شهرذاد2000;12075912:
انوش ياقمر
عايزه اسألك سؤال انا رحت الكوافير عملت فرد ايطالى وطبعا مش تسألينى نوعه ايه لانى معرفش هى قالت لى فرد ايطالى وخلاص المهم عاملته ومن يوم ما عملته وشعرى فى النازل وقربت ابقى قرعه خلاص مع انى الاول كنت بقص شعرى لان ايدى كانت بتوجعنى من التسريح فيه وكان فرحى الشهر ده فقولت افرده احسن من السشوار والكلام ده لانه كان بيهيش ودلوقتى مش عارفه اعمل ايه حسه على الفرح مش هيكون فيه شعر ورحت للدكتور وكاتب لى على علاج ب600ج لكن شعرى مازل بيقع ولما قولتله قالى ان ده الشعر الضعيف ولازم يقع ومش عارفه اعمل ايه دلوقتى عندك حل
حبيبتي بغض النظر عن الكارثة بتاعة الكوافيرة دي لان واضح ان الفرد لا كان ايطالي ولا صومالي حتى بس انتي عليكي تهتمي كويس بشعرك
كلام الدكتور صح طبعااا لان عايزة اقولك ان عمر الشعراية بيختلف من انسان للتاني فا مثلا تلاقي واحده ماشاءالله شعرها طويل واحده تانية اخر شعرها يجيب كتفها او اول الضهر ويقف على النمو دا .. النظرية هنا في عمر الشعر مبدئيا كل البشر اللي خلقها ربنا شعرهم بيتبدل بيقع القديم وبينمو جديد ودا بيحصل لكله وعشان كده طبيعي تلاقي شعر بيقع منك حتى لو شعرك صحي 100% .. نيجي بئه لحته عمر الشعر دي في ناس بيكون عمر الشعر عندهم طويل يعني الشعرايه تعدلها مثلا 100 يوم على ما تقع وتتبدل فا خلال ال 100 يوم دول بيكون ادامها وقت كافي تطول فيه فا تلاقي الشعر طويل ومش بيقع في التسريح دا لان عمرها طويل اما بئه في ناس تانية يتراوح عمر الشعر عندهم ل 20 يوم مثلا فا الشعر مش بيلحق يطول دا غير انه سرعة تبديل الشعر يبين انه تساقط في حين انه طبيعة الجسم هي اللي كده بتقع شعرايه عشان تنمو واحده جديدة في الحالات دي مش ينفع تدخلي في طبيعتك لان مش هتلاقي منتج يطول عمر شعرك بدل ما يتبدل في 20 يوم يتبدل في 50
امته بئه تتدخلي لما يكون تساقط الشعر دا مرض ليه سبب زي سوء تغذية او توتر او انك عملتيله حاجة غلط
في حالتك انتي انا مش عارفة هل التساقط دا كان فالاول كده ولا هو زاد معدله بسبب الفرد
بس بشكل عام انتي مش تقلقي منه لان زي ما قالك الدكتور دا شعر ضعيف بيقع عشان البصيله تطلع شعر جديد اقوى بس عليكي بئه تهتمي بالتغذيه عشان الشعر الجديد دا يكون قوي ومتأسس صح
متزعليش لما تلاقي شعر بيقع وانتي بتسرحي قولي لنفسك مش مهم ماهو بيقع عشان بيطلع غيره احسن منه وشكله افضل
بس عليكي بئه تعملي حمامات زيت وماسكات زي الحنة و المشاط وابعدي تماما عن اي فرد سيبي شعرك يرجعله صحته براحتة مش تستعجلي عليه لان النتايج مش هتبان في يوم وليلة دي عايزة صبر لان انا كنت زيك كده بعد ما عملت بكريم جلات اتدمر وبئه يقع بالخصل وانا بسرحة او بغسلة شوفت الويل ايام ربنا ما يعودها اعدت حوالي سنة ونص مهتمية بيه ومش بعمله اي فرد نهائي لحد ما الحمدلله رب العالمين رجع تاني كويس وبئه طويل
معلش طولت عليكي بس حبيت اقولك كل اللي اعرفة
واي سؤال اسالي براحتك :DF:
باربي 15;12073227:
انا عارفه والله يا مشمش ان الشامبوهات بالذات لازم نجرب
بس انا جربتك قبل كده كتير هههههههههههه كل ما تقولي علي حاجه حلوه بجربها بتطلع حلوه مووووووووووت معايا انا كمان شكلك كده شعرك ابن عم شعري
وطبعااااااااااااااااا البلسم تحفه ويجنن وعجبني موووووووووت وريحته كميله اوي وعجب اختي موت موت موت كمان علشان هي شعرها دايما بيتشابك وبيغلبها وهي بتسرحه بس اول ما تحط البلسم شعرها بيتسرح علي طول . بجد ميرسي كتير ليكي اوي اوي يا حبي علشان قولتيلي انه حلو وعلشان جبتيهولي بالمره :adore::K:
ههههههههههههههههه
ايه البوسة الجامده دي على رأي الصعيد بيقولو شحط محط :lol:
تسلميلي ياقمر والحمدلله انه عجبك عارفة بجد حجات الشعر لما بقول رأيي فيها بكون حاطة ايدي على قلبي لان ممكن مش تناسب حد ويدعي عليا ههههههههه
بس الحمدلله طلع حلو معاكي ومع اخواتك انا لسه غاسلة شعري النهاردة وحاطة منه ولفاه وعجبني جدا جدا كويس ان جبتلي كذا علبة اهو يبقى للزمن بردو :DF: