لمة الليبيات لشهر جمادي الاول 1431 ه ....

روح الوليد;11978332:
جويل اللمة وينك


نبي استشارة على شعري في العرس
نبي ندير هاى لايت انت شن تقولي هنو

عروسة ليبيا;11978694:

ياهنو

توه رجعت للقصه صرراحه قلبي اطبق وجعتني ولله الحمد كل الاحوال

مهممممممممممممممممم يا بنات ليبيا كلكم اقرو

مفروض هالكلام من وجع عليها وحسره

مانقوله الله وماكتب عليها

لكن حبيباتي ياريت نتعاونو

نحنا مشاء الله قروب كبير الي تبي تشارك مرحب بيها

ليش يكون كلام وبس

مثلا في اطباء من المعارف والاقارب

بالله يا بنات الي بوها ليه مسؤليه متلا او منصب او ف مقر طبي

او تعرف طبيب كبيررررررررررر

خلاص نتعاونو ونتفاعلو

معاها

وزي ماتعرفو نحن ليبيات صعب المرا اتاجر حوش بروحهاا وهي لاصغار ولا محرم معاها

ممكن نساعدوها يا بناااات اننا نشوفولها شغل محترم

اااكثر راحه من النظافه وشغل ارفع ليها معنويا ونفسيا

ووورااااااااااااااح تنعكس علا علاجها

مثلا في مدرسه خاصه من معارفنا

اتشد حضانه الاطفال مرا زي اهيا بتكون قمه الحنان

اني مجربه من من ميحطي حد عزيز مرض وين النفسيه دمرت رجع المرض والله يرحمها خسرنها

علا ش يرجع المرض بالعامل النفسي

هيا حتي قدام ناس شغلت التنظيف تنظف ف وسخ الناس وفضلتهم

علاش مايردلها المرض وهيا تحت هالمعامله من مرت خوها

ونظرات الشفقه من الناس

الا عامله نظافه ولت هلبا ليبيات الله غالب مضطرات يخدموو هالخدمه

عشان ياكلو ويشربو

تي هاااااااااااااادي توا عرفوها ليبين قبل زمااااااان ماعمره ليبي احتااااااااااااج برغم كانو ف خيم

بس شباعه ومستورين

خل نتفاعلو يا بنات شاطت فيا النار اني

يعني والله هلبا فينا موظفات واهلهم حالتهم باهي

وف الي وظيفته قويه

خصوصا عرب بنغازي الي يلاها

وعرب طربلس ممكن يعونو بعلاج ولا بحق الدواء

والي يحب يسال من حيث مصداقيه المرا

نقوله ينوي الخير والاجر يوصل ولو كان صاحب الحاجه كاذب ولا نصاب ف الاجر باذن الله مضاعف

اجر العطوة واجر حسن النيه

بالله يا بنات الي تحب تتفاعل معاي تتواصل وعندي هلبا افكار

وحلقه الوصل هنو واني نخبر حتي امي

بالك ندورو كلنا طبيب كبير يهتم بي حالتها اهتمام خاصصصصصصصصصصص

ووولا طبيبه

يا هنو وين عالجت هي قبل ولا من دكتورها

ويا بنات الي ليهم معارف او وسطى ف بنغازي او مدارس خاصه او اهلكم او اصحابكن عندهم مشاريع


اتحاول ادورلها شغل محترم واريح

راهو تكسبو اجرها وتكون ليكم صدقه جاريه طول ما هالمراه تخدم وتتحرك ف مكان نظيف

غير شغل عامله النظافه الي حتي ريحت مواد التنظيف واخذه فيها حصصصصصصصصصصصصه

في العلاج في حتي


منتجات ممتازه وتساعد العلاج الطبي من زين الاتات نقدرو نتشاركو حقهااااااا

حتي 15 15 ولا 20 20 حسب قدرت كل حد

ااااااااه وخلاص شكوتنا لربي سبحانه

نحنا لازم نكونو ايجابيين ومش نعيشو اليوم بيومه وخلاص

مفروض نوقفو لي بعض راهو لينا دور مهم
احنا ف كل ما يصير حولنا ولازم يكون ف ايجابيه نحنا دم واحد وووشعبنا طيب عايش بفطرته

مش متعود بالجوع ولا بشر لكن الواحد شن بيقول

ربي يفرج كربنا وكرب بلادي وناسها يارب

وعوض صبر كل صابر خير وفرج يارب

في عشي;11978789:

هنو الدلوعة يعني المراة المريضة ماتقدرش ادير العملية في المستشفيات العامة لازم في العيادات الخاصة خليها تصدق ولو بي دينار بنية الشفاء
ولو انالعملية في العيادت الخاصة كم تكلف ياريت تسئلي...
اسأل الله العظيم رب العرش العظيم ان يشفيها
اللهم اشفيها وعافيها والبسها ثوب الصحه والعافيه
اللهم من عليها بشفاء لايغادره سقما
اللهم إنا نسألك بأسمائك الحسنى وصفاتك العلى وبأسمك الأعظم الذي اذا دعيت به اجبت ان تشفيها عاجلا غير اجلا
قولو امين

نص السنة عَن أَبي الدَّردَاءِ رَضِي اللَّه عنْهُ أَنَّهُ سمِعَ رَسُولَ اللَّهِ صَلّى اللهُ عَلَيْهِ وسَلَّم يَقُولُ : (دَعْوةُ المرءِ المُسْلِمِ لأَخيهِ بِظَهْرِ الغَيْبِ مُسْتَجَابةٌ ، عِنْد رأْسِهِ ملَكٌ مُوكَّلٌ كلَّمَا دعا لأَخِيهِ بخيرٍ قَال المَلَكُ المُوكَّلُ بِهِ : آمِينَ ، ولَكَ بمِثْلٍ) رواه مسلم

في عشي;11978832:

تسلمي ويسلمن افكارك ياعروسة وان شاء الله ايكون فية تفاعل وتوا انحاول نسال على دكاترة في ليبيا اذا كانو موجودين وما تغربوش

وياريت اتبلغيني باي شئ تقرروه علشان انشارك....