ღ تجهيزات حوامل مصرللمولود الجديد و النفاس ღ

صوت العيون;12098746:
جزاكم الله خير

بس بيبو ازاى الواقى مش أمن

سؤالى بقا
منين اجيب شرابات كلون للنونو ان شاء الله مقفوله من تحت
لان الى نازل كله كبير ومفتوح من تحت صيفيى يعنى

كمان بلوزات للفساتين ان شاء الله

CuTie KaTkOoTa;12099293:
لأ هما فعلا ضاعوا مني في الغسالة واحدة بس ولما عملت غسلة تانية لقتها مع الهدوم بس الاتنين اللي بقول عليهم دول ضاعوا في الشقة مش عارفة محطوطين فين :lol::lol::lol:
بس بعد كده فعلا هحاول اجبلهم حاجة اغسلهم فيها جوا الغسالة.
طيب الشفاط هايعمل ايه يا توتا؟ هايفيدك في ايه في الوضع ده مش فاهمة، هو كويس وبيـأدي الغرض بس بصراحة بوجعني بردو ودلوقتي ركنته وبقيت بعصر بإيدي لو مزنوقة يعني بس حاسة ان خامته مش حلوة اوي في الغلي بالذات.
المغص والدم بتوع بعد التركيب دول بيروحوا في خلال يومين تلاتة كده، وهبعتلك حاضر.


بصي هي مدورة بس مش منفوخة يعني مبططة وملهاش حروف ودي احسن حاجة لأن التاني الرخيصة اوي اللي ب 2.5 ولا 3 دي عيبها ان ليها حروف، المهم هي مش بتبان معايا الحمدلله بس بقت تبان لأني وانا خارجة بقيت بحط الاتنين فوق بعض عشان غالبا بخرج فترات طويلة ولو فرح او حاجة مش برضعها هناك طبعا فعشان مش يسرب بحط الاتنين ولو ملبستش حاجة واسعة او حاجة تغطي هيبانوا من البادي طبعا، لكن لوحدهم لأ مش بيبانوا معايا.

بالنسبة للوب بقي يا ستي هي لما ركبته كتبتلي دوا لوقف النزيف اخده وقت ما يكون في دم مش في ميعاده الطبيعي اوكي وبعد التركيب بردو لو نزل يعني، وبالنسبة للبيريود بقي هي قالتلي هايطول مدتها غالبا ودي تعتبر استحاضة مش حيض يعني تتوضي وتصلي عادي، يعني انتي تشوفي هي بتجيلك الطبيعي كام يوم والزيادة عنه يبقي استحاضة فهمتيني وتاخدي الاقراص دي بردو، يعني انتي استحمي عادي وصلي وكله.

Bossy22;12099559:
كتكوتة طب انتى مبترضعيهاش لو برة طب بتعملى ايه لو جاعت اعشاب وللا ايه انا بديها ميلوبا بس لما قلت لناس قرايب جوزى على صريخها المستمر قالولى ممكن مغص من الميلوبا لان فيها نسبة سكر فممكن استبدلها بايه؟؟؟
وادينى لينك التجمع ده بتاع يميم ده انا مش لاقياه خالص
وسؤال باه هى السرة بتبقى بارزة كده طبيعى وللا المفروض تدخل لجوة زيينا كده و يبقى شكلها عادى؟؟؟
وهو الشضفاط بتاع اللبن ممكن ابو كورة ده اشفط بيه و افضى فى ببرونة وللا لازم واحد مخصوص؟؟ و اللبن لو خارجة ممكن يقعد اد ايه ميبوظسش اصلى حاساه هيبوظ بسرعة قبل ما تجوع اساسا؟؟؟؟

sally2007;12099252:
ربنا يخليك بنتك يارب ويوفقك بس انا راى انك تجيبى بيبى قبل ماتبتدى الدكتورة بتك خلاص تعتبر سنة وقولى على ماربنا يكرمك وتبقى حامل تانى هيكون السنة ونص فعلا جيبتى فيهم البيبى وبقى عنده كام شهر وعشان انا بفضل ان الاتنين يكونوا قريبن فى السن من بعض لانك على متخلصى الدكتورة هيكون بنتك عندها 5 سنين ولما تفكرى تبقى حامل وبنا يكرمك هيكون 6 فكتير انا اختى اخدتى اخدت الماستر قبل ماتتجوز على طول وبعد مااتجوزت ب 3 شهور بقت حامل وربنا كرمها وولدت وعملت الدكتورة فى سنتين زكانت بتقول كنت ممكن اعملها قبل كده بس ابنها كان بيطلها لانك عارفه الاطفال وكده ودلوقتى اول ماخلصت قعدت اانا وماما نقولها هاتى بيبى كمان عشان يكون قريبين من بعض ابنها عنده سنتين وفعلا اقتنعت لانها خلاص خلصت بس على ماتخلف وتولد وربنا يكرمها الفرق هيكون 3 سنين وحلو الفرق مش كبير قوى بس لو هى مكنتشى خلصت كانت هتفضل لحد ماتخلص بس اختى مكنشى عندها فرصه زيك كده سنه ونص لانها كانت معيدة فى كلية الهندسة وقتها وكانت عاوزة تاخد الدكتورة عشان ترتاح اكتر لانك عارفة المعيده بيبقى عليها عب مش زى الدكتور بس ده راى بس فى الاول والاخر استخيرى الله لان من يتوكل على الله ربنا مش بيخدله واللى فيه الخير ليكى ربنا هيقدمة وربنا يوفقك

CuTie KaTkOoTa;12099303:
بوس بوس بصي انا جبتها من عين شمس من محل انوسة قالتليس عليه وهي كانت جابته من محل اللعب اللي جنب ابو حيدر في روكسي، والبوتي مشمش روميو كانت حاطة موضوع حلو اوي عليها قريب، وبتقول ابتداء من 6 شهور حلو اوي عشان البيبي بيكون لسه ابتدي يتعود يقعد وكده فالحركة دي جديدة عليه بعد ما فضل شهور نايم علي ضهره ومفيش اي جديد، فلما تستغلي الفترة دي هايبقي مبسوط وهو قاعد لأنها حركة جديدة وساعتها مش هايبقي عايز يسيبها ويقوم يجري او يلعب لأنه لسه مش بيعرف يمشي او يقف.
انا مش فاكرة ابتديت اخرج من امتي بس تقريبا اسبوعين كده بس كنت بروح يوم في الاسبوع بس لحماتي يعني من بيت لبيت لكن الخروج بره ده بعد كده بشوية والعياط متقلقيش بيقل كل ما تكبر يعني قولي شهرين مثلا او شهر ونص ان شاء الله.
يميم عاملة تجمع لينا كلنا وايمان ام معاذ بردو للأمهات.


[/CENTER]
لأ مش حاسة به والله خالص يا كوكي ولا انا ولا هو هو ساعتها بس كان فيه مغص البيريود ده يومين كده وخلاص وانا كده كده لسه مجتليش من ساعة الولادة شكلي هابقي من النوع اللي بيرضع نضيف زي ما بيقولوا.


انا جبت صابونة سانوسان وركناها مش بستخدمها عشان السن ده اسلها الشاور ومخلياها لما تكبر شوية بقي ابقي اعملها البوبو بيها مثلا وكمان عشان متبردش وهي صغيرة الشاور بيرغي اسرع طبعا واكتر فهتخلصي بسرعة غير الصابونة.


[/CENTER]
لأ اكتشفت انها بتفرق من واحدة للتانية وحسب ايد الدكتور نفسه كمان وحسب لو انتي رحتي في توقيت مش صح هايوجع لكن لو رحتي في الميعاد اللي الدكتور بيقول عليه بيبقي تمام وكويس.
تبارك حلوة بس مش كل فروعها ومش كل دكاترتها فانتي بتجربي وتشوفي وكمان شوفي مين اللي الناس حاجزة عنده كتير في الفرع اللي هتروحيه واحجزي عنده الاقبال يعني اهم حاجة.
وهي للأطفال بس اه.


لأ يا مورو ادهني في كل مرة حتي لو مفيش تسلخات عشان ده بيخليها متجيش اصلا بيعمل زي حماية وطبقة عازلة بين البيبي والكيكي وما بين الجسم بتاعها فخليه كل مرة احسن بكتير وهدي بردو قالت كده وفعلا صح مية مية.

وبالنسبة للحمل انا معاكي ان ساعات بتحصل بس ده كام في ال % من كل اللي مركبينه يا مورو يعني متخديهاش اساس كده ومفروض نعمل اللي علينا يعني ونسيب الباقي علي ربنا وغالبا اللي بيحملوا عليها ده بيكون نصيبهم كده طبعا بس ساعات بيكون اتركب غلط او اتحرك وهما طنشوا يروحوا فترات المتابعة اللي الدكتور قال عليها او بيكون عندهم عيب خلقي في الرحم زي ما دكتورتي قالتلي الرحم ذو القرنين ده وفيه طبعا بيكون طبيعية جسم بردو.




انا جبت من الصياد ومن محل بيبي شوب وكان فيه في مستورة كمان حتي للنيو بورن كمان.

والمفتوح بقي اللي هو الليجن جبته من محل في صلاح الدين وفيه منه مقاسات بردو نونو خالص.

والبلوزات كان فيه في ريموندس جبت مرة من هناك، بس لو زنقت معاكي ومش لاقية ممكن تجيبي سالوبيتات اللي بتبقي عاملة زي الشايات وتلبسيها تحت الفستان عادي خالص.