تجمع بنات مصر فى ركن العناية بالشعر الجزء16لشهر جمادى الاول 1431

بصو بقى انا فرحى ان شاء الله كمان اسبوعين و شعرى منجهد اجهاد غبى نفسي اعملو حاجات كدة تطريه و تنعشو و تخليه شكلو صحى كدة و خصوصا انى ان شاء الله حعمل صبغة ف عايزة اظبط شعرى عشان يبقى كويس مش عايزة زيوت بس عايزة حاجة جديدة الزيوت بتغذى مش بتطرى مع العلم ان ما ينفعش احط حنة عشان حصبغ ان شاء الله فيدووونى ببرنامج كدة اعملو يظبطلى الدنيا شوية الله يخليكم

بشرى 1981;11986812:
شكرا يا ساره انتي وميادة على الرد
وحبقى اروح اديها لفة كده وربنا يعيني واقدر امسك نفسي ومشتريش
طب الاقي فين توك شيك وشكلها مميز ةتعيش لأني بحط التوك مرتين تلاتة والاستك بيمط وبتبوظ

ومحدش جرب حاجة تتطول الشعر بسرعة

انا جبت امبولات ايفا بالبانثينول وطولت لي شعري بس حاجة بسيطة عايزة حاجة اسرع

بصي عندك زيت ترشوب ده بيطول بسرعه انا مشترياه من تاجرات النت هو زيت تطويل بس مش بيقلل تساقط اوى فا بخلطه مع زيت دابر املا لان دابر املا تطويل بيمنع التساقط الاتنين مع بعض بيطولوا الشعر وبيخلوا الشعر ناعم وزى الزبده وبيقللوا التساقط كمان بس انا بتكلم على دابر املا الاصلى مش المضروب اليه صناعه مصرى

lolagalaxy;11987069:
بصو بقى انا فرحى ان شاء الله كمان اسبوعين و شعرى منجهد اجهاد غبى نفسي اعملو حاجات كدة تطريه و تنعشو و تخليه شكلو صحى كدة و خصوصا انى ان شاء الله حعمل صبغة ف عايزة اظبط شعرى عشان يبقى كويس مش عايزة زيوت بس عايزة حاجة جديدة الزيوت بتغذى مش بتطرى مع العلم ان ما ينفعش احط حنة عشان حصبغ ان شاء الله فيدووونى ببرنامج كدة اعملو يظبطلى الدنيا شوية الله يخليكم

الف مبروك يا لولا يا قمر بصي هقولك علي حاجات بسيطه بس بجد مهمه اوي كل ما تغسلي شعرك اعمليله حمام كريم يعني ما تكسليش عنه ابدا حتي بعد الجواز

ةاعمليله مساج كل يوم قبل ما تنامي باي زيت خفيف بتحبيه البنات هنا بيحبوا زيت الدره بس انا لسه ما جربتوش وممكن تلفيه قبل ما تنامي

وممكن تعمليله ماسك زبادي حلو اوي وبيطري الشعر جدااااااF:

بنات حد جرب دكتوره علا حسام في الميزوثربي او الليزر للوجه؟؟؟؟؟؟؟؟؟؟

جزاكي الله خيرا يا ميادة على متابعتك وانا فعلا بعت اجيب زيت ترشوب ولسه الطلبية حتوصل بعد اسبوع تقريبا وعندي دابر املا الاماراتي كان جايلي من السعودية حبقى اخلطهم مع بعض
بس اعمله حماما زيت ولا ادهن بيه عادي

بشرى 1981;11988819:
جزاكي الله خيرا يا ميادة على متابعتك وانا فعلا بعت اجيب زيت ترشوب ولسه الطلبية حتوصل بعد اسبوع تقريبا وعندي دابر املا الاماراتي كان جايلي من السعودية حبقى اخلطهم مع بعض
بس اعمله حماما زيت ولا ادهن بيه عادي

بس خدى بالك ترشوب اليه في ازازه بلاستك هو اليه حلو اليه هو لونه اخضر
لان فيه نوعين انتى اخلطى شويه صغير ممكن تخلطيهم في غطا ازازه ترشوب
شويه من هنا على شوييه من هنا وهيكفي تدهنى شعرك اهم شئ قبل الاستحمام بكام ساعه تدهنى وتدلكى شعرك بلزيوت اهم شئ تدليك الفروه عشان تجرى الدوره الدمويه
وسبي شعرك شويه انا احيانا بسيبه 3 او 4 ساعات واغسله
وبعد غسل الشعر بدهن في فروه شعرى فقط دابر امرا مسحه خفيفه منه و بحط على فروه الراس بس بعد شعرى ما ينشف خالص وباقي شعرى بحط سيرم
بس الزيت عشان شعرى ميتعبش من كتر الزيوت انا بغسل شعرى مرتين في الاسبوع انا بعد الحمام وبعد شعرى ما ينشف مره ادهن فروه راسي والمره التانيه اليه بغسل فيها شعرى بعد غسسله مدهنش يعن مره ومره بعد غسل الشعر ادهن
لاكن قبل غسل شعرى لازم ادهنه كله واسيبه كام ساعه

Desly;11986855:
السلام عليكم ورحمة الله وبركاته
ازيكوا يا بنات يارب تكونوا بخير
كان عندى سؤال
هو انا لو جبت زيت جدايل بتاع عبد الصمد قرشى وعملت حمام زيت بيه
وبعدين غسلت شغرى وحطيت عليه كريم بالمرز
كده هيبقى كتير واجهاد على الشعر ولا عادى؟؟

ازيك يا جميل منورنا مش اعتقد انه اجهاد يعني هتعملي حمام زيت

راي حمام الزيت بيطري الشعر فحاولي تحطي كميه صغيره من بالمرز علشان مش تحسي انه شعرك ملزق في بعضه

thering;11989370:

ازيكم يابنات انا عاوزه اسألكم عن كريم فرد شعر كويس عشان انا شعري بايظ خالص من ساعت ما عملته صبغه قبل فرحي بيومين كان نفسي اعمل لونه احمر كاتغير فاروحت بيوتي سنتر المفروض انه كبير وشيك وبهدلولي شعري اخر بهدله لدرجة انهم كانوا سيبين صبغه في فروة شعري ولما جيت غسلتوه بعيد عنكم علي اللي شوفته شعري اتحول لكومة ليف خشنه جدا واللون مظهرش خالص المهم انا عماله اعمله حمامات كريم واحط سيروم بجيبه من سمير وليم طري شويه بس انا عاوزه افرده ان شاء الله بعد ولادتي بس انا لاحظت انكم بتتكلموا عن كريم فرد جديد فاياريت بس تعرفوني اجيبه منين ولو عاوزه اعمله في كوافير كويس ويكون مضمون بدل ما روح مكان يضيع شعري خالص وعلي فكره البيوتي سنتر اللي روحته ده وشعري باظ فيه وهو اسمه مولي اللي في عباس العقاد وبجد حسبي الله ونعم الوكيل فيهم

معلش يا قمر ان شاء الله شعرك يرجع زي الاول

كريم الفرد اللي قالوا عليه اسمه سوفت اند بيوتيفل اللي جربته هي انوش

وكان فيه كلام مفصل عنه في جزء اللي فات وان شاء الله انوش ترد عليكي وتقولك التفاصيل اكتر

ده باقى الموضوع اللى بداته يا قمرات


























وانا افضل مستحضر الصيدليه عن تجربة شخصيه لسهولة الاستعمال

































12- استرخاء لعضلات الرقبه



















7- أخيرا ضمي شعرك وارفعيه لأعلى في اتجاه أحد الجانبين مع إمساكه بكلتا اليدين ثم قومي بلم الشعر مع الشد لأعلى بخفه حتى تشعري بحدوث شد بفروة الرأس وكرري ذلك بجعل الشعر متجها للجانب الآخر

اتمنى تكونوا استفدتم

ودى مجموعة اسئلة للدكتورة وهى جاوبت عليها

شعري بيقع كتير وانا بسرحه بالمشط الخشب؟؟؟[FONT=Times New Roman]
التسريح برفق جدا جدا جدا ومرة واحده في اليوم لكن المرتين التانيين تسريح عادي

بانتوجار بيزود شعر الجسم؟؟
انا دخلت الموقع بتاعه ومكتوب انه مش بياثر على شعر الجسم
هو مجرد فيتامينات بس بيكمل اللي احنا مش بناخده في اكلنا العادي

شامبو لونا بالبانثينول؟؟
اختياري وغالبا بينشف شوية علشان من غير بلسم محتاج بلسم بعده او حمام كريم

لوسيون دورين؟؟
هتقصوا طرف المبسم بتاعه مت فوق اوي علشان ما يزلش كتير وانتوا بتستعملوه

المشاط؟؟والقطونة؟؟
هعملكم حلقه كامله عنه

كبسولات فيتازنك؟؟
كويسه جدا

شعري هايش من تحت بس؟؟؟
ده التقصيف بغيته لازم يتقص والا هيزحف على شعرك كله
لان الشعره بتكون ضعيفه وممكن مقسومه فبيمتد للشعرة لاخرها الضعف والانقسام


الحلقة السابعه[FONT=Times New Roman]

الانيميا

طبعا فيكم حلل وفيكم كان محلل

وفيكم بيخاف يحلل

والنتائج متفاوتة جدا

عايزة اقولكم بعض اعراض الانيميا علشان اللي محللوش او خايفين يحللوا
مع ان الصح كلنا نحلل
علشان نحلل تاني كمان 3 شهور ونشوف اتعالجنا ولا لا

بس انا بعمل اللي عليا وانتم احرار؟؟
انا غلبت فيكم

من اعراض الانيميا الاحساس بالتعب والارهاق والخمول

شحوب الوجه وزي ما قلتلك الشفايف فاتحه والجفن السفلي من جوة العين فاتح

خفقان في القلب

سرعة التنفس خاصة بعد اي مجهود

واحيانا تنميل في الاطراف



اهم شيء لعلاج الانيميا الاكل قبل تناول اقراص الحديد

الاطعمه الغنيه بالحديد وحمض الفوليك

اللحوم والبيض والاسماك
كورن فلكس غنيه بالحديد
الخضروات الورقيه : الجرجير والسبانخ والخس والبقدونس
الفول السوداني وزبده الفول السوداني
المشمش والتين المجفف
الفول والعدس واللوبيا والبسله والفاصوليا

الاطعمه الغنيه بفيتامين C اللي بيساعد على امتصاص الحديد

الفراولة المانجو الكيوي
البرتقال اليوسفي الليمون
الطماطم الفلفل الخضر والاحمر























بس بتحسن الصحه والبشرة كمان بس اللي هيحس ان الميزانيه خرمت اهم حاجه الحديد





[/FONT][/FONT][/FONT][/FONT]

شبه الحنه












































ووطبعا هو بيكون لزج جدا

النتيجه

شرب الماء

الإكثار من شرب الماء يؤدي إلى:



·انتفاخ البطن.
·الشعور بالثقل.
·كثرة الغازات.
·يؤدي إلى تمدد مصل الدم، ويباعد بين الأنسجة والحجيرات ويجعلها تبطئ القيام بعملها.
·في حالات نادرة يؤدي إلى تسمم الماء .

يا رب الموضوع يكون مفيد ولو فيه حد شايف انه استفاد منه

يدعيلى شعرى يرجع زى الاول يااااااااااااااااااااااااااااااااااارب

baata;11984016:

ممكن اعرف المقادير بالضبط و ياريت برده تقوليلي اسعار كل حاجه ولو ينفع بدر زيت الزيتون زيت تاني ؟

و السدر ده اجيبه منين؟

اعملى الكمية اللى تحسى انها هتكفى شعرك حسب كثافته وطوله يعنى

انا بعمل 3او 4 معالق حنة وبيضة وعلبة زبادى والسوائل بقى على حسب قوام الحنة

والحنة من عند اى عطار الربع كيلو ب3جنيه انا جايبة نص كيلو وهو كتير

والسدر برضه من عند اى عطار بس مش فاكرة بكام اصلى جايباه من زمان

وجبته ورق كده وطحنته مع الحنة عشان اخلطهم ببعض


وبس يا جميلF:

http://forums.3roos.com/showthread.php?t=532541

ماشاء الله عليكي يا قلب امي انا شوفت الموضوع في مكان تاني بس مش جالي صبر اقراه كله وتستاهلي احلي تقييم
بنات حد جرب قبل كده حمام كريم اسمه موشن وا حد جرب شامبو دوف لونه اورانج كده انا جبته من فتح الله بس لسه مش جربته ربنا يستر

D0Nya;11983687:
بصي يا بطوط زي ما قلنا قبل كده

بتجيبي نوع حنه وتخلطيه مع 2 بيضه + 2 زبادي + نص كوب زيت زتون + معلقيتين زيت ذره +
ربع كوب مايه غلي بصل وتوم ( ودي تعمليها ازاي تجيبي بصلايه وتقطعيها اربع تربع و10 فصوص توم وتحطيهم في مايه وتغليهم ) وممكن تحطي نقطتين خل تفاح لوعندك قشره
وعصير جرجير علشان تعجني بيه كل اما العجينه تحتاج لحد اما تبقي متاجنسه مع بعضها
وبعد ما تعجنيها هتسبيها شويه صغيره تكوني فالوقت دا بتقسمي شعرك خصل وتاخدي كل خصله تسرحيها وتدهني الحنة من اول فروة الراس لاخر الشعر وهكذا لحد ما تخلصي شعرك كله
وبعدين ترفعي شعرك بكليبس وتلفيه بكيس بلاستيك وفوقه بونيه الحمام واخيرا ايشارب خفيف او مخرم وتربطيه عالهوا وتسبيها 4-6 ساعات
ولما تيجي تغسلي شعرك مش تستخدمي الشامبو نهائي الا بعد ما الحنة وكل الخلطة تنزل من شعرك فا انتي تنضفي شعرك بالمايه وبس لحد ما ينضف وبعدين تستخدمي الشامبو مره واحده عادي وبعده حمام كريم وبلسم

بس الحنه مش بتتساب شويه صغيره بعد ما تجهزيها يا جميل
انتي لازم تسيبيها 12 ساعه وبعد كده تحطيها علي شعرك F:

lolagalaxy;11987069:
بصو بقى انا فرحى ان شاء الله كمان اسبوعين و شعرى منجهد اجهاد غبى نفسي اعملو حاجات كدة تطريه و تنعشو و تخليه شكلو صحى كدة و خصوصا انى ان شاء الله حعمل صبغة ف عايزة اظبط شعرى عشان يبقى كويس مش عايزة زيوت بس عايزة حاجة جديدة الزيوت بتغذى مش بتطرى مع العلم ان ما ينفعش احط حنة عشان حصبغ ان شاء الله فيدووونى ببرنامج كدة اعملو يظبطلى الدنيا شوية الله يخليكم

بس انت جيتي متأخر اوي يا لولا بس ان شاء الله شعرك هيكون حلو موووووووووت
جربي الماسكات اللي فيها ذبده انا لما شوفت البنات بيتكلمو عنها هنا في الاول قلت اكيد دول مجانين :|
بس لما جربتها بجد عامله زي السحر ومن اول مره هتحسي شعرك ناعم وطري وبيلمع وصحته حلو اوي
البنات قالو تسيحي الذبده وبعد ما تدفي تحطي عليها شويه زيوت من عندك وتحطيها علي شعرك ساعتين
انا عمت كده بس زودت بيض وذبادي وعسل نحل وميه بصل وتوم
انتي اختاري اي حاجه وجربي كده اعمليها مرتين في الاسبوع ان شاء الله شعرك يتحسن ويكون جميل

أنوش;11906211:
انا بئالي 3 شهور وشوية دلوقت مجربة سوفت اند بيوتيفل
ونتايجة حلوة شغالة معايا زي الفل بل الحمدلله صحة شعري بقت افضل كتيييير ماشاءالله لان بقيت بهتم بيه جدا عن الأول :083:

D0Nya;11911224:
انوش عاوزه اسألك علي
استخدام سوفت اند بيوتفول
حد قالي ان استخدامه صعب اول مره ولازم تروحي لحد يعملهولك ؟؟
صح ولا انتي عملتيه لوحدك
وطريقته ايه
وفي منه نوعين
اجيب انهي واحد ؟؟

انوش من فضلك جاوبيني على سؤالي بسرعه الله يكرمك...
انا فرحي كمان 58 يوم بالظبط ....شعري خصلته ناعمه وطويل لكن هايش وكان خفيف وبفضل ربنا ثم الاهتمام بحمامات الكريم وحمامات الزيت تقل شويه....ياترى لو عملت فرد سوفت اند بيوتفيل ده حيعالج موضوع الهيشان؟؟؟
طيب لو عملته النهارده مثلا او ماتجاوبيني , اعمله تاني امتى؟؟؟ ولا هو بيجيب نتيجه من اول مره؟؟؟
وعايزه كل تفاصيل الاستخدام من اول ماجيبتيه لحد ماخلصتي تماما الله يكرمك للان موضوع الشعر ده مشكله والتجربه فيه بتودي في داهيه وانا مش بسمع اي كلمه تتقالي من اي حد واجري وراها ....لكن انا فعلا من كتر مادخل على المنتدى وبشوف ردودك بامانه بقيت بثق فيكي جدااااااااااا :L:F: لو قولتيلي روحي ارمي نفسك في البحر حاروح جري:) مستنيه ردك في اسرع وقت

دعوة للتفاؤل;11989688:
ازيك يا جميل منورنا مش اعتقد انه اجهاد يعني هتعملي حمام زيت

راي حمام الزيت بيطري الشعر فحاولي تحطي كميه صغيره من بالمرز علشان مش تحسي انه شعرك ملزق في بعضه

شكرا يا جميل على الرد
طيب يا بنات انا متردده فى حاجه جداااا
انا فعلا محتاجه شعرى يطوووووووول
ومش عارفه اعمل ايه
قولت اشترى زيت جدايل بتاع تطويل الشعر من عبد الصمد القرشى
بعدين لقيتكوا بتتكلموا عن الحنه
وخلطات فيها بيض وزبادى
وانا اصلا شعرى دهنى
وبصراحه خاييييفه جدا من الخلطات دى تبوظ شعرى او الحنة تخلى شعرى يطقطق بسرعه لان اصلا الطقطقه دى وراثه عندنا فى العيله
فما ينفعش انى اصبغ شعرى او استخدمله حنه عشان مش يطقطق
رأيكوا اعمل ايييييييه
هااا دلونى
اجيب زيت جدايل وهل حد جربه هنا؟او سمع عن حد جربه؟ وهل نتيجته مضمونه؟
ولا اعمل الخلطات اللى بتقولوا عليها ولا ايه
نفسي شعرى يطول يا ناااس:badly:

دعوة للتفاؤل;11991839:
ماشاء الله عليكي يا قلب امي انا شوفت الموضوع في مكان تاني بس مش جالي صبر اقراه كله وتستاهلي احلي تقييم
بنات حد جرب قبل كده حمام كريم اسمه موشن وا حد جرب شامبو دوف لونه اورانج كده انا جبته من فتح الله بس لسه مش جربته ربنا يستر

جربي الشامبوه ياقمر وقولي لينا انا اصلي شفت السيرم وكنت عايزه اجيبه بس لسه عندي سيرم في البيت كتيرر ومش بستخدمه الا في السشوار لان انا لو حطيته بس لوحده علي شعري من غير اي حاجه بينشف شعري اووووي اي سيرم بيعمل معايا كده

قلب امي

ماشاء الله عليكي يا قمر
تسلملنا
نصائح مفيده جداااااااااا

سؤال
ازاي اعمل ماسك الزبادي للشعر ؟؟؟