
