حبيبة مادو مبروك يا قمر حاجاتك جميلة ما شاء الله
كان فى حد بيسأل من فترة عن البريست بادز بتاعت آفنت .. النوع اللى بيتغسل بـ82 جنيه هم 3 ازواج ومعاهم كيس يتحط فيه فى الغسالة
هم غاليين موت بصراحة بس شكلهم نظيف قوى وعليهم دانتيل وحركات
m@hy;12069493:
مبروك يا كتكوتة عدت سنة على جوازك
انا هحصلك كمان كام يوووووووووووم
ابدا أدوق دودو الاكل من امتة؟
الف مبرووووك ليكى انتى وايمى ربنا يسعد ايامكم كلها :adore:
مش قبل مايتم الشهر الرابع يا ماهى .. ده فى دكاترة بترفض الاكل قبل الشهر السادس ماتستعجليش
ماهى انتى كنتى سألتينى عن العبوة الصغيرة من بامبرز المستورد بتتباع عندى بكام
العبوة الـ27 قطعة بـ34 ونص
والعبوة الكبيرة لما روحت اجيب منها تانى كانت بح طبعا :(
بس انا مش حاسة ان فى فرق بينه وبين المصرى يعنى
hoba555;12072888:
بنات شايات جونيورفاشون بكام اللي هي من 0-3
انا كنت جايبة الشايات اللى هى بلزق دى بس من غير كباسين من تحت كانت بخمسة جنيه الواحدة تقريبا
وفى بقى كت وبكباسين وبكباسين من تحت وشكلها حلو بس مش عارفة بكام عشان كانوا جاينلى هدية
وده شكلهم:
L O L Y;12076347:
بنااات السلام عليكم ورحمة الله وبركاتة انا قريت على شامبو بناات كتير بيتكلموا علية اسمة سانوسات او حاجة كدة هو ياترى بكاام وموجود فى كل الصيدلياات وياترى بكاام وانهى الاحلى هو ولا جونوسون
سانوسان احسن لانه المانى لكن جونسون اللى هنا مصرى وبينشف الشعر
السعر بحاجة وعشرين حسب الحجم
CuTie KaTkOoTa;12076365:
لا بعده يعني تكون عندها 3 شهور وبعدين 5 وبعدين 7
ايمى الدكتور كاتبلى فى ورقة التطعيمات ان الانفلونزا البكتيرية بعد شهرين عادى واربعة وستة و18 شهر .. ده عادى ولا هو لازم الـ3 شهور؟
marioum27;12076421:
ايوه يا كتكوته بس المحلات دي بعيده عليا اوي انا في المهندسين وبروح عند ماما اوقات في الهرم دول المكانين القريبين مني لو تعرفي محلات فيهم قوليلي ربنا يجازيكي خير :lol:(بشحت):D
روحى لفلى بقى
بس فوط الكشط اللى كنت جايباها من هناك كانوا 3 ب25 جنيه بس خامتهم وشكلهم ماعجبونيش قوى بصراحة
N0rma;12076427:
اسفوخس:woo:ماشي اما اشوفك يا ام محمد ع الميل
وليه تستنى اما تشوفى عيالى ماتنكريش انى قمر 14:lol:
ايوا عين العقل انا بردو بسمع كدا
طبعا كلكم كدا نفسكم تعملو باسورد للهنا عشانى :lol::lol:بس انا باجيلكم واله عشان بحب اشوفكم محتاسين كدا فى اول بيبي
ادعولى بئا اودع السينجل واجى معاكم هنا...الدعوه بظهر الغيب مستجابه
وحشانى يا نصيبة :adore:
ربنا يرزقك ابن الحلال اللى يقدرك ويارب تيجى هنا بقى :adore:
L O L Y;12076448:
على فكرة يابنااات ممكن تاكلى البيبى بدرى انا اكلت بنتى على الاربعين بس اديتها معلقتين زبادى خخفتهم بشوية مية دافية وكل يوم كدة بالتدريج ولله الحمد تفبلتة وابن اخويا برضك اكلنا على 45 يوم برضك زى بنتى بس اكلنهاام زباادى بس
بدرى قوى بجددددددددد
دكاترة كتير دلوقتى بيقولوا الاكل على السادس وفى دكاترة بتقول على الرايع لكن الاربعين ده بجد صعب قوووووووى
L O L Y;12076493:
بناات انا غلطة انا وقعت فيها ياريت لاياام اللى انتوا فيها دلوقتى متلبسوش اولادكو حفاض بس الاطفال اللى هما اربع شهور دول طبعا بتبقى عارفة معااد البيبى بتاعة فتقومى جايبة ابوتى ومعادة علية انا للاسف معملتش كدة مع بنتى ومش عارفة اعودها مرات اخويا الناصحة بقى عودت ابنها على البوتىمن عمر اربعى شهوركانت عارفة الميعااد وتمسكة ونسندة ووتقعدة والحمد للهى مقرب على السنة ومبيعملش الا فيها
:thumbs_up::thumbs_up::thumbs_up:
ماما كانت بتقعدنا على البوتى من 3 شهور
وقريبتنا كانت بتقعد ولادها من الاربعين
وبتقعدهم يعنى مش بتسيبهم يقعدوا لوحدهم لا كانت بستندهم وبتبقى شايلة وزنهم كله على ايديها هى مش بتحمل خالص على ظهرهم .. بس بيتعودوا على البوتى من بدرى وده احسن بكتييييييييييييييييييييير
بالمناسبة بقى عايزة اجيب بوتى حلوة كده وبموسيقى وحركات بس ماتبقاش غالية قوى عشان هجيب اتنين :worn_out::worn_out:
manafola;12077823:
السلام عليكم يا احلي امهات الحمد لله علي انضمامي ليكم :03:
بس انا حاسه انكم بتتكلموا عن محلات مش في مصر :047:
ممكن حد يعمل ليست بالمحلات دي عشان انا اول مرة اسمع عنها مش زي محلات الللبس و التجهيزات يعني عشان نفسي كل شهر اشتري حاجه شكل مستنيه ردكم بقي :093:
مبروووووووووووووووووووك الحمل يا مانافولة :adore:
sally2007;12078672:
بصى ياحببتى انا ماما قعدت تتحايل على اختى تاكل ابنها من بداية الرابع واختى وجوزها مسمعوش الكلام واكلت ابنها فى السادس او اخره كده عاوزة اقولك ان الولد عنده سنتين ومعندوش غير السنتين اللى قدام من فوق ومن تحت وده لانه متعودشى ياكل بدرى انما انا ما شاء الله كل اصحاببة وسلفتى وسلفتى التانية اكلوا ولادهم من اول الرابع بسم الله ما شاء الله العيل جه فى الشهر السابع والله كان بيمشى وفى التاسع كانوا مطلعين اسنان ودروس كمان ده لانهم اخدوا لبن وبيض وزبادى بدرى كالسيوم يعنى فساعد على نموهم انما ان ابن اختى وكمان انا عاوزة اقولك انى لما اتولدت مرضعتش من مامتى لان اللبن بتاعها كان نشف وطبعا مرضعتش من حد تانى فكنت باكل مهلبيه جدتى كانت بتتحطن الرز وتعمله مهلبيه وكانوا بياكلوه ليه وده وانا لسه مولوده يعنى انتى تديه ليه اكل من بداية الرابع واكل عادى كمان
بصى الاكل مالوش دعوة باللى انتى بتقوليه ده ده ليه دعوة بالكالسيوم طبعا
هى كانت مفروض تقعد ابنها فى الشمس وتديله فيتامين دال ومفروض كانت توديه للدكتور يشوفه لو عنده نقص كالسيوم يلحقه من بدرى ويديله كالسيوم
انا ليا واحدة صاحبتى مااكلتش بنتها غير من الشهر السادس والله اكبر عليها ربنا يحميهاا البنت طلعت سنان من بدرى عادى ومشيت فى ميعادها وبتحب الاكل وزى الفل .. فى ناس بتقول ان الاكل المتأخر بيأثر على شهية البيبى بس لا ده بيفرق من بيبى للتانى زى مافى ناس كبيرة شهيتها فى الاكل كبيرة وناس تانية لأ
du;12079431:
بقولكم ايه انا جبت حلق دهب للنونه بتاعتى ينفع يخرملها بيه ودنها فى المستشفى ولا لازم الطبى ده ؟؟؟؟؟؟
اه عادى ينفع الدهب نو بروبلم احنا علمنا كده لاختى الصغيرة
وبنتى خرمتلها بحلق طبى بس شلته بعد يومين على طول ولبستها الدهب